خەلق تورى ئۇيغۇرچە قانىلىنىڭ 23-مارت بېيجىڭدىن بەرگەن تېلېگراممىسى: ئامېرىكا گۇگېل شىركىتىنىڭ باش شىركىتى «ئالفاۋىت» 21-چېسلا، كۇبانى ئالاقە تورىغا ئۇلاش مۇلازىمىتى بىلەن تەمىنلىشى مۇمكىنلىكىنى، بىراق بۇ ئىشنىڭ تېخى دەسلەپكى باسقۇچتا تۇرۇۋاتقانلىقىنى بىلدۈردى. كۇبادا زىيارەتتە بولۇۋاتقان ئامېرىكا زۇڭتۇڭى ئوباما ئالدىنقى كۈنى ئاخبارات ۋاستىلىرىغا بۇ پىلاننى ئاشكارىلىدى.«ئالفاۋىت» 

قارىمىقىدىكى «گۇگېل ئۇلاش» تارماقلىرىنىڭ كۇبا ئىشلىرى مەسئۇلى بۇلېت پېرمۇت شۇ كۈنى ئورگان بىلوگىدا، ئۆزلىرىنىڭ ھازىر كۇبادا قانات يايدۇرۇۋاتقان پائالىيىتىنى تونۇشتۇردى. «گۇگېل ئۇلاش» گۇرۇپپپىسى كۇبادىكى بىر مۇزېي بىلەن ھەمكارلىشىپ، گۇگېل مەۋھۇم رېئاللىق كۆزەينىكى، يان كومپيۇتېر قاتارلىق ئەڭ يېڭى مەھسۇلاتلىرىنى جامائەتكە نامايان قىلدى. بۇ مەھسۇلاتلار شۇ جايدىكى بىر تور مۇلازىمەت شىركىتىنىڭ ئەسلىھەلىرى ئارقىلىق ئىنتېرنېت تورىغا ئۇلىنىپ، ئالاقە تورىغا ئۇلىنىش مۇلازىمىتى يوق كۇبا خەلقىنى تور بەت كۆرۈش، ئۇچۇر ئىزدەش ئىمكانىيىتىگە ئىگە قىلىدۇ.

　　مەنبە: خەلق تورى