‹‹ئەنگلىيە ھەركۈنلۈك پوچتا گېزىتى››نىڭ 4-ئاينىڭ22-كۈندىكى خەۋرىگە ئاساسلانغاندا، ئامرىكا يېڭى جېرسىي شىتاتىدىن كەلگەن ئەر بۇرۇس ۋېليام زاكنىنو 16يىل ۋاقىت سەرىپ قىلىپ قولدا دۇنيادىكى ئەڭ چوڭ تۆمۈر يول مودېلىنى ياساپ چىققان.

خەۋەر قىلنىشىچە، ئەگرى-بۈگرى ئۇزۇنلىقى 9 ئىنگىلىزمېلغا (تەخمىنەن 15 كىلومىتىر )يېتىدىغان تۆمۈر يول رېلىسىتىن باشقا مودېل يەنە 100 دانە پويىز ، 400 كۆۋرۈك،3000 مىكرو تىپلىق قۇرلۇش بىناسى، 50000تۈپ دەرەخ،50000كۇچا ھەم تاغ جىلغىسى ئارسىدىكى ئۇزۇنلىقى بىر مىتىرغا سوزۇلغان چوڭ كۆۋرۈكنى ئۆز ئىچىگە ئالدىكەن. زاكنىنونىڭ بۇ ئادەتتىن تاشقىرى مودېلىغا ‹‹نورسلەندىز››دەپ ئىسىم قۇيۇلغان

زاكنىنو كىچىكىدىن تارتىپلا تۆمۈر يول مودېلىغا ئامراق بۇلۇپ، دەسلىپىدە ئۇ يەر ئاستى ئۆيىدە بۇ قۇرلۇشنى  باشلىغاندا ئايالى جېن يېنىدا ھەمدەم بۇلۇپ ياردەملەشكەن. 1997-يىلى يەر ئاستى ئۆينىڭ ئىچكى قىسمىنىڭ قۇرلۇشى  تاماملانغان. شۇ يەرلىك ئامما بۇ ئاجايىپ مەنزىرىنى تاماشا قىلىش پۇرسىتىگە ئېرىشكەن. 

زاكننونىڭ دىيشىچە:‹‹مودېلدىكى نۇرغۇن مەنزىرلەرنىڭ ھەممىسى دۇنيانىڭ ھەر قايسى جايلىردىكى داڭلىق ۋەكىل خاراكتىرگە ئىگە مەنزىرە ۋە قۇرلۇشلارغا تەقلىد قىلىپ ياسالغان ئىكەن، مەسلەن، شىۋىتسارىيەنىڭ كەنىتلىرى ۋە چوڭ شەھەرلەر قاتارلىقلار. بۇندىن باشقا ئارىسىدا بەزىبىر مەنزىرىلەر ئامرىكا تۆمۈر يول  تارىخنى قايتا نامايەن قىلىپ بەرگەن.

زاكنىنو زىيارەتنى قۇبۇل قىلغاندا بىلدۈرۈپ،  بۇ دۇنيادىكى ئەڭ چوڭ تۆمۈر يول مودېلنى ياساش ئۈچۈن ئۇ ‹‹ئاساسەن دىگۈدەك ھەركۈنى 18 سائەتتىن 19 سائەتكىچە ،ھەر ھەپتە يەتتە كۈن، يىل بۇيى دەم ئالمىغان››.مودېل ياسىلىپ پۈتكەندىن كىيىن نامىغا ھەۋەس قىلىپ كەلگەن ساياھەتچىلەر كۈنسىرى كۆپەيگەن، نۇرغۇن كىشىلەر بۇ ئادەمنى ھەيران قالدۇردىغان ئەسەرنى ‹‹دۇنيادىكى ئاجايىپ كۆرۈنۈش››دەپ تەرىپلەشكەن.

دۇنيا جىنىس رېكورتىغا تىزىملاش ئورنى زاكنىنونىڭ ئەسرىنى ئوخشاش تىپتىكى ئەسەرلەر ئىچىدە ئەڭ چوڭى  قىلىپ تىزىمغا ئالغان.