خەلقئارا لىنىيەسى خەۋىرى | لەگلەك تورى تەرجىمىسى: شىنخۇا ئاگېنىتلىقىنىڭ ئاخباراتىغا ئاساسلانغاندا، جۇڭگو تىجارەتنى ئىلگىرى سۈرۈش جەمئىيىتىنىڭ مۇئاۋىن باشلىقى يۈ پىڭ 30 – چىسلا بايانات ئىلان قىلىپ: دۆلەت رەئىسى شى جىنپىڭنىڭ 2014 – يىلى 11 – ئاينىڭ 9 – كۈنى ئۆتكۈزىلىدىغان ياۋروپا – تىنچ ئوكيان ئىقتىسادىي تەشكىلاتلار باشلىقلىرى ئۇچرىشىشى(APEC) نىڭ باشلىنىش مۇراسىمىغا قاتنىشىىپ، مۇھىم سۆز قىلىدىغانلىقىنى بىلدۈرگەن.

يۈ پىڭنىڭ تونۇشتۇرىشىچە، نۆۋەتتە يېغىن تەشكىلىي كومتېتى ئاكتىپلىق بىلەن باشقا 20 ئىقتىسادىي گەۋدە باشلىقلىرىنى تەكلىپ يېغىنغا چىللىماقتا ئىكەن. ھازىرغىچە، ئامېرىكا، يېڭى زىلاندىيە، چىلى، پېرۇ، ھىندۇنۇزىيە، ۋېيتنام، شىياڭگاڭ قاتارلىق دۆلەت ۋا رايۇنلاردىن كەلگەن كۆپلىگەن ئىقتىسادىي گەۋدە باشلىقلىرىنىڭ يېغىنغا قاتنىشىدىغانلىقى جەزىملەشتۈرۈلگەن. باشقا ئىقتىسادىي گەۋدە باشلىقلىرى ياكى ۋەكىللىرنىڭ يېغىنغا قاتنىشىش – قاتناشماسلىقى تېخىمۇ ئىلگىرلىگەن ھالدا جەزىملەشتۈرۈلىۋاتقان بولۇپ، تەشكىلىي كومتىتى مۇۋاپىق ۋاقىتتا مۇناسىۋەتلىك ئۇچۇرلارنى ئاشكارىلايدىكەن.

يۈ پىڭ يەنە مۇنۇلارنى بىلدۈرگەن: بۇ يىلقى APEC باشلىقلىرى يېغىنىنىڭ ئاساسىي تىمىسى"ئاسىيا – تىنچ ئوكيان يېڭى ئارزۇسى: يېڭىلىق يارىتىش، ئۆزئارا تۇتاشتۇرۇش، بېرىكىش، گۈللىنىش" تىن ئىبارەت. جەمئىي 130 غا يىقىن دۇنيادىكى 500 چوڭ كارخانا باشلىقلىرى بۇ يېغىنغا قاتنىشىدۇ. بۇ يىلىقى APEC سودا – سانائەت باشلىقلىرى يېىغىنىغا تىزىمغا ئالدۇرۇش مۇۋەپپىقىيەتلىك ئاياغلاشقان بولۇپ، نۆۋەتتە جەمئىي 1200 دىن ئارتۇق دۆلەت ئىچى سىرتىدىكى كارخانا ۋە ئورگانلار تىزىمغا ئالدۇرۇشنى تاماملىغان. تىزىمغا ئالدۇرغان ۋەكىللەر 1500 بولۇپ، ئايرىم ھالدا APEC غا ئەزا 21 ئىقتىسادىي گەۋدە ۋە باشقا 16 دۆلەت ۋە رايۇنلارنىڭ ياسىمىچىلىق، پۇل مۇئامىلە، سودا ئىشلىرى مۇلازىمىتى، كانچىلىق ۋە ئۇچۇر تېخنىكا قاتارلىق 20 دىن ئارتۇق ساھەسىدىن كەلگەن ۋەكىللەرنى ئۆز ئىچىگە ئالىدىكەن. يېغىندا 9 چوڭ تىما مۇنازىرە قىلىنىدىغان بولۇپ، تىمىلار نۆۋەتتىكى دۇنيا ئىقتىسادىي تەرەققىيات ئەھۋالى ۋە ئاسىيا – تىنچ ئوكيان ئىقتىسادىي ھەمكارلىق جەھەتتىكى كۆپلىگەن قىزىق نوقتا مەسىلىلىرىنى ئۆز ئىچىگە ئالىدىغان بولۇپ، ئاسىيا – تىنچ ئوكيان رايۇنىنىڭ ئىقتىسادىي ھەمكارلىق جەھەتتىكى مۇھىم ھالقىلىرىنى بىرقەدەر تولۇق ئەكىس ئەتتۈرگەن.

بۇنىڭدىن باشقا، APEC باشلىقلىرى ۋە سودا – سانائەت مەسىلھەت كېڭىشى (ABAC) ۋەكىللىرى سۆھبىتى 11- ئاينىڭ 10 – كۈنى چۈشتىن كېيىن ئۆتكۈزىلىدۇ.