12-ئاينىڭ 21-كۈنى ئالدىنقى ھەپتە ئامېرىكا فېدېراتسىيە زاپاس پۇل كومىتېتى  25 ئاساسىي نۇقتا ئۆسۈم ئۆستۈرۈشنى قارار قىلغاندىن كېيىن، بازارنىڭ ئامېرىكا فېدېراتسىيە زاپاس پۇل كومىتېتىنىڭ ئۆسۈم ئۆستۈرۈشىگە بولغان قىزغىنلىقى بارغانسېرى تۆۋەنلىدى، ئەكسىچە بازار يەنە ئامېرىكا فېدېراتسىيە زاپاس پۇل كومىتېتى رېشاتكا دىئاگراممىسىدا چىقارغان كېلەر يىلى ئۆسۈم ئۆستۈرۈش ئەھۋالىغا قارىتا گۇمانىنى ئوتتۇرىغا قويدى، نۇرغۇن تەھلىلەردە مۇنداق دېيىلدى: ئامېرىكا فېدېراتسىيە زاپاس پۇل كومىتېتىنىڭ كېلەر يىلى تۆت قېتىم، ھەر قېتىمدا 25 ئاساسىي نۇقتا ئۆسۈم قوشۇشى تەس، يەنى ئۆسۈم ئۆستۈرۈش قەدىمى پىلانغا سېلىشتۇرغاندا ئاستا، بۇ خىل مۆلچەر دوللارغا بېسىم ئېلىپ كېلىپ دوللار قايتىدىن تۆۋەنلىدى. ئالتۇن بازىرىدا، بۇندىن بۇرۇن ئالتۇن باھاسىغا بېسىم ئېلىپ كەلگەن ئاساسلىق  ئامېرىكا فېدېراتسىيە زاپاس پۇل كومىتېتىنىڭ ئۆسۈم قوشۇش مۆلچەرى ئاللىقاچان سۇسلاشقان بولغاچقا، دوللارنىڭ تۆۋەنلىشى ئارقا كۆرۈنۈش ئاستىدا ئالتۇن باھاسى زور دەرىجىدە يۇقىرى ئۆرلەپ بىر كۈن ئىچىدىكى ئۆرلەش نىسبىتى %1 تىن ئېشىپ كەتتى.

    كونكرېت بازاردا، دوللار كۆرسەتكۈچى 98.50 غىچە تۆۋەنلىگەن بولۇپ، ئاساسلىقى بازارنىڭ ئامېرىكا فېدېراتسىيە زاپاس پۇل كومىتېتىنىڭ كېلەر يىلى 4 قېتىم ئۆسۈم قوشۇشىغا بولغان مۆلچەرى ۋە بازاردىكى خەتەر- خەتەر كەيپىياتىنىڭ ياخشىلىنىشىغا بولغان ئېڭى تۆۋەنلەپ كەتكەن؛ ياۋرونى دوللارغا ئالماشتۇرۇش باھاسى 1.09 غىچە يۇقىرى ئۆرلىگەن بولۇپ، ئاساسلىقى بازار ياۋروپا مەركىزى بانكىسىنىڭ قىسقا مۇددەت پۇل سىياسىتىنى يەنىمۇ كېڭەيتىش ھاجەتسىز دەپ قارىغان، ھەمدە ئىسپانىيە سىياسىي ئەندىشىسى بەزى خەۋپتىن ساقلىنىش كەيپىياتىنى پەيدا قىلغان، بۇنىڭ بىلەن ياۋرو مەبلەغ يۈرۈشتۈرۈش پۇلى بولۇش سۈپىتى بىلەن قايتىدىن يۇقىرى ئۆرلىگەن؛ ئالتۇن باھاسى %1 تىن كۆپرەك يۇقىرى ئۆرلىگەن بولۇپ، ئاساسلىقى ئامېرىكا فېدېراتسىيە زاپاس پۇل كومىتېتىنىڭ كېلەر يىلى ئۆسۈم ئۆستۈرۈش ئەھۋالىنىڭ ئېنىقسىز بولىشى شۇنىڭدەك دوللارنىڭ قايتىدىن تۆۋەنلىشى تىرەش كۈچى بولغان؛ نېفىت باھاسىنىڭ تەۋرىنىش دائىرىسى چەكلىمىگە ئۇچرىغان بولۇپ، ئاساسلىقى يەر شارىدىكى تەمىنلەش ئېشىپ كەتكەن دۆلەت ئەندىشىسى ۋە ئېھتىياج ئەھۋالىنىڭ مۇقىمسىزلىقى نېفىت باھاسىغا بېسىم ئېلىپ كەلگەن.

ئەسكەرتىش:

ئادەتتە 1 ئۇنسىيە ئالتۇن 31.1035 گىرامغا تەڭ؛

بۈگۈنكى خەلق پۇلى پېرېۋوت نىسبىتى 6.4746 يۈەن؛