تېببي ئۇچۇلار:

چىش بۇرۇنقىدىن ئۇزىراپ قالسا، بۇ چىشنىڭ ئۆسكەنلىكى ئەمەس، بەلكى چىش مىلىكى يېگىلىگەنلىكىنىڭ ئىپادىسى، بۇنداق چاغدا چىش يىلتىزى كۆرۈنۈپ قالىدۇ. ئەمەلىيەتتە بۇ بەدەننىڭ فۇنكسىيەسى قېرىپ، تېرە ئېلاستىكىلىقىنى يوقىتىشقا باشلىغانلىقىنىڭ بەلگىسى.

ئادەم 40 ياشتىن ئاشقاندىن كېيىن، بۇرۇن تۆشۈكچىلىرى تۆۋەنگە قاراپ، بۇرۇننىڭ شەكلى ئۆزگىرىدىكەن، قاڭشارمۇ تۆۋەنلەيدىكەن، چۈنكى بۇرۇنمۇ باشقا يۇمشاق توقۇلمىلاردەك يېگىلەيدىكەن.
ئادەمنىڭ چېچى نورمال ئەھۋالدىمۇ چۈشۈپ تۇرىدۇ، بىراق چاچ شالاڭلىسا ياكى چاچ چۈشكەن دائىرە چوڭايسا، بۇ ئادەمنىڭ قەرەلدىن بۇرۇن قېرىشقا باشلىغانلىقىنىڭ بەلگىسى.

ئائىلە رىتسىپلىرى:

بالىلاردىكى كۆكيۆتەلنى داۋالاش: بالىلار كۆكيۆتەل (100 كۈنلىك يۆتەل) بولۇپ قالسا، بىر دانى توخۇ ئۆتى بىلەن بەش تال كىچىك سوقىچاق چىلاننى قاينىتىپ، كۈنىگە بىر قېتىمدىن ئۇدا بەش كۈنى ئىچۈرۈلسە شىپا بولىدۇ.
بالىلاردىكى ئىچ سۈرۈشنى داۋالاش: بالىلار ئىچ سۈرۈش كېسىلىگە مۇپتىلا بولسا ھەم ئىچى توختىمىسا، ئىككى ياڭاقنى سۇس ئوتتا شاكىلى قارايغىچە قىزدۇرۇپ، ئاندىن مېغىزىنى ئىلمان قايناقسۇدا چايقاپ، كۈنىگە بىر قېتىمدىن بەش كۈن يەپ بەرسە، ئىچ سۈرۈش توختايدۇ.

ئاڭلاش ئىقتىدارى چېكىنىشنى داۋالاش: خام گازىر مېغىزىنى بىر نەچچە ۋاخ يەپ بەرسە، ئاڭلاش ئىقتىدارىنى كۈچەيتكىلى بولىدۇ. ئۇنىڭدىن باشقا، بادام ۋە ئۆرۈم مېغىزى يەپ بەرسىمۇ، ئاڭلاش ئىقتىدارى ياخشىلىنىدۇ.

ئاددىي رېتسىپلار:

رەيھان، بابۇنە، سېرىقچېچەكنىڭ ھەربىرىدىن 10 گرامدىن ئېلىپ قاينىتىپ، سۈيىدە باشنى يۇيسا، سوغۇقتىن بولغان باش ئاغرىقىغا مەنپەئەت قىلىدۇ.

رەيھان بابۇنە، بەسباسە، سۇمبۇل، كۈندۈر، قىزىلگۈل ۋە ئەگرىسۇنايلارنى تەك مىقداردا ئېلىپ سوقۇپ، كۈندە ئۈچ گرامدىن ئۈچ ۋاق يەپ بەرسە، بالىياتقۇنى كۈچلەندۈرگىلى بولىدۇ.

بىر كىلوگرام رەيھان سۈيى بىلەن 500 گىرام كۈنجۈت يېغىنى سۇس ئوتتا قاينىتىپ تەييارلانغان ياغدا يەرلىك ئورۇن مايلانسا، بوغۇم ياللۇغى، پالەچلىك ۋە لەقۋالىققا مەنپەئەت قىلىدۇ.