شىنخۇا تورى، بېيجىڭ، 21-ئىيۇل تېلېگراممىسى: كۇبانىڭ ئامېرىكىدا تۇرۇشلۇق باش ئەلچىخانىسى 20-ئىيۇل ئامېرىكا پايتەختى ۋاشىنگتوندا بايراق چىقىرىش مۇراسىمى ئۆتكۈزدى، شۇ كۈنى يەنە ئامېرىكىنىڭ كۇبادا تۇرۇشلۇق مەنپەئەتكە ۋەكىللىك قىلغۇچى ئورنىنىڭ دەرىجىسى باش ئەلچىخانا دەرىجىسىگە كۆتۈرۈلدى.
ئامېرىكا بىلەن كۇبا ھاسىل قىلغان كېلىشىمگە ئاساسەن، ئىككى دۆلەت 20-ئىيۇل سائەت 0:00 دىن كېيىن دىپلوماتىك مۇناسىۋەتنى ئەسلىگە كەلتۈردى. ۋاشىنگتوندا ئۆتكۈزۈلگەن بايراق چىقىرىش مۇراسىمىدا، كۇبا دىپلوماتىيە مىنىستىرى برۇنو رودرىگۇز كۇبانىڭ دۆلەت بايرىقىنى چىقاردى. شۇ كۈنى سەھەردە كۇبانىڭ دۆلەت بايرىقى ئامېرىكا بىلەن دىپلوماتىك مۇناسىۋەت ئورناتقان باشقا دۆلەتلەرنىڭ بايراقلىرى قاتارىدا ئامېرىكا گوۋۇيۈەنى ھويلىسىدا لەپىلدەشكە باشلىدى.
20-ئىيۇل، كۇبا پايتەخى ھاۋانادا تەسىس قىلىنغان ئامېرىكنىڭى كۇبادا تۇرۇشلۇق مەپەئەتكە ۋەكىللىك قىلغۇچى ئورۇننىڭ دەرىجىسى باش ئەلچىخانا دەرىجىسىگە كۆتۈرۈلدى. ئامېرىكىنىڭ كۇبادا تۇرۇشلۇق باش ئەلچىخانىسى مۇنۇلارنى بىلدۈردى: ئامېرىكا دۆلەت ئىشلىرى كاتىپى كېررى بۇ يىل يازنىڭ ئاخىرىدا كۇبادا زىيارەتتە بولغاندا، ئامېرىكا ئەلچىخانىسىنىڭ بايراق چىقىرىش مۇراسىمىغا قاتنىشىدۇ.