24-يانۋار چاغانلىق يولۇچى توشۇشنىڭ تۇنجى كۈنى. مۇخبىرنىڭ تۆمۈريول تارماقلىرىدىن ئىگىلىشىچە، چاغانلىق يولۇچى توشۇش مەزگىلىدە شىنجاڭ تۆمۈريولىدا 3 مىليون 80 مىڭ يولۇچى(قېتىم) توشۇش مۆلچەرلەنگەن بولۇپ، بۇ ئوخشاش مەزگىلدىكىدىن %11.8 كۆپئىكەن. ھازىرغىچە شىنجاڭ تۆمۈريول لىنىيەلىرىنىڭ2 مىليون 470 مىڭ پارچە بېلىتى سېتىلغان، بېيجىڭ، شاڭخەي، گۇاڭجۇ قاتارلىق شەھەرلەرگە قاتنايدىغان پويىزنىڭ بېلىتى ئاساسىي جەھەتتىن سېتىلىپ تۈگىگەن. شىنجاڭدا بەش كۈن ئىچىدە قاتنايدىغان پويىزلارنىڭ بېلىتىمۇ قىس بولغان.

      ئۈرۈمچى شەھىرىدە 24-يانۋار سەھەر سائەت 8:35دە تۆۋەن تېمپېراتۇرا℃20- بولغان بولسىمۇ، مۇخبىر جەنۇبىي ۋوگزالدىكى بىخەتەرلىك تەكشۈرۈش ئۆتكىلىدە نۇرغۇن يولۇچىلارنىڭ ئۆچىرەتتە تۇرغانلىقىنى كۆرگەن.

ئېلېكتىروۋۇز ئىچكىرى ئۆلكىلەرگە بېرىپ چاغان ئۆتكۈزىدىغان يولۇچىلارنىڭ ئەڭ ياخشى تاللىشى بولغان، تۇنجىقېتىم ئېلېكتىروۋۇزغا ئولتۇرۇپ لەنجۇغا قايتىپ چاغان ئۆتكۈزمەكچى بولغان چېن خانىم ئۈچ كۈن بۇرۇن بېلەت سېتىش كۆزنىكى ئالدىدا ئۆچىرەتتە تۇرۇپ ئاخىرى بېلەت سېتىۋالالىغان. ئىگىلىنىشىچە، ئۇ سېتىۋالغان بېلەت بۇ يىللىق چاغانلىق يولۇچى توشۇش مەزگىلىدە كۆپەيتىلگەن ئېلېكتىروۋۇزنىڭ بېلىتى ئىكەن.

ئۈرۈمچى شەھەرلىك تۆمۈريول ئىدارىسىنىڭ مۆلچەرلىشىچە، 2016-يىللىق چاغانلىق يولۇچى توشۇش مەزگىلىدە ئۈرۈمچى جەنۇبىي ۋوگزالىدا 1 مىليون 270 مىڭ يولۇچى(ئادەم) توشۇلىدىغان بولۇپ، تۇنجى كۈنى 44 مىڭ يولۇچى(قېتىم) توشۇلغان.