كۆپ ساندىكى ئائىلىلەردە ئاتا–ئانىلار تېلېۋىزورنى ئېچىپ قويۇپ ، ئائىلە ئىشلىرىنى قىلىدۇ ، پەرزەنتلىرى ئۆز ئويۇنى بىلەن مەشغۇل بولىدۇ . نۇرغۇن ئاتا – ئانىلار بالىلار چوڭلار ياقتۇرۇپ كۆرىدىغان پروگراممىلارغا قىزىقمايدۇ ، تېلېۋىزورنىڭ ئۇلارغا ھېچقانداق تەسىرى بولمايدۇ، –دەپ قارايدۇ . بىراق ئامېرىكىنىڭ ماسسا چۇسېتىس ئۇنىۋېرىستېتى يېقىندا ئېلىپ بارغان بىر قېتىملىق تەكشۈرۈش نەتىجىسى بۇ قاراشنىڭ توغرا ئەمەسلىكىنى ، تېلېۋىزوردا قانداق پروگرامما قويۇلۇشتىن قەتئىينەزەر ، ئۈچ ياشتىن تۆۋەن ياشتىكى بالىلارنىڭ ساغلاملىقىغا بەلگىلىك تەسىر كۆرسىتىدىغانلىقىنى دەلىللىدى . تېلېۋىزور ئوچۇق ھالەتتە تۇرغاندا ، ئۈچ ياشتىن تۆۋەن ياشتىكى بالىلارنىڭ ساغلاملىقىغا بەلگىلىك تەسىرى بولىدىكەن .