ئىراننىڭ يادرو مەسىلىسىدىكى سۆھبەتنىڭ ئىلگىرىلەشلەرگە ئېرىشىشى ۋە ئامېرىكىنىڭ ئىرانغا يېقىنلىشىشىغا ئەگىشىپ، ئامېرىكىنىڭ پارس قولتۇقىدىكى مۇھىم ئىتتىپاقدىشى بولغان پارس قولتۇقى رايونىدىكى ئەرەب ئەللىرى ھەمكارلىق كومىتېتىغا ئەزا دۆلەتلەرنىڭ نارازىلىقىنى قوزغىدى، بۇنىڭ بىلەن پارس قولتۇقى رايونىدىكى دۆلەتلەر ئامېرىكىغا بولغان ئىشەنچىسى ئاجىزلىشىشىغا باشلىدى.
ئامېرىكا زۇڭتۇڭى ئوباما بىلەن پارس قولتۇقى ئەرەب ئەللىرى ھەمكارلىق كومىتېتىغا ئەزا ئالتە دۆلەتنىڭ ۋەكىلى 14-ماي ئامېرىكىنىڭ داۋىد لاگېرىدا بىر كۈن سۆھبەت ئۆتكۈزۈپ، ئىراننىڭ يادرو مەسىلىسى، رايون بىخەتەرلىكى ھەمكارلىقى، تېررورلۇققا قارشى تۇرۇش، دېڭىز ئوكيان بىخەتەرلىكى، تور بىخەتەرلىكى ۋە تىرايېكتورىيەلىك باشقۇرۇلىدىغان بومبىدىن مۇداپىئەلىنىش قاتارلىق مەسىلىلەردە چوڭقۇر مۇزاكىرە ئىلىپ باردى. سۆھبەتتىن كىيىن ئېلان قىلىنغان بىرلەشمە باياناتتا مۇنداق دېيىلدى: ئامېرىكا بىلەن پارس قولتۇقى ئەرەب ئەللىرى ھەمكارلىق كومىتېتىغا ئەزا ئالتە دۆلەت بىخەتەرلىك ھەمكارلىقىنى كۈچەيتىشكە قوشۇلدى. گەرچە ئوباما سۆھبەتتىن كىيىن ئۆتكۈزۈلگەن ئاخبارات ئېلان قىلىش يىغىنىدا، بۇ قېتىمقى باشلىقلار سۆھبىتىدە ئامېرىكىنىڭ پارس قولتۇقىدىكى ئەرەب ئەللىرى ھەمكارلىق كومىتېتىغا ئەزا دۆلەتلەر بىلەن ناھايىتى مۇستەھكەم بىخەتەرلىك ھەمكارلىقىنى بېكىتكەنلىكىنى جاكارلىغان بولسىمۇ، بىراق، تۈرلۈك ئامىللار، ئامېرىكىنىڭ پارس قولتۇقىدىكى ئەرەب ئەللىرى ھەمكارلىق كومىتېتى بىلەن بولغان مۇناسىۋىتىنىڭ ئۇنداق مۇستەھكەم ئەمەسلىكىنى، بىر بىرگە بولغان گۇمانلارنىڭ تۈگىتىلمىگەنلىكى ئايان بولغان.
ئىراننىڭ يادرو مەسىلىسى بۇ قېتىمقى باشلىقلار يىغىنىنىڭ باش تېمىسى قىلىندى، نۆۋەتتە، ئىراننىڭ يادرو مەسىلىسى توغرىسىدىكى سۆھبەت ناھايىتى جىددىي ئىلىپ يېرىلماقتا، ئامېرىكا بىلەن ئىران كېلىشىم ھاسىل قىلىشقا يېقىنلىشىپ، ئۇزۇن يىل تالاش تارتىش قىلىپ كېلىۋاتقان يادرو مەسىلىسىدە 6-ئاينىڭ 30- كۈنىدىكى ئەڭ ئاخىرقى مۇددەتتىن بۇرۇن بىر ئېنىق يول جىرىتىش بارلىققا كېلىشى مۇمكىن. پارس قولتۇقىدىكى ئەرەب ئەللىرى ھەمكارلىق كومىتېتىغا ئەزا دۆلەتلەر ئىران بىلەن قوشنا بولسىمۇ، ئىران بىلەن ئىزچىل تۈردە ئەپ ئۆتمەي كەلگەنلىكتىن، ئامېرىكىنىڭ ئىران بىلەن كېلىشىم ھاسىل قىلىشتىن ئەندىشە قىلىدۇ.
ئەرەب تاراتقۇلىرى تەھلىل قىلىپ مۇنداق دېدى: پارس قولتۇقىدىكى دۆلەتلەر ئامېرىكىنىڭ ئىراننىڭ سۇرىيە زۇڭتۇڭى باشار ئەسەت ، لىۋان ئاللاھ پارتىيەسى ، پەلەستىن ئىسلام قارشىلىق كۆرسىتىش ھەرىكىتى خاماس ، يەمەندىكى قۇسەي قوراللىق تەشكىلاتى قاتارلىقلارنى قوللاۋاتقانلىقىغا سەل قارىغانلىقىدىن ئىنتايىن نارازى بولۇپ، ئامېرىكىدىن پارس قولتۇقىدىكى دۆلەتلەرنىڭ بىخەتەرلىكىگە كاپالەتلىك قىلىشنى، ھەمدە كەلگۈسىدە ئامېرىكا بىلەن پارس قولتۇقىدىكى دۆلەتلەر مۇناسىۋىتىنىڭ ئورنى توغرىسىدا قارار چىقىرىشىنى تەلەپ قىلدى. بىراق ئوباما پارس قولتۇقىدىكى دۆلەتلەرنى ئامېرىكىنىڭ ئىران بىلەن يېقىنلىشىشىنىڭ رايون كۈچىنىڭ تەڭپۇڭسىزلىقىنى كەلتۈرۈپ چىقارمايدىغانلىقىغا قايىل قىلالمىدى، شۇنداقلا ئۇلارنىڭ بىخەتەرلىك تەلىپىنى قاندۇرالمىدى. بۇ قېتىم سەئۇدى ئەرەبىستانى، بەھرەين، ئەرەب بىرلەشمە خەلىپىلىكى ۋە ئاماندىن ئىبارەت پارس قولتۇقىدىكى تۆت دۆلەتنىڭ باشلىقلىرى داۋىد لاگېرىدىكى باشلىقلار سۆھبىتىگە قاتناشمىدى، ئەمەلىيەتتە، ئامېرىكا بۇ ئامېرىكىنىڭ ئوتتۇرا شەرق رايونى سىياسىتىنى تەڭشىشىگە بولغان بىر خىل توسقۇنلۇق قىلىش ۋە ئېتىراز بىلدۈرۈش بولۇپ ھېسابلاندى.
باشلىقلار سۆھبىتىدە، ئامېرىكا، پارس قولتۇقىدىكى دۆلەتلەر بىلەن بىرلىكتە، سىرتنىڭ پارس قولتۇقىدىكى دۆلەتلەرنىڭ زېمىن پۈتۈنلىكىگە بولغان تەھدىتىگە تاقابىل تۇرۇش توغرىسىدا ۋەدە بەردى. ئامېرىكا پارس قولتۇقى رايونىدىكى دۆلەتلەر بىلەن ھەربىي ئىشلار جەھەتتە كەڭ دائىرىدە ھەمكارلىشىدۇ، ئىككى تەرەپ يەنە ئەسەبىي تەشكىلات بولغان ئىراق ۋە سام ئىسلام دۆلىتىگە زەربە بېرىش، سۇرىيە ۋەزىيىتى ۋە ئىسرائىلىيە بىلەن پەلەستىن توقۇنۇشىدا پىكىر ئالماشتۇردى. بىراق مىسىردا چىقىدىغان سەھەر گېزىتىنىڭ خەۋەر قىلىشىچە: پارس قولتۇقىدىكى دۆلەتلەر ئوباما ھۆكۈمىتى بەرگەن ھەر قانداق ۋەدىلىرىگە ئىشەنمەيدىغان بولۇپ قالغان.
تەھلىلچىلەر مۇنداق دەپ ھېسابلىدى: زۇڭتۇڭ ئوباما داردا ماڭماقتا، چۈنكى ئامېرىكا پارس قولتۇقىدىكى دۆلەتلەرگە بەرگەن ياردىمى، ياپونىيە بىلەن كورېيەگە ئوخشاش بىخەتەرلىكىنى قوغداش ئەمەس، شۇنداقلا شىمالىي ئاتلانتىك ئەھدى تەشكىلاتىغا ئەزا دۆلەتلەرگە ئوخشاش تەلىپىنى قاندۇرۇش بولماستىن، بەلكى تېخىمۇ كۆپ ھەربىي قۇرال جابدۇق بىلەن تەمىنلەش ۋە مەشىق قىلدۇرۇشتىن ئىبارەت. پارس قولتۇقىدىكى دۆلەتلەر گەرچە ئوبامانىڭ ۋەدىسىنى قارشى ئالغان بولسىمۇ، بىراق يەنىلا بۇنىڭدىن گۇمانلانماقتا.
مىسىردىكى مۇستەقىل تاراتقۇ بولغان ئىلەيف ئاخبارات تورنىڭ سەئۇدى ئەرەبىستانى ئالىمى سەئۇدى سالىھنىڭ قارىشىنى نەقىل كەلتۈرۈپ خەۋەر قىلىشىچە: پارس قولتۇقىدىكى دۆلەتلەر ئىراننىڭ سەمىمىيىتىگە ئىشەنمەيدىكەن، ئىراننىڭ يادرو قوراللىرىغا ئىگە بولۇپ، بۇ رايونغا تەھدىت پەيدا قىلىشتىن ئەندىشە قىلىدىكەن، گەرچە مۇشۇنداق بولسىمۇ، داۋىد لاگېرى باشلىقلار سۆھبىتىدە ئامېرىكا بىلەن پارس قولتۇقىدىكى دۆلەتلەر ئوتتۇرسىدىكى ئىستراتېگىيەلىك ھەمكارلىقنىڭ مۇھىملىقى يەنە بىر قېتىم تەكىتلەندى. پارس قولتۇقىدىكى دۆلەتلەر سىياسىي ۋە ھەربىي ئىشلار جەھەتتە بىرلىشىشنى كۈچەيتىپ، بارغانسېرى مۇستەقىل بولدى، ئامېرىكا بۇنىڭغا ماسلىشىشىغا موھتاج بولماقتا.