ئامېرىكا زۇڭتۇڭى ئوباما تۈنۈگۈن يېتىپ كېلىش ئالدىدىكى روژدېستۋو بايرىمىنى كۈتۈۋېلىش ھارپىسىدا: ئامېرىكىنىڭ ھازىر كونكرېت، ئىشەنچلىك تېررورلۇق تەھدىتىگە ئۇچرايدىغانلىقى ھەققىدە ئاخبارات يوق دېدى.

       ئوباما مۇنداق دېدى: ئامېرىكا ھۆكۈمىتى ئۈچ تەرەپتىن ئامېرىكىنىڭ دۆلەت زېمىنى بىخەتەرلىكىنى قوغدايدۇ، بۇ چەتئەللەردىكى تېررورلۇق تەشكىلاتلىرىغا داۋاملىق زەربە بېرىش، تېررورچىلارنىڭ ئامېرىكىغا كىرىشىنى توسۇش شۇنداقلا قانۇن ئىجرا قىلىش تارماقلىرى ۋە مەھەللىلەر، پەن–تېخنىكا شىركەتلىرى بىلەن ئالاقىلىشىش ئارقىلىق ئۆز زېمىنىنىڭ ھۇجۇمغا ئۇچرىشىدىن مۇداپىئەلىنىشنىمۇ ئۆز ئىچىگە ئالىدۇ.

     ئوباما شۇ كۈنى مۇنۇلارنى قايتا تەكىتلىدى: ھازىر ئامېرىكا دۇچ كەلگەن تېررورلۇق تەھدىتى ئاساسلىقى كىچىلىك تەشكىلات ياكى شەخسلەر قوزغىغان تەنھا بۆرە شەكلىدىكى ھۇجۇملار، بۇنداق ھۇجۇملارنىڭ ئالدىنى ئېلىش تېخىمۇ تەس. ئۇ: ئامېرىكىلىقلار بايرام ئۆتكۈزۈش بىلەن بىرگە ھوشيارلىقىنىمۇ ئۆستۈرۈشى كېرەك دېدى.