تورى خەۋىرى لەگلەك تورى تەرجىمىسى.يەمەن بىخەتەرلىك ئەمەلدارى شۇ جاي ۋاقتى 7-يانۋار شۇ كۈنى پايتەخت سانادىكى بىر ساقچى ئىنىستىتوتىنىڭ ئالدى دەرۋازىسىدا يۈز بەرگەن ئاپتوموبىل بومبا ھۇجۇمىدا ئاز دېگەندىمۇ 150كىشىنىڭ قازا قىلغانلىقى ياكى يارىلانغانلىقىنى ئېيتتى.

شۇ كۈنى سائەت 7 ئەتراپىدا، يەمەن پايتەختى سانادىكى بىر ساقچى ئىنىستىتوتىدا نەچچە يۈز ئوقۇغۇچى ئۆچىرەتتە تۇرۇپ مەكتەپكەكىرىش رەسمىيىتىنى ئۆتەۋاتقاندا، بىر ئاپتوموبىل بومبا مەكتەپنىڭ ئالدى دەرۋازىسىدا پارتلاپ، ئاز دېگەندىمۇ 50 ئادەم قازاقىلىپ، 100 ئادەم يارىلاندى. شۇ جايدىكى خەۋپسىزلىك ئەمەلدارى بۇنى \بازا\ تەشكىلاتى قىلغان تېررورلۇق ھۇجۇمى دېدى. شاھىدلارنىڭ ئېيتىشىچە، بىر ئاپتوموبىل بومبا ئوقۇغۇچىلارنىڭ يېنىدا پارتلىغان. يول تار، ئادەم كۆپ، پارتلاش كۈچى زور بولغاچقا، نۇرغۇن ئوقۇغۇچىلار نەق مەيداندا قازا قىلغان.يارىدارلار ئەتراپتىكى ئۈچ دوختۇرخانىغا قۇتقۇزۇشقا ئېلىپ بېرىلغان. كۆپىنچىلىرىنىڭ يارىسى ئېغىر بولغاچقا ئۆلگەنلەرنىڭ سانى يەنە كۆپىيىشى مۈمكىن.

ھۇجۇمغا ئۇچرىغان ساقچى ئىنىستىتوتى سانا شەھىرىنىڭ مەركىزىگە جايلاشقان بولۇپ، ئەتراپىدىكى نەچچە يۈز مېتىر دائىرىدە مەركىزى بانكا، مەركىزى بىخەتەرلىك قىسمى، زۇڭتۇڭ مەھكىمىسى، چەتئەل ئەلچىخانىسى قاتارلىق مۇھىم ئورگانلار بار. 2012-يىلى 11-ئىيۇل، بۇ ساقچى ئىنىستىتوتى \بازا\ تەشكىلاتىنىڭئۆزىنى قوشۇپ پارتلىتىش ھۇجۇمىغا ئۇچراپ، 21 ئادەم قازا قىلغان ئىدى نۆۋەتتە ھېچقانداق بىر تەشكىلات بۇ قېتىمقى ھۇجۇم قىلىش ۋەقەسىگە ئىگە بولمىدى.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK