27–ئۆكتەبىر ئۈرۈمچىدە تېمپېراتۇرا تۆۋەنلەپ ، پالەك قاتارلىق يوپۇرماقلىق كۆكتاتلارنىڭ باھاسى سەل ئۆرلىدى ، لېكىن باشقا كۆكتاتلارنىڭ باھاسى ۋە سېتىلىشى ۋاقتىنچە تەسىرگە ئۇچرىمىدى . كۆكتات ساتقۇچىلارنىڭ مۆلچەرلىشىچە ، كۆكتات باھاسىنىڭ ئۆزگىرىشى ئاساسلىق بۈگۈن ۋە ئەتە ئىككى كۈن ئىچىدە ئىپادىلىنىدىكەن .

يۇقىرى ، يېڭى تېخنىكا تەرەققىيات رايونى (يېڭى شەھەر رايونى) دىكى مەلۇم كۆكتات بىۋاسىتە سېتىش دۇكىنىنىڭ خوجايىنىنىڭ ئېيتىشىچە ، پالەك 4 يۈەن (ھەر كىلوگىرام) دىن 5.9 يۈەن (ھەر كىلوگىرام) غا ئۆرلىگەن بولۇپ ، باشقا كۆكتاتلارنىڭ باھاسىدا چوڭ ئۆزگىرىش بولمىغان .

شەھەرلىك سودا ئىشلىرى ئىدارىسى (ئاشلىق ئىدارىسى) بازار ھەرىكىتىنى نازارەت قىلىش ۋە تەڭشەش باشقارمسىنىڭ باشلىقى لەن بىننىڭ تونۇشتۇرۇشىچە ، ھاۋارايى ئۆزگىرىشىنىڭ كۆكتاتقا بولغان تەسىرى ئاساسلىقى قاتناشتا ئىپادىلىنىدىكەن . قاتناش راۋان بولمىسا كۆكتات باھاسى ئۆسىدىكەن ؛ قاتناش راۋان بولسا كۆكتات باھاسى تۆۋەنلەيدىكەن .

شەھەرلىك سودا ئىشلىرى ئىدارىسى (ئاشلىق ئىدارىسى) ھەر قايسى دېھقانچىلىق مەھسۇلاتلىرى بازارلىرىنىڭ كۆكتاتلارنى توشۇش مىقدارىنى زورايتىپ ، تەمىنلەشكە كاپالەتلىك قىلىشىنى تەلەپ قىلدى . شۇنىڭ بىلەن بىر ۋاقىتتا يەنە ، كۆكتاتلارنى بىۋاسىتە سېتىش نۇقتىلىرىدىكى كۆكتات باھاسىنىڭ ئۆزگىرىشىنى نازارەت قىلىشنى كۈچەيتتى . ناۋادا شەھەر ئاھالىلىرى كۆكتات بىۋاسىتە سېتىش نۇقتىلىرىدا كۆكتات باھاسىنىڭ مۇۋاپىق ئەمەسلىكىنى بايقىسا ، 12312 گە تېلېفون ئۇرۇپ ئەھۋالنى مەلۇم قىلسا بولىدۇ.