پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 12-ئاينىڭ 2-كۈنى سەھەردە خەلقئارالىق پۇتبولچىلار بىرلەشمىسى 2014-يىللىق  FIFA ئالتۇن توپ مۇكاپاتىنىڭ ئاخىرقى ئۈچ كىشىلىك تىزىملىكىنى ئېلان قىلدى. كىرىستىيانو رونالدو، مېسسى، نوئىر قاتارلىق ئۈچ نەپەر توپچى بۇ شەرەپكە نائىل بولدى.

كىرىستىيانو رونالدو 2014-يىللىق ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ چېمپىيۇنلۇقىغا، ياۋروپا دەرىجىدىن تاشقىرى لوڭقىسىنى تالىشىش پۇتبول مۇسابىقىسىنىڭ چېمپىيۇنلۇقىغا، ئىسپانىيە شاھلىق لوڭقىسىنى تالىشىش پۇتبول مۇسابىقىسىنىڭ چېمپىيۇنلۇقىغا ئېرىشتى. 2013-2014 مۇسابىقە پەسلى ياۋروپا ئالتۇن ئۆتۈك مۇكاپاتىغا ئېرىشتى. 2014-يىللىق ياۋروپا يىللىق ئەڭ ياشى توپچى بۇلۇپ باھالاندى. ئۇ ھەم ياۋروپا ئۇزغۇنلۇقىنى تالىشقش پۇتبول مۇسابىقىسىنىڭ پەسىللىك توپ كىرگۈزۈش رېكورتىنى بۇزدى. ئىسپانىيە ئا دەرىجىلىكلەر بىرلەشمە مۇسابىقىسىننڭ ئەڭ ياخشى توپچى، ئەڭ ياخشى ھۇجۇمچى قاتارلىق مۇكاپاتلارغا ئېرىشتى.

مېسسى 2014-يىلى ئارگېنتىنا دۆلەت كوماندىسىغا يېتەكچىلىك قىلىپ 2014-يىللىق دۇنيا لوڭقىسىنى تالىشىش پۇتبول مۇسابىقىسىنىڭ ئىككىنچىلىكىگە، ئۆزى دۇنيا لوڭقىسىنى تالىشىش پۇتبول مۇسابىقىسى ئالتۇن توپ مۇكاپاتىغا ئېرىشتى. ئۇ ئىسپانىيە ئا دەرىجىلىكلەر بىرلەشمە مۇسابىقىسى ۋە ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ توپ كىرگۈزۈش رېكورتىنى بۇزدى.

نوئىر 2014-يىلى دۇنيا لوڭقىسىنى تالىشىش پۇتبول مۇسابىقىسىنىڭ چېمپىيۇنلۇقىغا، گېرمانىيە ئا دەرىجىلىكلەر بىرلەشمە مۇسابىقىسىنىڭ چېمپىيۇنلۇقىغا، گېرمانىيە لوڭقىسىنى تالىشقش پۇتبول مۇسابىقىسىنىڭ چېمپىيۇنلۇقىغا ئېرىشتى. ئۆزىمۇ ھەم دۇنيا لوڭقىسىنى تالىشىش پۇتبول مۇسابىقىسىنىڭ ئالتۇن پەلەي مۇكاپاتىغا ئېرىشتى.

ئاخىرىدىكى باھالاش نەتىجىسى شۇ يەر ۋاقتى 2015-يىلى 1-ئاينىڭ 12-كۈنى سۇرىشتا ئېلان قىلىنىدۇ.