تېخى يېقىندا پورتۇگالىيەلىك داڭلىق ھۇجۇمچى كىرىستىئانو رونالدو بۇ يىلدىكى ئالتۇن توپ مۇكاپاتىنى ئالالمايدىغانلىقىنى ئېنىق بىلدۈرگەن بولۇپ، چۈنكى ئۇ 2015-يىلى ھېچقانداق كولىكتىپ شەرەپكە ئېرىشىپ باقمىغان. بۈگۈن كىرىستىئانو رونالدو ESPN نىڭ زىيارىتىدە ئىلگىرىكى سۆزىنى ئۆزگەرتىپ مۇنداق دېگەن: «بۇ يىللىق ئالتۇن توپ مۇكاپاتىنى ئېلىشنى ئۈمىد قىلىمەن»

       كىرىستىئانو رونالدو مۇنداق دېگەن: «ئالدىنقى پەسىلدىكى ئىپادەم ياخشى بولدى. بۇ كەسپىي ھاياتىمدىكى ئەڭ ياخشى ۋاقىتلار بولۇشى مۇمكىن، نېيمار بىلەن مېسسى ئالدىنقى پەسىل ياۋروپا چېمپىيونلۇق بىرلەشمىسدە چېمپىيون بولدى. شۇڭا مېنىڭ قارىشىمدا، بۇ يىلدىكى ئالتۇن توپ تارقىتىش سەل تەسكە توختايدۇ. ئىسمىم چىققانلىقىدىن ناھايىتى خوشال بولدۇم، بۇ مۇكاپاتنىڭ ئەڭ قالتىس توپچىغا بېرىلىشىنى ئۈمىد قىلىمەن.» بۇ پەسىلدىكى ھالىتىنىڭ تازا ياخشى بولمىغانلىقىنى ئېتىراپ قىلىپ مۇنداق دېگەن: «مەندە ھەقىقەتەن بەزى مەسلە كېلىپ چىقتى، بىراق بۇ تۇرمۇشتىكى ياكى بەدەن ساپادىكى مەسلە ئەمەس، مەن بۇنىڭغا قارىتا يۇچۇق تاپماقچى ئەمەسمەن، ھەرقانداق ئادەم نېمە ئويلىسا شۇنى دەيدۇ، مەن تاشقى پىلانت ئادىمى ئەمەس، مېنىڭمۇ ئىپادەمنىڭ يۇقىرى ۋە تۆۋەن تەرىپى بولىدۇ. ھەرقانداق ئادەمنىڭ قىيىنچىلىققا ئۇچىرايدىغان ۋاقتى بولىدۇ، بۇ نورمال ئەھۋال، ھەر بىر مەيدان مۇسابىقىدە ئالغا ئىلگىرلەش، بۇ مېنىڭ قىلماقچى بولغىنىم، خان جەمەتى مادرىد كوماندىسىنى چېمپىيونلۇققا ئېرىشتۈرۈش ۋە شۇنىڭغا ئەگىشىپ ئۆزەمنىڭ سانلىق مەلۇماتلىرىمنىمۇ خۇددى ئالدىنقى پەسىلدىكىگە ئوخشاش قالتىس قىلىش. ھازىرقى بەدەن ھالىتىمدىن ئېلىپ ئېيتقاندا، كېيىنكى نەچچە يىلدىكى ئىپادەمنىڭ قالتىس بولىشىدا چوڭ مەسلە يوق.»

       كىشىلەر دائىم بۇ دەرىجىدىن تاشقىرى قاتىل ھۇجۇمچىغا دىققەت قىلىدىغان بولۇپ، كىرىستىئانو رونالدو سۆزىنى داۋاملاشتۇرۇپ مۇنداق دېگەن: «توغرا، كىشىلەر ماڭا دىققەت قىلىۋاتىدۇ، مېنىڭ ھالىتىممۇ ياخشى بولىۋاتىدۇ. 30 ياشقا كىردىم، يەنە تېخى خېلى ئۇزۇن ۋاقىت توپ تېپىمەن، بەدەن- ساپا ۋە تۇرمۇش ئىشلىرى ئېھتىمال تەسىر كۆرسىتىپ قۇيۇشى مۇمكىن. بىراق تىرىشچانلىقنى مەيدانغا ئېلىپ كىرىپ داۋاملىق ياخشى ھالىتىمنى ساقلاش ئۈچۈن ئىلگىرلەلەيمەن، بۇ ھەقىقەتەن تەس، چۈنكى بىز ھەممىمىز ئادەم»