شىنخۇا تورى خەۋىرى لەگلەك تورى تەرجىمىسى. فرانسىيە پايتەختى پارىژدا شۇ يەر ۋاقتى 11-يانۋار چۈشتىن كېيىن تېررورلۇققا قارشى نامايىش ئۆتكۈزۈلدى، فرانسىيەنىڭ سىياسىي ئەربابلىرى، 40 نەچچە چەتئەل رەھبىرى ، شۇنداقلا بىر قىسىم خەلقئارا ۋە رايون تەشكىلاتلىرىنىڭ مەسئۇللىرىمۇ نامايىشقا قاتناشتى.
گېرمانىيە زۇڭلىسى مېركىل، ئەنگىلىيە باش ۋەزىرى كامېرون، ئىتالىيە زۇڭلىسى رېنزى، ئىسپانىيە باش ۋەزىرى راخوي، ئىسرائىلىيە زۇڭلىسى نىتانياخۇ ھەم ياۋروپا ئىتتىپاقى كومىتېتىنىڭ رەئىسى يۇنكېر قاتارلىقلار تېررورلۇققا قارشى نامايىشقا قاتناشتى.
شۇ يەر ۋاقتى 11-يانۋار چۈشتىن كېيىن سائەت 15تىن 25 مىنوت ئەتراپىدا بۇ خەلقئارا سىياسىي ئەربابلار فرانسىيە زۇڭتۇڭى ھوللاند بىلەن قولتۇقلىشىپ، نامايىشچى ئامما بىلەن بىللە تېررورىزىمغا ئېتىراز بىلدۈردى. شۇنىڭ بىلەن بىر ۋاقىتتا پارىژدىن باشقا فرانسىيەنىڭ بىر قىسىم شەھەرلىرى ۋە رايونلىرىدىمۇ تېررورلۇققا قارشى نامايىش بولدى، فرانسىيە تاراتقۇلىرى، نامايىشقا قاتناشقان ئاممىنىڭ مىليون كىشىدىن ئاشقانلىقىنى ئېيتتى.

فىرانسىيە ئىچكى ئىشلار مىنىستىرى كازېنۇۋې 10-نويابىر مۇخبىرلار يىغىنىدا، بۇ قېتىمقى تېررورلۇققا قارشى چوڭ نامايىشنىڭ يېقىندا تېررورچىلارنىڭ ئوقىدا ھاياتىدىن ئايرىلغانلارغا ھۆرمەت بىلدۈرۈش ئىكەنلىكى، فرانسىيە ھۆكۈمىتىنىڭ پەۋقۇلئاددە بىخەتەرلىك تەدبىرى قوللىنىپ نامايىشقا كاپالەتلىك قىلىدىغانلىقىنى ئېيتتى
.
فرانسىيەدە يېقىندا كۆپ قېتىم ھۇجۇم قىلىش دىلوسى يۈز بەردى. قۇراللىقلار 7-يانۋار "چارلى ھەپتىلىك ژورنىلى"نىڭ پارىژدىكى باش شتابىغا ھۇجۇم قىلدى، 12 ئادەم ھاياتىدىن ئايرىلدى، 11 ئادەم يارىلاندى. 9-يانۋار ئىككى جىنايەت گۇماندارى سېينى-ئېن-مارن ئۆلكىسىنىڭ داممار-تىن-ئېن-گوئېلې شەھىرىگە قېچىپ بېرىپ، شۇ يەردىكى بىر كارخانا ئىچىدە ساقچى تەرەپ بىلەن بىر قانچە سائەت قارشىلاشقاندىن كېيىن ئەڭ ئاخىرىدا ئېتىۋېتىلدى.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK