تەيۋەن مەركىزىي ئاگېنتلىقىنىڭ خەۋىرىگە ئاساسلانغاندا، شۇ جاي ۋاقتى 9-ئاينىڭ 26-كۈنى ئوتتۇرا ئافرىقا جۇمھۇرىيىتىنىڭ پايتەختى بانگىدا مۇسۇلمانلار خرىستىئانلار ئولتۇراق رايونىغا ھۇجۇم قىلغان بولۇپ، زوراۋانلىق توقۇنۇشىدا ئاز دېگەندە 21 ئادەم ئۆلگەن، باشقا يەنە تەخمىنەن 100 ئادەم يارىدار بولغان.

رېيتر ئاگېنتلىقىنىڭ خەۋىرىگە ئاساسلانغاندا، ئۆز كۆزى بىلەن كۆرگۈچىلەرنىڭ دېيىشىچە، 1 مۇسۇلمان ئەر تاكسىشوپۇرى زىيانكەشلىككە ئۇچرىغان ھەمدە جەسىتى كوچىغا تاشلاپ قويۇلغاندىن كېيىن، بۇ قېتىمقى ھۇجۇم قىلىش ۋەقەسى يۈز بەرگەن. غەزەپلەنگەن مۇسۇلمانلار بانگىدىكى 3-رايونغا جايلاشقان بارىگاھىدىن چىقىپ، ئۆزى ياسىۋالغان قوراللار بىلەن خىرىستىئانلار ئولتۇراقلاشقان 5-رايونغا ھۇجۇم قىلغان. ئۆز كۆزى بىلەن كۆرگۈچىلەرنىڭ دېيىشىچە، ھۇجۇم قىلغۇچىلار تۇرالغۇ ۋە ماشىنىلارنى كۆيدۈرگەن، يەرلىك ئاھالە پايتەختنىڭ باشقا رايونلىرىغا قاراپ قاچقان.

بۇ 2015-يىلى كىرگەندىن بۇيان، فرانسىيە ۋە ب د ت تىنچلىق ساقلاش قىسىمى مەسئۇل بولغان بانگى شەھىرىدە پارتلىغان ئەڭ ئېغىر زوراۋانلىق توقۇنۇشى.

مۇسۇلمانلاردىن تەشكىل قىلىنغان سېلېكا ئىتتىپاقى 2013-يىلى خىرىستىئانلار كۆپ سانلىقنى ئىگىلەيدىغان ئوتتۇرا ئافرىقا جۇمھۇرىيىتىدە ھاكىمىيەتنى تارتىۋالغاندىن كېيىن، 3 يىللىق مالىمانچىلىق پارتلىتىدى، نەچچە مىڭ ئادەم ھاياتىدىن ئايرىلدى، نەچچە ئون مىڭلىغان ئادەم يۇرت-ماكانىدىن كېتىشكە مەجبۇر بولدى.