جەنۇب گېزىتى تورى خەۋىرى لەگلەك تورى تەرجىمىسى.دۇنيا سەھىيە تەشكىلاتىنىڭ ئەڭ يېڭى يۇقۇم ئەھۋالى مەلۇماتىدا كۆرسىتىلىشچە ،23-ئۆكتەبىرگىچە يۇقۇم ئەھۋالى ئەڭ ئېغىر ئاپەت رايونى ۋە باشقا تەسىرگە ئۇچرىغان دۆلەتلەردە ئېبولا ۋىرۇسى بىلەن يۇقۇملاندى دەپ دىئاگنوز قۇيۇلغان ،گۇمانىي ۋە يۇقۇملىنىش ئېھتىماللىقى بولغان بىمار 10مىڭ 114گە يەتكەن .4922ئادەم ئۆلگەن ،مەركىزى تېلېۋىزىيە ئىستانسىسىنىڭ يۇقۇم ئەھۋالى ئېغىر بولغان سېررالىئوندىن ئىگىلىشىچە ،شۇ جايدا ھەر كۈنى كېسەل بىلەن ئۆلۈۋاتقانلار يۇقۇم ئەھۋالى ئەڭ ئېغىر بولغان چاغدىكىدىن بىر ئاز ئازايغان .ئېبولانىڭ يامرىشىدىن ئەنسىرىگەنلىكى ئۈچۈن سېررالىئون قوشنا دۆلەت لېبىرىيە ۋە گۋىنىيە قۇرۇقلۇق يولى چېگرىسىنى تاقىغان .

ماراكەش پايتەختىدىن سېررالىئونغا ئۇچىدىغان نۆۋەتچى ئايروپىلانلار يەنىلا سېررالىئونغا كېلىۋېتىپتۇ .ئافرىقا قىتئەسىدىكى يۇقۇم رايونىدا قاتنايدىغان بىردىنبىر ھاۋا لىنىيىسى بولغاچقا بۇ ھاۋا لىنىيىسىدە يولۇچىلار ئاز ئەمەسكەن .شۇنىڭ بىلەن بىر ۋاقىتتا ئۇ يەنە ئېبولاغا تاقابىل تۇرۇش ئەسلىھەلىرى ۋە ماددىي ئەشيالارنى توشۇش ئىشىنى ئۈستىگە ئاپتۇ .

ئۇزۇن داۋام قىلغان ئېبولا يۇقۇمى ئەھۋالى بىلەن سېررالىئوندا 1281 ئادەم ئۆلگەن ،نۆۋەتتە جۇڭگو كېسەللىكلەرنى كونترول قىلىش مەركىزىدىن كەلگەن سەھىيە يۇقۇم ئەھۋالىنى تەكشۈرۈش مۇتەخەسسىسلىرى ۋە جۇڭگو خەلق ئازادلىق ئارمىيىسىنىڭ سېررالىئونغا ياردەم بېرىش داۋالاش ئەترىتىدىكى مۇتەخەسسىسلەر ئېبولا يۇقۇمىنىڭ ئالدىنى ئېلىش كونترول قىلىش ئالدىنقى سېپىدە كۈرەش قىلماقتا .سېررالىئون جۇڭگو دوستلۇق دوختۇرخانىسى ئېبولانى كۆزىتىش مەركىزى 1-ئۆكتەبىر رەسمىي ئىشقا كىرىشتۈرۈلگەن .
10-ئاينىڭ 24-كۈنىگىچە كۆزىتىش ئۆيىگە ئېبولا بىمارىدىن 143 قۇبۇل قىلىنغان .ھازىرغىچە 38 بىمار ئۆلۈپ قالغان .ئىگىلىنىشىچە 10-ئاينىڭ 22-كۈنىدىن 23-كۈنىگىچە كۈندە بەش بىمار ئۆلگەن .ئۆلگەنلەرنىڭ سانى ئازلاۋاتقان بولسىمۇ ،لېكىن ئاشۇ چەت نامرات داۋالاش خادىملىرى بارالمايدىغان جايلاردا قانداق ئەھۋال بولىۋاتقانلىقىنى بىلگىلى بولمايدىكەن .ھەم تەسەۋۋۇر قىلغىلى بولمايدىكەن .

غەربىي ئافرىقىدىكى يەنە بىر دۆلەت مالىدا ئېبولا ۋىرۇسى بىلەن يۇقۇملانغان تۇنجى بىمار ئىككى ياشلىق بىر قىز 24-ئۆكتەبىر بەختكە قارشى ئۆلگەن .ئېبولا يۇقۇشى بىلەن يۇقۇملانغان ئامېرىكىلىق ئىككى سېسترا داۋالىنىپ ساقايغان .دۇنيا سەھىيە تەشكىلاتى 24ئۆكتەبىر مۇنۇلارنى بىلدۈردى :‹دەسلەپكى كلىنكىلىق تەجرىبە كۆزلەنگەن نىشانغا يەتسە غەربىي ئافرىقىدىكى داۋالاش خادىملىرى ۋە باشقا خەتەر ئىچىدە تۇرىۋاتقانلارغا بۇ يىل 12-ئايدا ۋاكسىنا ئەملىنىدۇ .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK