ئامېرىكا ھۆكۈمىتى تۆنۈگۈن رۇسىيە ئۇكىرائىنانىڭ شەرقىنىڭ مۇقىملىقىنى داۋاملىق بۇزدى دېگەن بانا بىلەن دۆلەت مۇداپئە، پۇل مۇئامىلە ۋە ئېنېرگىيە كەسىپلىرىگە يەنىمۇ جازالاش تەدبىرى قوللىنىدىغانلىقىنى جاكارلىدى،بۇ رۇسىيەدىكى ئەڭ چوڭ بانكىنى جازالاشنىمۇ ئۆز ئىچىگە ئالىدۇ.
ئامېرىكا مالىيە مىنىستىرلىقى ئېلان قىلغان باياناتتا مۇنداق دېيىلدى: مىنىستىرلىقىمىز رۇسىيەدىكى ئەڭ چوڭ بانكا رۇسىيە ئامانەت بانكىسىنى جازالاش تىزىملىكىگە كىرگۈزدى، شۇنىڭ بىلەن بىر ۋاقىتتا رۇسىيەدىكى باشقا پۇل مۇئامىلە ئاپپاراتلىرىنىڭ ھازىرقى جازالاش دائىرىسىنى كېڭەيتتى ھەمدە رۇسىيەنىڭ ئېنېرگىيە ۋە دۆلەت مۇداپئە ساھەسىدىكى تېخىمۇ كۆپ كارخانىلىرىنى جازالايدۇ.