جۇڭگۇ ئاخبارات تورىنىڭ 2-ئاينىڭ 3-كۈنىدىكى تېلگىراممىسى :چەتئەل ئاخبارات ۋاستىلىرىنىڭ 3-چىسلادىكى خەۋىرىگە قارىغاندا ، گوللاندىينىڭ ئېينىخوۋىن شەھرىدىكى ئوقتىن مۇداپقئەلىنىش «مودا كېيىمى »بىر شىركەت يېقىندا ئۆزىنىڭ تۇنجى دۇكىنىنى ئېچىپ تىجارەت باشلىغان بولۇپ ، لېكىن بۇدۇككاندا سېتىلىدىغان ئوقتىن مۇداپىئەلىنىش كىيىملىرىنىڭ باھاسى ئۇنچە ئەرزان ئەمەسكەن .بۇ دۇككاندا سېتىلىدىغان ئەڭ ئەرزان ئوقتىن مۇداپىئەلىنىدىغان كىيىمنىڭ باھاسىمۇ 17مىڭ يۈەن ئەتراپىدا ئىكەن.
گوللاندىيە ئاخبارات تورىنىڭ خەۋرىگە قارىغاندا ، ئېينخۇۋىن شەھرىدىكى كىشىلەر بۇ دۇككاندىن ئوقتىن مۇداپىئەلىنىدىغان ئاسما مايكا سېتىۋالالايدىغان بولۇپلا قالماستىن بەلكى يەنە ئوقتىن مۇداپىئەلىنەلەيدىغان كاستىيۇم –بۇرۇلكا ۋە گالىستۇك قاتارلىقلارنىمۇ سېتىۋالالايدىكەن ،بۇ دۇككاندا يەنە «كولۇمبىيە »ماركىسىدىكى ئوقتىن مۇداپىئەلىنىش كىيىملىرىمۇ سېتىلىدىدىغان بولۇپ، بۇ كىيىملەرنىڭ كۆرۈنۈشى مۇشۇ ماركىدىكى ئادەتتىكى كىيىم –كېچەكلەرگە ئوخشاش ئىكەن ، ئۇنىڭدىن باشقا بۇ دۇككاندا يەنە نىپىزلىكىدىن ھەتتا كۆينەكنىڭ ئىچىگىمۇ كىيۋالغىلى بۇلىدىغان ئوقتىن مۇداپىئەلىندىغان نىپىز ئاسما مايكىمۇ سېتىلىدىكەن . بۇ شىركەتنىڭ باياناتچىسى ئىپادە بىلدۈرۈپ ، بۇ دۇككاندا سېتىلىدىغان ئوقتىن مۇداپىئەلىنىش كىيىمىنىڭ ئاساسلىقى گۆھەر-ياقۇت دۇكىنى خىزمەتچىلىرى شۇندقلا ماي قاچىلاش پونكىتى خادىمى قاتارلىق ئۆزىنىڭ خىزمەت مۇھىتىدا بەلگىلىك خىيىم –خەتەر مەۋجۇت دەپ ھېس قىلىدىغان كىشلەرگەيۈزلەندۈرۈلگەنلىكىنى ئېيىتقان بولۇپ ،ئۇ يەنە تولۇقلاپ ، بۇ كىيىملەر ھەرگىزمۇ جىنايات شايكىلىرى ئۈچۈن تەييارلانغان ئەمەس دېدى.
بۇ دۇككاننى ئاچقان شىركەتنىڭ ئېيتىشىچە، پارىژدا «چارلى ھەپتىلىكى»ژۇرنىلى باش شىتابى قۇراللىق ھۇجۇمغا ئۇچرىغاندىن بۇيان، تېخىمۇ نۇرغۇنلىغان كىشىلەر ئۇلارنىڭ بۇ خىلدىكى ئوقتىن مۇداپىئەلىنىش مەھسۇلاتلىرىغا قىزىقىدىغانلىقىنى بىلدۈرگەن بولۇپ ،بۇ شىركەتنىڭ باش ئىجرائىيە ئەمەلدارى _ يىرماس ئىپادە بىلدۈرۈپ ، «چارلى ھەپتىلىكى»ژۇرنىلى باش شىتابى قۇراللىق ھۇجۇمغا ئۇچرىغاندىن كېيىن 150 تەك كىشىنىڭ ئۆزلىرىدىن بۇ مەھسۇلات توغرىسىدا مەسلىھەت سورىغانلىقىنى ئېيىتقان.
بۇ شىركەتنىڭ باش ئىجرائىيە ئەمەلدارى _يىرماس زادى قانداق كىشىلەرنىڭ بۇ خىل ئوقتىن مۇداپىئەلىنىش كىيىمى سېتۋالدىغانلىقىنى ئاشكارلىمىغان بولۇپ ، لېكىن ئۇنىڭ ئېيتىشىچە ،ئۆتكەن ھەپتە ئىچىدە فىرانسىيە ۋە بىلگىيەدىكى نۇرغۇن خېرىدارلار ئۇنىڭ بۇ مەھسۇلاتى توغرىسىدا مەسلىھەت سورىغانىكەن . لېكىن ئۇلارنىڭ بۇ مەھسۇلاتلىرىنى سېتۋالماقچى بولغان كىشىلەرنىڭ تىجەشلىك بىلەن پۇل يىغىشىغا توغرا كېلىدىغان بولۇپ ، بۇ دۇكاندا سېتىلىدىغان ئەڭ ئەرزان ئوقتىن مۇداپىئەلىنىدىغان كىيىمنىڭ باھاسىمۇ 2400 ياۋرو ئىكەن .