يېقىندا دۆلەت رەئىسى شى جىنپىڭ بىلەن فىرانسىيە زۇڭتۇڭى ھوللاندى فىرانسىيەنىڭ «چوڭ تىپتىكى ماشىنا ئەجدىھار »نىڭ جۇڭگوغا كېلىپ سەييارەت ئويۇن قويۇشى ۋە پات ئارىدا پارژدا ئېچىلىدىغان جۇڭگونىڭ خەن سۇلالىسى دەۋرىدىكى مەدەنىيەت بۇيۇملىرى كۆرگەزمىسى» مۇناسىۋىتى بىلەن ئۆز-ئارا تەبرىك تېلگراممىسى يوللاشتى.

شى جىنپىڭ تەبرىك خېتىدە مۇنداق دەپ كۆرسەتتى: ئۆتكەن يىلنىڭ ئاخىرىدىن بۇيان، ئىككى دۆلەت بىر يۈرۈش خەلق ئاممىسى ياخشى كۆرىدىغان پائالىيەتلەرنى ئۆتكۈزۈپ، جۇڭگو فىرانسىيە دوستلۇقىنى كىشىلەر قەلبىدىن چوڭقۇر ئورۇن ئالدۇردى. «ئەجدىھار روھى» ماشىنا ئەسىرىگە فىرانسىيەنىڭ يۇقىرى تېخنىكسى بىلەن جۇڭخۇا مىللەتلىرىنىڭ توختىماي ئالغا ئىلگىرلەيدىغان روھى مەزمۇنى بىرلەشتۈرۈلگەن بولۇپ، سىمۇۋۇللىق ئەھمىيەتكە ئىگە، بۇ قېتىمقى ئويۇنغا جۇڭگو خەلقىنىڭ بەك قىزىقىدىغانلىقىغا ئىشىنىمەن. خەن سۇلالىسى- جۇڭگو تارىخىدىكى مۇھىم دەۋىر، سانسىزلىغان جۇڭخۇا مەدەنىيىتى ئالاھىدىلىكىنى گەۋدىلەندۈرىدىغان قىممەتلىك مەدەنىيەت بۇيۇملىرىنى قالدۇرغان، جۇڭگونىڭ خەن سۇلالىسىدىكى مەدەنىيەت بۇيۇملىرى كۆرگەزمىسىنىڭ فىرانسىيە خەلقىنىڭ ئۇزاق تارىخقا ئىگە جۇڭخۇا مەدەنىيىتىگە بولغان چۈشىنىشىنى ئىلگىرى سۈرۈشكە تۆھپە قوشىدىغانلىقىغا ئىشىنىمەن.

ھوللاندى تەبرىك خېتىدە فىرانسىيە جۇڭگو دىپلوماتىك مۇناسىۋەت ئورناتقانلىقىنىڭ 50 يىللىقى پائالىيىتىگە يۈكسەك باھا بەردى. ئۇ مۇنداق دېدى؛ماشىنا ئەجدىھار-فىرانسىيە جۇڭگو كوللىكتىپى بىرلىكتە بەرپا قىلغان ئىسىل سەنئەت بۇيۇمى، سەييارە ئويۇن كۆرسىتىش- يېڭىلىق يارىتىش تېخنىكىسىدىن پايدىلىنىپ، جۇڭگونىڭ ئەنئەنىۋى تارىخى ئارقا كۆرۈنۈشىگە تايىنىپ، كەڭ ئاممىغا يۈزلەندۇرۇلدى، جۇڭگولۇق تاماشىبىنلارنىڭ ياخشى كۆرۈشىنى ئۈمىد قىلىمەن. جۇڭگونىڭ خەن سۇلالىسى مەدەنىيەت بۇيۇملىرى كۆرگەزمىسى – فىرانسىيە ۋە باشقا دۆلەتلەر خەلقىنىڭ خەن سۇلالىسىدىن ئىبارەت جۇڭخۇا مەدەنىيىتىگە غايەت زور تۆھپە قوشقان گۈللەنگەن دەۋىرنى تېخىمۇ ياخشى چۈشىنىشىگە ياردەم بېرىدۇ.