چەتئەل تاراتقۇلىرىنىڭ 5- يانۋاردىكى خەۋىرىگە قارىغاندا، سەئۇدى ئەرەبسىتان بىلەن ئىران ئوتتۇرسىدىكى يېرىق 4- يانۋار تېخىمۇ چوڭايغان، شۇ كۈنى سەئۇدى ئەرەبسىتان ئىران بىلەن بولغان ھاۋا قاتنىشى ۋە سودا مۇناسىۋىتىنى ئۈزۈپ تاشلىماقچى بولغانلىقىنى ئېيقان، ھەمدە ئىران ھۆكۈمىتىدىن نورمال دۆلەتلەرگە ئوخشاش ئىش قىلىشنى تەلەپ قىلىپ، پەقەت مۇشۇنداق بولغاندىلا سەئۇدى ئەرەبسىتاننىڭ ئىران بىلەن بولغان دىپلوماتىك مۇناسىۋەتنى ئەسلىگە كەلتۈرىدىغانلىقىنى بىلدۈرگەن.

     سەئۇدى ئەرەبسىتان دىپلوماتىيە مىنىستىرى جۇبەيىر چەتئەل تاراتقۇلىرىنىڭ زىيارىتىنى قوبۇل قىلغاندا: ئىران ھۆكۈمىتى نۆۋەتتىكى ۋەزىيەتنىڭ جىددىيلىشىپ كېتىشىگە مەسئۇل بولۇشى كېرەك، دېگەن. سەئۇدى ئەرەبسىتان ئۆتكەن شەنبە كۈنى شىئە مەزھىپىدىكى دىنى زات نىمىرغا ئۆلۈم جازاسى بېرىپ، ئۇنى تېرروچى دەپ ئاتىغان.

    جۇبەيىرى ئىران ھۆكۈمىتىنىڭ ئەرەب دۆلەتلىرىگە قوراللىق ئۇنسۇرلارنى ئەۋەتكەنلىكىنى ھەمدە سەئۇدى ئەرەبسىتان ۋە باشقا قولتۇق دۆلەتلىرگە ھۇجۇم قوزغاشنى پىلانلىىغانلىقىنى ئەيىبلىگەن. ئۇ يەنە سەئۇدى ئەرەبسىتاننىڭ ئىراننىڭ تاجاۋۇزچىلىق قىلمىشىغا ئىنكاس قايتۇرىدىغانلىقىنى، ئەمما ۋەزىيەتنىڭ يامانلاشتۇرىۋەتمەيدىغانلىقىنى بىلدۈرگەن ۋە مۇنداق دېگەن: بىزنىڭ ھەرىكىتىمىز پەقەت ئىراننىڭ ھەرىكىتىگە تاقابىل تۇرۇشنى مەقسەت قىلغان، ئىرانلىقلار لىۋانغا كىردى، ئىنقىلابى قوغدىنىش قىسىمىنى سۇرىيەگە ئەۋەتتى.