جاھان ئاگېنتلىقى 14-ماي خەۋىرى؛ لەگلەك تورى تەرجىمىسى: لىۋىيەدە ئىككى ھۆكۈمەت، ئىككى پارلامېت ۋە ئىككى ئارمىيە شەكىللەنگەن بولۇپ، لىۋىيەنىڭ بىنغازى شەھىرىدىكى بىر ئولتۇراق رايۇنى راكىتا ھۇجۇمىغا ئۇچراپ 8 كىشى ئۆلدى، ئۆلگەنلەردىن 7 سى كىچىك بالا ئىكەن. بۇ ھۇجۇمنى ھازىرغا قەدەر ھېچقانداق تەرەپ ئۈستىگە ئالمىدى. لىۋىيەنىڭ ئەڭ چوڭ شەھىرى بولغان بىنغازى بىر يىلدىن بۇيان توبرۇك ھۆكۈمىتى ۋە گېنىرال ھافتەرنىڭ قۇراللىق قىسىملىرى بىلەن مىللى قۇرۇلتايغا قاراشلىق قۇراللىق قىسىملارنىڭ ئارىسىدىكى توقۇنۇش سەھنىسىگە ئايلاندى. ئاپرېل ئېيىدا «ئەنسار شەرىئە» ۋە «ئىنقىلابىي ئەترەت» قۇراللىقلىرى بىلەن توبرۇك رايۇنلۇق ۋەكىللەر مەجلىسى ھۆكۈمىتى ئارمىيسىى ئارىىسدا قاتتىق توقۇنۇش يۈز بېرىپ، توقۇنۇشتا 16 ئەسكەر ئۆلگەن ۋە 50 ئەسكەر يارىلانغان.
لىۋىيەدە 2011-يىلى پرېزىدېنت مۇئەممەر قەززافى ئاغدۇرۇلغاندىن كېيىن سىياسىي جەھەتتە قالايمىقانچلىق يۈز بېرىپ،25-ئىيۇندىكى سايلامدىن كېيىن لىۋىيە سىياسىي سەھنىسىدە زور ئۆزگىرىشلەر يۈز بەردى، نەتىجىدە لىۋىيەدە ئىككى ئارمىيە، ئىككى پارلامېنت ۋە ئىككى ھۆكۈمەت شەكىللەندى.
قەززافى ئاغدۇرۇلغاندىن كېيىن لىۋىيە ئارمىيسىدە تەشكىللىك ھەربىي تۈزۈم يۇقالدى ۋە سىياسىي ساھەدە تۈرلۈك سىياسىي تارماقلارغا ئىگە بولغان بىر بىرىدىن مۇستەقىل قۇراللىق تەشكىلاتلار ھۆكۈمران بولۇشقا باشلىدى.
پىنسىيگە چىققان گېنىرال خەلىفە ھافتەرنىڭ زىنتان رايۇنىغا مەركەزلەشكەن قۇراللىق قىسىملىرى ھەربىي ئۆزگىرىش قىلىشقا ئۇرۇنغان بولسىمۇ، بۇ ئۇرۇنۇش ترابلۇس ۋە مىسراتادىكى قۇراللىق گۇرۇپپىلار تەرىپىدىن چەكلىمىگە ئۇچرىغان ئىدى. بۇ ۋەقەلەردىن كېيىن لىۋىيەدە ئىككى پارلامېنت ئۆز ئالدىغا پائالىيەت ئېلىپ بېرىشقا باشلىدى، مىللى قۇرۇلتاينىڭ قوللىشىدىكى «لىۋىيە شەپىقى» قۇراللىق بىرلەشمە قىسىملىرى بىلەن توبرۇك ۋەكىللەر مەجلىسىنىڭ قوللىشىدىكى گېنىرال ھافتەرنىڭ «غۇرۇر ھەرىكىتى» قۇراللىق قىسىملىرى ئارىسىدا توقۇنۇش داۋاملىشىۋاتىدۇ.