جاھان ئاگېنتلىقى 26-ماي خەۋىرى؛ لەگلەك تورى تەرجىمىسى: ئەنگىلىيە باش مىنىستىرى داۋىد كامىرون بىلەن روسىيە پرېزىدېنتى ۋىلادىمىر پۇتىن تېلېفون ئارقىلىق ئۇكرائىنىيە مەسىلسى ۋە سۇرىيە كىرزىسى ھەققىدە سۆھبەتلەشتى. ئەنگىلىيە باش مىنسىتىر ئىشخانىسىدىن ئېلان قىلىنغان باياناتتا، پۇتىننىڭ كامىروننى سايلامدا غەلبە قىلغانلىقىنى تەبرىكلەپ تېلېفون قىلغانلىقى، ۋە ئىككى رەھبەرنىڭ ئۇكرائىنيە ۋە سۇرىيە مەسىلىسى ھەققىدە سۆھبەتتە بولغانلىقى بىلدۈرۈلدى. يېرىم سائەت داۋاملاشقان كۆرۈشۈش نەتىجىسىدە ئېلان قىلىنغان باياناتتا، « سۇرىيە مەسىلىسىدە ئىككى رەھبەر خۇسۇسەن ئەسەبى تەشكىلات ئىراق ۋە شام ئىسلام دۆلىتى تەشكىلاتىنىڭ كېڭىيىشىنى توختىتىش بىلەن سۇرىيەدىكى ئىچكى ئۇرۇشنى سىياسىي ھەل قىلىش چارىسى ئارقىلىق ئاخىرلاشتۇرۇشقا ياردەم بېرىشنىڭ ھەم روسىيە ھەم ئەنگىلىيەگە پايدىلىق ئىكەنلىكىدە بىردەكلىككە كەلدى. كامىرون ئەسەدنىڭ سۇرىيەدىكى سىياسىي ھەل قىلىش چارىىسىنىڭ بىر قىسمى بولالمايدىغانلىقىنى تەكىتلىدى. ئىككى رەھبەر بۇ ھەقتە تىرىشچانلىق كۆرسىتىش مەقسىتىدە سۇرىيەدىكى ئىلىملىك ئۆكتىچىلەر بىلەن ئۇچرىشىشنى داۋاملاشتۇرۇشتا ھەمپىكىر بولدى». دېيلگەن.
كامىرون ئۇكرائىنيە مەسىلىسىدە ئەنگىلىيە بلەن روسىيە ئارىسىدا «چوڭقۇر پىكىرى پەرقى» بارلىقىنى ئېيتىپ، ئاۋالقى قەدەمنىڭ ھازىرقى مىنىسكى كېلىىشمنامىسىنىڭ تامامەن ئىجرا قىلىنىشى كىرەكلىكىنى تەكىتلىدى.
كامىرون ئىراننىڭ يادرو پروگراممىسى تېمىسىدا ئەنگىلىيە بىلەن روسىيەنىڭ بىرلىكتە غەلبىلىك شەكىلدە خىزمەت قىلىۋاتقانلىقىنى بىلدۈردى.
ئەنگىلىيەدە 7-مايدا ئۆتكۈزۈلگەن ئۇمۇمى سايلام نەتىجىسىدە داۋىد كامىرون باشچىلىقىدىكى مۇھاپىزەتچى پارتىيە يالغۇز ھاكىمىيەت بېشىغا چىقتى. يېڭى پارلامېنت مەزگىلىدە مۇھاپىزەتچى پارتىيە 331 ئورۇنغا، ئىشچى پارتىيىسى 232 ئورۇنغا، ئىسكوچ مىللى پارتىيىسى 56 ئورۇنغا، لىبىرال دېموكرات پارتىيىسى 7 ئورۇنغا ئېرىشكەن.