ناۋادا سىز يۇقىرى قان بېسىم كېسىلىگە گىرىپتار بولۇپ قالسىڭىز ھەرگىز غەم قىلىپ يۈرمەڭ، ھازىر يۇقىرى قان بېسىم كېسەللىكىنى ئۈزۈل-كېسىل داۋالاپ ساقايتىشنىڭ ئامالى بار، ئامېرىكىدا نەشر قىلىنغان بىر قوللانمىدا تۆۋەندىكى بىر نەچچە نۇقتىغا دىققەت قىلىش تەۋسىيە قىلىنغان:
بىرىنچى، دوختۇرنىڭ تاپشۇرۇقى بويىچە دورىنى ۋاقتىدا،داۋاملىق ئىچىش كېرەك.
ئىككىنچى، تۇزنى ئاز ئىستىمال قىلىش كېرەك. تۇز قان بېسىم كېسەللىكى ئۈچۈن ناھايىتى پايدىسى بولۇپلا قالماستىن بەلكى يۈرەكنىڭ يۈكىنى ئېغىرلاشتۇرۇۋېتىدۇ.
ئۈچىنچى، بەدەن ئېغىرلىقىنى تۆۋەنلىتىش كېرەك. دوختۇردىن قانداق ھەرىكەتلەر بىلەن شۇغۇللانغاندا بەدەن ئېغىرلىقىنى تۆۋەنلىتىشكە پايدىلىق بولىدىغانلىقى توغرىسىدا مەسلىھەت سوراش لازىم.
تۆتىنچى، تاماكىنى تاشلاش ياكى چېكىدىغان تاماكا مىقدارىنى ئازايتىش كېرەك. تاماكا قان تومۇر تېمىنى زەخىملەندۈرىدۇ ياكى قاتۇرىدۇ، تومۇرنىڭ سوقۇشنى تېزلىتىدۇ، شۇڭا تاماكا چېكىش يۇقىرى قان بېسىم كېسىلىگە گىرىپتار بولغان كىشىلەر ئۈچۈن ئېيتقاندا تولىمۇ خەتەرلىك.
بەشىنچى، دائىم دوختۇرغا كۆرۈنۈپ تۇرۇشقا ئادەتلىنىش كېرەك. قان بېسىمىنى قەرەللىك ھالدا ئۆلچىتىپ، شەخسىي كېسەللىك ئارخىپى تۇرغۇزۇپ، قان بېسىمىنى كونترول قىلىنىش ئەھۋالىنىڭ قانداق بولۇۋاتقانلىقىنى ھەر ۋاقىت بىلىپ تۇرۇش لازىم.
ئالتىنچى، روھىي جەھەتتىكى يۈكنى يەڭگىللىتىش كېرەك. چۈنكى روھى جەھەتتە جىددىيلىشىش يۇقىرى قان بېسىم كېسەللىكىنى كەلتۈرۈپ چىقىرىدىغان سەۋەبلەرنىڭ بىرى.
يۇقىرىدىكى بىرنەچچە نۇقتىنى ئەستە مەھكەم ساقلىغاندىلا يۇقىرى قان بېسىم كېسەللىكىنى كونترول قىلغىلى بولىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
