ئۈرۈمچى كەچلىك گېزىتى خەۋىرى:
ياپونىيە ئاممىۋى سەھىيە تەتقىقات ئورنىدىكى تەتقىقاتچىلار ياپونىيەدىكى زىيادە چارچاپ ئۆلۈپ كېتىش ھادىسلىرىنىڭ كۆپ كۆرۈلۈش ئەھۋالىنى تەتقىق قىلىپ، زىيادە چارچاپ ئۆلۈپ كېتىشنىڭ 27خىل ئالامىتىنى ۋە ئامىلىنى كۆرسەتكەن. تەتقىقاتچىلارنىڭ قارىشىچە، زىيادە چارچاپ ئۆلۈپ كېتىشنىڭ 27خىل ئالامىتى ۋە ئامىلى ئىچىدە يەتتە خىلدىن ئارتۇق ئالامەت ۋە ئامىل كۆرۈلگەنلىرىدە زىيادە چارچاش خەۋپى مەۋجۇتكەن.
1. دائىم چارچاش ھېس قىلىش،ئۇنتۇغاق بولۇپ قېلىش؛
2.ھاراق ئىستېمالى تۇيۇقسىزلا ئازلاپ كېتىش، ھاراق تېتىمايدىغان بولۇپ قېلىش؛
3. ئۆزىنى بىردىنلا قېرىپ قالغاندەك ھېس قىلىش؛
4. مۈرە ۋە بويۇن ئۇيۇشۇش، قېتىشىپ قېلىش
5. چارچاش ۋە ئىچى پۇشۇشتىن ئۇخلىيالماسلىق؛
6.ئۇششاق ئىشلارغىمۇ ئىچى تىتىلداش، جىلە بولۇش؛
7. ھەمىشە بېشى ئاغرىش، ئىچى سىقىلىش؛
8.قان بېسىمى يۇقىرىلاش، دىئابېت كېسىلىگە گىرىپتار بولۇش، يۈرەك تەكشۈرۈش نەتىجىسى بىنورمال چىقىش؛
9؛ بەدەن ئېغىرلىقى تۇيۇقسىز ئېشىپ، قورساق يوغىناش؛
10. كۈندە دېگۈدەك ھاراق ئىچىش.
11.كۈنىگە بەش ئىستاكاندىن ئارتۇق قەھۋە ئىچىش؛
12. دائىم ئەتىگەنلىك تاماق يېمەسلىك ھەمدە تاماق ۋاقتى مۇقىم بولماسلىق.
13.ياغدا پىشۇرۇلغان يېمەكلىكلەرنى يېيىشنى ياخشى كۆرۈش؛
14. كۈنىگە 30تالدىن ئارتۇق تاماكا چېكىش؛
15. كەچ سائەت 10غىچە ئۆيىگە قايتماسلىق ياكى12دىن كېيىن ئۆيگە قايتىش؛
16. ئىشقا بېرىش ئىشتىن كېلىش ۋاقتى ئىككى سائەتتىن ئېشىپ كېتىش؛
17.يېقىنقى يىللاردىن بۇيان ھەرىكەت قىلسىمۇ تەر چىقمايدىغان بولۇپ قېلىش؛
18. سالامەتلىكى نورمالدەك ھېس قىلىپ، كېسەل كۆرسەتمەسلىك؛
19. كۈنىگە 10سائەتتىن ئارتۇق خىزمەت قىلىش؛
20. دەم ئېلىش كۈنلىرىمۇ ئىشلەش؛
21.ھەمىشە كاماندروپكىغا چىقىش، ھەر ھەپتىدە ئاران ئىككى ئۈچ كۈنلا ئۆيدە بولۇش؛
22. تولا كېچىلىك ئىسمېنىدا ئىشلەش، ئىش ۋاقتى تەرتىپسىز بولۇش؛
23. يېقىندا خىزمەت ئورنىدىن يۆتكىلىش ياكى خىزمىتىدە ئۆزگىرىش بولۇش؛
24.ئەمىلى ئۆسۈش ياكى خىزمەت مىقدارى ئېشىش؛
25. يېقىندىن بۇيان سىمىنا قوشۇپ ئىشلەش ئەھۋالى كۆپىيىش؛
26. كىشىلەر بىلەن بولغان مۇناسىۋىتى تۇيۇقسىز ناچارلاش؛
27. يېقىندا خىزمىتىدە خاتالىق سادىر قىلىش ياكى ئۆزئارا ئەپ ئۆتمەسلىك.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
