ئەرلەرنىڭ دۈشەنبە كۈنىدىكى روھىي بېسىمى ئەڭ ئېغىر بولىدۇ

ئۈرۈمچى كەچلىك گېزىتى خەۋىرى:

ئالىملار تەتقىق قىلىش ۋە ستاتىستىكا قىلىش ئارقىلىق، دۈشەنبە كۈنى قۇرامىغا يەتكەن ئەرلەر بەرداشلىق بېردىغان پىسخىكىلىق بېسىم ئەڭ چوڭ بولىدىغانلىقى، مۇشۇ ۋاقىتتا ئەرلەردە ئاسان چارچاش، چېچىلىش، يۈرىكىنىڭ قوزغىلىش نىسبىتى يۇقىرى بولىدىغانلىقى، دەل مۇشۇ ۋاقىت ئەرلەرنىڭ باشقىلارنىڭ كۆڭۈل بۆلۈشىگە ئەڭ موھتاج بولىدىغان پەيت ئىكەنلىكىنى بايقىغان. 

ئالىملار 3300نەپەر ئەرنى ئىز قوغلاپ تەكشۈرۈش ئارقىلىق، دۈشەنبە كۈنى ئەرلەر بەرداشلىق بېرىدىغان روھىي بېسىمنىڭ ھەقىقەتەن چوڭ بولىدىغانلىقىنى، ئۆزىنى ئۆلتۈرۈۋېلىش نىسبىتىنىڭمۇ ئادەتتىكى ۋاقىتتىكىدىن %10يۇقىرى بولىدىغانلىقىنى بايقىغان. چۈنكى شەنبە، يەكشەنبە كۈنىدىكى تولۇپ تاشقان ئارام كۈنى شادلىقىدىن كېيىن ئەرلەردە« ھەممىنى قايتىدىن باشلاش»ئويى تۇغۇلۇپ، غېرىبلىق ۋە يالغۇزلۇق تۇيغۇسى تېخىمۇ كۈچىيىدىكەن. تەتقىقاتچىلارنىڭ يەنە بىر بايقىشىچە، دۈشەنبە كۈنى ئەرلەرنىڭ يۈرەك كېسىلى ئاسان قوزغىلىدىكەن، شۇڭا ئالىملار دۈشەنبە چۈشتىن كېيىندىن باشلاپ خىزمەت مىقدارىنى كۆپەيتىشنى، چۈشتىن بۇرۇن «بەدەن قىزىتىش»نى ئاساس قىلىش تەكلىپىنى بېرىدۇ، بۇنداق بولغاندا يۈرەك كېسىلىنىڭ قوزغىلىش نىسبىتىنى %59ئازايتقىلى بولىدىكەن. 

تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !