جىنسىي مۇناسىۋەت ئۆتكۈزۈشنىڭ پەيتى مۇۋاپىق تاللىنىش كېرەك
بىز دائىم «مۇۋاپىق پەيتتە، مۇۋاپىق ئىش بىلەن شۇغۇللىنىش كېرەك» دەيمىز. جىنسىي تۇرمۇشتا، جىنسىي مۇناسىۋەتتىن كېلىدىغان لەززەتتىن تولۇق بەھرىمان بولۇش ئۈچۈن، پەيتنى مۇۋاپىق تاللاش ئىنتايىن زۆرۈر. جىنسىي مۇناسىۋەت پەيتى ۋاقىت، پەسىل ۋە كەيپىيات قاتارلىق كۆپ خىل ئامىللار بىلەن مۇناسىۋەتلىك .
1. سەھەردە، ئەرلەرنىڭ جىنسىي ئىشتىياقى كۈچلۈك بولىدۇ.
كۆپ قىسىم ئەر–ئاياللار كەچتە ئۇخلاشتىن بۇرۇنقى 20 مىنوت ۋاقىت جىنسىي مۇناسىۋەتنىڭ ئەڭ ياخشى پەيتى، مۇناسىۋەتتىن كېيىن دەرھال ئۇخلاپ ھارغۇنلىقنى تۈگەتكىلى بولىدۇ، دەپ قارايدۇ. ئەمەلىيەتتە بۇ خىل قاراش ئىلمىي ئەمەس. بولۇپمۇ ئەرلەرگە نىسبەتەن ئېلىپ ئېيتقاندا، بىر كۈن پايپېتىك بولۇپ چارچىغاندىن كېيىن، كەچتە جىنسىي ھورمون سەۋىيىسى تۆۋەن، جىنسىي ھەۋىسىمۇ ئاجىزلىغان بولىدۇ. سەھەر ۋاقتى ئەرلەرنىڭ جىنسىي ھەۋىسى ئەڭ تولۇپ تاشقان ۋاقتى ھېسابلىنىدۇ، چۈنكى بىر كېچىلىك ئارام ئېلىشتىن كېيىن، ئەرلەرنىڭ جىسمانىي قۇۋۋىتى تولۇپ تاشىدۇ.
زەكەرنىڭ سەھەردىكى تەبىئىي قايىم بولۇش ھالىتىمۇ ئازادە كەيپىياتتا جىنسىي مۇناسىۋەتنى تاماملاشقا تۈرتكە بولالايدۇ. ئەتىگەندە خىزمەتكە ئالدىرايدىغان خىزمەتچىلەر ئۈچۈن ئېيتقاندا بولسا، دەم ئېلىش كۈنلىرىنىڭ سەھەر پەيتىنى تاللاپ، جىنسىي ئوبېكتى بىلەن بىرلىكتە جىنسىي مۇناسىۋەت لەززىتىدىن ئورتاق بەھرىمان بولۇشنى سىناپ بېقىشقا ئەرزىيدۇ.
2. تۇخۇم چىقىرىش مەزگىلىدىن كېيىنكى ئاياللارنىڭ جىنسىي تەلىۋى كۈچلۈك بولىدۇ.
تۇخۇم چىقارغاندىن كېيىنكى بىر ھەپتە ئاياللارنىڭ جىنسىي ھەۋىسى ئۇرغۇيدىغان پەيتى ھېسابلىنىدۇ. بۇ ۋاقىتتا، ئاياللار تېنىدىكى جىنسىي ھورمونلارنىڭ ئاجىرىتىلىشى يېتەرلىك بولۇپ، «جىنىسي يول تەلمۈرۈش» ھالىتى شەكىللىنىدۇ. بۇ ۋاقىتتا ئەر تەرەپ جىنسىي ئوبېكتىغا جىنسىيەتكە مۇناسىۋەتلىك سىگنال بەرگەندە، ئايال تەرەپ كۆپ ھاللاردا ئوڭايلا قوبۇل قىلىدۇ. بۇ مەزگىلدە ئايال تەرەپ يەنە، تېخىمۇ يېتەرلىك جىنسىي پەللىگە يېتەلەيدۇ.
3. باھار پەسلىنىڭ ئاخىرى، ياز پەسلىنىڭ باشلىنىش مەزگىلىدە جىنسىي ھەۋەس كۈچلۈك بولىدۇ.
پەسىلنىڭ ئالمىشىشى ئادەمنىڭ جىنسىي تۇرمۇش سۈپىتىگە بەلگىلىك تەسىر كۆرسىتىدۇ: باھار پەسلىنىڭ ئاخىرى، ياز پەسلىنىڭ باشلىنىش مەزگىلىدە ھاۋا تېمپىراتۇرىسىنىڭ ئۆرلىشىگە ئەگىشىپ، ئادەم تېنىدىكى ھەر قايسى ئورگانىزىملارنىڭ ماددا ئالمىشىش ئىقتىدارى كۈچىيىدۇ، روھى كۆتۈرەڭگۈ بولۇپ، جىنسىي ھەۋەسمۇ تەدەرىجى كۈچىيىدۇ. كۈز ۋە قىش پەسلىدە بولسا، ھاۋا تېمپىراتۇرىسى تۆۋەنلىگەندىن كېيىن، كىشىلەر جىنسىي مۇناسىۋەت رېتىمىنى نىسبەتەن ئازلىتىشى، جىسمانى كۈچ تولۇقلاپ، سوغۇقنىڭ ئادەم بەدىنىگە ئېلىپ كېلىدىغان تەسىرىگە تاقابىل تۇرۇش كېرەك. بولۇپمۇ پەسىل ئالماشقان مەزگىللەردە، كۈتىنىشكە ئەھمىيەت بېرىپ، جىنسىي ھەۋەستىن ئۆزىنى تارتماق ئەۋزەلدۇر.
4. خۇشال كەيپىياتتا جىنسىي تۇرمۇشتىن تېخىمۇ بەھىرلەنگىلى بولىدۇ.
كەيپىيات جىنسىي تۇرمۇش سۈپىتىگە تەسىر كۆرسىتىدىغان ناھايىتى مۇھىم ئامىل ھېسابلىنىدۇ. ناچار كەيپىياتنى جىنسىي مۇناسىۋەت جەريانىغا ئېلىپ كىرمەسلىك كېرەك، ھەم شۇنداقلا، بۇ خىل ناچار كەيپىيات بىلەن قارشى تەرەپكە تەسىر كۆرسىتىش تېخىمۇ مۇۋاپىق بولمايدۇ. جىنسىي مۇناسىۋەت ئۆتكۈزۈشتە كەيپىيات بىر قەدەر تۇراقلىق، خۇشال پەيتنى تاللاش لازىم، شۇندىلا پۈتۈن زېھنى بىلەن كىرىشكىلى ۋە لەززەتتىن بەھرىمان بولغىلى بولىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
