جىنسىيەت ئۇنچىۋالا جىق يۈكنى كۆتۈرەلمەيدۇ
ئوتتۇرا ياشلىق بىر ئەر كەسىپ ۋە تۇرمۇشنىڭ ھەرقايسى جەھەتلىرىدە خېلى مۇۋەپپەقىيەت قازىنىپ، كىشىلەر تەرىپىدىن «بەختلىك ئاتوم» دەپ ئاتالغان بولسىمۇ، دوستى بىلەن مۇڭداشقاندا، كۆڭلىدىكى سىرنى ئاشكارىلىغان: يېقىنقى ئىككى يىلدىن بېرى، دائىم خوتۇنىنىڭ جىنسىي تەلىپىنى قاندۇرالمىغان. خېلى كۆپ قۇۋۋەت دورىسى ئىچىپ، ھەرقايسى بۆلۈملەردە سالامەتلىك تەكشۈرتكەن بولسىمۇ نورمال چىققان، ئۆزى بارغانسېرى كارغا كەلمىگەن. پىسخولوگىيە دوختۇرى ئۇنىڭغا تەشۋىشلىنىشتىن كېلىپ چىققانلىقىنى ئېيتقان. ئەمما ئۇ جىنسىي تۇرمۇشتىكى ھەرىكەتلەرنى يېتەرلىك دەرىجىدە ئاستا قىلغان، ۋاقتى يېتەرسىز ئۇزۇن بولغان بولسىمۇ، قەلبىدە قايناق ھېسسىيات ۋە ئۆزىنى باسالمايدىغان ھاياجان كەمچىل بولغان. ئۇ «مەن ھەتتا ئۆزۈمنىڭ خوتۇنۇمنى ياخشى كۆرىدىغان- كۆرمەيدىغانلىقىمدىن گۇمانلىنىۋاتىمەن» دېگەندە، مەسىلە ئايدىڭلاشقان.
خاتا چۈشىنىپ قېلىشقا ھەرگىز بولمايدۇ، بۇ ھەرگىزمۇ ئۇنىڭ خوتۇنىنىڭ ياخشى كۆرمەيدىغانلىقىدىن بولماستىن، ئەكسىچە خوتۇنىنى بەك ياخشى كۆرگەنلىكىدىن بولغان، ئۇ خوتۇنىنى بەك ياخشى كۆرگەنلىكتىن تەشۋىشلىنىدىغان، ئۆزىنىڭ جىنسىي فونكسىيىسىنى باسىدىغان دەرىجىگە يەتكەن.
ئادەتتىكى ئەر-خوتۇنلار توي كېچىسى پەيزى سۈرگەندەك شېرىن ئايدا ئۆزىنى قويۇۋېتىپ قىزغىن جىنسىي تۇرمۇش ئۆتكۈزگەندە، بۇنى جىنسىيەت، مۇھەببەت ۋە نىكاھنىڭ مۇكەممەل بىرلەشتۈرۈلۈشى، ئىككىيلەننىڭ ئىنتىلگەن ۋە تەلپۈنگەن غايىۋى مەنزىلى دەپ ھېسابلايدۇ. نۇرغۇن ئەر-خوتۇن، بولۇپمۇ تويدىن كېيىنلا ئېرىگە ماسلىشالىغان ھەمدە دائىم جىنسىي يۇقىرى پەللىگە يەتكەن خوتۇنلار بىر تەجرىبە يەكۈنلەپ چىقىدۇ؛ تويدىن بۇرۇنقى رومانتىك مۇھەببەت ئەلبەتتە ياخشى، ئەمما تويدىن كېيىنكى جىنسىي مۇھەببەت تېخىمۇ ئەمەلىي، تېخىمۇ كونكرېت بولىدۇ، ئاددەمنىمۇ شۇنچە مەھلىيا قىلىدۇ. بۇ ياخشى ۋە تەبىئىي جەريان بولۇپ، كۆڭۈللۈك ئۆتكەن ھەربىر جۈپ ئەر-خوتۇن دېگۈدەك ئۇنى باشتىن كەچۈرىدۇ، ئۇنىڭ ئۈستىگە بۇ جەرياننى ئۈزلۈكسىز داۋاملاشتۇرۇشقا تايىنىپ نىكاھ ئىشىنى كۈندىن-كۈنگە مۇكەممەللەشتۈرىدۇ.
ئەمما، بەزى ئەر-خوتۇنلارغا نىسبەتەن ئېيتقاندا، بۇنداق گۈزەللىك ئىچىگە كىرزىسنىڭ ئۇرۇقى يوشۇرۇنغان بولىدۇ. ئۇلار جىنسىيەت بىلەن مۇھەببەت، جىنسىيەت بىلەن نىكاھنىڭ بىرلىكىگە ئىنتىلىپلا قالماستىن، جىنسىي تۇرمۇشنى ئەر - خوتۇننىڭ مۇھەببىتى ۋە نىكاھنىڭ كۆڭۈللۈك بولۇشىنى ئىشقا ئاشۇرۇشتىكى ئاساسلىق ۋاسىتە، ھەتتا بىردىنبىر ۋاسىتە قىلىۋالىدۇ. بۇنىڭ بىلەن، پەيدىنپەي زىيادە يۇقىرى ئۈمىد باغلاش، زىيادە يۇقىرى تەلەپ قويۇش ۋە زىيادە ئېغىر يۈك ئارتىۋېلىش ئەھۋالى شەكىللىنىدۇ.
ئەر-خوتۇن جىنسىي تۇرمۇش ئارقىلىق بىر-بىرىگە مۇھەببەت پەيدا بولىدۇ، مۇھەببىتىنى مۇستەھكەملەيدۇ ۋە كۈچەيتىدۇ. لېكىن، جىنسىيەتتە بۇ نۇقتىنى ئىشقا ئاشۇرۇش ئۈچۈن مۇنداق ئىككى شەرتنى ھازىرلاش كېرەك: (1) ئىككىيلەننىڭ جىنسىي ئىقتىدارى بىر-بىرىگە ماس كېلىشى، بىردەك بولۇشى. مەسىلەن، جىنسىي تۇرمۇش قېتىم سانى، ئۇسۇلى، ھەرقايسىسىنىڭ مايىللىقى ۋە داۋاملاشتۇرۇش ۋاقتى قاتارلىقلار بىردەك بولۇشى شەرت. (2) ئىككىيلەن ھېسسىيات ئالقماشتۇرۇشتا ئۈزلۈكسىز تۈردە يېڭى مەزمۇن ۋە يېڭى ئۇسۇللارنى قوشۇش، ئۇزاققىچە ئەسلىدىكى سەۋىيىدە توختاپ قالماسلىق. مەسىلەن، ئىككىيلەن ئورتاق ھەۋەس قىلىدىغان يېڭى تۇرمۇش نىشانلىرىنى ئۈزلۈكسىز تېپىپ چىقىش، ئىككىيلەننىڭ قىزغىنلىقىنى قوزغىيالايدىغان يېڭى پائالىيەتلەرنى ئۈزلۈكسىز كىرگۈزۈش شەرت. ئەگەر مۇشۇ ئىككى ئالدىنقى شەرت ھازىرلانسا، ئەر-خوتۇن جىنسىي تۇرمۇشنى جىنسىيەت، مۇھەببەت ۋە نىكاھ ئۇچىنى مۇكەممەل بىرلەشتۈرۈشنىڭ بىر ئامىلى قىلىپ، جىنسىيەتنىڭ رولىغىمۇ سەل قارىماسلىقى، جىنسىيەتنىڭ ئەمەلىي ئۈنۈمىنىمۇ ھەددىدىن ئارتۇق كۆپتۈرمەسلىكى كېرەك.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
