شىنجاڭ قانۇنچىلىق گېزىتى خەۋىرى: قاتتىق تەرلەش تەن ئاجىزلىقنىڭ سىگنالى. بەزى ئەرلەر ھاۋا تەڭشىگۈچلۈك مۇھىتتا ئولتۇرۇپمۇ تەرلەيدىۇ، بۇنداق تەرلەش قاتتىق تەرلەشكە تەۋە، قاتتىق تەرلەش بەدەن ئاجىزلىقتىن كېلىپ چىقىدۇ، دائىم ھارغىنلىق، ماغدۇرسىزلىنىش، نەپەسلىنىش قىيىنلىشىش، ئاشقازاننى سوغۇق قاپلاش قاتارلىق ئالامەتلەر كۆرۈلىدۇ. رېتسىپى: كەتىران-چىلان شورپىسى ئىچىپ بېرىش كېرەك. ئوغرى تەر-مەنپىيلىك زەئىپلىشىشنىڭ ئالامىتى. بەزى ئەرلەر يازدا يېرىم كېچىدە ياكى چۈشلۈك ئۇيقۇدىن ئويغانغاندا ياستۇقنى ھۆل بولۇپ كەتكەنلىكىنى بايقايدۇ، بىراق ئويغانغاندىن كېيىن تەرلىمەيدۇ، بۇ ئوغرى تەر بولۇشى مۇمكىن. ئوغرى تەر مەنپىيلىك زەئىپلىشىشتىن كېلىپ چىقىدۇ، ئادەتتە ئۇيقۇسىزلىق،ئاغزى، گېلى قۇرۇش قاتارلىق ئالامەتلەر كۆرۈلىدۇ. رېتسىپى: چىلان، پۇچەك بۇغداي شورپىسىنى ئىچىپ بېرىش كېرەك. چىلاندىن 50 گىرام، پۇچەك بۇغدايدىن 30 گرام قاينىتىپ كۈندە بىر قېتىمدىن ئىچىپ بېرىش كېرەك. قىسمەن تەرلەش سەكتىنىڭ ئالامىتى. بەزى كىشىلەرنىڭ بەدىنىنىڭ بىر تەرىپىدە تەرلەيدۇ، چوڭلارم بۇنى يېرىم بەدەن تەرلەش دەيدۇ، ئادەتتە ئوڭ ياكى سول يۇقىرى ياكى تۆۋەن بەدەن تەرلەيدۇ، بۇنداق تەرلەش سەكتە ياكى يېرىم بەدەن پالەچ بولغانلاردا كۆپ كۆرۈلىدۇ، ياشانغانلاردا قىسمەن تەرلەش ئەھۋالى كۆرۈلسە بۇ سەكتىنىڭ بېشارىتىدۇر. رېتسىپى: زەنجىۋىل- قوي گۆشى شورپىسى. قوي گۆشىدىن يېرىم كىلو گىرامنى پارچىلاپ زەنجىۋىل سېلىپ ئىككى ئۈچ سائەت قاينىتىپ ئىچىپ بەرسە بولىدۇ. سېرىق تەرلەش- نەم ئىسسىقلىقنىڭ ئالامىتى. بەزى ئەرلەر يازدا تەرلىگەندە كىيىملىرىنىڭ سارغىيىپ قالغانلىقىنى بايقايدۇ، بۇ كۆپ تەرلەشتىن بولغان بولۇشى مۇمكىن. بۇ ئاساسلىقى بەدەننى نەم ئىسسىق قاپلاپ كەتكەنلىكتىن كېلىپ چىقىدۇ، بۇنداق تەرلەيدىغانلار ئەڭ ياخشىسى داۋالاشنى قوبۇل قىلىشى كېرەك.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
