ئۈرۈمچى كەچلىك گېزىتى خەۋىرى:
پەمىدۇر قىيامى. پەمىدۇرنى كۆپ يىگەن ئەرلەرنىڭ مەزى بېزى راكىغا گىرىپتار بولۇش نىسبىتى تۆۋەن بولىدىكەن. چۈنكى پەمىدۇر تەركىبىدە زور مىقداردا شوخلا قىزىل پىگمېنتى تۈرىدىكى سەۋزە ماددىسى بار ئىكەن.
مولى قۇلۇلىسى. كۈنىگە ئىككىدىن ئۈچ تالغىچە مۇلى قۇلۇلىسى يەپ بەرسە، بىر نورمال ئەرلەرنىڭ پۈتۈن كۈنلۈك سىنىك ئېھتىياجنى قامدايدىكەن. سىنىك بولسا ئەرلەرنىڭ كۆپىيىش سىستېمىسىدىكى ئىنتايىن مۇھىم بولغان مىنېرال ماددا ئىكەن.
كاللەكبەسەي. ئالىملىرىمىز50 مىڭ ئەر كىشىنىڭ كۈندىلىك يېمەك-ئىچمىكىنى تەھلىل قىلىش ئارقىلىق، ھەپتىسىگە بەش قېتىمدىن ئارتۇق مۇشۇ كۆكتات يېگەن ئەرلەرنىڭ دوۋساق راكىغا گىرىپتار بولۇش نىسبىتى بۇخىل كۆكتاتنى ئاساسەن يېمىگەنلەردىن %50 تۆۋەن بولىدىغانلىقىنى بايقىغان.
خۇاسىڭ بوتقىسى. خۇاسىڭ بوتقىسىنىڭ ماي تەركىبى گەرچە نىسبەتەن يۇقىرى بولسىمۇ، لېكىن بۇ خىل ماي ئادەم ئۈچۈن پايدىلىق ئىكەن. خۇاسىڭ تۈرىدىكى يېمەكلىكلەر يۈرەك كېسىلىگە گىرىپتار بولۇش خەتىرىنى زور دەرىجىدە تۆۋەنلىتىدۇ.
تاۋۇز. ئەرلەر 55 ياشتىن كېيىن ناھايىتى تېزلا يۇقىرى قان بېسىم كېسىلىگە گىرىپتار بولىدۇ. تەتقىقاتچىلار كالىيغا باي يېمەكلىكلەرنىڭ يۇقىرى قان بېسىمىغا گىرىپتار بولۇش نىسبىتىنى تۆۋنلىتىدىغانلىقىنى، چۈنكى تاۋۇزنىڭ كالىيغا ئىنتايىن باي بىر تۈرلۈك يېمەكلىك ئىكەنلىكىنى ئوتتۇرىغا قويدى.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
