قانداق كىشىلەر يات جىنستىكىلەرنىڭ دىققىتىنى بەكرەك تارتىدۇ? ئەنگلىيە «كۈندىلىك پوچتا» گېزىتىنىڭ يېقىندىكى خەۋىرىگە قارىغاندا, ئامېرىكىنىڭ بىر ئەڭ يېڭى تەكشۈرۈشىدە بايقىلىشىچە, ئۆزىنى نامايان قىلالايدىغان, ئوچۇق-يورۇق, شوخ خاراكتېرىنى نامايان قىلالايدىغان قىز-يىگىتلەر يات جىنستىكىلەرنى تېخىمۇ بەكرەك جەلپ قىلالايدىكەن. ئامېرىكا پېنسىلۋانىيە شىتاتلىق ئۇنىۋېرسىتېتىنىڭ تەتقىقاتچىلىرى 250 ستۇدېنتنى تەكشۈرگەن, تەكشۈرۈش نەتىجىسىدىن بايقىلىشىچە,قىز-يىگىتلەرنىڭ ھەممىسى «يۇمۇرىستىك تۇيغۇ» سىغا ئىگە, شوخ, ئوچۇق-يورۇق خاراكتېردىكى كىشىلەرنى ئارزۇسىدىكى لايىقنى تاللاشتىكى مۇھىم ئالاھىدىلىكلەرنىڭ قاتارىغا كىرگۈزگەن. تەتقىقاتچىلار چۈشەندۈرۈپ مۇنداق دېگەن: شوخ, ئوچۇق-يورۇق خاراكتېر ئىنسانىيەتنىڭ تەدرىجىي تەرەققىياتىدىكى بىر چوڭ ئەۋزەللىك, يەنى لايىق تاللاشتىكى مۇھىم ئالاھىدىلىكلەرنىڭ بىرى, مەسىلەن: «ياش, ئاكتىپ, ئىنتىلىشچان» قاتارلىقلار. بۇ يېڭى تەكشۈرۈش نەتىجىسى شۇنى چۈشەندۈرۈپ بېرىدۇكى, ئىنسانلار ھاياتىدا ئويۇن-تاماشا قىلىشنى ياخشى كۆرىدۇ, ئەكىسچە باشقا ھايۋاناتلار قورامىغا يەتكەندىن كېيىن كىچىك ۋاقتىدىكىدەك شوخ ۋە ئويۇنچى بولمايدۇ. تەتقىقات مەسئۇلى, پروفېسسور گارىي چىك مۇنداق دېگەن: ئادەم بىلەن ھايۋان ھەر ئىككىلىسى كۆپ تۈرلۈك «مۇنەۋۋەر ئالاھىدىلىكلىرىنى نامايان قىلىدىغان لايىق» قا ئىنتىلىدۇ, ئەركەك قۇشلار ئۆزلىرىنىڭ چىرايلىق قاناتلىرىنى نامايان قىلغانغا ئوخشاش, ئەرلەرمۇ ئاياللارغا ئۆزىنىڭ داڭلىق ماركا ۋە ئاپتوموبىللىرىنى كۆز-كۆز قىلىشى مۇمكىن. مەلۇم دەرىجىدىن ئېيتقاندا, ئەرلەر ئويۇن-تاماشاغا ئامراق بولسا, ئۇلارنىڭ ئاياللارغا بېرىدىغان سىگنالى «مەندە زوراۋانلىق قىلىش ئىدىيەسى يوق, خوتۇن-بالىلىرىمغا زەخمە يەتكۈزمەيمەن» دېگەنلىكىدۇر. يەنە بىر جەھەتتىن قىز-ئاياللار شوخ, تېتىك, ئوچۇق-يورۇق بولسا, ئۇلارنىڭ ئەرلەرگە بېرىدىغان سىگنالى «مەن تېخى ياش, مەندە ئۇرغۇپ تۇرغان روھ بار» دېگەنلىكىدۇر. يىغىپ ئېيتقاندا, ئۈندىمەيدىغان كىشىلەر مۇھەببەتتە ئاسانلا «كاساتلىشىپ» قالىدۇ, بۇ خىل كىشىلەرنى چۈشەنمەك بەزىدە تېخىمۇ قىيىن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
