ئەركەكلىكنىڭ بەش خىل ئىپادىسى
ساقال-بۇرۇت، كېلىشكەن بوي-تۇرقى، ئەركەكلىك سالاپەت بۇلارنىڭ ھەممىسى ئەرلەرنىڭ تىپىك ئالاھىدىلىكى، شۇنداقلا "ئەركەكلىك"نىڭ بىۋاستە ئىپادىلىرى. ئەمما ئامېرىكا «ئەپەندى» ژورنىلى ۋە «ئەرلەر مەخسۇس لىنىيىسى» تورىدا تەكشۈرۈپ بايقىلىشىچە، دەۋىرنىڭ ئۆزگىرىشى بىلەن، كىشلەرنىڭ "ئەركەكلىك"كە بولغان چۈشەنچىسىمۇ بارغانسېرى چوڭقۇرلىشىۋاتىدۇ. يەنى، ھازىرقى زامان ئاياللىرىنىڭ قەلبىدىكى "ھەقىقىي ئەركەكلىكنىڭ بىرنەچچە خىل ئىپادىلىرى" نى مۇنۇ بىرنەچچە نۇقتىلارغا خۇلاسىلەپ ھوزۇرۇڭلارغا سۇندۇق.
تەنھەرىكەتنى ياخشى كۆرىدىغانلار: تەنھەرىكەت ئەرلەرنىڭ گاڭگۇڭ، باتۇرلۇقىنى، ئىرادىلىكلىنى تەلتۆكۈس ئىپادىلەپ بېرىغان، سالاپەتنىڭ مۇھىم ئىپادىسى. تەكشۈرۈش قۇبۇل قىلغان ئاياللارنىڭ %82ى ئەرلەرنىڭ تەنھەرىكەت بىلەن شۇغۇللانغان ۋاقتىدا بولۇپمۇ ماھارەت ھەرىكەتلىرىگە قاتناشقاندا ناھايىتىمۇ ئادەمنى ئۆزىگە جەلپ قىلىدىغانلىقىنى ئېيتقان.
جىنسىي تۇرمۇشتا مۇلايىم بولغانلار: گەرچە ئاياللار سىرتقى قىياپىتى جۇشقۇن ۋە مەردانە، گاڭگۇڭ ئەرلەرنى ياخشى كۆرسىمۇ، ئەمما جىنسىي تۇرمۇشتا "قوپال، زوراۋان"لىق ئەرلەرنىڭ قىلچىمۇ "ئەركەكلىك"نىڭ ئىپادىسى ئەمەس دەپ قارىغان. ئەكسىنچە، جىنسىي تۇرمۇشتا مۇلايىم، سەۋىرچان، پۈتۈن ۋۇجۇدى بىلەن ئىش قىلىدىغانلارلا، ئاندىن"ھەقىقىي ئەركەك سانىلىدۇ" دەپ قارىغان.
سالماق، پىشىپ يېتىلگەن ئەرلەر: "تاغا" تىپىدىكى ئەرلەر بۇ بىرنەچچە يىلدىن بۇيان پۈتۈن دۇنيادا ئومۇميۈزلۈك ئەۋج ئالغان بولۇپ، ئاساسلىقى 35~50ياشقىچە بولغان ئوتتۇراياش ئەرلەرنى كۆرسىتىدۇ. ئاياللار ياشقا چوڭراق ئەرلەرنى ياخشى كۆرىدىغان بولۇپ، بۇنىڭ سەۋەبى شۇكى ئۇلار ئاساسەن ئۆزىنى تۇتۇۋالغان، كەڭ قورساق، ھەققانىيەت تۇيغۇسىغا ئىگە، مەسئۇلىيەتچانلىقى بىلەن ئاياللارنى ئۆزىگە مايىل قىلالايدىكەن. 60% ئاياللارنىڭ قارىشىچە ئىش قىلغاندا ئۆزىنى تۇتۇۋالغان سالماق ئەرلەردە "ئەركەكلىك" سېھرى بولىدىكەن.
خىزمەتتە ئەستايىدىل بولۇش: ئامېرىكا «شەخسلەر» ژورنىلىنىڭ يىللىق شەرەپ تاختىسى تىزىملىكىدە، ئالدىنقى ئورۇندا تۇرىدىغانلىرىنىڭ كۆپىنچىسى كەسىپچان ئەرلەر ئىكەن. ئۇلار سىياسىيغا ئالاھىدە كۆڭۈل بۆلىدىغانلار بولۇپ، ئۆزىگە تولۇق ئىشەنچىسى بار، كەسىپكە ئىنتىلىدىغان، كەسپىي ھاياتىدا ئۇتۇق قازانغانلار. تەكشۈرۈشتىن، يېرىمدەك ئاياللارنىڭ قارىشىچە" خىزمەتكە ئۆزىنى ئاتىغان ئەرلەر ناھايىتى جەلىپكار بولىدىكەن".
يۇمۇرىستىك تۇيغۇسى بارلار: يۇمۇرىستىك بولۇش ئەرلەرنىڭ ئەقىل-پاراسەتلىكىنىڭ ئىپادىلىنىشى، بىراق بۇ خىل يۇمۇرىستىكىلىق يۇمۇرلارنى يادلىۋېلىپ قەستەن سۆزلەش ئەمەس، بەلكى تاسادىپىي ئەھۋالدا قىزىقچلىق قىلىپ كىشلەرنى جەلىپ قىلىشتىن ئىبارەت. تەكشۈرۈشتىن مەلۇم بولۇشىچە، %70ئاياللارنىڭ قارىشىچە، ئەرلەرنىڭ يۇمۇرىستكىلىقى ئۇلارنىڭ ئەقىللىق، ئالاقىگە ماھىر، ياشاش ئىقتىدارىنىڭ كۈچلۈكلىكىنىڭ بەلگىسى ئىكەن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
