1. ئالۇي ۋە مەرۋايىت تالقىنى.
مەرۋايىت تالقىنىنىڭ ئىنتايىن كۈچلۈك تېرىنى ئاقارتىش رولى بار, ئەلۋەتتە, مەرۋايىت تالقىنىنىڭ ئوخشىمىغان ئىشلىتىش ئۇسۇلىغا ئاساسەن تېرىنى ئاقارتىش ئۈنۈمىمۇ ئوخشىمايدۇ. مەرۋايىت تالقىنىنى مۇۋاپىق مىقداردىكى سۇ بىلەن ئارىلاشتۇرۇپ, مەلھەم ھالەتكە ئەكىلىپ, ئاندىن پاكىز يۇيىۋەتكەن تېرىگە سۈركەيمىز, بۇ خىل ئۇسۇل تېرىدىكى سېرىقلىق ئەھۋالى بىر قەدەر يېنىكرەكلەرگە ماس كېلىدۇ. ناۋادا تېرىدىكى سېرىقلىق ئەھۋالى بەك روشەن بولسا, مەرۋايىت تالقىنىنى ئالۇي سۈيى بىلەن ئارىلاشتۇرۇپ ھەمدە بۇنىڭغا ئازراق پەرداز سۈيى قوشۇپ, يۈز چاپلىقى شەكلىدە تېرىگە سۈركىسەكمۇ بولىدۇ, بۇنى ئۇزۇن مەزگىل ئىزچىل ئىشلىتىپ بەرگەندە,تېرىدىكى يىرىكلىك ۋە سېرىقلىق ئەھۋالىنى ياخشىلايدۇ.
2. سۈت ۋە مەرۋايىت تالقىنى.
مۇۋاپىق مىقداردىكى يېغى ئايرىۋېلىنغان سۈت بىلەن مەرۋايىت تالقىنىنى ئارىلاشتۇرۇپ, سۇيۇقراق ھالەتكە ئەكىلىمىز, ئاندىن پرىسلانغان قەغەز يۈز چاپلىقىنى تەييارلىۋالغان سۇيۇقلۇققا سېلىپ, تولۇق سۈمۈرۈپ نەملەشكەندىن كېيىن يۈزگە چاپلايمىز, تەخمىنەن 15 مىنۇتلاردىن كېيىن بۇ چاپلاقنى ئېلىۋېتىپ, پاكىز سۇدا يۈزنى يۇيىۋەتسەكلا بولىدۇ. بۇ يۈز چاپلىقى تېرىدىكى داغ, يىرىكلىك ۋە سېرىقلىقنى ياخشىلايدۇ, قۇرغاق تېرىلىك قىز-ئاياللارنىڭ قوللىنىشىغا ئىنتايىن ماس كېلىدۇ.
3.ياڭاق تالقىنى ۋە ھەسەل.
ياڭاق مېغىزىنى ئېزىپ تالقان ھالەتكە ئەكىلىپ, ھەسەل بىلەن ئارىلاشتۇرۇپ, تېرىگە سۈركەپ بەرگەندە تېرىدىكى يىرىكلىك ۋە سېرىقلىقنى ياخشىلايدۇ.
4. تەكىيە كاۋىسى ۋە سۈت.
تەكىيە كاۋىسى بىر تۈرلۈك ساقلىقنى ساقلاپ, بەدەننى قۇۋۋەتلەيدىغان كۆكتات بولۇپلا قالماستىن, يەنە ھۆسن گۈزەللەشتۈرۈش رولىمۇ بار. ئۇنىڭ تېرە پىگمېنتىنى سۇسلاشتۇرۇش, تېرىدىكى سېرىقلىقنى ياخشىلاش ئۈنۈمى روشەن بولۇپ, ئادەتتە تەكىيە كاۋىسىنى نېپىز يالپاقلاپ, يېڭى سۈتكە چىلاپ بىر دەم تۇرغۇزغاندىن كېيىن, ئېلىپ يۈزگە چاپلايمىز. 20 مىنۇت تۇرغۇزغاندىن كېيىن ئىلمان سۇدا يۇيىۋەتسەك, تېرىدىكى سېرىقلىقنى ئۈنۈملۈك ياخشىلايدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
