ياشلىق ۋە گۈزەللىك ئەزەلدىن ئاسانلا قولغا كەلمەيدۇ. رۇخسارىڭىزنىڭ جەزبىدار بولۇشىنى ئۈمىد قىلسىڭىز ئالدى بىلەن چوقۇم ئاسراشنى ئۆگىنىۋېلىشىڭىز كېرەك, تەن بىلەن مەنىۋىيەتنىڭ ھەر ئىككىسى ئاسراشقا مۇھتاج. ھەممە ئادەم «يىللار كىشىنى قېرىتىدۇ» دېگەن ھەقىقەتنى باشتىن كەچۈرگەن.
شۇڭا ئاسراش ئارقىلىق يۈزنى قورۇق, داغلاردىن قوغداشمۇ ھەقىقەت. بىلىشىڭىز كېرەككى, ئېلاستىكىلىقلىقى تۆۋەن قۇرغاق تېرە خۇددى سولىشىپ قالغان ئالمىغا ئوخشايدۇ, ئەينەككە قارىسىڭىزلا نۇرسىز چىرايىڭىزدىن بىزار بولىسىز. تېرىنىڭ قۇرغاقلىقى پۈتۈن چىراي گۈزەللىكىگە تەسىر كۆرسىتىدۇ. ھەتتا قارىغاندا ئەسلى يېشىڭىزدىن بەش ياش ئەتراپىدا چوڭ كۆرۈنۈشىڭىز مۇمكىن, نېمىدىگەن قورقۇنچلۇق.... قانداق قۇتۇلۇش , قانداق ئالدىنى ئېلىش كېرەك? تېرە كېسەللىكلىرى نوپۇزلۇق تېببىي دوكتورلىرى مۇنداق ھالقىلارنى يىغىنچاقلاپ چىقتى, بىرلىكتە كۆرۈپ باقايلى.
1.سېرىق ئالكوھول(خۇاڭ چۈن) تەركىبلىك پەرداز بۇيۇملىرى دانىخورەك,يىرىڭلىق قاپارتما قاتارلىقلارنى داۋالاشقا ئىشلىتىلىدۇ.
گەرچە دانىخورەكنى تىزگىنلەشتە ئۈنۈمى كۆرۈنەرلىك بولسىمۇ, ئەمما تېرىسى قۇرغاق قىزلارغا نىسبەتەن شەكىلسىز زىيانداش ھېسابلىنىدۇ.
2.بىنزويىل پىروكسىد( گو ياڭ خۇا بېن شيەن) . بۇ ماددا چوڭقۇر قاتلاملىق تازىلاش تىپىدىكى يۈز يۇيۇش سۇيۇقلۇقىغا ئىشلىتىلىدۇ, ئادەتتە بۇ تۈردىكى پەرداز بۇيۇملىرىنى داۋاملىق ئىشلەتكەندە, تېرىنى قۇرغاقلاشتۇرۇپ, قىزارتىپ, ئىششتىۋېتىدۇ, قىچىشتۇرۇپ يۈزىڭىزنى بۇزۇۋېتىدۇ.
3.ئسىپىرت تەركىبى. راستىنى ئېيتقاندا نۇرغۇن پەرداز بۇيۇملىرىنىڭ تەركىبىدە ئىسپىرت بولىدۇ. شۈبھىسىزكى, ئىسپىرت كۈچلۈك سىڭىپ كىرىش ئىقتىدارىغا ئىگە, ھەم تېز پارلىنىدۇ, ئاسانلا تېرىدىكى سۇ تەركىبىنى سۈمۈرۈۋالىدۇ. شۇڭا تەڭپۇڭ تەركىبلىك يۈز مەلھىمىنى ئىشلىتىشنى تەۋسىيە قىلىمىز.
4.سالىتسىلات كىسلاتاسى( شۈي ياڭ سۈەن) تەركىبى. ئەگەر ھەر كۈنى ئىشلىتىدىغان پەرداز بۇيۇمىڭىزنىڭ تەركىبىدە بۇ خىل تەركىب بولسا قانداق بولىدۇ? ئەمەلىيەتتە نۇرغۇنلىغان تېرە مۈڭگۈز قەۋىتىنى يوقىتىدىغان( چۈ جياۋ جې) تەركىبلىك پەرداز بۇيۇملىرىدا سالىتسىلات كىسلاتاسى بار. ئۇنىڭ مىقدارى مۇۋاپىق بولۇشى كېرەك. ئەگەر ئۆلچەمدىن ئېشىپ كەتسە تېرىنى زەخىملەندۈرىدۇ. شۇڭا قىزلار پەرداز بويۇمى تاللىغاندا ئالاھىدە دىققەت قىلىشى كېرەك.
5.چىرىشتىن ساقلىغۇچ ۋە پۇراقلىق ماتېرىياللار. چىرىشتىن ساقلىغۇچ ۋە پۇراقلىق ماتېرىياللارنىڭ بىرىكمىسى تېرىنى زەخمىلەندۈرىدىغان« قوش بىسلىق پىچاق». بۇ ئىككى خىل تەركىبلىك پەرداز بۇيۇملىرى كۆپ ئۇچرايدۇ, ھەم تېرىنى زەخمىلەندۈرىدۇ.
مەسىلەن, رىئاكسىيە قىلىش, قۇرغاقلاشتۇرۇش قاتارلىقلار. شۇڭا قىزلار پەرداز بۇيۇمى سېتىۋالغاندا ساپ تەبىئىي تەركىبلىك ئاسراش بۇيۇملىرىنى تاللاپ ئىشلىتىش لازىم. تېرىڭىزنىڭ ساغلام, گۈزەللىكى ئۈچۈن ئىككىلەنمەي بۇ خىل پەرداز بۇيۇملىرىڭىزنى تاشلىۋېتىڭ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
