ھاراقنىڭ تەركىبى ئاساسەن ئىسپىرتتىن ئىبارەت. ئىسپىرتنىڭ خىمىيىۋى ئاتالغۇسى ئېتىل ئىسپىرت بولۇپ، ئىسپىرت ئادەم بەدىنىدە ھۈجەيرە پلازمىلىرىنى زەھەرلەش ئارقىلىق ھۈجەيرىلەردە چۆكمە ھاسىل قىلىش ۋە سۇسىزلاندۇرۇش رولىنى ئوينايدۇ. ئۇنىڭدىن باشقا، ئىسپىرت نېرۋا سىستېمىسى، قان ئايلىنىش سىستېمىسى، ھەزىم سىستېمىسى ۋە نەپەس سىستېمىلىرىغىمۇ مەلۇم دەرىجىدە تەسىر كۆرسىتىدۇ.
ئاق ھاراقنىڭ تەركىبىدە ئاساسەن ئېتىل ئىسپىرتى ۋە 10 خىلدىن ئارتۇق يۇقىرى دەرىجىلىك ئېتىل، 20 خىلدىن ئارتۇق ئورگانىك كىسلاتا، 30 خىلدىن ئارتۇق مۇرەككەپ ئېتىل ۋە، ئالدىھىتلار بار بولىدۇ. بۇ ماددىلار ھاراقنىڭ پۇرىقى، تەمىنى تەڭشەش، رەڭگىنى ئۆزگەرتىش رولىنى ئوينايدۇ. كىشىلەر تەركىبىدە مۇرەككەپ ئېتىل كۆپرەك بولغان ئاق ھاراقنى ئىچسە دەرھال بىئارام بولۇپ، بېشى قايغاندەك ھېس قىلىدۇ، بەزى ئاق ھاراقلارنىڭ تەركىبىدە ئېتىل ئىسپىرتى بولۇپ، ئۇ زەھەرلەش خۇسۇسىيىتىگە ئىگە. بۇنداق ھاراقنى ئىچكەن كىشىنىڭ نېرۋا سىستېمىسى ۋە كۆزنىڭ كۆرۈش تور پەردىلىرى زەھەرلىنىدۇ، ئۈزۈم ھارىقى تەركىبىدە ۋىتامىن B1، ۋىتامىن B2 ۋىتامىن B12 ۋىتامىن te، ۋىتامىن tp قاتارلىق ماددىلار بار، ئۇلارنىڭ بەزىلىرى زەھەرلەش خۇسۇسىيىتىگە ئىگە، ئەمما ئۈزۈم ھارىقىنى مۇۋاپىق ئىستېمال قىلىنسا زەھەرلىنىش يۈز بەرمەيدۇ.
ھاراق تەركىبىدىكى ئىسپىرتنىڭ ئادەم بەدىنىنى زەھەرلىشى ئاساسەن، ئىسپىرتنىڭ نېرۋا سىستېمىلىرىنى قاتتىق كونترول قىلىۋېلىشى تۈپەيلىدىن بولىدۇ، ئىچىلگەن ھاراق تەركىبىدىكى ئىسپىرت ئاشقازان، ئۈچەي، چوڭ ئۈچەي ئارقىلىق بەدەنگە سۈمۈرۈلىدۇ. ئىچىلگەن ھاراقنىڭ تۈرى، مىقدارى، ئىسپىرتلىق دەرىجىسى ئاشقازاننىڭ چىقىرىش سۈرئىتىنىڭ تېز ئاستىلىقى قاتارلىقلار، ئىسپىرتنىڭ بەدەنگە سۈمۈرۈلۈشىگە تەسىر كۆرسىتىدۇ. ئاشقازان ۋە چوڭ ئۈچەيگە كىرگەن ئىسپىرت بەدەنگە ئىككى سائەتتىن ئالتە سائەتكىچە ياكى ئۇنىڭدىنمۇ ئۇزاقراق ۋاقىت ئىچىدە سۈمۈرۈلۈپ بولىدۇ، بەدەنگە سۈمۈرۈلگەن ئىسپىرتنىڭ %80-%90ى بەدەن ئىچىدە ئوكسىدلىنىدۇ، بىر قانچە پىرسەنتى ئوكسىدلانماي بۆرەك، تەر، كۆز يېشى، شۆلگەي، ئۆت سۇيۇقلۇقى ئارقىلىق سىرتقا چىقىرىلىدۇ. بەدەنگە سۈمۈرۈلگەن ئىسپىرتنىڭ ئوكسىدلىنىشى ئاساسەن جىگەر ئارقىلىق ئېلىپ بېرىلىدۇ، ئوكسىدلانغان ئىسپىرت ئاخىرىدا كاربون تۆت ئوكسىدى ۋە سۇغا ئايلىنىدۇ، بۇ جەرياندا ئىسپىرت نېرۋا سىستېمىلىرىنى كونترول قىلىپ زەھەرلەش رولىنى ئوينايدۇ.
ئىسپىرتتىن زەھەرلىنىش يېنىك دەرىجىدە بولغاندا ئۆزىنى تۇتالماسلىق، ئاغزىدىن شۆلگەي ئېقىش قاتارلىق ئالامەتلەر كۆرۈلىدۇ، پەرق ئېتىش، ئويلاش، ئەستە قالدۇرۇش ئىقتىدارى ئاجىزلايدۇ، ئېغىر دەرىجىدە بولغاندا، نېرۋا سىستېمىلىرىنىڭ ئىسپىرت تەرىپىدىن كونترول قىلىنىشى بارغانسېرى كۈچىيىپ، مەست بولۇش، ئۇخلاش، ھوشسىزلىنىش ئالامەتلىرى كۆرۈلىدۇ. تېخىمۇ ئېغىرلاشقاندا، ھاياتىغا خەۋپ يېتىدۇ، شۇڭا ئىسپىرت بىلەن زەھەرلىنىشتىن ساقلىنىش ئۈچۈن، ئىچىدىغان ھاراقنىڭ خۇسۇسىيىتىنى بىلىش، كۆپ مىقداردا ئىچمەسلىك، ئەگەر ئىسپىرت بىلەن زەھەرلىنىش ئالامىتى كۆرۈلسە ۋاقتىدا دوختۇرخانىغا بېرىپ، خەتەرلىك ئەھۋال يۈز بېرىشنىڭ ئالدىنى ئېلىش لازىم.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
