ئاڭلاش سېزىمى ئادەمنىڭ سەزگۈ سىستېمىسىنىڭ مۇھىم بىر قىسمى. ئادەتتىكى ۋاقىتلاردا ئاڭلاش ئىقتىدارىنى ئاسراشقا دىققەت قىلمىغاندا مەلۇم تەسىر تۈپەيلىدىن ئاڭلاش ئىقتىدارى ئاجىزلاپ كېتىش، ھەتتا گاس بولۇپ قېلىش ئەھۋاللىرى كۆرۈلىدۇ، شۇڭا ئاڭلاش ئىقتىدارىنى ئاسراشتا مۇنۇلارغا دىققەت قىلىش كېرەك:
بىرىنچى، ئىمكانىيەتنىڭ بېرىچە تىنچراق مۇھىتتا ياشاش كېرەك. كۈچلۈك شاۋقۇننىڭ گاس قىلىپ قويۇش نىسبىتى يۇقىرى بولىدۇ، ئۇزۇن مۇددەت شاۋقۇنلۇق مۇھىتتا تۇرغان كىشىنىڭ ئاڭلاش ئىقتىدارى پەيدىنپەي ئاجىزلاپ كېتىدۇ.
ئىككىنچى، تېلېۋىزور، ئۈنئالغۇلارنى بەك يۇقىرى ئاۋازدا قويماسلىق لازىم. يېقىمسىز ئاۋازلارنىڭ قۇلاققا داۋاملىق تەسىر قىلىشتىن، بولۇپمۇ كۈچلۈك پارتلاشتىن كېلىپ چىققان ئاۋازلارنىڭ قۇلاققا بىردىنلا تەسىر قىلىشتىن ساقلىنىش لازىم، مەسىلەن، پوجاڭزىغا ئوخشاش كۈچلۈك ئاۋازدا پارتلايدىغان پارتلىغۇچلاردىن يىراقتا تۇرۇش ياكى قۇلاقنى قولى بىلەن ئېتىۋېتىپ قۇلاق پەردىسىنىڭ بېسىم زەربىسى تۈپەيلىدىن تېشىلىپ كېتىشتىن ساقلىنىش، سۇغا سەكرىگەندە قۇلاقنىڭ يۈزى تەرىپىنى سۇ يۈزىگە بىۋاستە تەگگۈزمەسلىك لازىم.
ئۈچىنچى، قۇلاق قىچىشقاندا يىڭنە،چاچ قىسقۇچ قاتارلىق نەرسىلەر بىلەن كولاپ، قۇلاق ئىچكى پەردىسىنى تېشىپ قويۇشتىن ساقلىنىش لازىم.
تۆتىنچى، تاماكا چەكمەسلىك،ھاراق ئىچمەسلىك كېرەك. چۈنكى تاماكا تەركىبىدىكى نىكوتىن، ھاراقنىڭ تەركىبىدىكى ئىسپىرت قاتارلىقلار قۇلاق ئىچىدىكى سەزگۈ ئەزالارغا نىسبەتەن زەھەرلەش رولىنى ئوينايدۇ.
بەشىنچى، ئادەتتە كەيپىياتنىڭ نورمال بولۇشىغا دىققەت قىلىش لازىم. ئارتۇقچە ھاياجانلىنىش ياكى ئاچچىقلىنىش ئاڭلاش ئىقتىدارىنىڭ تۇيۇقسىز ئاجىزلاپ كېتىشى ياكى ئۆتكۈنچى گاس بولۇپ قېلىشنى كەلتۈرۈپ چىقىرىدۇ.
ئالتىنچى، سەزگۈرلۈك رېئاكسىيەسى يۈز بېرىدىغان، بولۇپمۇ دورا ئېستىمال قىلغاندا سەزگۈرلۈكى ئېشىپ كېتىدىغان كىشىلەر ئىچكى قۇلاق سەزگۈ ئەزالىرىنىڭ دورا خاراكتېرلىك گاس بولۇپ قېلىشىنى ساقلاش لازىم.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
