دىئابېت كېسەللىكىگە گىرىپتار بولغانلار مېۋە يېسە بولىدۇ، ئەمما ئىلمىيلىككە دىققەت قىلىش لازىم.
بۇ خىل كېسەللىككە گىرىپتار بولغانلارنىڭ ئورگانىزمدا شېكەر ئالمىشىش نورمال بولمىغانلىقتىن، ئۇنىڭ ئورنىنى كۆپ مىقداردىكى ئوزۇقلۇق ماددىلار بىلەن تولۇقلاشقا توغرا كېلىدۇ، ۋەھالەنكى مېۋە بۇنى تولۇقلايدىغان ئەڭ ياخشى مەنبە ھېسابلىنىدۇ. دوختۇرلارنىڭ كۆزىتىشىچە، دىئابېت كېسەللىكى بىلەن ئاغرىغانلارغا گىلۇكوزىنىڭ ئۈنۈملۈك ئەڭ كۈچلۈك بولىدىكەن. ۋەھالەنكى، كۆپ ساندىكى مېۋىلەرنىڭ تەركىبىدە مېۋە شېكىرى بولىدۇ، ئاز ساندىكى مېۋىلەرنىڭ تەركىبىدە گلۇكوزا بولىدۇ، يەنە بەزى مېۋىلەرنىڭ تەركىبىدىكى قومۇش شېكىرى ھەزىم قىلىنغاندىن كېيىن مېۋە شېكىرى بىلەن گلۇكوزىغا ئايلىنىدۇ، مېۋە شېكىرى بىلەن گلۇكوزىنىڭ ماددا ئالمىشىش جەريانى ئوخشاش بولمىغانلىقتىن، دىئابېت كېسەللىكى بىلەن ئاغرىغانلارغا كۆرۈنەرلىك تەسىر كۆرسىتەلمەيدۇ. شۇڭا، دىئابېت كېسەللىكى بارلار ئۆز ئەھۋالىغا ئاساسەن مېۋىنى مۇۋاپىق ئىستېمال قىلسا سالامەتلىككە پايدىلىق.
بىرىنچى، تەركىبىدە شېكەر ۋە كاربون سۇ بىرىكمىلىرى ئاز بولغان مېۋىلەرنى ئىستېمال قىلىش لازىم. ئادەتتە مېۋىلەردىكى شېكەر تەركىبى %4-%18بولىدۇ، دىئابېت كېسەللىكى بىلەن ئاغرىغانلار شېكەر تەركىبى %4-%15بولغان مېۋىلەرنى ئىستېمال قىلسا بولىدۇ.
شېكەر تەركىبى %4دىن تۆۋەن بولغان مېۋىلەر: شۇ خىلدىكى كۆكتاتلارنىمۇ ئۆز ئىچىگە ئالىدۇ، تاۋۇز، كاۋا، تەرخەمەك، شوخلا قاتارلىقلاردىن ئىبارەت؛
شېكەر تەركىبى%7-%12گىچە بولغان مېۋىلەر: ماندارىن، لىمون، شاپتۇل، ئۆرۈك، نەشپۈت قاتارلىقلاردىن ئىبارەت.
شېكەر تەركىبى %13-%15كىچەبولغان مېۋىلەر: ئالما، ئەنجۈر قاتارلىقلاردىن ئىبارەت. بانان بىلەن خورما تەركىبىدىكى شېكەر مىقدارى%18دىن ئېشىپ كېتىدۇ، شۇڭا بۇ خىلدىكى شېكەر تەركىبى يۇقىرى بولغانلارنى يېمەسلىك ياكى ئاز يېيىش لازىم.
ئىككىنچى، مېۋىنى ھەر قېتىمدا بەك كۆپ يېمەسلىك لازىم. يەنى 50-100گىرام يىسە بولىدۇ. ئېغىر كېسەللەر خىمىيىلىك ئانالىز نەتىجىسىگە ئاساسەن، دوختۇرنىڭ كۆرسەتمىسى بويىچە ئوزۇقلانسا بولىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
