بىرىنچى، غەربچە داۋالاش دورىلىرىنى تازا كۆتۈرەلمەيدىغان كىشىلەر جۇڭگو تېبابىتىدە داۋالانسا بولىدۇ. بەزى كىشىلەر غەربچە داۋالاش دورىلىرىنى ئۇزاق ۋاقىت ئىشلەتكەندىن كېيىن دورا پايدا قىلمايدىغان بولۇپ قالىدۇ، مۇنداق كىشىلەر جۇڭگو تېبابىتى دورىلىرى بىلەن داۋالانسا ئۈنۈمىنى كۆرىدۇ. دېمى سىقىلىدىغان، يۆتىلىدىغان، بەلغەم كۆپىيىپ كېتىپ ئۇزۇنغىچە ياخشى بولمىغان، ئۇنىڭ ئۈستىگە باكتېرىيەلەرنى يوقىتىدىغان ئوكۇللار پايدا قىلمايدىغان بولۇپ قالغان بەزى كېسەللەر داۋا بولىدىغان جۇڭگو تېبابىتى دورىلىرىنى ئىچىپ بەرسە كېسىلى كۆرۈنەرلىك ياخشىلىنىدۇ.
ئىككىنچى، غەربچە داۋالاش دورىلىرى رېئاكسىيە بېرىپ ناچار تەسىر قوزغايدىغان بەزى كېسەللەر جۇڭگو تېبابىتىدە داۋالانسا ئۈنۈمى ياخشى بولىدۇ.
ئۈچىنچى، بەزى كىشىلەر ئۆزىنى كۆپ ھاللاردا مىجەزى يوقتەك ھېس قىلىدۇ. مەسىلەن، ياز، كۈز ۋە ئەتىياز پەسىللىرىدە بەزى كىشىلەردە باش قېيىش، مەيدە چىڭقىلىش، ئىشتىھا تۇتۇلۇش، بوشىشىپ كېتىش، چوڭ تەرەت نورمال بولماسلىق، تىلنىڭ ئاستى ئاقىرىپ سەمرىگەندەك بولۇش، گېلى قۇرۇش ئەھۋالى كۆرۈلىدۇ. بىراق فىزىكىلىق تەكشۈرۈش ۋە رىنتىگىن ئارقىلىق تەكشۈرۈشتە كېسەللىك ئالامەتلىرىگە بايقالمايدۇ، بۇنداق كېسەللىكلەر، جۇڭگو تېبابىتىدە «سېرىقئەت ۋە ئاشقازانغا سوغۇق تېگىش» ياكى «ئەتىيازغا ماسلىىشالماسلىق كېسىلى» دەپ قارىلىدۇ. ئۇنداق كېسەللەرگە «خوشاڭ جىڭچۈۋەن» قاتارلىق جۇڭگو تېبابىتى دورىلىرى پايدا قىلىدۇ.
تۆتىنچى، ئېغىر كېسەلدىن قوپقان كىشىلەرنىڭ بەدىنى ئاجىزلاپ كېتىدۇ، بۇ جۇڭگو تېبابىتىدە قۇۋۋەتسىزلىنىش، قان ئازلاش، ئەرلىك ياكى ئاياللىق جىنسىي ئاجىزلاش دېگەندەك تۈرلەرگە بۆلۈنىدۇ ۋە ئۇلارغا ئوخشاش بولمىغان داۋالاش ئۇسۇللىرى قوللىنىلىدۇ.
بەشىنچى، جۇڭگو تېبابىتى دورىلىرى تەستە ساقىيىدىغان كېسەللەرگىمۇ پايدا قىلىدۇ، چۈنكى جۇڭگو تېبابىتى دورىلىرى كېسەللىك مىكروبلىرىنى بىۋاسىتە يوقىتالمىسىمۇ، لېكىن كېسەل كىشىنىڭ بەدەن قۇۋۋىتىنى ئاشۇرۇش ئارقىلىق كېسەلگە قارشى تۇرۇش ئىقتىدارىنى يېتىلدۈرىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
