ياشنىڭ چوڭىيىشىغا ئەگىشىپ, بەدەندە ھەر خىل كېسەللىك ئالامەتلىرى كۆرۈلۈشكە باشلايدۇ.
شۇڭا, مۇتەخەسسىسلەر كىشىلەرنى 30 ياشتىن ئاشقاندىن كېيىن, تۆۋەندىكى تەكشۈرۈشلەرنى قىلىپ تۇرۇشنى تەۋسىيە قىلغان.
1. بەدەن ساپاسى كۆرسەتكۈچى. تەتقىقاتلاردا بايقىلىشىچە, سەمرىپ كېتىش يۇقىرى قان بېسىم, يۈرەك كېسىلى, دىئابېت كېسىلى ۋە راك كېسىلى قاتارلىق تۈرلۈك كېسەللىكلەر بىلەن مۇناسىۋەتلىك ئىكەن.
بەدەن ساپاسى كۆرسەتكۈچى سېمىزلىكنى ئۆلچەيدىغان قولايلىق ئۇسۇل بولۇپ, BMI قىممىتى 18.5-24.9 گىچە بولغاندا نورمال بولىدىكەن.
مۇتەخەسسىسلەر 30 ياشتىن ئاشقانلارغا ھەر ئۈچ يىلدا 1 قېتىم, ناۋادا مەلۇم مەزگىلدە بەدەن ئېغىرلىقىدا روشەن ئۆزگۈرۈش بولسا, دەرھال تەكشۈرتۈش تەكلىپىنى بەرگەن.
2. يۈرەك كېسەللىكى. يۈرەك كېسىلى پۈتۈن دۇنيادىكى كىشىلەرنىڭ كېسەل بىلەن قازا قىلىشىنىڭ بىرىنچى قاتىلى. 30 ياشتىن ئاشقاندىن كېيىن, چوقۇم قان بېسىمىنىڭ ئۆزگۈرۈشىگە ئالاھىدە دىققەت قىلىشىمىز كېرەك.
يۇقىرى قان بېسىم يۈرەك كېسىلى, بۆرەك زەئىپلىشىش قاتارلىق كېسەللەرنىڭ خەۋپىنى ئاشۇرىۋېتىدۇ. يۈرەك كېسىلى ۋە يۇقىرى قان بېسىم كېسىلىگە گىرىپتار بولۇش تارىخى بارلار يۈرەك تەكشۈرتۈشكە تېخىمۇ ئەھمىيەت بېرىشى كېرەك. مۇتەخەسسىسلەر 30 ياشتىن ئاشقانلارغا ھەر 5 يىلدا بىر قېتىم يۈرەك تەكشۈرتۈش تەكلىپىنى بەرگەن.
3. دىئابېت كېسىلى. دىئابېت كېسىلىنىڭ كېسەللىك ئالامىتى «ئۈچ كۆپ بولۇش, بىر ئاز بولۇش» بولۇپ: ئۈچ كۆپ بولۇش دېگىنىمىز: كىچىك تەرەت كۆپ بولۇش, ئۇسسۇزلۇقنى كۆپ ئىچىش, يېمەكلىكنى كۆپ يىيىشنى, بىر ئاز بولۇش دېگىنىمىز: بەدەن ئېغىرلىقى چۈشۈپ كېتىشنى كۆرسىتىدۇ.
دىئابېت كېسىلى ئاسانلا يۈرەك كېسلى, كۆز, پۇت, بۆرەك, نېرۋا شۇنداقلا باشقا ئەزالارنىڭ كېسەللىك ئۆزگىرىشىنى كەلتۈرۈپ چىقىرىدۇ. مۇتەخەسسىسلەر ھەر يىلى بىر قېتىم قاندىكى شېكەر تەركىبىنى ئۆلچەپ تۇرۇش تەكلىپىنى بەرگەن.
تەتقىقاتتا بايقىلىشىچە, مېۋە, كۆكتات قاتارلىق يېمەكلىك تالالىرى كۆپ ئوزۇقلۇقلارنى يېگەندە, دىئابېت كېسىلىگە گىرىپتار بولۇش نىسبىتىنى %58 چۈشۈرگىلى بولىدىكەن.
4. چىش. ئامېرىكا مىئاۋ ئامبولاتورىيەسىدىكى تېببىي پروفېسسور برېنت بائۇر دوكتورنىڭ دېيىشىچە, چىش ئەتراپى ياللۇغى بىلەن يۈرەك كېسىلىنىڭ بەك چوڭ مۇناسىۋىتى بار ئىكەن.
چۈنكى چىشى قۇرتلاش ۋە چىش ئەتراپى ياللۇغىنى كەلتۈرۈپ چىقارغان ئېغىز بوشلۇقىدىكى مىكروبلار قانغا كىرىپ, قان تومۇر دىۋارىنى بۇزىۋېتىدىكەن ياكى بەدەندە ياللۇغ پەيدا قىلىدىكەن. بۇنىڭ بىلەن, يۈرەك كېسەللىكى كېلىپ چىقىدىكەن.
مۇتەخەسسىسلەر ھەر ئىككى يىلدا ئېغىز بوشلۇقىنى ئومۇميۈزلۈك تەكشۈرۈپ تۇرۇش تەكلىپىنى بەرگەن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
