ئەزىزتۈرك: ئەدەبىيات مەن ئۈچۈن ئاددى بىر ھەۋەس ئەمەس بەلكى شېرىن مەسئۇلىيەت.(بىلوگدىكى تېمىلار UKIJ Tuz Tom خەت نۇسخىسىدا تەييارلانغان. نورمال كۆرۈنمىسە، خەت نۇسخىسىنى بۇ يەرنى چېكىپ چۈشۈرۈپ، font ئىچىگە قاچىلاڭ!)

  • 2010-12-06

    ئەي چىڭ شېئىرلىدىن پارچىلار - [شەرق ئەللىرى ئەدەبىياتى]

    ئەي چىڭ شېئىرلىدىن پارچىلار

    مەرۋايىت

     

    زومرەتسىمان دېڭىز سۇيىدە،

    سۇمۈرىسەن كۈن جەۋھىرىنى.

    يالتىرايسەن شەپەق سۇرىدە،

    نامايەن قىپ ھەسەن – ھۈسەننى.

     

    گۈل بەرگىدە شەبنەم قىياسسەن،

    سۆيگۈنىڭدۇر كىرىستال سۈپەت.

    دانە – دانە مەرۋايىت بولدۇڭ،

    ئەقىدەڭدۇر مەركىزى قەۋەت.

     

    قۇياش

     

    تا قەدىمقى گورىتانلىقتىن

    قارا زۇلمەت يىللار ۋەسلىدىن

    ئىنسان ئۆلۈۋاتقان ئېقىمى ياقتىن

    سىلكىندۈرۈپ غەرق ئۇيقۇلۇق

                       تاغ – داۋانلارنى

    قۇياش كەلدى ماڭا ئېتىلىپ

    ھەيۋەت ئوت ئۇچقاندەك قۇملۇق ئۈستىدىن .....

     

    توساپ بولماس نۇر – قۇدرەت بىلەن

    ھاياتلىقنى ئالدۇردى نەپەس

    ئاسمانپەلەك دەل – درەخنى ئۇسۇلغا سېلىپ

    دەريا – ئېقىنلارنى نەرى تارتقۇزۇپ

    ئۆزىگىلا بېقىپ ئاقتۇردى بەس – بەس

    ئۇ كەلگەندە، ئاڭلىدىم مەن ھەم –

    قىشتا ئۆچەككە كىرگەن قۇرۇتلارنىڭ

    يەر تەكتىدە مېدىرلىشىنى

    كەڭ مەيدان – سەينالاردا

    خالايىقنىڭ ۋارقىراپ سۆزلىشىنى

    شەھەرلەرنىڭ يېراق – يېراقتىن

    توك ھەم پولات بىلەن ئۇنى چىللىشىنى

     

    شۇندىن بۇيان كۆكرىگىم – كۆكسۈم

    لاۋا ئوت قولىدا يىرتىپ تاشلاندى

    چىرىپ – سېسىغان بۇ جېنىم

    دەريا بويىغا ئېتىپ تاشلاندى

    ئىنسانىيەتنىڭ تىرىلىشىگە

    مەندە شۇ چاغ ئىشەنچ باغلاندى.

     

                        1937-يىل باھار

    ياسن ھاۋازى تەييارلىشىدىكى «ئەي چىڭ شېئىرىيەت توغرىسىدا» ناملىق كىتابتىن ئېلىندى.

     

    分享到：

    历史上的今天：