يېقىندىن بۇيان تەدبىركارنىڭ تۈرتكىسىدە، Windows 7 گە كۆچىۋاتقانلار خېلى ئاۋۇپ قالدى جۇمۇ، بىراق بىر قىسىم تورخۇمارلارنىڭ ئىنكاس قىلىشىچە، Win7 دا كامېرا قوزغاتقۇچ پروگراممىسى تولۇق قاچىلانغان بولسىمۇ، XP دىكىگە ئوخشاش كومپيۇتېرىم كۆزنىكى ئىچىدە كۆرۈنۈپ تۇرمايدىكەن، يەنە بىر قىسىم لەپتوپ(笔记本) ئىشلەتكۈچىلەر بولسا، لەپتوپقا توپلاشتۇرۇۋېتىلگەن كامېرانى باشقۇرۇشتا قولايسىزلىقلارغا ئۇچرىغانلىقىنى ئىنكاس قىلىشتى، ئەمەلىيەتتە بۇ مەسىلىنى يەنە بىر ئاددى قورال بىلەن ھەل قىلىشقا بولىدۇ.

كامېرا ھازىر ھەر بىر كومپيۇتېر ئىشلەتكۈچى ئۈچۈن مۇھىم بىر جابدۇق بولۇپ قالدى، QQ قاتارلىق ئالاقە قوراللىرىدا قارشى تەرەپنى كۆرۈپ تۇرۇپ پاراڭلىشىش قاتارلىق مەشغۇلاتلاردا يەنىلا كامېراغا تايانماي بولمايدۇ(سېپى ئۆزىدىن قۇرۇق گەپ!)، بىراق Win7 غا كۆچكەندىن كېيىن كامېرانىڭ سىنبەلگىسى XP دىكىگە ئوخشاش 我的电脑 ئىچىدە كۆرۈنمەس بولۇپ قالدى، قانداق قىلىش كېرەك؟

Ecap دەپ ئاتىلىدىغان بۇ قورال سىغىمى ئىنتايىن كىچىك ۋە قاچىلاش ھاجەتسىز بولۇپ، مەشغۇلات يۈزىمۇ پەۋقۇلئادە ئاددى، Ecap نى قوزغاتقاندىن كېيىن پەقەت 安装Win7摄像头软件 نى بېسىپ قويساقلا بولىدۇ. كامېرا ئارقىلىق رەسىمگە چۈشسىڭىزمۇ، سۈرەتكە ئالسىڭىزمۇ بولىدۇ.

ئەسكەرتىش: كامېرانى كومپيۇتېرغا چېتىپ، قوزغاتقۇچ پروگراممىسىنى نورمال تونۇتۇپ مەشغۇلات قىلىڭ، بولمىسا Ecap سىزگە بىر تال ئايكون چىقىرىپ بېرىشتىن باشقا ھېچنىمە قىلىپ بېرەلمەيدۇ. ناۋادا كامېرايىڭىزنىڭ قوزغاتقۇچ پروگراممىسىنى تاپالمسىڭىز، ئاستى قىسىمدىكى ھەممىباب كامېرا قوزغاتقۇچ پروگراممىسىنى چۈشۈرۈپ سىناپ بېقىڭ.

ھۆججەت تەپسىلاتى:

ھۆججەت نامى: Ecap
ھۆججەت سىغىمى: 203KB
پرېستېن يېشىش پارولى: www.torhumar.com

چۈشۈرۈش مەنزىلى:

Ecap نى چۈشۈرۈش | مەنبە: torhumar.com | ھەممىباب كامېرا قوزغاتقۇچ پروگراممىسى