AI ،CDR ،FH ،PSD ،PDF ،EPS قاتارلىقلار بولسا، ئادەتتە بىر قەدەر كۆپ ئىشلىتىدىغان سۈرەت لايىھە فورمات ھۆججەتلىرى بولۇپ، بۇنىڭ ئارىسىدا بىزگە PSD ۋە PDF فورماتىدىكى ھۆججەتلەر بىر قەدەر كۆپ ئۇچرايدۇ. Windows تا ئادەتتە نورمال ھالەتتە بۇ فورماتتىكى ھۆججەتلەرنى كۆرۈش ئۈچۈن مەخسۇس قورالدا ئېچىپ كۆرمىسەك، BMP، JPG قاتارلىق فورماتتىكى ھۆججەتلەرگە ئوخشاش كىچىكلەتمە شەكىلدە(缩略图) كۆرسىتىپ بېرىش ئىقتىدارى تەمىنلەنمىگەن، تۆۋەندىكى ياماقنى چۈشۈرۈش ئارقىلىق بۇ مەسىلىنى ھەل قىلىشقا بولىدۇ، ئەلۋەتتە بۇ ياماق Microsoft نىڭ ئەڭ يېڭى مەشغۇلات سېستىمىسى Windows 7 بىلەنمۇ ئىنتايىن ياخشى ماسلىشىدۇ.

بەلكىم Photoshop قاتارلىق لايىھەلەش يۇمشاق دېتاللىرى بىلەن شۇغۇللىنىدىغان دوستلار ئۈچۈن، بۇ ئىقتىدار نۇرغۇن قولايلىقلارنى ئېلىپ كېلىشى مۇمكىن. بەزىدە توردىن چۈشۈرگەن تەييار PSD قېلىپلىرىنى كۆرۈپ بېقىش ئۈچۈن ئاتايىتەن Photoshop نى قوزغىتىپ كۆرۈپ بېقىشقا توغرا كېلىدۇ، ناۋادا بۇ ياماق سېستىمىغا سەپلىۋېتىلسە، PSD نى ئېچىش ئۈچۈن كەتكەن نۇرغۇن ئارتۇق مەشغۇلات ۋە ۋاقىت تېجىلىشى مۇمكىن، مەيلى قانداقلا بولۇشىدىن قەتئىينەزەر، بۇ ياماقنى بىر قەدەر پايدىلىنىش قىممىتى بار دەپ ئويلايمەن.

ماس كېلىدىغان سېستىما: WindowsXP/Vista/Windows7

ئەسكەرتىش: توردىكى بەزى ماتېرىياللاردا Windows نىڭ بارلىق نەشىرىگە ماس كېلىدۇ دېيىلىپتۇ، مەن بۇ يەردە پەقەت Windows 7 دىلا سىناپ كۆرۈپ باقتىم، باشقا مەشغۇلات سېستىمىسىدا سىناپ باقمىغاچ، ئەمەلىي سىناش نەتىجىسىنى تەمىنلەشكە ئامالسىزمەن، ناۋادا سىناپ مۇۋاپىقىيەت قازانغان تورداشلار بولسا، سىناش نەتىجىسىنى تەمىنلەپ بېرىشىڭلارنى ئۈمىد قىلىمەن.

چۈشۈرۈش مەنزىلى:
ياماقنى چۈشۈرۈش | مەنبەسى: torhumar.com