ئۈلۈشكۈن كەچتە Microsoft شىركىتى Internet Explorer 9 نىڭ Beta نەشىرى، يەنى IE9 نى ئېلان قىلدى، يەنى IE ھازىر ئاللىقاچان 9-ئەۋلادقا قەدەم قويدى دېگەن سۆز. ئۇنداقتا كەينىمىزگە ئۆرۈلۈپ قارايدىغان بولساق، IE نىڭ نۇرغۇن ئاز بولمىغان ئىسسىق-سوغۇقلارنى باشتىن كەچۈرۈپ مۇشۇ كۈنگە كەلگەنلىكىنى كۆرۈۋېلىش تەس ئەمەس. تۆۋەندە قىستۇرما سۈرەت ئارقىلىق IE دىن ئىبارەت بۇ جانۋارنىڭ ئۆسۈپ يېتىلىش تارىخى ھەققىدە قىسقىچە تونۇشۇپ چىقىمىز.

1995-يىلى 8-ئاينىڭ 16-كۈنى مىكروسوفت Internet Explorer 1.0 نەشىرىنى ئېلان قىلدى، بۇ مىكروسوفت تەرىپىدىن قوشۇۋېلىنغان Spyglass شىركىتىنىڭ بايرىقى ئاستىدىكى Mosaic تور كۆرگۈسى(1987-يىلىلا ئېچىش تاماملانغان مەھسۇلات) ئاساسىدا ئۆزگەرتىپ ئىشلەنگەن مەھسۇلات ئىدى.

1995-يىلىدىكى IE1

ئەينى چاغدا IE نىڭ سىغىمى ئاران 1MB بولۇپ، ئىقتىدارىمۇ ئىنتايىن ئاددى ئىدى. ئۇ Windows 95 دەۋرىدە ئېلان قىلىنغان ئەمەس، بىراق كېيىن Windows 95 Plus Pack نىڭ بىر قىسىمىغا ئايلاندۇرىۋېتىلگەن.

1995-يىلىدىكى IE2

2.0 نەشىرىدە SSL، cookies قاتارلىق تېخنىكىلارغا بولغان قوللاش ئەمەلگە ئاشۇرۇلغان، بىراق بەت يۈزى يەنىلا ئىنتايىن ئاددى ھالەتتە ئىدى.

1996-يىلىدىكى IE3

1996-يىلى Windows 95 نىڭ OEM ئەسلى زاپچاس ياسىغۇچى تەرەپ نەشىرىگە نىسبەتەن نەشىر يۇقىرىلىتىش ئېلىپ بېرىلغان، IE3 دەل بۇ نەشىرگە مەجبۇرى باغلىۋېتىلگەن بولۇپ، يېڭىدىن News ۋە Mail ئىقتىدارى قوشۇلغان.

1997-يىلىدىكى IE4

IE4 كە Active Desktop ھەرىكەتچان ئۈستەل يۈزى ئىقتىدارى، DHTML قاتارلىقلار قوشۇلغان، يەنە Outlook Express 4.0 مۇ بار.

1999-يىلىدىكى IE5

IE5 نىڭ CSS1 ۋە CSS2 گە نىسبەتەن قوللاش خۇسۇسىيىتى، تور بېكەتتىكى تېكىستلەرنىڭ پاسون جەھەتتە رەڭلىنىشىنى كۈچەيتكەن.

2001-يىلىدىكى IE6

IE6 ۋە Windows XP دىن ئىبارەت بۇ جانجىگەر دوستلار ئىنتېر تورىنى خېلى يىللارغىچە سوراپ كەلدى، ھېلىھەم تا ھازىرغىچە بۇ ئىككىيلەننىڭ زوراۋانلىقىدىن قۇتۇلالمايۋاتقان تورداشلار نۇرغۇن بولۇپ، مىكروسوفتمۇ خېلى بۇرۇنلا ھەر خىل ۋاستىلەر بىلەن ئىشلەتكۈچىلەرگە IE6 نىڭ دەرىجىسىنى ئەڭ يېڭى نەشىردىكى IE گە كۆتۈرۈشكە ئىلھام بېرىشنى باشلىغان ئىدى.

2006-يىلىدىكى IE7

بۇ چاغلاردا مىكروسوفت Mozilla Firefox نىڭ رىقابەت تەھدىدىگە دۇچ كېلىۋاتقان چاغلار بولۇپ، IE7 ئېلان قىلىنغان چاغدا، Firefox 2.0 مۇ دۇنياغا كەلدى. تەكىتلەشكە ئەرزىيدىغىنى، IE7 تۇنجى قېتىم مەشغۇلات سېستىمىسىدا بىر تۈرلۈك ئايرىم قوللىنىشچان پروگرامما سۈپىتىدە ئوتتۇرىغا چىققان ئىدى. ئەپسۇسلىنارلىق يېرى، IE7 دىن ئىبارەت بۇ جانۋار Vista نىڭ مەغلۇبىيىتى تۈپەيلى بارا-بارا كىشىلەر تەرىپىدىن ئۇنتۇلۇپ كېتىشكە باشلىغان ئۆتكۈنچى مەھسۇلات بولۇپ قالدى.

2009-يىلىدىكى IE8

مىكروسوفتنى تىلى بويىچە ئېيتقاندا، IE8 يەرشارى بويىچە ئۆسۈپ يېتىلىشى ئەڭ تېز ۋە ئەڭ ئالقىشقا ئېرىشكەن تور كۆرگۈنىڭ بىرى بولۇپ قالدى.

2010-يىلىدىكى IE9

تېخى ئۈلۈشكۈن ئېلان قىلىنغان IE9 نىڭ Beta نەشىرىدە CSS3 Color Module غا بولغان قوللاش ئەمەلگە ئاشۇرۇلغان، مىكروسوفتنىڭ 5-ئايدىكى ۋەدىسىگە ئاساسلانغان، HTML5 ماتورى IE9 نىڭ ئاساسلىق يادروسى قىلىپ بېكىتىلىدىكەن.

ستاتسىكىغا ئاساسلانغان دۆلىتىمىزدە ھازىر ئەڭ كۆپ ئىشلىتىلىدىغان تور كۆرگۈ يەنىلا IE6. گەرچە بۇ توركۆرگۈ تېخى يېقىندا ئالەمدىن ئۆتكەن بولسىمۇ، يەنىلا گۆرىدىن تارتىپ چىقىرىپ ئىشلىتىۋاتقان تورداشلار خېلى نۇرغۇن. كۆپچىلىككە يەنىلا ئەڭ يېڭى نەشىردىكى IE8 ياكى FireFox تەك نادىر تور كۆرگۈلەرنى تەۋسىيە قىلىشنى ئۇنتۇمايمەن.