ئەرەپچە نامى: تاباشىر

خەنزۇچە نامى: 天竹黄

تونۇش: بۇ باشاقلىق ئۆسۈملۈكلەر ئائىلىسىدىكى كۆپ يىللىق ياغاچ غوللۇق ئۆسۈملۈك كۆك بامبۇك قاتارلىقلارنى بامبۇك پارازىت ھەرىلىرى يەپ كاۋاك قىلغاندا بامبۇك كاۋاك ئارىلىقلىرىدا ساقلانغان سۇيۇقلۇقنىڭ ئېقىپ چۈشۈپ قېتىپ قالغان مونەكلىرىدىن ئىبارەت بولۇپ <تاباشىر> نامىدا دورىغا ئىشلىتىلىدۇ.

تەبىئىتى: قۇرۇق سوغۇق.

شىپالىق رولى: كۆڭۈلگە خۇشلۇق يەتكۈزۈش، يۈرەك، جىگەرنى قۇۋۋەتلەش، مەنىي تۇتۇش، ئىچى شۈرۈشنى توختىتىش، قىزىتما ۋە ئۇسسۇزلۇقنى پەسەيتىش خۇسۇسىيىتىگە ئىگە. 

ئىشلىتىلىدىغان كېسەللىكلەر: خاپىغان، يۈرەك ئاجىزلىق، كۆڭۈل ئېلىشىش، سەپرا خاراكتېرلىك قۇسۇش، مەنىي تېز كېتىش، بالىياتقۇدىن سۇيۇقلۇقنىڭ كۆپ كېلىشى، قاندىن بولغان بوۋاسىر قاتارلىقلارغا ئىشلىتىلىدۇ. 

ئىشلىتىش ئۇسۇلى: بۇنى قىزىلگۈل بىلەن قوشۇپ ئىچىشكە بېرىلسە ئېغىر كېسەللىكلەر ئۈچۈن پايدا قىلىدۇ، ئۇندىن باشقا چىش ئاغرىقلىرىنىڭ دورىلىرىغا قوشۇپ ئىشلىتىلىدۇ. 

ئىشلىتىش مىقدارى: 1-3 گرام.

زىيانلىق تەسىرى: باھ ۋە ئۆپكىگە زىيان قىلىدۇ. 

تۈزەتكۈچىسى: ھەسەل، مەستىكى، چىلان، زەپەر، سەبرى.

ئورۇنباسىرى: سېمىزئوت، سۇماق، گىلى مەختۇم، ئاق سەندەل، كاسىنە ئۇرۇقى.

چىقىش ئورنى:  ئېلىمىزنىڭ گۇۋاڭدۇڭ، يۈننەن، گۇۋاڭشى قاتارلىق ئۆلكىلىرىدىن ھەم چەت ئەللەردىنمۇ چىقىدۇ.