ئەرەپچە نامى: ئۇرۇقۇل كافۇر، ئۇرۇقۇتتەيىب.

ئوردۇچە نامى: نەركەپۇر، كەپۇر كەچرى.

خەنزۇچە نامى: 莪术

تونۇش: بۇ زەنجىۋىل ئائىلىسىدىكى كۆپ يىللىق كونا يىلتىزلىق سامان غوللۇق ئۆسۈملۈك بوزۇغانىڭ يىلتىزسىمان غولى بولۇپ، <ئايلىنىش>.<بوزۇغا>، <زۇرەنبات>، <نەركەچۇر> قاتارلىق ناملاردا دورىغا ئىشلىتىلىدۇ. 

تەبىئىتى: ئىككىنچى دەرىجىدە قۇرۇق ئىسسىق. 

شىپالىق رولى: توسالغۇلارنى ئېچىش، مېڭە، يۈرەك، ئاشقازان ۋە باھنى قۇۋۋەتلەش، قۇسۇشنى توختىتىش، سۈيدۈك ۋە ھەيزنى راۋان قىلىش، چىش تۈۋىنى چىڭىتىش قاتارلىق خۇسۇسىيەتكە ئىگە. 

ئىشلىتىلىدىغان كېسەللىكلەر: سوغۇق يەلدىن ۋە بەلغەمدىن بولغان يۆتەل، بالىياتقۇنىڭ يەللىك ئاغرىقى، بالىلاردىكى تولغاق، چىش ئاغرىقى، زىققە، چىش تۈۋى بوشاپ قېلىش، سوغۇقتىن بولغان ھەرخىل ئىششىقلار، بوغۇم ئاغرىقلىرى قاتارلىقلاردا ئىشلىتىلىدۇ. 

ئىشلىتىش ئۇسۇلى: بوزۇغا سۇفۇپىنى كۈندە ئۈچ قېتىم، ھەر قېتىمدا ئىككى گرام مىقداردا ئىچسە يۇقىرىقى كېسەللىكلەرگە پايدا قىلىدۇ، بوزۇغا ئادەتتە كۆپرەك سىرت تەرەپتىن ئىشلىتىلىدۇ ھەم مۇرەككەپ نۇسخىلارغا كىرگۈزۈلىدۇ. 

ئىشلىتىش مىقدارى: 1-3 گرام. 

چىقىش ئورنى: ئېلىمىزنىڭ گۇۋاڭدۇڭ، گۇۋاڭشى قاتارلىق ئۆلكىلىرىدىن ھەم بىنگال، ئىراق قاتارلىق ئەللەردىن چىقىدۇ.