٭٭٭٭٭٭٭٭٭٭٭٭٭٭٭
چاشقانلارغا بايرام
٭٭٭٭٭٭٭٭٭٭٭٭٭٭٭


ساداقەتجان ھاجى
٭٭٭٭٭٭٭٭٭٭٭٭٭٭٭


چاشقانلار شۇ قەدەر بەختلىك بۈگۈن.
شۇقەدەر خاتىرجەم ئۇلارنىڭ كۈنى.
ياشايدۇ ئەركىلەپ، ئىغىناپ، سەكرەپ،
ھىس قىلماي مۈشۈكنىڭ ۋەھىمىسىنى.
چاشقانلار چىققاندا دائىم تۆشۈكتىن،
تەپ تارتىش ئورنىغا تاختا مۈشۈكتىن،
تاختا مۈشۈكتىن ئوزۇق ئېلىپ،
تاختا مۈشۈكتىن نەپەس ئېلىپ،
تاختا مۈشۈكتىن زوق ئېلىپ،
ئەيشى-ئىشرەت، ھەۋەس ئېلىپ،
يوغىناپ، سەمىرىپ، بوي تارتىپ،
ياشايدۇ ھەر كۈنى توي تارتىپ.
چاشقانلار شۇ قەدەر يۈرەكلىك بۈگۈن.
قورقمايدۇ مۈشۈكتىن، تاختا مۈشۈكتىن.
ئۆمىلەپ يۈرمەيدۇ بۇلۇڭ- پۇچقاقتا،
كىرىدۇ ئۇدۇللا يوغان ئىشىكتىن …
چاشقانلار شۇ قەدەر ئەقىللىق بۈگۈن.
ئادەمنى ئادەمدىن بەكرەك چۈشىنەر ...

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
(2003-يىل. قەشقەر)
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
http://ketmenbay.blogbus.com/logs/35488182.html
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭