خىيال بىلەن چۈشنىڭ ئارىسى
قەيسەر تۇرسۇن
قاچقۇن
مەن پەقەت بىر قاچقۇن ماكانسىز ھامان ،
يۈرىمەن ئۆيۈمنىڭ ئىچىدە قېچىپ .
تېنىمگە چاپلانغان تۇتۇش بۇيرۇقى ،
قاراڭغۇ تۈرمىنى تۇرار ئەسلىتىپ .
ئىزدەيمەن ئۈزلۈكسىز قونالغۇ－ماكان ،
قەلبىمنىڭ ئەڭ چوڭقۇر قاتلىمى ئارا .
گاھىدا ئەرۋاھتەك يۈرسەم يوشۇرۇن ،
گاھىدا ۋارقىراپ يىغلايمەن راسا .
بىلىمەن چەكسىزدۇر سۆيگۈ قۇدرىتى ،
قىلىنماي قالغاندا ھېچكىمگە ئىزھار .
كۈلپەتسىز تۇرمۇشقا يېقىندۇر ئۆلۈم ،
كۈلپەتسىز تۇرمۇشتا بولمايدۇ باھار .
كۈلپەتلىك ناخشىلار قوغلايدۇ بىراق ،
قاچىمەن قەلبىمنىڭ ئىچىگە قاراپ .
بەش مىليارد ئادەمنىڭ ھەممىسى گويا
يۈرگەندەك ئاھ ، پەقەت مېنىلا قوغلاپ .
قېچىشمۇ ئادەمگە ئارتىلغان قەرز ،
كەتكۈم يوق ئاھ ، ئۇنى تۆلىمەي بىراق .
تۇرمۇشنىڭ ھەيۋەتلىك ئەينەك ساندۇقى ،
ساقلايدۇ ئازابنى ئۇزاق بەك ئۇزاق .
قورقىمەن ئازابتىن چەكسىز شۇقەدەر ،
سۈپسۈزۈك قەلبىمنىڭ ئىچىگە قاراپ .
ئاھ ، مېنى ئۆزگەرتىپ بولالماس ھامان ،
قاچقۇنلۇق ھەققىدە يېزىلغان كىتاب .
ھېسسىيات تەسۋىرى
مۇھەببەت بىر كىنو ، ئەگىشىپ ئاڭا
تەسەۋۋۇر بارغانچە كېڭىيىپ بارار .
ئاھ ، ئاشۇ لەززەتلىك كېڭىيىش ئارا
يۈرەكلەر بىر دۆۋە كۈلگە ئايلىنار .
رەڭلىرى تەڭشەلگەن ئېكرانغا قاراپ ،
ئۆتمۈش ۋە كەلگۈسى قىلىنار خىيال .
ئاچ قېلىش سۆيگۈگە ئەڭ ياخشى جاۋاب ،
ئەڭ چوڭقۇر ئازگالدۇر دىلدىكى ئازگال .
بىلىمىز بىز كىنو كۆرۈشنى قانداق ،
پەقەتلا ھەممىدىن قالغاندا مەھرۇم .
قىيانىڭ لېۋىدە تۇرۇپ بەك ئۇزاق ،
ھاياتقا قىيالماي قارايمىز چوقۇم .
كېيىنكى دوستلارغا سۆزلەيمىز ھامان ،
كىنو ۋە رېئاللىق ھەققىدە ئۇزاق .
ئاھ ، ئۇلار بولسىمۇ سۆيۈپ ئاڭلىغان ،
بىز ماڭغان يل بىلەن ماڭىدۇ بىراق .
مۇھەببەت بىر كىنو ، ياشلىق بىر بېلەت ،
بىر ئوتلۇق ناخشىغا ئايلىنار ئۇلار .
بەزىلەر ئۇنىڭدا سۈرسە سەلتەنەت ،
بەزىلەر قەبرىگە ئايلىنىپ قالار .
بېغىشلىما
بىر كېچىدە چۈشەپ ئۈچ قېتىم ،
كۆزلىرىڭگە تىكىلدىم ئۇزاق .
دېڭىزىڭدا ئاقماقتا قېنىم
بەدىنىمدىن كېتەلمەي يىراق .
يۈرىكىمگە كىرمەكتە تېخى ،
كۆزلىرىڭنىڭ نۇرى تىپتىنچ .
مەلىكىدەك قوغدايتتى سېنى
چاچلىرىڭدىن ياسالغان قىلىچ .
ئىزدەپ سەندىن ئۆزگىچە نۇقسان ،
يېرىم چېلەك قان بولدى يۈرەك .
قىلدى مېنى قايتىدىن ۋەيران
كۆڭۈل دېگەن دەردمەن ئاقسۆڭەك .
كۆزلەر ياشسىز بولغىنى بىلەن ،
ئاستا－ئاستا توزىدى قامەت .
مەڭگۈ سەزمەس جەلپكار بەدەن ،
خىيال گويا تۈندىكى ئامەت .
كۆز ئالدىمدا غەمكىن چىرايلار
كۆيگەن خىشنى ئەسلىتەر ھامان .
چۈشلىرىمدە ياسىغان باھار
تاڭ سەھەردە بولدى زىمىستان .
شۇ تاپ ئۆتمۈش ئېگىز بىر داۋان ،
تۆت ئەتراپى قەۋەت－قەۋەت مۇز .
دەردمەن ئادەم بىر ئېسىل خۇمدان ،
تاۋلاپ چىقار سۆيگۈنى يالغۇز .
قەيسەر تۇرسۇن
قاچقۇن
مەن پەقەت بىر قاچقۇن ماكانسىز ھامان ،
يۈرىمەن ئۆيۈمنىڭ ئىچىدە قېچىپ .
تېنىمگە چاپلانغان تۇتۇش بۇيرۇقى ،
قاراڭغۇ تۈرمىنى تۇرار ئەسلىتىپ .
ئىزدەيمەن ئۈزلۈكسىز قونالغۇ－ماكان ،
قەلبىمنىڭ ئەڭ چوڭقۇر قاتلىمى ئارا .
گاھىدا ئەرۋاھتەك يۈرسەم يوشۇرۇن ،
گاھىدا ۋارقىراپ يىغلايمەن راسا .
بىلىمەن چەكسىزدۇر سۆيگۈ قۇدرىتى ،
قىلىنماي قالغاندا ھېچكىمگە ئىزھار .
كۈلپەتسىز تۇرمۇشقا يېقىندۇر ئۆلۈم ،
كۈلپەتسىز تۇرمۇشتا بولمايدۇ باھار .
كۈلپەتلىك ناخشىلار قوغلايدۇ بىراق ،
قاچىمەن قەلبىمنىڭ ئىچىگە قاراپ .
بەش مىليارد ئادەمنىڭ ھەممىسى گويا
يۈرگەندەك ئاھ ، پەقەت مېنىلا قوغلاپ .
قېچىشمۇ ئادەمگە ئارتىلغان قەرز ،
كەتكۈم يوق ئاھ ، ئۇنى تۆلىمەي بىراق .
تۇرمۇشنىڭ ھەيۋەتلىك ئەينەك ساندۇقى ،
ساقلايدۇ ئازابنى ئۇزاق بەك ئۇزاق .
قورقىمەن ئازابتىن چەكسىز شۇقەدەر ،
سۈپسۈزۈك قەلبىمنىڭ ئىچىگە قاراپ .
ئاھ ، مېنى ئۆزگەرتىپ بولالماس ھامان ،
قاچقۇنلۇق ھەققىدە يېزىلغان كىتاب .
ھېسسىيات تەسۋىرى
مۇھەببەت بىر كىنو ، ئەگىشىپ ئاڭا
تەسەۋۋۇر بارغانچە كېڭىيىپ بارار .
ئاھ ، ئاشۇ لەززەتلىك كېڭىيىش ئارا
يۈرەكلەر بىر دۆۋە كۈلگە ئايلىنار .
رەڭلىرى تەڭشەلگەن ئېكرانغا قاراپ ،
ئۆتمۈش ۋە كەلگۈسى قىلىنار خىيال .
ئاچ قېلىش سۆيگۈگە ئەڭ ياخشى جاۋاب ،
ئەڭ چوڭقۇر ئازگالدۇر دىلدىكى ئازگال .
بىلىمىز بىز كىنو كۆرۈشنى قانداق ،
پەقەتلا ھەممىدىن قالغاندا مەھرۇم .
قىيانىڭ لېۋىدە تۇرۇپ بەك ئۇزاق ،
ھاياتقا قىيالماي قارايمىز چوقۇم .
كېيىنكى دوستلارغا سۆزلەيمىز ھامان ،
كىنو ۋە رېئاللىق ھەققىدە ئۇزاق .
ئاھ ، ئۇلار بولسىمۇ سۆيۈپ ئاڭلىغان ،
بىز ماڭغان يل بىلەن ماڭىدۇ بىراق .
مۇھەببەت بىر كىنو ، ياشلىق بىر بېلەت ،
بىر ئوتلۇق ناخشىغا ئايلىنار ئۇلار .
بەزىلەر ئۇنىڭدا سۈرسە سەلتەنەت ،
بەزىلەر قەبرىگە ئايلىنىپ قالار .
بېغىشلىما
بىر كېچىدە چۈشەپ ئۈچ قېتىم ،
كۆزلىرىڭگە تىكىلدىم ئۇزاق .
دېڭىزىڭدا ئاقماقتا قېنىم
بەدىنىمدىن كېتەلمەي يىراق .
يۈرىكىمگە كىرمەكتە تېخى ،
كۆزلىرىڭنىڭ نۇرى تىپتىنچ .
مەلىكىدەك قوغدايتتى سېنى
چاچلىرىڭدىن ياسالغان قىلىچ .
ئىزدەپ سەندىن ئۆزگىچە نۇقسان ،
يېرىم چېلەك قان بولدى يۈرەك .
قىلدى مېنى قايتىدىن ۋەيران
كۆڭۈل دېگەن دەردمەن ئاقسۆڭەك .
كۆزلەر ياشسىز بولغىنى بىلەن ،
ئاستا－ئاستا توزىدى قامەت .
مەڭگۈ سەزمەس جەلپكار بەدەن ،
خىيال گويا تۈندىكى ئامەت .
كۆز ئالدىمدا غەمكىن چىرايلار
كۆيگەن خىشنى ئەسلىتەر ھامان .
چۈشلىرىمدە ياسىغان باھار
تاڭ سەھەردە بولدى زىمىستان .
شۇ تاپ ئۆتمۈش ئېگىز بىر داۋان ،
تۆت ئەتراپى قەۋەت－قەۋەت مۇز .
دەردمەن ئادەم بىر ئېسىل خۇمدان ،
تاۋلاپ چىقار سۆيگۈنى يالغۇز .
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.