ﻗﯩﻤﻤﻪﺗﻠﯩﻚ ﺗﻪﺟﺮﯨﺒﻪ

 (ﻫﯧﻜﺎﻳﻪ) 
  

     ﻗﺎﺑﻐﯘ (1) ﺧﯩﺰﻣﻪﺗﻜﻪ ﻗﺎﺗﻨﺎﺷﻘﯩﻨﯩﻤﻐﯩﻤﯘ 10 ﻳﯩﻠﺪﻩﻙ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﻣﺎﯕﺎ ﻳﺎ ﺋﯚﮔﯩﻨﯩﺶ ﭘﯘﺭﺳﯩﺘﻰ ﻳﺎ ﻫﯚﻛﯜﻣﻪﺕ ﺧﯩﺰﻣﯩﺘﻰ ﺑﯩﻠﻪﻥ ﺳﯩﺮﺗﻘﺎ ﭼﯩﻘﯩﭗ ﺋﯩﺶ ﺑﯧﺠﯩﺮﯨﺪﯨﻐﺎﻥ ﭘﯘﺭﺳﻪﺗﻠﻪﺭﻣﯘ ﻛﻪﻟﻤﯩﮕﻪﻧﯩﺪﻯ. ﻳﯧﻘﯩﻨﺪﺍ ﺗﻪﺷﻜﯩﻠﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺋﻮﻗﯘﺗﻘﯘﭼﯩﺪﯨﻦ ﺑﯩﺮﺍﻗﻼ ﺋﻮﺭﮔﺎﻧﺪﯨﻜﻰ ﺭﻩﻫﺒﯩﺮﯨﻲ ﻛﺎﺩﯨﺮ ﺑﻮﻟﯘﭖ ﻗﺎﻟﺪﯨﻢ. ﻳﯧﯖﻰ ﺧﯩﺰﻣﻪﺕ ﺋﻮﺭﻧﯘﻣﺪﺍ ﺑﻪﺯﻯ ﺋﯩﺸﻼﺭﻧﯩﯔ ﺋﻪﻟﯩﻤﻰ- ﺗﻪﻟﻤﯩﻨﻰ ﺑﯩﻠﻤﯩﮕﻪﭼﻜﻪ ﻛﯚﭘﯩﻨﭽﻪ ﯞﺍﻗﺘﯩﻢ ﺋﺎﻟﺪﯨﺮﺍﺷﻠﯩﻖ ﺋﯩﭽﯩﺪﻩ ﺋﯚﺗﯩﯟﺍﺗﺎﺗﺘﻰ، ﺷﯘﻧﺪﺍﻗﺘﯩﻤﯘ ﺑﯘ ﻳﻪﺭﺩﻩ ﺑﯘﺭﯗﻧﻘﯩﺪﻩﻙ ﻣﻪﻫﻪﻟﻠﯩﻤﯘ ﻣﻪﻫﻪﻟﻠﻪ ﻳﯜﺭﯛﭖ ﺋﻮﻗﯘﻏﯘﭼﻰ ﻳﯩﻐﯩﺶ، ﺋﺎﺗﺎ- ﺋﺎﻧﯩﻼﺭ ﺑﯩﻠﻪﻥ ﺋﺎﺧﯩﺮﻯ ﭼﯩﻘﻤﺎﻳﺪﯨﻐﺎﻥ ﺳﯚﻫﺒﻪﺗﻠﻪﺭﻧﻰ ﺋﯚﺗﻜﯜﺯﯛﺵ ﺩﯦﮕﻪﻧﻠﻪﺭﺩﯨﻦ ﺧﺎﻟﻰ ﺑﻮﻟﯘﭖ ﻗﺎﻟﻐﺎﻧﯩﺪﯨﻢ. ﺑﻪﻟﻜﯩﻢ ﺧﯩﺰﻣﻪﺗﻜﻪ ﻛﯩﺮﯨﺸﯩﭗ ﻛﻪﺗﺴﻪﻡ ﺋﺎﻧﭽﻪ ﻗﯩﻴﯩﻨﻤﯘ ﺑﻮﻟﻤﺎﺱ، ﺷﯘ ﭼﺎﻏﺪﺍ ﻣﻪﻧﻤﯘ ﻣﺎﯞﯗ ﺧﯩﺰﻣﻪﺗﺪﺍﺷﻠﯩﺮﯨﻤﺪﻩﻙ ﺋﺎﻟﺪﯨﻤﺪﯨﻜﻰ ﻛﻮﻣﭙﻴﻮﺗﯧﺮﻧﻰ ﺋﯩﺸﻠﯩﺘﯩﺸﻨﻰ ﺋﯚﮔﯩﻨﯩﭗ، ﺩﻩﯞﺭ ﺕــﻩﺭﻩﻗﻘﯩﻴﺎﺗﯩﻐﺎ ﻣﺎﺳﻠﯩﺸﯩﭗ، ﺧﯩﺰﻣﻪﺗﺪﯨﺸﯩﻢ ﺋﯩﻠﯩﻴﺎﺱ ﺩﯦﮕﻪﻧﺪﻩﻙ ﺋﺎﻟﺪﻯ ﺑﯩﻠﻪﻥ ﺗﻮﺭ ﺩﯗﻧﻴﺎﺳﻰ، ﻛﯧﻴﯩﻦ ﻗﺎﺭﺕ، ﻣﺎﺟﺎﯓ، ﻳﻪﻧﻪ ﺋﻮﻳﯘﻧﭽﯘﻕ ﺋﻮﻳﻨﺎﺵ ﻗﺎﺗﺎﺭﻟﯩﻘﻼﺭﻧﯩﯔ ﻗﺎﻧﯘﻧﯩﻴﯩﺘﯩﻨﻰ ﺗﻮﻟﯘﻕ ﺋﯩﮕﻠﯩﯟﯦﻠﯩﭗ، ﻛﯜﻥ ﺋﯚﺗﻜﯜﺯﯛﺷﻨﯩﻤﯘ ﺑﯩﻠﯩﭙﻤﯘ ﻗﺎﻻﺭﻣﻪﻥ. ﺋﺎﺭﺯﯗﻳﯘﻣﻨﻰ ﺭﻩﻫﺒﻪﺭﻟﯩﻚ ﺑﯩﻠﮕﻪﻧﺪﻩﻙ ﺋﯜﺭﯛﻣﭽﯩﺪﻩ ﺋﯧﭽﯩﻠﯩﺪﯨﻐﺎﻥ «ﺭﻩﻫﺒﯩﺮﯨﻲ ﻛﺎﺩﯨﺮﻻﺭﻧﻰ ﻛﻮﻣﭙﻴﻮﺗﯧﺮ ﺑﯩﻠﯩﻤﻠﯩﺮﻯ ﺑﻮﻳﯩﭽﻪ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ» ﻏﺎ ﺑﯧﺮﯨﺸﯩﻤﻨﻰ ﺋﯘﻗﺘﯘﺭﯗﭖ، ﻣﺎﯕﺎ ﻛﯘﺭﺱ ﺟﻪﺭﻳﺎﻧﯩﺪﺍ ﺩﯨﻘﻘﻪﺕ ﻗﯩﻠﯩﺪﯨﻐﺎﻥ ﻧﯘﺭﻏﯘﻥ ﺋﯩﺸﻼﺭﻧﻰ ﺗﺎﭘﻠﯩﺪﻯ. ﻛﯚﯕﻠﯜﻣﺪﻩ ﺋﻮﻗﯘﺵ ﭘﯜﺗﺘﯜﺭﯛﭖ 10 ﻳﯩﻠﺪﯨﻦ ﺑﯩﺮﻯ ﻛﯚﺭﯛﺷﻪﻟﻤﯩﮕﻪﻥ ﺋﻮﻗﯘﺗﻘﯘﭼﻰ، ﺳﺎﯞﺍﻗﺪﺍﺷﻠﯩﺮﯨﻢ ﺑﯩﻠﻪﻥ ﺋﯘﭼﺮﯨﺸﯩﭗ، ﺗﺎﺯﺍ ﻛﯚﯕﯜﻟﻠﯜﻙ ﺋﻮﻳﻨﺎﭖ ﻛﯧﻠﯩﺪﯨﻐﺎﻥ ﺑﻮﻟﺪﯗﻡ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ ﺧﯘﺷﺎﻟﻠﯩﻨﯩﭗ ﻗﺎﻟﺪﯨﻢ. ﺩﯦﻤﯩﺴﯩﻤﯘ 10 ﻳﯩﻠﺪﯨﻦ ﺑﯘﻳﺎﻥ ﻧﯧﻤﯩﺶ ﻗﯩﻠﻤﺎﻕ ﺧﯩﺰﻣﻪﺕ ﺩﻩﭘﻼ ﺋﯚﺗﯜﭖ، ﺗﯜﺯﯛﻛﻜﯩﻨﻪ ﺩﻩﻡ ﺋﯧﻠﯩﭗ ﺑﺎﻗﻤﺎﭘﺘﯩﻤﻪﻥ، ﻳﻮﻟﻐﺎ ﭼﯩﻘﯩﺸﺘﯩﻦ ﺋﺎﯞﯞﺍﻝ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺧﺎﺗﯩﺮﯨﻠﯩﯟﺍﻟﻐﺎﻥ، ﺋﺎﻻﻗﯩﻠﯩﺸﯩﭗ ﺗﯘﺭﯗﯞﺍﺗﻘﺎﻧﻼﺭ ﺋﺎﺭﻗﯩﻠﯩﻖ، ﺋﯜﺭﯛﻣﭽﯩﺪﯨﻜﻰ ﺳﺎﯞﺍﻗﺪﺍﺷﯩﻠﺮﯨﻤﻐﺎ ﻳﯘﺭﺗﺘﯩﻦ ﺋﺎﻳﺮﯨﻠﻤﺎﻱ ﺗﯘﺭﯗﭖ ﺧﻪﯞﻩﺭ ﻗﯩﻠﺪﯨﻢ. ﻣﻪﻥ ﺋﯩﺪﺍﺭﻩ ﺭﻩﻫﺒﻪﺭﻟﯩﺮﯨﻨﯩﯔ ﻗﺎﺗﻨﺎﺵ ﺑﯩﺨﻪﺗﻪﺭﻟﯩﻜﻜﯩﮕﻪ ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﯔ ﺩﯦﮕﻪﻥ ﺗﻪﻟﯩﭙﻰ ﺑﻮﻳﯩﭽﻪ ﭘﻮﻳﯩﺰﻏﺎ ﺋﻮﻟﺘﯘﺭﯗﭖ ﺑﯧﺮﯨﺸﻨﻰ ﺗﻮﻏﺮﺍ ﺗﺎﭘﺘﯩﻢ، ﺋﺎﺧﯩﺮﻯ ﻳﻮﻟﻐﯩﻤﯘ ﭼﯩﻘﺘﯩﻢ. ﭘﻮﻳﯩﺰﺩﺍ ﻧﯧﻤﻪ ﺋﯜﭼﯜﻧﺪﯗﺭ ﺩﻭﺳﺘﻠﯩﺮﯨﻤﻨﯩﯔ:«ﺋﯜﺭﯛﻣﭽﯩﺪﻩ ﻛﯚﭖ ﺋﯚﺯﮔﯩﺮﯨﺸﻠﻪﺭ ﺑﻮﻟﯘﭖ ﻛﯧﺘﯩﭙﺘﯘ، ﺑﯘﺭﯗﻧﻘﯩﺪﻩﻙ ﻳﺎﻧﭽﯘﻗﭽﻰ، ﺋﻮﻏﺮﯨﻼﺭ ﺑﻮﻟﻤﯩﻐﺎﻥ ﺑﯩﻠﻪﻥ ﺋﺎﻟﺪﺍﻣﭽﯩﻼﺭ ﺋﺎﻳﻨﯩﭗ ﻗﺎﭘﺘﯘ، ﺋﯧﻬﺘﯩﻴﺎﺕ ﻗﯩﻠﻤﯩﺴﺎﯓ ﺋﯘﻻﺭﻧﯩﯔ ﺩﺍﻣﯩﻐﺎ ﭼﯜﺷﯜﭖ ﻛﯧﺘﯩﺪﯨﻜﻪﻧﺴﻪﻥ» ﺩﯦﮕﻪﻥ ﻧﻪﺳﯩﻬﻪﺗﻠﯩﺮﯨﻨﻰ ﺋﻪﺳﻠﻪﭖ ﺋﯚﺗﻜﻪﻥ ﺑﻮﻟﺴﺎﻣﻤﯘ، 3- 4 ﻳﯩﻞ ﺗﯘﺭﻏﺎﻥ ﻳﯘﺭﺗﻨﻰ ﻫﻪﺭﻗﺎﻧﭽﻪ ﺑﻮﻟﺴﯩﻤﯘ ﺧﯧﻠﯩﻼ ﭼﯜﺷﯩﻨﯩﻤﻪﻥ ﺩﻩﭖ ﺋﯚﺯﻩﻣﮕﻪ ﺗﻪﺳﻪﻟﻠﯩﻲ ﺑﯧﺮﯨﭗ، ﻣﻪﻛﺘﻪﭖ ﻫﺎﻳﺎﺗﯩﻤﺪﺍ ﺑﺎﺷﺘﯩﻦ ﻛﻪﭼﯜﺭﮔﻪﻥ ﺗﺎﺗﻠﯩﻖ ﺋﻪﺳﻠﯩﻤﯩﻠﻪﺭﮔﻪ ﻏﻪﺭﻕ ﺑﻮﻟﯘﭖ، ﻫﺎﺯﯨﺮﻗﻰ ﺳﻪﭘﻪﺭﻧﯩﯔ ﺋﺎﻧﭽﻪ ﻛﯚﯕﯜﻟﻠﯜﻙ ﺑﻮﻟﻤﯩﻐﺎﻧﻠﯩﻘﯩﻨﻰ، ﺷﯘﻧﺪﺍﻗﺘﯩﻤﯘ ﺋﯜﺭﯛﻣﭽﯩﮕﻪ ﺑﺎﺭﺳﺎﻣﻼ ﻫﻪﻣﻤﯩﻨﻰ ﺋﯘﻧﺘﯘﭖ ﻛﯧﺘﻪﻟﻪﻳﺪﯨﻐﺎﻧﻠﯩﻘﯩﻤﻨﻰ ﺧﯩﻴﺎﻝ ﻗﯩﻠﯩﭗ ﻗﺎﭼﺎﻧﻼﺭﺩﺍ ﺋﯘﻳﻘﯘﻏﺎ ﻛﻪﺗﻜﻪﻧﻠﯩﻜﯩﻤﻨﻰ ﺑﯩﻠﻤﻪﻳﻤﻪﻥ.

   ﺑﯩﺮ ﭼﺎﻏﺪﺍ ﻣﻪﻥ ﺑﯩﻠﻪﻥ ﺑﯩﺮﮔﻪ ﺋﻮﺭﯗﻧﻼﺷﻘﺎﻥ ﺧﻪﻧﺰﯗ ﻳﻮﻟﺪﺍﺷﻨﯩﯔ ﻳﺎﻧﻔﻮﻧﺪﺍ «ﺗﯘﺭﭘﺎﻧﻐﺎ ﻛﻪﻟﺪﯨﻢ، ﺑﻪﻟﻜﯩﻢ ﭼﯜﺷﻜﯩﭽﻪ ﻳﯧﺘﯩﭗ ﺑﺎﺭﺍﺭﻣﻪﻥ....» ﺩﯦﮕﻪﻥ ﺳﯚﺯﻟﯩﺮﯨﺪﯨﻦ ﺋﻮﻳﻐﯩﻨﯩﭗ ﻛﻪﺗﺘﯩﻢ. ﺋﻮﺭﻧﯘﻣﺪﯨﻦ ﺗﯘﺭﯗﭖ ﻳﯜﺯ- ﻛﯚﺯﻟﯩﺮﯨﻤﻨﻰ ﻳﯜﻳﯜﭖ، ﺋﯧﻠﯩﯟﺍﻟﻐﺎﻥ ﻳﯧﻤﻪﻛﻠﯩﻜﻠﻪﺭ ﺑﯩﻠﻪﻥ ﺋﻪﺗﯩﮕﻪﻧﻠﯩﻚ ﻧﺎﺷﺘﯩﻨﻰ ﺗﺎﻣﺎﻣﻼﭖ، ﺗﺎﻣﺎﻛﺎ ﭼﯧﻜﯩﺶ ﺋﻮﺭﻧﯩﺪﺍ ﺗﯘﺭﯗﭖ، ﺑﺎﺭﻏﺎﻧﺪﯨﻦ ﻛﯧﻴﯩﻦ ﺋﺎﻟﺪﻯ ﺑﯩﻠﻪﻥ ﻛﯩﻤﻨﻰ ﺋﯩﺰﺩﻩﻳﻤﻪﻥ، ﻧﻪﮔﻪ ﭼﯜﺷﯩﻤﻪﻥ، ﻛﯘﺭﺱ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺟﺎﻳﻨﻰ ﻗﺎﻧﺪﺍﻕ ﺗﺎﭘﯩﻤﻪﻥ، ﺗﯩﺰﯨﻤﻠﯩﺘﯩﺸﺘﯩﻦ ﺑﯘﺭﯗﻥ ﻧﯧﻤﻪ ﺋﯩﺸﻼﺭﻧﻰ ﻗﯩﻠﯩﻤﻪﻥ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ ﺑﯩﺮ ﻗﺎﺭﺍﺭﻏﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺋﻮﺭﻧﯘﻣﻐﺎ ﻗﺎﻳﺘﯩﭗ «ﺋﯚﺯﯨﻨﻰ ﺋﯩﺰﺩﻩﺵ ﺑﻮﺳﯘﻏﯩﺴﯩﺪﺍ» ﺩﯦﮕﻪﻥ ﻛﯩﺘﺎﺑﻨﻰ ﻛﯚﺭﯛﯞﯦﺘﯩﭗ، ﻳﻪﻧﯩﻼ ﺋﯘﻳﻘﯘﻏﺎ ﻛﯧﺘﯩﭙﺘﯩﻤﻪﻥ. ﻗﺎﻧﭽﯩﻠﯩﻚ ﯞﺍﻗﯩﺖ ﺋﯚﺗﻜﯩﻨﯩﻨﻰ ﺑﯩﻠﻪﻳﻤﻪﻥ ﻫﯧﻠﯩﻘﻰ ﺧﻪﻧﺰﯗ ﻳﻮﻟﺪﺍﺷﻨﯩﯔ: «ﻛﻪﻟﺪﯗﻕ، ﺋﻮﺭﻧﯘﯕﺪﯨﻦ ﺗﯘﺭ ﺑﻮﻟﻤﯩﺴﺎ، ﻳﻪﻧﻪ ﻗﺎﻳﺘﯩﭗ ﻛﯧﺘﻪﻣﺴﻪﻥ!؟» ﺩﯦﮕﻪﻥ ﺳﯚﺯﻟﯩﺮﯨﺪﯨﻦ ﺋﻮﻳﻐﯩﻨﯩﭗ ﻛﻪﺗﺘﯩﻢ. ﭘﻮﻳﯩﺰﺩﯨﻦ ﭼﯜﺷﯜﭖ ﺑﯧﻠﻪﺕ ﺗﻪﻛﺸﯜﺭﺗﯜﭖ ﯞﺍﮔﺰﺍﻟﺪﯨﻦ ﭼﯩﻘﺴﺎﻡ ﺋﯩﻠﮕﯩﺮﻯ ﺑﯩﺮ ﭘﺎﺭﺗﯩﺪﺍ ﺋﻮﻟﺘﯘﺭﻏﺎﻥ ﺳﺎﯞﺍﻗﺪﯨﺸﯩﻢ ﺋﻪﻧﯟﻩﺭ ﻣﯧﻨﻰ ﺳﺎﻗﻼﭖ ﺗﯘﺭﯗﭘﺘﯩﻜﻪﻥ، ﺑﯩﺰ ﻗﯘﭼﺎﻗﻠﯩﺸﭗ ﻛﯚﺭﯛﺷﯜﭖ ﺋﯚﺯﺋﺎﺭﺍ ﺑﯩﺮ- ﺑﯩﺮﯨﻤﯩﺰﻧﻰ ﺳﯧﻠﯩﺸﺘﯘﺭﯗﭖ، ﭘﺎﺭﺍﯕﻼﺷﻘﺎﭺ ﺋﻪﻧﯟﻩﺭﻧﯩﯔ ﻣﺎﺷﯩﻨﯩﺴﯩﻐﺎ ﻗﺎﺭﺍﭖ ﻣﺎﯕﺪﯗﻕ. ﻣﻪﻥ ﺋﻪﻧﯟﻩﺭﮔﻪ ﭼﺎﻗﭽﺎﻕ ﻗﯩﻠﯩﭗ: ــــ ﺑﺎﻱ ﺑﻮﻟﯘﭖ ﻛﻪﺗﻜﻪﻥ ﺋﻮﺧﺸﯩﻤﺎﻣﺴﻪﻥ، ﻣﺎﺷﯩﻨﯩﻨﻰ ﺷﻪﺧﺴﯩﻲ ﺋﺎﻟﺪﯨﯖﻤﯘ؟- ﺩﻩﭖ ﺳﻮﺭﯨﺪﯨﻢ. _ـــ ﻧﻪﺩﯨﻜﯩﻨﻰ ﺩﻩﻳﺴﻪﻥ ﺷﯩﺮﻛﻪﺗﻨﯩﯔ، ﺑﯩﺰ ﺑﻪﻟﻜﯩﻢ ﺑﯩﺮ ﺋﯚﻣﯜﺭ ﺋﯩﺸﻠﻪﭘﻤﯘ ﺑﯘﻧﭽﯩﻠﯩﻚ ﻣﺎﺷﯩﻨﺎ ﺋﺎﻻﻟﻤﺎﺳﻤﯩﺰﻣﯩﻜﻦ، ﺑﯜﮔﯜﻥ ﺋﺎﺭﯨﺴﺎﻟﺪﻯ ﺑﻮﻟﯘﭖ ﻗﺎﭘﺘﯩﻜﻪﻧﻤﻪﻥ، ﺷﯘﯕﺎ ﺳﯧﻨﻰ ﺋﺎﻟﻐﯩﻠﻰ ﭼﯩﻘﺎﻟﯩﺪﯨﻢ، ﺋﻪﺗﻪ ﻳﻪﻧﻪ ﻛﯚﺭﯛﺷﻪﻟﻪﻣﺪﯗﻕ ﺑﯩﺮ ﻧﯧﻤﻪ ﺩﯦﻴﻪﻟﻤﻪﻳﻤﻪﻥ. ــــــ ﻫﻪ، ﺋﯚﺯﻩﯕﭽﯘ ﻧﯧﻤﻪ ﺋﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﯩﺴﻪﻥ؟ ــــــ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﺪﺍ ﺋﯩﺸﻠﻪﯞﺍﺗﯩﻤﻪﻥ، ﺋﯚﺯﻩﻣﭽﻪ ﺑﯘﺭﯗﻧﻘﻰ ﺧﯩﺰﻣﻪﺗﻠﯩﺮﯨﻢ ﺗﻮﻏﺮﯨﺴﯩﺪﺍ ﺳﯚﺯﻟﻪﺷﯩﻨﻰ ﺧﺎﻟﯩﻤﯩﺪﯨﻢ. ــــــ ﻛﻪﻟﺪﯗﻕ، ﻗﺎﻟﻐﺎﻥ ﻛﯧﻠﻪﻟﻪﻳﺪﯨﻐﺎﻥ ﺳﺎﯞﺍﻗﺪﺍﺷﻼﺭﻧﯩﯔ ﻫﻪﻣﻤﯩﺴﻰ ﻣﯘﺷﯘ ﻳﻪﺭﺩﻩ ﺑﯩﺰﻧﻰ ﺳﺎﻗﻼﯞﺍﺗﯩﺪﯗ، ﺗﺎﻣﺎﻗﻼﻧﻐﺎﭺ ﺳﯚﺯﻟﯩﺸﻪﻳﻠﻰ، ﺗﺎﻣﺎﻗﺘﯩﻦ ﻛﯧﻴﯩﻦ ﺳﯧﻨﻰ ﺋﯚﺯﻩﻡ ﺋﺎﭘﯩﺮﯨﭗ ﻳﺎﺗﺎﻗﻘﺎ ﺋﻮﺭﯗﻧﻼﺷﺘﯘﺭﯗﭖ ﻗﻮﻳﯩﻤﻪﻥ. ﺑﯩﺰ «ﺋﺎﻗﻴﻮﻝ ﺭﯦﺴﺘﻮﺭﺍﻧﻰ» ﺋﺎﻟﺪﯨﺪﺍ ﻣﺎﺷﯩﻨﯩﻨﻰ ﺗﻮﺧﺘﯩﺘﯩﭗ، ﻣﺎﺷﯩﻨﯩﺪﯨﻦ ﭼﯜﺷﯜﭖ ﺭﯦﺴﺘﻮﺭﺍﻧﻐﺎ ﻛﯩﺮﺩﯗﻕ. ﺭﯦﺴﺘﻮﺭﺍﻧﺪﺍ ﺑﯩﺮ ﻧﻪﭼﭽﻪ ﺳﺎﯞﺍﻗﺪﯨﺸﻤﻨﻰ ﻫﯧﺴﺎﺑﻘﺎ ﺋﺎﻟﻤﯩﻐﺎﻧﺪﺍ، ﻗﺎﻟﻐﺎﻧﻼﺭ ﺗﻮﻟﯘﻕ ﻛﻪﻟﮕﻪﻥ ﺑﻮﻟﯘﭖ، ﺑﯩﺮ ﻗﯘﺭ ﺳﺎﻻﻣﻼﺷﻘﺎﻧﺪﯨﻦ ﻛﯧﻴﯩﻦ، ﺗﺎﻣﺎﻕ ﻳﯧﻴﯩﺸﻜﻪﭺ ﻣﻪﻛﺘﻪﭖ ﻫﺎﻳﺎﺗﯩﻤﯩﺰﺩﯨﻜﻰ ﻛﯚﯕﯜﻟﻠﯜﻙ ﺋﻪﺳﻠﯩﻤﯩﻠﻪﺭﻧﻰ ﺳﯚﺯﻟﯩﺸﯩﭗ ﻗﻮﺭﺳﺎﻗﻤﯘ ﺗﻮﻳﺪﻯ. ___ ﺳﺎﯞﺍﻗﺪﯨﺸﯩﻤﯩﺰ ﺋﻪﺧﻪﺗﻨﯩﯔ ﺳﻪﭘﻪﺭ ﻫﺎﺭﺩﯗﻗﯩﻨﻰ ﭼﯩﻘﯩﺮﯨﺶ ﯞﻩ ﺋﯘﻧﯩﯔ ﺑﯘ ﻗﯧﺘﯩﻤﻘﻰ ﺋﯚﮔﯩﻨﯩﺸﻨﯩﯔ ﻏﻪﻟﯩﺒﯩﻠﯩﻚ ﺑﻮﻟﯘﺷﻰ ﺋﯜﭼﯜﻥ ﺑﯩﺮﻩﺭ ﺭﻭﻣﻜﯩﺪﯨﻦ ﺗﯩﻠﻪﻙ ﭼﯧﻴﻰ ﺋﯩﭽﻪﻳﻠﻰ- ﺩﯦﺪﻯ ﺋﻪﻧﯟﻩﺭ. ﺩﻩﺳﻠﻪﭘﺘﻪ ﺑﯩﺮ ﻧﻪﭼﭽﻪ ﺭﻭﻣﻜﯩﻨﻰ ﺑﯩﺮﻟﯩﻜﺘﻪ ﺋﯚﺯﺋﺎﺭﺍ ﺗﯩﻠﻪﻙ ﺗﯩﻠﯩﺸﯩﭗ ﻛﯚﺗﯜﺭﯛﯞﻩﺗﺘﯘﻕ، ﺋﯘﻧﯩﯖﺪﯨﻦ ﻛﯧﻴﯩﻦ ﺑﯩﺮ- ﺑﯩﺮﯨﻤﯩﺰﮔﻪ ﻛﯚﯕﯜﻝ ﭼﯜﺷﻪﻧﺪﯛﺭﯛﭖ، ﺑﯩﺮﮔﻪ ﺋﻮﻟﺘﯘﺭﻏﺎﻥ ﺋﻮﻥ ﻧﻪﭼﭽﻪ ﺳﺎﯞﺍﻗﺪﯨﺸﻤﻨﯩﯔ ﻫﻪﻣﻤﯩﺴﻰ ﺑﯩﻠﻪﻥ ﺋﯩﭽﯩﭙﺘﯩﻤﻪﻥ، ﺋﻪﺳﻠﯩﺪﯨﻨﻼ ﻫﺎﺭﺍﻕ ﻛﯚﺗﯜﺭﻩﻟﻤﻪﻳﺪﯨﻐﺎﻥ ﺋﺎﺩﻩﻡ ﺑﯘﻧﯩﯔ ﺑﯩﻠﻪﻥ ﺋﯚﺯﻩﻣﻨﻰ ﺑﯩﻠﻤﯩﮕﯩﺪﻩﻙ ﺑﻮﻟﯘﭖ ﻛﯧﺘﯩﭙﺘﯩﻤﻪﻥ، ﺑﯩﺮ ﭼﺎﻏﺪﺍ ﺳﺎﯞﺍﻗﺪﺍﺷﻠﯩﺮﯨﻤﻨﯩﯔ ﺋﻪﺧﻪﺗﻨﻰ ﻣﯘﺷﯘ ﻳﯧﻘﯩﻦ ﺋﻪﺗﺮﺍﭘﺘﯩﻜﻰ ﺑﯩﺮﻩﺭ ﻣﯩﯧﻬﻤﺎﻧﺨﺎﻧﯩﻐﺎ ﺋﻮﺭﯗﻧﻼﺷﺘﯘﺭﯗﭖ ﻗﻮﻳﺎﻳﻠﻰ، ﺩﯦﮕﻪﻥ ﺳﯚﺯﻟﯩﺮﯨﻨﻰ ﺋﺎﯕﻠﯩﻐﺎﻧﺪﻩﻙ ﺑﻮﻟﺪﻭﻣﻴﯘ، ﮔﻪﭖ ﻗﯩﻠﻐﯘﺩﻩﻙ ﻫﺎﻟﯩﻢ ﻳﻮﻕ ﺋﯩﺪﻯ.

     ﻫﺎﺭﺍﻗﻨﻰ ﻫﻪﺭ ﻗﺎﻧﭽﻪ ﻛﯚﭖ ﺋﯩﭽﺴﻪﻣﻤﯘ ﺳﻪﻫﻪﺭ ﺗﯘﺭﯗﭖ ﻛﯧﺘﯩﺪﯨﻐﺎﻥ ﺋﺎﺩﯨﺘﯩﻢ ﺑﺎﺭ. ﺋﻪﺗﯩﺴﻰ ﺋﻮﺭﻧﯘﻣﺪﯨﻦ ﺗﯘﺭﯗﭖ، ﺋﺎﺧﺸﺎﻡ ﺭﺍﺩﯨﺌﻮ- ﻛﯩﻨﻮ- ﺗﯧﻠﯧﯟﯨﺰﯨﻴﻪ ﻧﺎﺯﺍﺭﯨﺘﯩﻨﯩﯔ ﻣﯧﻬﻤﺎﻧﺨﺎﻧﯩﺴﯩﻐﺎ ﺋﻮﺭﯗﻧﻼﺷﻘﯩﻨﯩﻤﻨﻰ ﺑﯩﻠﺪﯨﻢ. ﻳﯜﻙ- ﺗﺎﻗﯩﻠﯩﺮﯨﻤﻤﯘ ﺋﺎﻧﭽﻪ ﻛﯚﭖ ﺋﻪﻣﻪﺱ، ﭘﻪﻗﻪﺕ ﺋﺎﺩﺩﯨﻴﻼ ﺑﯩﺮ ﺳﻮﻣﻜﺎﻡ ﺑﺎﺭ ﺋﯩﺪﻯ. ﺑﯧﺸﯩﻢ ﺋﺎﻏﺮﯨﭙﻼ ﺋﻮﺭﻧﯘﻣﺪﯨﻦ ﺗﯘﺭﻏﺎﻧﯩﺪﯨﻢ، ﺋﻪﻧﯟﻩﺭﮔﻪ ﺗﯧﻠﯧﻔﻮﻥ ﻗﯩﻠﯩﭗ ﻣﯧﻨﻰ ﺋﺎﭘﯩﺮﯨﭗ ﻗﻮﻱ ﺩﻩﻳﻤﯘ ﺩﻩﭖ ﺋﻮﻳﻠﯩﺪﯨﻢ، ﻟﯧﻜﯩﻦ ﺋﺎﺧﺸﺎﻡ ﺋﯘﻣﯘ ﻛﯚﭖ ﺋﯩﭽﯩﭗ ﻗﻮﻳﺪﻯ، ﺷﯘﯕﺎ ﺋﺎﯞﺍﺭﻩ ﻗﯩﻠﻤﺎﻱ ﺋﯚﺯﻩﻣﻼ ﺑﺎﺭﺍﻱ، ﻣﻪﻧﻤﯘ ﺧﯧﻠﻰ ﺑﯩﻠﯩﻤﻪﻧﻐﯘ ﺩﻩﭖ ﺋﻮﻳﻼﭖ، ﻧﺎﺷﺘﺎ ﻗﯩﻠﯩﺸﻨﯩﻤﯘ ﺧﺎﻟﯩﻤﯩﺪﯨﻢ، ﺋﯘﻗﺘﯘﺭﯗﺵ ﻗﻪﻏﯩﺰﯨﺪﯨﻜﻰ ﺋﺎﺩﺭﯦﺴﻘﺎ ﻗﺎﺭﯨﺴﺎﻡ «ﺋﯜﺭﯛﻣﭽﻰ ﻗﯩﺰﯨﻠﺘﺎﻍ ﻳﻮﻟﻰ.....» ﺩﻩﭖ ﺗﯘﺭﺍﺗﺘﻰ. ﻣﻪﻥ ﻫﻪﺭﻗﺎﻧﭽﻪ ﺋﻮﻳﻼﭘﻤﯘ ﺑﯘ ﻳﻮﻟﻨﻰ ﺋﯧﺴﯩﻤﮕﻪ ﺋﺎﻻﻟﻤﯩﺪﯨﻢ. ﺷﯘﻧﺪﺍﻗﺘﯩﻤﯘ ﺗﺎﭘﻤﺎﻱ ﺑﻮﻟﻤﺎﻳﺘﻰ، ﭼﯘﻧﻜﻰ ﺗﯩﺰﯨﻤﻐﺎ ﺋﺎﻟﺪﯗﺭﯨﺪﯨﻐﺎﻥ ﯞﺍﻗﯩﺖ ﺷﯘ ﻛﯜﻧﻰ ﭼﯜﺷﻜﯩﭽﻪ ﺑﻮﻟﯘﭖ، ﻛﯧﻴﯩﻦ ﻗﺎﻟﺴﺎﻡ ﺋﯚﮔﯩﻨﯩﺸﻜﻪ ﻗﺎﺗﻨﯩﺸﯩﺶ ﺳﺎﻻﻫﯩﻴﺘﯩﻤﻨﻰ ﺑﯩﻜﺎﺭ ﻗﯩﻠﯩﯟﯦﺘﺘﻰ. ﺑﯘﻧﻰ ﺋﯩﺪﺍﺭﯨﻤﯩﺰﻧﯩﯔ ﺳﯧﻜﺮﯦﺘﺎﺭﻯ ﺋﯧﻨﯩﻖ ﭼﯜﺷﻪﻧﺪﯛﺭﯛﭖ، ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﺸﯩﻤﻨﻰ ﺗﺎﭘﯩﻠﯩﻐﺎﻧﯩﺪﻯ. ﻣﻪﻥ ﭘﻪﺳﻜﻪ ﭼﯜﺷﯜﭖ ﻗﯩﺰﯨﻠﺘﺎﻍ ﻳﻮﻟﯩﻐﺎ ﺑﺎﺭﺳﺎﻣﻼ ﺗﺎﭘﺎﻻﻳﻤﻪﻥ ﺩﻩﭖ ﺋﻮﻳﻠﯩﺪﯨﻢ-ﺩﻩ، ﻛﻮﭼﺎ ﺋﺎﭘﺘﻮﺑﯘﺳﯩﻐﺎ ﺋﻮﻟﺘﯘﺭﯗﭖ، ﺩﻭﯕﻜﯚﯞﺭﯛﻛﺘﻪ ﺋﺎﻟﻤﯩﺸﯩﭗ، ﻗﯩﺰﯨﻠﺘﺎﻍ ﻳﻮﻟﯩﻐﺎ ﺑﯧﺮﯨﭗ ﺋﺎﭘﺘﻮﺑﯘﺳﺘﯩﻦ ﭼﯜﺷﯜﭖ، ﻣﻪﻥ ﺋﯩﺰﺩﯨﻤﻪﻛﭽﻰ ﺑﻮﻟﻐﺎﻥ ﻳﻪﺭﻧﻰ ﺗﺎﭘﺎﻟﻤﯩﺪﯨﻢ، ﺷﯘﻧﯩﯔ ﺑﯩﻠﻪﻥ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﻪﺩﻩﺑﯩﻴﺎﺕ- ﺳﻪﻧﺌﻪﺗﭽﯩﻠﻪﺭ ﺑﯩﺮﻟﻪﺷﻤﯩﺴﯩﻨﯔ ﺋﺎﻟﺪﯨﺪﺍ ﺗﯘﺭﯗﭖ ﺑﯩﺮﺳﯩﺪﯨﻦ ﺳﻮﺭﺍﻱ ﺩﻩﭖ ﺗﯘﺭﺳﺎﻡ، ﺋﯘﺯﯗﻥ ﭼﺎﭼﻠﯩﺮﯨﻨﻰ ﺑﺎﺳﺘﯘﺭﯗﭖ، ﺑﯧﺸﯩﻐﺎ ﻣﺎﻳﻠﯩﺸﯩﭗ ﻛﻪﺗﻜﻪﻥ ﺷﻪﭘﻜﻪ، ﺋﯘﭼﯩﺴﯩﻐﺎ ﻗﺎﺭﺍ ﺭﻩﯕﻠﯩﻚ ﻛﻮﻧﺎ ﻛﺎﺳﺘﯘﻡ، ﺋﺎﺳﺘﯩﻐﺎ ﺑﯧﻐﯩﺮ ﺭﻩﯓ ﺷﯩﻢ ﻛﯩﻴﮕﻪﻥ، ﺳﺎﻗﺎﻝ- ﺑﯘﺭﯗﺗﻠﯩﺮﻯ ﺳﻪﻝ ﺋﯚﺳﻜﻪﻥ 40 ﻳﺎﺷﻼﺭ ﭼﺎﻣﯩﺴﯩﺪﯨﻜﻰ ﺑﯩﺮﻩﻳﻠﻪﻥ ﺗﯧﺒﺒﯩﻲ ﺋﯘﻧﯩﯟﯦﺮﺳﺘﯧﺘﻰ ﺗﻪﺭﻩﭘﺘﯩﻦ ﻛﯧﻠﯩﭗ، ﻣﻪﻧﺪﯨﻦ: ـــــ ﺋﯘﻛﺎﻡ، ﺩﺍﺩﺍﻣﻨﻰ ﺗﯧﺒﺒﯩﻲ ﺋﯘﻧﯩﯟﯦﺮﺳﺘﯧﺘﯩﻨﯩﯔ ﻗﺎﺭﻣﯩﻘﯩﺪﯨﻜﻰ ﺑﯩﺮﯨﻨﭽﻰ ﺩﻭﺧﺘﯘﺭﺧﺎﻧﯩﺪﺍ ﺩﺍﯞﺍﻟﯩﺘﯩﯟﺍﺗﺎﺗﺘﯘﻕ، ﺑﯜﮔﯜﻥ ﺋﻮﭘﯧﺮﺍﺗﺴﯩﻴﻪ ﻗﯩﻠﻤﺎﻗﭽﻰ ﺋﯩﺪﻯ، ﺩﻩﺭﻫﺎﻝ 10 ﻣﯩﯔ ﻳﯜﻩﻥ ﺗﺎﭘﺸﯘﺭ ﺩﻩﻳﺪﯗ، ﻣﻪﻥ ﻗﻪﺷﻘﻪﺭﺩﻩ ﭼﯧﮕﺮﺍ ﺳﻮﺩﯨﺴﻰ ﻗﯩﻼﺗﺘﯩﻢ، ﻳﻮﻟﻐﺎ ﭼﯩﻘﻘﺎﻧﺪﺍ ﻳﯧﻨﯩﻤﺪﯨﻜﻰ « ﺩﻭﻟﻼﺭ» ﻧﻰ ﺋﺎﻟﻤﺎﺷﺘﯘﺭﯗﺷﻨﻰ ﺋﯘﻧﺘﯘﭖ ﻗﺎﭘﺘﯩﻤﻪﻥ، ﺷﯘﯕﺎ ﺋﻪﺗﯩﮕﻪﻧﺪﯨﻼ «ﺷﯩﻨﺠﺎﯓ ﺑﺎﻧﻜﯩﺴﻰ»ﻧﻰ ﺋﯩﺰﺩﻩﭖ ﻛﯧﻠﯩﺸﯩﻢ، ﺧﺎﭘﺎ ﺑﻮﻟﻤﺎﻱ ﻛﯚﺭﺳﯩﺘﯩﭗ ﻗﻮﻳﻐﺎﻥ ﺑﻮﻟﺴﯩﯖﯩﺰ؟- ﺩﻩﭖ ﺳﻮﺭﺩﻯ.

   ﻣﻪﻥ ﺋﯘ ﻛﯩﺸﯩﮕﻪ: ـــــــ ﻧﻪﺩﯨﻤﯘ ﺷﯩﻨﺠﺎﯓ ﺑﺎﻧﻜﯩﺴﻰ ﺑﻮﻟﺴﯘﻥ، ﺑﯘ ﺷﻪﻫﻪﺭﺩﻩ «ﺟﯘﯕﮕﻮ ﺧﻪﻟﻖ ﺑﺎﻧﻜﯩﺴﻰ»، «ﺟﯘﯕﮕﻮ ﺑﺎﻧﻜﯩﺴﻰ»، «ﺟﯘﯕﮕﻮ ﻳﯧﺰﺍ ﺋﯩﮕﯩﻠﯩﻚ ﺑﺎﻧﻜﯩﺴﻰ»، «ﺟﯘﯕﮕﻮ ﺳﻮﺩﺍ- ﺳﺎﻧﺎﺋﻪﺕ ﺑﺎﻧﻜﯩﺴﻰ»......ﻗﺎﺗﺎﺭﻟﯩﻖ ﺑﺎﻧﻜﯩﻼﺭﻧﯩﯔ ﺷﯚﺑﻪ ﻳﺎﻛﻰ ﺗﺎﺭﻣﺎﻕ ﺑﺎﻧﻜﯩﻠﯩﺮﻯ ﺑﺎﺭ، ﺋﻪﻧﻪ ﻳﻮﻟﻨﯩﯔ ﺋﺎﯞﯗ ﺗﻪﺭﯨﭙﯩﺪﻩ «ﺟﯘﯕﮕﻮ ﺑﺎﻧﻜﯩﺴﻰ» ﻧﯩﯔ ﺷﯚﺑﯩﺴﻰ ﺗﯘﺭﯨﺪﯗ، ﺷﯘ ﻳﻪﺭﮔﻪ ﻛﯩﺮﯨﭗ ﺑﯧﻘﯩﯔ ﻳﺎﻛﻰ ﺟﻪﻧﯘﺑﯩﻲ ﻗﻮﯞﯗﻗﻘﺎ ﺑﺎﺭﺳﯩﯖﯩﺰﻣﯘ ﺑﻮﻟﯩﺪﯗ- ﺩﻩﭖ ﺳﻪﻝ ﺋﺎﻟﺪﯨﻤﻐﺎ ﻣﺎﯕﺪﯨﻢ. ﻫﺎﺭﺍﻗﻨﯩﯔ ﺗﻪﺳﯩﺮﻣﯩﻜﯩﻦ ﺑﯧﺸﯩﻢ ﭼﯩﯖﻘﯩﻠﯩﭗ ﺋﺎﻏﺮﯨﭗ ﺗﯘﺭﺍﺗﺘﻰ، ﻛﯧﻴﯩﻦ ﻗﺎﺭﺳﺎﻡ ﺋﯘ ﻛﯩﺸﻰ ﻗﺎﺭﺷﻰ ﺗﻪﺭﯨﭙﯩﺪﯨﻦ ﻛﯧﻠﯩﯟﺍﺗﻘﺎﻥ45 ﻳﺎﺷﻼﺭ ﺋﻪﺗﺮﺍﭘﯩﺪﺍ ﺋﯘﭼﯩﺴﯩﻐﺎ ﻛﺎﺳﺘﯘﻡ- ﺑﻮﺭﯗﻟﻜﺎ ﻛﯩﻴﯩﯟﺍﻟﻐﺎﻥ ﺧﯧﻠﻰ ﻛﯧﻠﯩﺸﻜﻪﻥ ﺑﯩﺮﻩﻳﻠﻪﻧﮕﻪ ﺑﯩﺮ ﻧﯧﻤﯩﻠﻪﺭﻧﻰ ﺩﻩﯞﺍﺗﺎﺗﺘﻰ، ﺑﯩﺮ ﺋﺎﺯﺩﯨﻦ ﻛﯧﻴﯩﻦ ﻫﯧﻠﯩﻘﻰ ﻛﯩﺸﻰ ﻣﯧﻨﯩﯔ ﻳﯧﻨﯩﻤﻐﺎ ﻛﯧﻠﯩﺸﯩﮕﻪ، ﺋﯘﻧﯩﯖﺪﯨﻦ ﻗﯩﺰﯨﻠﺘﺎﻍ ﻳﻮﻟﻰ ﻗﺎﻳﺎﻗﺘﺎ ﺩﻩﭖ ﺳﻮﺭﯨﺪﯨﻢ. ﺋﯘ ﻛﯩﺸﻰ ﺋﺎﻟﺪﯨﻤﻐﺎ ﻛﯧﻠﯩﭗ ﻣﻪﻥ ﺑﯩﻠﻪﻥ ﻛﯚﺭﯗﺷﻜﻪﻧﺪﯨﻦ ﻛﯧﻴﯩﻦ: ــــــ ﻣﻪﻥ ﺳﺎﻧﺠﻰ ﺷﻪﻫﯩﺮﯨﺪﻩ ﺋﻮﻗﯘﺗﻘﯘﭼﯩﻠﯩﻖ ﻗﯩﻠﻤﻪﻥ. ﺑﯩﺮ ﺋﯩﺶ ﺑﯩﻠﻪﻥ ﻫﺎﺯﯨﺮﻻ ﭼﯜﺷﯜﭖ ﺑﯘﻳﺎﻗﻘﺎ ﻛﯧﻠﯩﺸﯩﻢ....... ﺋﯘ ﻛﯩﺸﻰ ﻳﻪﻧﻪ ﻧﯧﻤﻠﻪﺭﻧﯩﺪﯗﺭ ﺩﯦﻤﻪﻛﭽﻰ ﺑﻮﻟﯘﭖ ﺗﯘﺭﻏﺎﻧﺪﺍ، ﺑﯩﺮ ﺧﻪﻧﺰﯗ ﻳﯧﻨﯩﻤﯩﺰﻏﺎ ﻛﯧﻠﯩﭗ ﺑﺎﻳﺎﻣﻘﻰ ﻛﯩﺸﯩﻨﻰ ﻛﯚﺭﺳﯩﺘﯩﭗ ﺗﯘﺭﯗﭖ: ___ ﺋﯘﻧﯩﯖﺪﺍ «ﺩﻭﻟﻼﺭ» ﺑﺎﺭ ﺋﯩﻜﻪﻥ، ﺳﯩﻠﻪﺭ ﺑﺎﻫﺎﺳﯩﻨﻰ ﻛﯧﻠﯩﺸﯩﭗ ﻣﺎﯕﺎ ﺋﯧﻠﯩﭗ ﺑﯧﺮﯨﯖﻼﺭ ﻣﻪﻥ ﺳﯩﻠﻪﺭﮔﻪ ﺗﺎﭘﺎﻥ ﻫﻪﻗﻘﻰ ﺑﯧﺮﻩﻱ- ﺩﯦﺪﻯ. ___ ﺋﻮﻗﯘﺗﻘﯘﭼﯩﻤﯘ ﺩﻩﻝ ﻣﻪﻧﻤﯘ ﺷﯘﻧﻰ ﺩﻩﻱ ﺩﻩﭖ ﺗﯘﺭﺍﺗﺘﯩﻢ- ﺋﯘﻛﺎ، ﺋﻪﺗﯩﮕﻪﻧﺪﻩ ﺧﻮﺩﺍ ﺑﯩﺰﮔﻪ ﻧﯧﺴﭗ ﻗﯩﻠﻐﺎﻥ ﺗﻪﻟﻪﻱ ﺋﻮﺧﺸﺎﻳﺪﯗ، ﺑﯘﻣﯘ ﭘﻪﺭﺯﻩﻧﺘﻠﯩﺮﯨﻤﯩﺰﻧﯩﯔ ﺋﺎﻣﯩﺘﻰ، ﺑﯩﺮﻩﺭ ﻗﯘﺭﺩﯨﻦ ﻳﯧﯖﻰ ﻛﯩﻴﯩﻢ- ﻛﯧﭽﻪﻙ ﺋﯧﻠﯩﯟﺍﻟﺴﺎﻗﻤﯘ ﻫﯧﺴﺎﺏ، ﺑﺎﻫﺎﺳﯩﻨﻰ ﺩﯦﻴﯩﺸﺘﯩﻢ، ﺋﺎﯞﯗ ﻛﯩﺸﯩﮕﻪ ﺟﯩﺪﺩﯨﻲ ﭘﯘﻝ ﻛﺎﺯﯨﻤﻜﻪﻥ 100 ﺩﻭﻟﻼﺭﻧﻰ 700 ﻳﯜﻩﻧﺪﯨﻦ ﺑﯧﺮﻩﻱ ﺩﻩﻳﺪﯗ، ﻣﺎﯕﺴﯩﻼ ﻣﺎﯞﯗ ﺧﻪﻧﺰﯗ ﻳﻮﻟﺪﺍﺵ ﺑﯩﻠﻪﻥ ﻛﯚﺭﯛﺷﯘﭖ ﺑﺎﻗﺎﻳﻠﻰ، ﺋﯘ ﻗﺎﻧﭽﻪ ﭘﯘﻟﺪﯨﻦ ﺋﺎﻟﯩﺪﯗ- ﺩﻩﭖ ﻣﯧﻨﯩﯔ ﺋﯘﻧﯩﻤﯩﻐﯩﻨﯩﻤﻐﺎ ﻗﺎﺭﯨﻤﺎﻱ ﺳﯚﺭﻩﭖ ﻣﺎﯕﺪﻯ. ﻣﻪﻥ ﺧﺎﻻﭖ- ﺧﺎﻟﯩﻤﺎﻱ ﺋﻮﻗﯘﺗﻘﯘﭼﻰ ﺑﯩﻠﻪﻥ ﻫﯧﻠﯩﻘﻰ ﺧﻪﻧﺰﯗﻧﯩﯔ ﻳﯧﻨﯩﻐﺎ ﺑﺎﺭﺩﯨﻢ. ﺋﯘ ﺑﯩﺰﮔﻪ ﻫﺎﺯﯨﺮ ﺑﺎﺯﺍﺭ ﺑﺎﻫﺎﺳﻰ 850 ﻳﯜﻩﻥ ﻣﯘﺷﯘ ﺑﻮﻳﯩﭽﻪ ﭘﯘﻝ ﺑﯧﺮﻩﻱ، ﻣﯘﺷﯘ ﻳﻪﺭﺩﻩ ﺳﺎﻗﻼﭖ ﺗﯘﺭﯨﻤﻪﻥ، ﺑﯘ ﻣﯧﻨﯩﯔ ﺩﯗﻛﯩﻨﯩﻢ، ﻣﯘﺷﯘ ﻳﻪﺭﺩﻩ ﻣﺎﺭﻭﮊﻧﻰ ﺳﺎﺗﯩﻤﻪﻥ- ﺩﯦﺪﻯ.

    ﻣﻪﻧﻤﯘ ﺧﺎﺭﻣﯘﺷﻠﯘﻗﺘﺎ ﺋﯘﻧﯩﯖﻐﺎ ﺋﺎﺭﯨﻠﯩﺸﯩﭗ ﻗﺎﻟﻐﯩﻨﯩﻤﻨﻰ ﺑﯩﻠﻤﻪﭘﺘﯩﻤﻪﻥ. ﺋﻮﻗﯘﺗﻘﯘﭼﻰ ﺩﻩﺭﻫﺎﻝ ﻗﺎﻳﺘﯩﺪﯨﻦ ﻫﯧﻠﯩﻘﻰ ﺋﺎﺩﻩﻣﻨﯩﯔ ﻳﯧﻨﯩﻐﺎ ﺑﯧﺮﯨﭗ ﺳﯚﺯﻟﯩﺸﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ: ___ ﺋﯘﻛﺎﻡ، ﻳﯧﻨﯩﯖﯩﺰﺩﯨﻜﻰ ﭘﯘﻟﻨﻰ ﭼﯩﻘﯩﺮﯨﯔ، ﻣﻪﻧﻤﯘ ﺋﻪﺗﯩﮕﻪﻥ ﺋﺎﻟﺪﯨﺮﺍﺷﻠﯩﻘﺘﺎ 800 ﻳﯜﻩﻧﻼ ﺋﺎﻟﻐﺎﭺ ﻛﻪﻟﮕﻪﻧﯩﺪﯨﻢ، ﺋﯘ ﻛﯩﺸﯩﺪﻩ 3000 ﺩﻭﻟﻼﺭ ﺑﺎﺭ ﺋﯩﻜﻪﻥ، ﺑﯩﺰ 500 ﺩﻭﻟﻼﺭﺩﯨﻦ ﺋﺎﻟﻤﺎﺷﺘﯘﺭﯨﺪﯨﻐﺎﻥ ﺑﻮﻟﺪﯗﻕ، ﻣﯘﺷﯘﻧﺪﺍﻕ ﺑﯩﺮ ﻧﻪﭼﭽﻪ ﻗﯧﺘﯩﻢ ﺋﺎﻟﻤﺎﺷﺘﯘﺭﺳﺎﻕ ﺑﻮﻟﯩﺪﯨﻐﺎﻥ ﺑﻮﻟﺪﻯ- ﺩﯦﺪﻯ. ﻣﻪﻥ ﺳﻪﻝ ﺋﻪﺟﻪﭘﻠﯩﻨﯩﭙﺮﺍﻕ ﻳﺎﻧﭽﯘﻗﯘﻣﺪﯨﻦ ﭘﻮﺭﺗﻤﺎﻟﻨﻰ ﺋﺎﻟﺪﯨﻢ، ﺋﻪﻣﻤﺎ ﭘﯘﻝ ﭼﯩﻘﯩﺮﯨﺶ ﻳﺎﻛﻰ ﭼﯩﻘﺎﺭﻣﺎﺳﻠﯩﻖ ﺗﻮﻏﺮﯨﺴﯩﺪﺍ ﺋﻮﻳﻠﯩﻨﯩﯟﺍﺗﺴﺎﻡ، ﺋﻮﻗﯘﺗﻘﯘﭼﻰ ﭘﻮﺭﺗﻤﺎﻟﯩﻤﯩﻨﻰ ﺋﯧﻠﯩﯟﯦﻠﯩﭗ، ﺋﺎﻳﺎﻟﯩﻢ ﺑﺎﻧﻜﺎ ﻛﺎﺭﺗﯩﺴﯩﻐﺎ ﻗﻮﻳﯘﯞﯦﻠﯩﭗ، ﺋﯜﺭﯛﻣﭽﺪﻩ ﺋﯧﻠﯩﭗ ﺋﯩﺸﻠﯩﺘﯩﯖﻼﺭ ﺩﯦﺴﻪ ﻣﺎﻗﯘﻝ ﺩﻩﭖ ﻗﻮﻳﯘﭖ، ﻳﯧﻨﯩﻤﺪﺍ ﺋﯧﻠﯩﭗ ﻛﻪﻟﮕﻪﻥ 2800 ﻳﯜﻩﻥ ﻧﻪﻗﭙﯘﻟﻨﻰ ﺋﯧﻠﯩﭗ، ﺋﯩﻜﻜﯩﻤﯩﺰﺩﯨﻜﯩﻨﻰ ﻗﻮﺷﯘﭖ 4_5 ﻗﯧﺘﯩﻢ ﺋﺎﻟﻤﺎﺷﺘﯘﺭﺳﺎﻕ ﺑﻮﻟﯩﺪﯨﻜﻪﻥ ﺩﯦﺪﻯ- ﺩﻩ، ﻫﯧﻠﯩﻘﻰ ﻛﯩﺸﻰ ﺗﻪﺭﻩﭘﻜﻪ ﻣﺎﯕﺪﻯ، ﻣﻪﻧﻤﯘ ﺋﯘﻧﯩﯖﻐﺎ ﺋﻪﮔﯩﺸﯩﭗ ﻛﯧﺘﯩﯟﯦﺘﯩﭗ 200 ﻳﯜﻩﻧﻨﻰ ﻗﺎﻳﺘﯘﺭﯗﭖ ﺑﻪﺭﺳﯩﻠﻪ. ﻫﺎﺯﯨﺮﭼﻪ ﻣﻪﻧﺪﻩ ﻗﺎﻟﺴﯘﻥ ﺩﯦﺴﻪﻡ ﺳﻪﻝ ﺋﯘﻧﻤﺎﻳﺮﺍﻕ 200 ﻳﯜﻩﻧﻨﻰ ﻗﺎﻳﺘﯘﺭﯗﭖ ﺑﻪﺭﺩﻯ. ﺑﯩﺰ ﺋﯘ ﻛﯩﺸﯩﻨﯩﯔ ﻳﯧﻨﯩﻐﺎ ﺑﯧﺮﯨﭗ 3400 ﻳﯜﻩﻧﻨﻰ ﺑﻪﺭﺳﻪﻙ ﺳﺎﻧﯩﻐﺎﻧﺪﯨﻦ ﻛﯧﻴﯩﻦ ﺋﯘﻧﯩﻤﯩﻐﺎﻥ ﻫﺎﻟﺪﺍ 100 ﻳﯜﻩﻧﻨﻰ ﻛﯧﻴﯩﻨﻜﻰ ﻗﯧﺘﯩﻢ ﺗﯘﺗﯘﭖ ﻗﺎﻻﻱ، ﻣﺎﻧﺎ ﻣﺎﯞﯗ 500 ﺩﻭﻟﻼﺭ ﺩﻩﭖ ﺋﻮﻗﯘﺗﻘﯘﭼﯩﻐﺎ ﺑﻪﺭﺩﻯ. ﺋﻮﻗﯘﺗﻘﯘﭼﻰ ﻣﺎﯕﺎ: ــــــ ﺋﯘﻛﺎﻡ، ﺳﻪﻥ ﺋﺎﭘﯩﺮﯨﭗ ﺋﺎﻟﻤﺎﺷﺘﯘﺭﯗﭖ ﻛﯧﻠﻪﻣﺴﻪﻥ ﻳﺎﻛﻰ ﻣﻪﻥ ﺑﺎﺭﺍﻳﻤﯘ ﺩﻩﭘﻼ ﺩﻭﻟﻼﺭﻧﻰ ﭘﯘﺭﻟﯩﺪﻯ، ﻣﻪﻥ ﺋﻪﺟﻪﭘﻠﯩﻨﯩﭗ ﻧﯧﻤﯩﻨﺪﺍﻕ ﻗﯩﻠﯩﺴﯩﺰ ﺩﯦﮕﻪﻥ ﻧﻪﺯﻩﺭﺩﻩ ﺋﯘﻧﯩﯖﻐﺎ ﻗﺎﺭﯨﺴﺎﻡ ﺳﻮﺩﺍ ﺳﺎﺭﺍﻳﻨﯩﯔ ﺋﺎﻟﺪﯨﺪﺍ ﺗﯘﺭﻏﺎﻥ ﻗﻮﻏﺪﺍﺵ ﺳﺎﻗﭽﯩﻠﯩﺮﯨﻨﻰ ﻛﯚﺭﺳﯩﺘﯩﭗ ﻗﻮﻳﺪﻯ. ﻣﻪﻥ ﻛﯚﯕﻠﯜﻣﺪﻩ ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﭘﯘﻟﻨﻰ ﺋﯚﺯﻩﻡ ﺋﺎﭘﯩﺮﯨﭗ ﺋﺎﻟﻤﺎﺷﺘﯘﺭﯗﭖ ﻛﻪﻟﺴﻪﻡ ﻛﯚﯕﻠﯜﻡ ﺗﻮﻕ ﺩﯦﮕﻪﻧﻠﻪﺭﻧﻰ ﺋﻮﻳﻠﯩﺪﯨﻢ- ﺩﻩ: ـــــــ ﻣﻪﻥ ﺋﺎﻟﻤﺎﺷﺘﯘﺭﯗﭖ ﻛﯧﻠﻪﻱ ﺩﯦﻴﯩﺸﯩﻤﮕﻪ، ﺷﯘﻧﺪﺍﻕ ﺩﯦﻴﯩﺸﯩﻤﻨﻰ ﻛﯜﺗﻜﻪﻧﺪﻩﻙ ﻣﺎﻗﯘﻝ ﺩﻩﭘﻼ ﻣﺎﯕﺎ ﭘﯘﺭﻟﯩﺸﯩﭗ ﻛﻪﺗﻜﻪﻥ ﺩﻭﻟﻼﺭﻧﻰ ﺗﯘﺗﻘﯘﺯﯗﭖ ﻗﻮﻳﺪﻯ. ﺋﺎﺭﻗﺎﻣﻐﺎ ﺋﯚﺭﯗﻟﯘﭖ ﺑﯩﺮ ﻧﻪﭼﭽﻪ ﻗﻪﺩﻩﻡ ﻣﯧﯖﯩﭙﻼ ﺋﯧﺴﯩﻤﮕﻪ ﻛﻪﻟﮕﻪﻧﺪﻩﻙ ﺑﻮﻟﯘﭖ، ﻛﯚﯕﻠﯜﻣﺪﻩ «ﺳﻪﻥ ﺋﺎﻟﺪﺍﻧﺪﯨﯔ! ﺋﯩﺸﻪﻧﻤﯩﺴﻪﯓ ﺋﺎﺭﻗﺎﯕﻐﺎ ﻗﺎﺭﺍﭖ ﺑﺎﻕ» ﺩﯦﮕﻪﻥ ﺳﻮﺋﺎﻝ ﭼﺎﻗﻤﺎﻕ ﺗﯧﺰﻟﯩﻜﯩﺪﻩ ﺷﻪﻛﯩﻠﻠﻪﻧﺪﻯ، ﺷﯘ ﻫﺎﻣﺎﻥ ﻗﺎﺭﺳﺎﻡ ﻫﯧﭽﻜﯩﻢ ﻳﻮﻕ، ﺷﯘﻧﯩﯔ ﺑﯩﻠﻪﻥ ﺳﻪﻝ ﮔﺎﯕﮕﯩﺮﺍﭖ ﻗﯧﻠﯩﭗ، ﺩﻩﺭﻫﺎﻝ ﺩﻭﻟﻼﺭﻧﻰ ﺋﺎﻟﯩﻤﻪﻥ ﺩﯦﮕﻪﻥ ﺧﻪﻧﺰﯗﻏﺎ ﻗﺎﺭﯨﺪﯨﻢ، ﺷﯘ ﺋﺎﺭﯨﺪﺍ ﺋﯘﻣﯘ ﻏﺎﻳﯩﭗ ﺑﻮﻟﻐﺎﻧﯩﺪﻯ. ﺋﻪﻣﺪﻯ ﻗﺎﻧﺪﺍﻕ ﻗﯩﻠﯩﺸﻢ ﻛﯧﺮﻩﻙ، ﺳﺎﻗﭽﯩﻐﺎ ﻣﻪﻟﯘﻡ ﻗﯩﻼﻳﻤﯘ، ﻧﯧﻤﻪ ﺩﻩﭖ ﭼﯜﺷﻪﻧﺪﯛﺭﯨﻤﻪﻥ، ﻧﯧﻤﻪ ﻗﯩﻠﯩﺸﯩﻤﻨﻰ ﺑﯩﻠﻪﻟﻤﻪﻱ ﺑﯩﺮ ﺋﺎﺯ ﺗﯘﺭﯗﭖ ﻗﺎﻟﺪﯨﻢ.

    ﺋﻪﺗﺮﺍﭘﯩﻤﺪﺍ ﺋﻪﺗﯩﮕﻪﻧﺪﻩ ﺋﺎﻟﺪﯨﺮﺍﭖ ﺋﯩﺸﻘﺎ ﻣﺎﯕﻐﺎﻥ ﻛﯩﺸﯩﻠﻪﺭ ﻫﯧﭻ ﺋﯩﺶ ﺑﻮﻟﻤﯩﻐﺎﻧﺪﻩﻙ ﺋﯘﻳﺎﻗﺘﯩﻦ- ﺑﯘﻳﺎﻗﻘﺎ ﺋﯚﺗﯜﺷﯜﭖ ﺗﯘﺭﺍﺗﺘﻰ، ﺋﺎﺧﯩﺮﻯ ﻳﻪﻧﯩﻼ ﺋﯚﺯﻩﻣﻨﻰ ﮔﯚﻟﻠﻪﭖ، ﺑﯘﻻﺭ ﺋﯩﺶ ﺑﻮﻟﺪﻯ، ﻛﯩﻤﺪﯨﻦ ﺋﺎﻏﺮﯨﻨﺎﺗﺘﯩﯔ، ﺋﯚﺯﻩﯕﺪﯨﻦ ﻛﯚﺭ، ﻫﯧﻠﯩﻤﯘ ﻳﺎﺧﺸﻰ ﺗﯘﻳﯘﭖ ﻗﺎﻟﻐﺎﻧﺪﻩﻙ 200 ﻳﯜﻩﻧﻨﻰ ﺋﯧﻠﯩﭗ ﻗﺎﭘﺘﯩﻜﻪﻧﻤﻪﻥ. ﻧﯧﻤﻪ ﺋﯜﭼﯜﻧﺪﯗﺭ ﺋﯚﺯﻩﻣﻨﻰ ﻣﺎﺯﺍﻕ ﻗﯩﻠﻐﯩﻨﯩﻤﯘ ﻳﺎﻛﻰ ﺭﺍﺳﺘﯩﻨﻼ ﺷﯘﻧﺪﺍﻕ ﺋﻮﻳﻠﯩﺪﯨﻤﯘ ﺗﯧﻠﯧﯟﯨﺰﻭﺭﺩﺍ ﻗﻮﻳﯘﻟﻐﺎﻥ ﺋﯩﺘﺘﻮﺕ ﻧﻮﻣﯘﺭﯨﺪﻩﻙ ﺑﯩﺮﺩﻩﻣﺪﯨﻼ ﻳﯜﺯ ﺑﻪﺭﮔﻪﻥ ﺑﯘ ﺋﯩﺸﻼﺭﻏﺎ ﻛﯜﻟﮕﯩﻢ ﻛﯧﻠﯩﭗ ﻛﻪﺗﺘﻰ، ﻟﯧﻜﯩﻦ ﺋﯚﺯﻩﻣﻨﻰ ﺗﯘﺗﯘﯞﯦﻠﯩﭗ، ﻳﻪﺭ ﺋﺎﺳﺘﻰ ﺋﯚﺗﯜﺷﻤﻪ ﻛﯚﯞﺭﯛﻙ ﺋﺎﺭﻗﯩﻠﯩﻖ ﻳﻮﻟﻨﯩﯔ ﻗﺎﺭﺷﻰ ﺑﯧﺮﯨﭗ، ﺗﺎﻛﺴﻰ ﺗﻮﺳﯘﭖ ﺷﻮﭘﯘﺭﻏﺎ ﺋﺎﺩﺭﯦﺴﻨﻰ ﺩﻩﭖ ﺑﻪﺭﺩﯨﻢ، ﻗﺎﻧﭽﯩﻠﯩﻚ ﯞﺍﻗﯩﺖ ﻛﻪﺗﺘﯩﻜﯩﻦ ﺷﻮﭘﯘﺭ ﻛﻪﻟﺪﯗﻕ- ﺩﯦﺪﻯ، ﻣﺎﺷﯩﻨﯩﺪﯨﻦ ﭼﯜﺷﯜﭖ ﻫﻪﺭﺧﯩﻞ ﺧﯩﻴﺎﻟﻼﺭ ﺑﯩﻠﻪﻥ ﺗﯩﺰﯨﻤﻐﺎ ﺋﺎﻟﺪﯗﺭﯗﺵ ﺋﻮﺭﻧﯩﻐﺎ ﻛﯩﺮﺩﯨﻢ. ____ ﺋﯚﺯﯨﯖﯩﺰﻧﻰ ﻧﻪﺩﯨﻦ ﺳﻮﺭﺍﻳﻤﯩﺰ_ ﺩﯦﺪﻯ، «ﻛﯘﺭﺳﺎﻧﺘﻼﺭﻧﻰ ﺗﯩﺰﯨﻤﻼﺵ ﺋﻮﺭﻧﻰ» ﻛﯚﺭﺳﯩﺘﯩﻠﮕﻪﻥ ﺋﯜﺳﺘﻪﻟﻨﯩﯔ ﺋﺎﻟﺪﯨﺪﺍ ﺋﻮﻟﺘﯘﺭﻏﺎﻥ ﭼﺎﭼﻠﯩﺮﯨﻐﺎ ﺋﺎﻕ ﺋﺎﺭﯨﻼﺷﻘﺎﻥ 48 ﻳﺎﺷﻼﺭ ﺋﻪﺗﺮﺍﭘﯩﺪﯨﻜﻰ ﺳﺎﻻﭘﻪﺗﻠﯩﻚ ﺑﯩﺮ ﻛﯩﺸﻰ، ﻣﻪﻥ ﺑﯩﻠﻪﻥ ﺳﺎﻻﻣﻼﺷﻘﺎﻧﺪﯨﻦ ﻛﯧﻴﯩﻦ ﺧﯩﺰﻣﻪﺕ ﻛﯩﻨﺸﻜﺎﻡ، ﺋﯩﺪﺍﺭﯨﻨﯩﯔ ﺗﯘﻧﯘﺷﺘﯘﺭﯗﺷﻰ ﯞﻩ «ﺋﯘﻗﺘﯘﺭﯗﺵ» ﻧﻰ ﺋﯘ ﻛﯩﺸﯩﮕﻪ ﺳﯜﻧﺪﯗﻡ. ____ ﻛﯘﺭﺳﻨﯩﯔ ﯞﺍﻗﺘﻰ 15 ﻛﯜﻥ، ﺗﺎﻣﺎﻕ، ﻳﺎﺗﺎﻕ، ﻣﺎﺗﯧﺮﯨﻴﺎﻝ.... ﻗﺎﺗﺎﺭﻟﯩﻘﻼﺭ ﺋﯜﭼﯜﻥ ﺋﺎﻟﺪﯨﻦ 1300 ﻳﯜﻩﻥ ﺗﺎﭘﺸﯘﺭﯗﭖ، ﻳﺎﺗﺎﻗﻘﺎ ﺋﻮﺭﯗﻧﻠﯩﺸﯩﯟﺍﻟﺴﯩﻼ، ﭼﯜﺷﺘﯩﻦ ﻛﯧﻴﯩﻦ ﻣﯘﺭﺍﺳﯩﻢ ﻳﯩﻐﯩﻨﻰ ﺑﺎﺭ ﺩﻩﭖ، ﻣﺎﯕﺎ ﭘﯘﻝ ﺗﺎﭘﺸﯘﺭﯗﯓ ﺩﯦﮕﻪﻥ ﻧﻪﺯﻩﺭﺩﻩ ﻗﺎﺭﯨﺪﻯ. ____ ﻣﻪﻧﻤﯘ ﭼﺎﻧﺪﯗﺭﻣﺎﻱ، ﭘﯘﻝ ﺑﺎﻧﻜﯩﻐﺎ ﺋﺎﻣﺎﻧﻪﺕ ﻗﻮﻳﯘﻗﻠﯘﻕ ﺋﯩﺪﻯ، ﻣﻪﻥ ﺋﻪﻛﯩﺮﯨﭗ ﺗﺎﭘﺸﯘﺭﺍﻱ- ﺩﯦﺪﯨﻢ- ﺩﻩ، ﺋﺎﺭﻗﺎﻣﻐﺎ ﺑﯘﺭﯗﻟﯘﭖ، ﺳﯩﺮﺗﻘﺎ ﭼﯩﻘﯩﭗ ﺑﺎﻳﺎﻣﻘﻰ ﻳﯜﺯ ﺑﻪﺭﮔﻪﻥ ﺋﯩﺸﻼﺭﻧﻰ ﺋﻮﻳﻼﭖ، ﺑﯧﺸﯩﻤﻨﯩﯔ ﺋﺎﻏﺮﯨﻘﻰ ﻳﻪﻧﯩﻤﯘ ﻛﯜﭼﯩﻴﯩﭗ ﻛﻪﺗﺘﻰ، ﺋﺎﺋﯩﻠﻪﻣﺪﯨﻜﯩﻠﻪﺭﺩﯨﻦ ﻗﺎﻧﺪﺍﻕ ﭘﯘﻝ ﺳﻮﺭﺍﻳﻤﻪﻥ.... ﺗﻮﻏﺮﺍ، ﺗﻮﻏﺮﺍ ﺋﻪﻧﯟﻩﺭﮔﻪ ﺗﯧﻠﯧﻔﻮﻥ ﻗﯩﻼﻱ، ﺋﯘ ﺋﻪﻛﯩﻠﯩﭗ ﺑﻪﺭﺳﯘﻥ ﻣﻪﻥ ﻳﯘﺭﺗﻘﺎ ﺑﺎﺭﻏﺎﻧﺪﯨﻦ ﻛﯧﻴﯩﻦ ﺑﯩﺮ ﺋﺎﻣﺎﻝ ﻗﯩﻠﯩﭗ ﺋﻪﯞﻩﺗﯩﭗ ﺑﯧﺮﻩﺭﻣﻪﻥ، ﺗﻮﺧﺘﺎ ﺋﯘ ﻗﺎﻧﺪﺍﻕ ﺋﻮﻳﻼ، ﻳﺎ ﺑﯘ ﺋﯩﺸﻼﺭﻧﻰ ﺩﯦﮕﯩﻠﻰ ﺑﯘﻟﻤﯩﺴﺎ ﻳﺎ ﻳﯘﺭﺗﺘﯩﻜﻰ ﺩﻭﺳﺘﻠﯩﺮﯨﻤﻐﺎ ﺗﯧﻠﯧﻔﻮﻥ ﻗﯩﻼﻳﻤﯘ، ﺋﯘ ﻳﻪﺭﺩﻩ ﺑﯩﺮﻻ ﺑﺎﻧﻜﺎ ﺑﻮﻟﻐﺎﭼﻘﺎ، ﺧﺎﻟﯩﺴﺎ ﺋﯩﺸﻠﻪﻳﺪﯗ، ﺧﺎﻟﯩﻤﯩﺴﺎ ﺋﺎﺭﺍﻡ ﺋﺎﻟﯩﺪﯨﻐﺎﻥ ﮔﻪﭖ، ﻫﻪﻡ ﺋﯘﻻﺭ ﺋﻪﯞﻩﺗﯩﭗ ﺑﻮﻟﻐﯩﭽﻪ ﺑﯘﻻﺭ ﺳﺎﻗﻼﭖ ﺗﯘﺭﻣﺎﻳﺪﯗ- ﺩﻩ، ﺩﯦﮕﻪﻧﻠﻪﺭﻧﻰ ﺧﯩﻴﺎﻝ ﻗﯩﻠﯩﭗ، ﺑﺎﻧﻜﺎ ﺗﻪﺭﻩﭘﻜﻪ ﻗﺎﺭﺍﭘﻼ، ﺑﯘﻏﺎﻟﺘﯩﺮﺩﯨﻦ ﻗﻪﺭﺯ ﭘﯘﻟﻰ ﺋﺎﻟﻐﯩﻠﻰ ﻛﯩﺮﺳﻪﻡ: ___ ﺋﯘﻛﺎ، ﺑﯘ ﻳﺎﺧﺸﻰ ﭘﯘﺭﺳﻪﺕ ﺑﺎﺭﻏﺎﻧﺪﯨﻦ ﻛﯧﻴﯩﻦ ﺋﯚﮔﯩﻨﯩﺸﻜﯩﻤﯘ ﺗﻮﻟﯘﻕ ﻗﺎﺗﻨﯩﺸﯩﭗ، ﻛﺎﻟﻼﯕﻨﻰ ﺋﻮﺑﺪﺍﻥ ﺋﺎﺭﺍﻡ ﺋﺎﻟﺪﯗﺭﯗﭖ، ﻳﺎﺧﺸﻰ ﺋﻮﻳﻨﺎﭖ ﻛﻪﻝ، ﻣﯘﺷﯘ ﺋﯩﻜﻜﻰ ﻛﯜﻥ ﺋﯩﭽﯩﺪﻩ ﻣﻮﺋﺎﺵ ﯞﻩ ﺋﺎﺯ- ﺗﻮﻻ ﻳﯧﻐﯩﻠﯩﭗ ﻗﺎﻟﻐﺎﻥ ﭘﻮﻟﻼﺭ ﺑﺎﺭ، ﺷﯘﻻﺭﻧﻰ ﻣﻮﺋﺎﺵ ﻛﺎﺭﺗﯩﯖﻼﺭﻏﺎ ﺋﺎﻣﺎﻧﻪﺕ ﻗﻮﻳﯩﯟﯦﺘﯩﻤﻪﻥ ﺩﯦﮕﻪﻥ ﺳﯚﺯﻟﯩﺮﻯ ﻳﺎﺩﯨﻤﻐﺎ ﻛﻪﻟﺪﻯ- ﺩﻩ، ﺋﯘﺩﯗﻟﻼ ﺋﺎﻟﺪﯨﻤﺪﯨﻜﻰ ﺟﯘﯕﮕﻮ ﻳﯧﺰﺍ ﺋﯩﮕﯩﻠﯩﻚ ﺑﺎﻧﻜﯩﺴﻐﺎ ﻛﯩﺮﺩﯨﻢ، ﺑﯩﺮ ﺋﺎﺯ ﻧﯚﯞﻩﺕ ﺳﺎﻗﻼﭖ ﺗﯘﺭﯗﭖ، ﻛﺎﺭﺗﯩﻨﻰ ﻣﯘﻻﺯﯨﻤﻪﺗﭽﻰ ﺧﺎﺩﯨﻤﻐﺎ ﺑﯧﺮﯨﭗ، 1300 ﻳﯜﻩﻥ ﺋﺎﻟﻤﻪﻥ ﺩﯦﺪﯨﻢ. ___ ﻣﻪﺧﭙﯩﻲ ﻧﻮﻣﯘﺭﯨﯖﯩﺰ_ ﺩﯦﺪﻯ ﻣﯘﻻﺯﯨﻤﻪﺗﭽﻰ ﺧﺎﺩﯨﻢ. ﻣﻪﻥ ﻧﻮﻣﯘﺭﻧﻰ ﻛﯩﺮﮔﯜﺯﯛﭖ ﺑﯩﺮ ﺋﺎﺯ ﺗﯘﺭﻏﺎﻧﺪﯨﻦ ﻛﯧﻴﯩﻦ، ﻣﯘﻻﺯﯨﻤﻪﺗﭽﻰ ﺧﺎﺩﯨﻤﻨﯩﯔ: ___ ﺋﯩﻤﺰﺍ ﻗﻮﻳﯘﭖ ﺑﻪﺭﺳﯩﻠﻪ ﺩﯦﮕﻪﻥ ﺳﯚﺯﻟﯩﺮﯨﮕﻪ ﺋﯩﺸﻪﻧﻤﯩﮕﻪﻧﺪﻩﻙ ﺋﻪﺗﺮﺍﭘﻘﺎ ﺑﯩﺮ ﻗﺎﺭﯞﯦﺘﯩﭗ، ﻣﺎﯕﺎ ﺳﯜﻧﯜﻟﻐﺎﻥ ﺗﺎﻟﻮﻧﻐﺎ ﺋﯩﻤﺰﺍ ﻗﻮﻳﯘﭖ، ﭘﯘﻝ ﯞﻩ ﻛﺎﺭﺗﯩﻨﻰ ﻗﻮﻟﯘﻣﻐﺎ ﺋﯧﻠﯩﭗ، ﺑﯘﻏﺎﻟﺘﯩﺮ ﺋﯩﻠﯩﻴﺎﺳﻘﺎ ﻛﯚﯕﻠﯜﻣﺪﻩ ﻧﻪﭼﭽﻪ ﻣﯩﯔ ﺭﻩﻫﻤﻪﺕ ﺋﯧﻴﯩﺘﺘﯩﻢ.

    ﻗﺎﻳﺘﯩﭗ ﻛﯩﺮﯨﭗ ﺭﻩﺳﻤﯩﻴﻪﺗﻠﻪﺭﻧﻰ ﺗﻮﻟﯘﻕ ﺑﯧﺠﯩﺮﯨﭗ ﻳﺎﺗﺎﻗﻘﺎ ﺋﻮﺭﯗﻧﻼﺷﺘﯩﻢ. ﻣﯧﻨﯩﯔ ﺋﺎﯞﯞﺍﻟﻘﻰ ﺧﯩﻴﺎﻟﯩﺮﯨﻢ ﭘﯜﺗﯜﻧﻠﻪﻱ ﺳﯘﻏﺎ ﭼﯩﻠﯩﺸﯩﭗ، ﺋﻪﻣﺪﻯ ﻫﯧﭽﻜﯩﻢ ﺑﯩﻠﻪﻥ ﻛﯚﺭﯛﺷﻤﻪﻱ ﻳﯘﺭﺗﻘﺎ ﺳﺎﻻﻣﻪﺕ ﻗﺎﻳﺘﯩﺸﻨﻰ ﺋﻮﻳﻠﯩﺪﯨﻢ، ﺋﻪﻣﻤﺎ ﺋﻪﺷﯘ ﺑﯩﺮ ﻧﻪﭼﭽﻪ ﻣﯩﻨﻮﺕ ﺋﯩﭽﯩﺪﻩ ﻳﯜﺯ ﺑﻪﺭﮔﻪﻥ ﺋﯩﺸﻼﺭ ﻛﺎﻟﻼﻣﺪﯨﻦ ﭘﻪﻗﻪﺗﻼ ﻛﻪﺗﻤﯩﺪﻯ، ﻫﻪﺭ ﻗﺎﻧﭽﻪ ﻗﺎﺧﺸﯩﻐﺎﻥ ﺑﯩﻠﻪﻥ ﺋﯩﺰﯨﻐﺎ ﻛﻪﻟﻤﻪﻳﺪﯗ ﺩﻩﭖ ﺋﯚﺯﻩﻣﮕﻪ ﺗﻪﺳﻪﻟﻠﯩﻲ ﺑﯧﺮﯨﭗ، ﻳﻪﻧﯩﻼ ﻣﻪﺟﺒﯘﺭﯨﻲ ﻫﺎﻟﺪﺍ ﺋﯚﮔﯩﻨﯩﺸﻜﻪ ﺯﻭﺭﻟﯩﻨﯩﭗ، ﺑﯩﺮ ﻧﻪﭼﭽﻪ ﻛﯜﻧﻨﻰ ﺋﯚﺗﻜﯜﺯﺩﯛﻡ، ﺷﯘ ﺋﺎﺭﯨﻠﯩﻘﺘﺎ ﺳﺎﯞﺍﻗﺪﺍﺷﻼﺭ ﺑﯩﻠﻪﻥ ﺋﺎﻻﻗﯩﻼﺷﻤﯩﺪﯨﻢ. ﺋﺎﺭﯨﺪﯨﻦ ﺑﯩﺮ ﻫﻪﭘﺘﻪ ﺋﯚﺗﯜﭖ ﻛﻪﺗﺘﻰ. ﺑﯘ ﺋﺎﺭﯨﻠﯩﻘﺘﺎ ﺋﯚﺯﻩﻣﻨﻰ ﺗﻮﺳﯘﭖ، ﺳﯩﺮﺗﻘﯩﻤﯘ ﭼﯩﻘﻤﯩﺪﯨﻢ. ﺋﻪﻣﻤﺎ ﻛﯩﺸﯩﻨﯩﯔ ﻳﯘﺭﺗﯩﺪﺍ ﻳﺎﻟﻐﯘﺯﻟﯘﻕ ﺑﻪﻛﻼ ﺋﯧﻐﯩﺮ ﻛﯧﻠﯩﺪﯨﻜﻪﻥ، ﺷﯘﯕﺎ ﺋﯩﻠﮕﯩﺮﻯ ﺗﺎﺳﺎﺩﯨﺒﯩﻲ ﺗﻮﻧﯘﺷﯘﭖ ﻗﺎﻟﻐﺎﻥ ﺑﯩﺮ ﻳﺎﺷﺎﻧﻐﺎﻥ ﻛﯩﺸﻰ ﺑﺎﺭ ﺋﯩﺪﻯ، ﺷﯘ ﻛﯩﺸﯩﻨﻰ ﺑﻮﻟﺴﯩﻤﯘ ﻳﻮﻗﻼﭖ ﻛﯧﻠﯩﺸﻨﻰ ﺗﻮﻏﺮﺍ ﺗﺎﭘﺘﯩﻢ. ﺷﻪﻧﺒﻪ ﻛﯜﻧﻰ ﺩﻩﻡ ﺋﯧﻠﯩﺸﺘﯩﻦ ﭘﺎﻳﺪﯨﻠﯩﻨﯩﭗ، ﻛﻮﭼﺎ ﺋﺎﭘﺘﻮﺑﯘﺳﻰ ﺑﯩﻠﻪﻥ ﺋﯜﭼﺘﺎﺷﺘﯩﻜﻰ «ﺷﯩﻨﺠﺎﯓ ﺋﯘﻧﯩﯟﯦﺮﺳﺘﯧﺘﻰ» ﺑﯧﻜﺘﯩﺪﻩ ﭼﯜﺷﯜﭖ، ﺋﺎﻟﺪﻯ ﺑﯩﻠﻪﻥ ﺗﯧﻠﯧﻔﻮﻥ ﻗﯩﻠﯩﭗ ﺑﺎﻗﺎﻱ، ﺋﯚﻳﯩﺪﻩ ﺑﻮﻟﺴﺎ ﻛﯩﺮﻩﺭﻣﻪﻥ، ﺑﻮﻟﻤﯩﺴﺎ ﺋﻪﻧﯟﻩﺭﮔﻪ ﺗﯧﻠﯧﻔﻮﻥ ﻗﯩﻠﯩﭗ ﺗﺎﻣﺎﻕ ﻳﯧﮕﻪﭺ ﭘﺎﺭﺍﯕﻠﯩﺸﯩﭗ ﻛﯧﺘﻪﺭﻣﻪﻥ، ﺩﯦﻤﯩﺴﯩﻤﯘ ﻫﯧﻠﯩﻤﯘ ﺑﻪﻛﻼ ﺯﯦﺮﯨﻜﺘﯩﻢ، ﺋﻪﻣﺪﻯ ﻫﻪﺭﻗﺎﻧﺪﺍﻕ ﻗﯩﻠﺴﺎﻣﻤﯘ ﺋﻮﺭﻧﯩﻐﺎ ﻛﻪﻟﻤﻪﻳﺪﯗ ﺩﯦﮕﻪﻧﻠﻪﺭﻧﻰ ﺋﻮﻳﻠﻐﺎﻥ ﺑﻮﻟﺴﺎﻣﻤﯘ، ﻧﯧﻤﯩﺸﻘﯩﺪﯗﺭ ﺑﯩﺮ ﺧﯩﻞ ﻫﯧﺴﻴﺎﺕ ﺋﯚﺯﻩﯓ ﺋﻮﻗﯘﻏﺎﻥ ﻣﻪﻛﺘﻪﭘﻨﯩﯔ ﺑﯜﮔﯜﻧﻜﻰ ﺗﻪﺭﻩﻗﻘﯩﻴﺎﺗﯩﻨﻰ ﻛﯚﺭﯛﭖ ﺑﺎﻗﻤﺎﻣﺴﻪﻥ ﺩﻩﭖ ﺋﯜﻧﺪﻩﻳﺘﻰ، ﻛﯩﺮﺳﻪﻡ ﺋﻮﻗﯘﺗﻘﯘﭼﯩﻠﯩﺮﯨﻢ ﺋﯘﭼﺮﺍﭖ ﻗﺎﻟﺴﺎ ﻗﺎﻧﺪﺍﻕ ﻗﯩﻠﯩﻤﻪﻥ، ﻧﻪﭼﭽﻪ ﻳﯩﻞ ﻛﯚﺭﯛﺷﻤﯩﮕﻪﻧﻠﻪﺭ ﭘﺎﺭﺍﯕﻼﺷﻤﯩﺴﺎﻕ ﺑﻮﻟﻤﺎﺱ....ﺷﯘ ﺧﯩﻴﺎﻟﻼﺭ ﺑﯩﻠﻪﻥ ﺋﯜﭼﺘﺎﺵ ﺋﯘﺯﯗﻥ ﻳﻮﻝ ﻳﻮﻟﯘﭼﯩﻼﺭ ﺑﯧﻜﺘﯩﮕﻪ ﭼﯜﺷﯩﺪﯨﻐﺎﻥ ﻳﻪﺭﺩﻩ ﺑﯩﺮ ﺗﯧﻠﯧﻔﻮﻥ ﺑﻮﺗﻜﯩﺴﯩﻨﯩﯔ ﺋﺎﻟﺪﯨﺪﺍ ﺗﻮﺧﺘﺎﭖ، ﻗﺎﺭﺳﺎﻡ 3-4 ﻛﯩﺸﻰ ﺗﯧﻠﯧﻔﻮﻥ ﺑﯧﺮﯞﺍﺗﻘﺎﻥ ﺑﻮﻟﯘﭖ، ﺑﯩﻜﺎﺭ ﺗﯧﻠﯧﻔﻮﻥ ﻳﻮﻕ ﺋﯩﺪﻯ، ﺳﯩﺮﺗﺘﺎ ﺳﺎﻗﻼﭖ ﺗﯘﺭﻏﺎﭺ ﺋﯘﻳﺎﻗﻘﺎ- ﺑﯘﻳﺎﻗﻘﺎ ﻗﺎﺭﺍﭖ ﺗﯘﺭﺳﺎﻡ، ﺋﯘﺷﺘﯘﻣﺘﯘﺗﻼ ﻛﯚﺯ ﺋﺎﻟﺪﯨﻤﺪﺍ ﻫﯧﻠﯩﻘﻰ ﻛﯜﻧﺪﯨﻜﻰ ﺳﺎﻧﺠﯩﻠﯩﻖ ﺋﻮﻗﯘﺗﻘﯘﭼﻰ ﭘﻪﻳﺪﺍ ﺑﻮﻟﯘﭖ ﻗﺎﻟﺪﻯ.

   ﺑﯩﺮ ﺋﺎﺯ ﺟﯩﺪﺩﯨﻴﻠﻪﺷﻜﻪﻥ ﺑﻮﻟﺴﺎﻣﻤﯘ ﺑﯘ ﻗﯧﺘﯩﻢ ﺋﯚﺯﻩﻣﻨﻰ ﺳﻪﻝ ﺗﯘﺗﯘﯞﯦﻠﯩﭗ، ﺋﺎﻟﺪﻯ ﺑﯩﻠﻪﻥ ﺳﺎﻗﭽﯩﻐﺎ ﻣﻪﻟﯘﻡ ﻗﯩﻠﯩﭗ «110» ﻏﺎ ﺗﯧﻠﯧﻔﻮﻥ ﻗﯩﻠﯩﺸﻨﻰ ﺋﻮﻳﻠﯩﺪﯨﻢ، ﺑﯩﺮﺍﻕ ﻣﻪﻧﺪﻩ ﻫﯧﭽﻘﺎﻧﺪﺍﻕ ﺋﯩﺴﭙﺎﺕ ﻳﻮﻕ، ﻳﻪﻧﻪ ﺗﯧﺨﻰ ﺋﯚﺯﻩﻣﻤﯘ ﺷﯘﻣﯘ - ﺋﻪﻣﻪﺳﻤﯘ ﺩﻩﭖ ﺋﯩﻜﻜﯩﻠﯩﻨﯩﭗ ﻗﯩﻠﯩﯟﺍﺗﺴﺎﻡ، ﺷﯘﯕﺎ ﺩﻩﺭﻫﺎﻝ ﺑﯧﺮﯨﭗ ﻳﺎﻗﯩﺴﯩﺪﯨﻦ ﺋﺎﻻﻱ، ﺋﻪﮔﻪﺭ ﻗﯧﭽﯩﺸﻘﺎ ﺋﻮﺭﯗﻧﺴﺎ، ﺷﯘ ﺋﯩﻜﻪﻧﻠﯩﻜﯩﮕﻪ ﻫﯚﻛﯜﻡ ﻗﯩﻠﯩﯟﯦﻠﯩﭗ، ﺋﺎﻧﺪﯨﻦ ﺋﻪﺗﺮﺍﭘﯩﻤﺪﯨﻜﻰ ﺷﯘﻧﭽﻪ ﻛﯚﭖ ﻛﯩﺸﯩﻠﻪﺭﺩﯨﻦ ﻳﺎﺭﺩﻩﻡ ﺳﻮﺭﺍﺭﻣﻪﻥ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ، ﻳﯜﮔﯜﺭﯛﭖ ﻳﯧﻨﯩﻐﺎ ﺑﯧﺮﯨﺸﻤﻐﺎ ﻣﯧﻨﻰ ﻛﯚﺭﯛﭖ ﻗﺎﭼﻤﺎﻗﭽﻰ ﺑﻮﻟﻐﺎﻧﺘﻰ، ﺗﯧﺰﻟﯩﻜﺘﻪ ﺋﯘﻧﯩﯔ ﻳﺎﻗﯩﺴﯩﺪﯨﻦ ﺋﺎﻟﺪﯨﻢ. ﻗﺎﺭﺍ ﺩﯦﮕﻪﻧﺪﻩﻙ ﺑﻮﻟﺪﻯ، ﻗﺎﺭﺳﺎﻡ ﻏﺎﻟﯩﺒﯩﻴﻪﺕ ﺳﺎﻗﭽﯩﺨﺎﻧﯩﺴﻰ ﺩﯦﮕﻪﻥ ﺧﻪﺗﻠﻪﺭﻧﻰ ﻛﯚﺭﺩﻭﻡ- ﺩﻩ، ﻣﻪﻧﺪﻩ ﻗﺎﻳﺘﯩﺪﯨﻦ ﺋﯜﻣﯩﺪ ﺗﯘﻏﯘﻟﺪﻯ، ﺋﯘﻧﻰ ﺳﯚﺭﯨﮕﻪﻥ ﭘﯧﺘﻰ ﺳﺎﻗﭽﯩﺨﺎﻧﯩﻨﻰ ﻛﯚﺭﺳﯩﺘﯩﭗ ﺗﯘﺭﯗﭖ: ___ ﻣﻪﻳﻠﻰ ﻣﻪﻥ ﭘﻮﻟﻨﻰ ﻗﺎﻳﺘﯘﺭﯞﺍﻻﻱ ﻳﺎﻛﻰ ﻗﺎﻳﺘﯘﺭﯞﺍﻻﻟﻤﺎﻱ، ﺳﯧﻨﻰ ﺳﺎﻗﭽﯩﺨﺎﻧﯩﻐﺎ ﺋﻪﻛﯩﺮﯨﭗ ﺑﯧﺮﯨﻤﻪﻥ، ﺋﻪﻣﺪﻯ ﺑﯘﻧﯩﯖﺪﯨﻦ ﻛﯧﻴﯩﻦ ﻣﺎﯕﺎ ﺋﻮﺧﺸﺎﺵ ﻳﻪﻧﻪ ﻧﯘﺭﻏﯘﻥ ﻛﯩﺸﯩﻠﻪﺭﻧﻰ ﺋﺎﻟﺪﯨﻴﺎﻟﻤﺎﻳﺴﻪﻥ - ﺩﯦﺪﯨﻢ. ﺋﯘ ﻛﯩﺸﻰ ﻳﺎﻟﯟﯗﺭﯗﭖ: ___ ﺋﯘﻧﺪﺍﻕ ﻗﯩﻠﻤﯩﺴﯩﻼ ﺋﯘﻛﺎﻡ، ﻣﻪﻥ ﭘﯘﻟﻨﻰ ﺑﯩﺮﺩﻩﻣﺪﯨﻼ ﺗﻪﻝ ﻗﯩﻠﯩﭗ ﺑﯧﺮﯨﻤﻪﻥ، ﻣﯧﻨﯩﯖﻤﯘ ﺑﺎﻟﯩﻠﯩﺮﯨﻢ ﺑﺎﺭ ﺋﯘﻻﺭﻧﻰ ﺑﺎﻗﻤﯩﺴﺎﻡ، ﻗﺎﺭﻣﯩﺴﺎﻡ ﺑﻮﻟﻤﺎﻳﺪﯗ، ﺋﯧﺰﯨﭙﺘﯩﻤﻪﻥ ﺑﯘﻧﯩﯖﺪﯨﻦ ﻛﯧﻴﯩﻦ ﺑﯘ ﺋﯩﺸﺘﯩﻦ ﻗﻮﻝ ﺋﯜﺯﯨﻤﻪﻥ- ﺩﯦﺪﻯ. ﺋﯘﻧﻰ ﺝ ﺥ ﺋﻮﺭﯗﻧﻠﯩﺮﯨﻐﺎ ﺗﺎﭘﺸﯘﺭﯗﭖ ﺑﻪﺭﺳﻪﻡ، ﺋﺎﻟﺪﻯ ﺑﯩﻠﻪﻥ ﺩﯦﻠﻮ ﺗﯘﺭﻏﯘﺯﯗﭖ، ﺳﯜﺭﯛﺷﺘﯜﺭﯛﭖ ﭘﯘﻟﻨﻰ ﻗﺎﻳﺘﯘﺭﯗﭖ ﺑﻮﻟﻐﯩﭽﻪ ﺋﯚﮔﯩﻨﯩﺶ ﯞﺍﻗﺘﯩﻢ ﺗﻮﺷﯘﭖ ﻗﺎﻟﻐﯘﺩﻩﻙ، ﻣﺎﯕﺎ ﻫﺎﺯﯨﺮ ﭘﯘﻝ ﻛﯧﺮﻩﻛﺘﻪ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ، ﺷﯘﻧﯩﯔ ﺑﯩﻠﻪﻥ ﺋﯘﻧﯩﯔ ﺩﯦﮕﯩﻨﯩﮕﻪ ﻣﺎﻗﯘﻝ ﺑﻮﻟﺪﯗﻡ. ﺳﺎﻗﭽﯩﺨﺎﻧﯩﻨﯩﯔ ﻗﺎﺭﺷﻰ ﺗﻪﺭﻩﭘﯩﺪﯨﻜﻰ ﻳﻮﻟﻨﯩﯔ ﻳﺎﻗﯩﺴﯩﺪﺍ ﺑﯩﺮ ﻛﯩﭽﯩﻚ ﻣﺎﮔﯩﺰﯨﻨﻐﺎ ﻛﯩﺮﺩﯗﻕ، ﺋﯘ ﺑﺎﺷﺘﺎ ﻫﯧﻠﯩﻘﻰ ﭘﯘﻝ ﺳﺎﺗﻘﺎﻥ ﺷﯧﺮﯨﻜﯩﮕﻪ، ﺋﺎﻧﺪﯨﻦ ﺧﻪﻧﺰﯗﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﯚﺯﯨﻨﯩﯔ ﻣﺎﯕﺎ ﺋﯘﭼﺮﺍﭖ ﻗﺎﻟﻐﺎﻧﻠﯩﻘﯩﻨﻰ، ﭘﯘﻟﻨﻰ ﻗﺎﻳﺘﯘﺭﺳﯩﻼ ﺳﺎﻗﭽﯩﻐﺎ ﻣﻪﻟﯘﻡ ﻗﯩﻠﻤﺎﻳﺪﯨﻐﺎﻥ ﺑﻮﻟﻐﺎﻧﻠﯩﻘﯩﻤﻨﻰ ﺋﯧﻴﯩﺘﺘﻰ، ﺑﯩﺮ- ﺑﯩﺮﻟﻪﭖ ﺳﯚﺯﻟﯩﺸﯩﭗ، ﺳﺎﻗﻼﭖ ﺗﯘﺭﺍﻳﻠﻰ ﭘﯘﻟﻨﻰ ﺋﻪﻛﯩﻠﯩﭗ ﺑﻪﺭﻣﻪﻛﭽﻰ ﺑﻮﻟﺪﻯ- ﺩﯦﺪﻯ، ﺋﺎﻧﺪﯨﻦ ﭘﯩﯟﯨﺪﯨﻦ ﺋﯩﻜﻜﻰ ﺑﻮﺗﯘﻟﻜﺎ ﺋﯧﻠﯩﭗ ﺑﯩﺮﻧﻰ ﻣﺎﯕﺎ ﺗﻪﯕﻠﯩﺪﻯ، ﻫﺎﯞﺍ ﺷﯘﻧﺪﺍﻕ ﺋﯩﺴﯩﺴﻖ ﺑﻮﻟﻐﺎﭼﻘﺎ، ﺷﯘﻧﺪﺍﻕ ﺋﯩﭽﻜﯩﻢ ﺑﻮﻟﺴﯩﻤﯘ ﺭﻩﺕ ﻗﯩﻠﺪﯨﻢ ﻫﻪﻡ ﻛﯚﯕﻠﯜﻣﺪﻩ ﺑﯘ ﻛﯚﭘﺮﻩﻙ ﺋﯩﭽﺴﻪ ﺑﺎﺭﻏﺎﻧﺴﯧﺮﻯ ﻣﻪﺱ ﺑﻮﻟﺴﺎ ﺗﯧﺨﯩﻤﯘ ﻳﺎﺧﺸﻰ ﺋﻪﻣﻪﺳﻤﯘ ﺩﯦﮕﻪﻧﻠﻪﺭﻧﻰ ﺋﻮﻳﻠﯩﺪﯨﻢ. ﺷﯘ ﺗﻪﺭﯨﻘﯩﺪﻩ 3-4 ﺑﻮﺗﯘﻟﻜﺎ ﭘﯩﯟﺍ ﺋﯩﭽﯩﭗ ﺑﻮﻟﺪﻯ ﻫﻪﻣﺪﻩ ﺑﯩﺮ ﻧﻪﭼﭽﻪ ﻗﯧﺘﯩﻢ ﺗﯧﻠﯧﻔﻮﻥ ﻗﯩﻠﺪﻯ، ﺋﺎﺭﯨﺪﯨﻦ 2-3 ﺳﺎﺋﻪﺕ ﺋﯚﺗﻜﻪﻥ ﺑﻮﻟﺴﯩﻤﯘ ﻫﯧﭽﻘﺎﻧﺪﺍﻕ ﺑﯩﺮﺳﻰ ﻛﻪﻟﻤﯩﺪﻯ ﻳﺎ ﺟﺎﯞﺍﺏ ﻗﯩﻠﯩﭗ ﺗﯧﻠﯧﻔﻮﻧﻤﯘ ﻗﯩﻠﻤﯩﺪﻯ. ﻣﻪﻧﻤﯘ ﺋﻪﺗﯩﮕﻪﻥ ﻳﯧﮕﻪﻥ ﺗﺎﻣﺎﻕ ﺑﯩﻠﻪﻥ ﻗﯘﺭﺳﯩﻘﯩﻢ ﺑﻪﻛﻼ ﺋﯧﭽﯩﭗ ﻛﻪﺗﺘﻰ، ﺷﯘ ﺋﺎﺭﯨﺪﺍ ﻛﯧﻴﯩﻦ ﺗﯧﻠﯧﻔﻮﻥ ﻗﯩﻠﻐﺎﻥ ﺑﯩﺮﺳﯩﺪﯨﻦ ﺳﺎﺩﺍ ﻛﯧﻠﯩﭗ، ﺟﻪﻧﯘﺑﯩﻲ ﺷﯩﻨﺨﯘﺍ ﻳﻮﻟﻰ «ﮔﯘﺍﯕﺨﯘﻱ ﺳﺎﺭﯨﻴﻰ» ﻧﯩﯔ ﺋﺎﻟﺪﯨﺪﺍ ﻛﯚﺭﯛﺷﯘﭖ، ﭘﯘﻟﻨﻰ ﺷﯘ ﻳﻪﺭﺩﻩ ﺑﯧﺮﯨﺪﯨﻐﺎﻥ ﺑﻮﻟﯘﭖ، ﺷﯘ ﻳﻪﺭﮔﻪ ﺑﺎﺭﯨﺪﯨﻐﺎﻥ ﺑﻮﻟﺪﯗﻕ، ﺋﯘ ﻳﻪﺭﮔﻪ ﻛﻪﻟﺴﻪﻙ ﻫﯧﻠﯩﻘﻰ ﺋﺎﺩﻩﻡ ﻛﻪﻟﻤﻪﭘﺘﯘ، 30- 40 ﻣﯩﻨﯘﺕ ﺳﺎﻗﻠﯩﻐﺎﻧﺪﯨﻦ، ﺑﯧﺸﯩﻐﺎ ﺷﻪﭘﻜﻪ، ﻛﯚﻛﺮﻩﯕﻠﯩﻚ ﻛﺎﺳﺘﯘﻡ- ﺑﯘﺭﯗﻟﻜﺎ ﻛﯧﻴﯩﯟﺍﻟﻐﺎﻥ، ﺧﯩﻠﻰ ﺳﺎﻻﭘﻪﺗﻠﯩﻚ ﺑﯩﺮ ﺋﺎﺩﻩﻡ ﻛﻪﻟﺪﻯ. ﻣﻪﻥ ﭘﯘﻟﻨﻰ ﺑﯧﺮﯨﯟﻩﺗﺴﻪ، ﺩﻩﺭﻫﺎﻝ ﺋﻪﻧﯟﻩﺭﮔﻪ ﺗﯧﻠﯧﻔﻮﻥ ﻗﯩﻠﯩﭗ، ﺑﺎﻳﺎﻣﻘﻰ ﺋﺎﺭﺯﯗﻳﯘﻣﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﻨﻰ ﺋﻮﻳﻼﭖ ﻛﯧﺘﯩﭙﺘﯩﻤﻪﻥ، ﻧﻪﺩﻩ ﺋﯘﻣﯘ ﺋﻪﺗﯩﮕﻪﻥ ﺋﯚﻳﺪﯨﻦ ﭼﯩﻘﻘﺎﻧﺪﺍ 2500 ﻳﯜﻩﻥ ﺳﯧﻠﯩﭗ ﭼﯩﻘﻘﺎﻧﻠﯩﻘﯩﻨﻰ، ﺑﺎﻳﺎ ﺋﺎﻳﺎﻟﯩﻨﯩﯔ ﺋﯩﻨﯩﺴﯩﻨﯩﯔ ﻳﯧﻨﯩﻐﺎ ﺑﯧﺮﯨﭗ، 1700 ﻳﯜﻩﻧﻨﻰ ﺋﯧﻠﯩﭗ ﻛﻪﺗﻜﻪﻧﻠﯩﻜﯩﻨﻰ، ﻫﺎﺯﯨﺮ ﻳﯧﻨﯩﺪﺍ 800 ﻳﯜﻩﻥ ﺑﺎﺭﻟﯩﻘﯩﻨﻰ ﺳﯚﺯﻟﻪﭖ، ﻣﺎﯕﺎ ﻗﺎﺭﺍﭖ: ___ ﻗﺎﺭﺍ ﺋﯘﻛﺎﻡ، ﺑﯘ ﺳﯧﻨﯩﯔ ﻫﺎﻻﻝ ﺗﺎﭘﻘﺎﻥ ﭘﯘﻟﻠﯩﺮﯨﻨﯩﯔ ﺋﯩﻜﻪﻥ، ﺷﯘﯕﺎ ﺑﯘ ﭘﯘﻟﻼﺭ ﺑﯩﺰﮔﻪ ﻧﯩﺴﭗ ﺑﻮﻟﻤﺎﭘﺘﯘ، ﺑﻮﻟﻤﯩﺴﺎ ﺳﻪﻧﺪﻩﻙ ﻧﯘﺭﻏﯘﻥ ﻛﯩﺸﯩﻨﻰ ﺋﺎﻟﺪﺍﻧﻐﺎﻥ ﺑﻮﻟﺴﺎﻗﻤﯘ ﺗﯧﺨﯩﭽﻪ ﺑﯩﺮﻩﺭﺳﯩﮕﻪ ﺗﯘﺗﯘﻟﯘﭖ ﻗﺎﻟﻤﯩﻐﺎﻥ، ﻫﺎﺯﯨﺮﭼﻪ ﻣﺎﯞﯗ 800 ﻳﯜﻩﻧﻨﻰ ﺋﯧﻠﯩﭗ، ﻏﯘﺟﻪﻛﻨﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﻳﯧﺰﯨﯟﺍﻝ، ﺋﻪﺗﻪ ﺗﯧﻠﯧﻘﻮﻥ ﻗﯩﻠﺴﺎﯕﻼ ﺋﺎﭘﯩﺮﯨﭗ ﺑﻪﺭﺳﯘﻥ ﺩﻩﭖ، ﭘﯘﻟﻨﻰ ﻣﺎﯕﺎ ﺗﻪﯕﻠﯩﺪﻯ.

   ﻣﻪﻥ ﭘﯘﻟﻨﻰ ﺋﯧﻠﯩﭗ ﺑﯩﺮ- ﺑﯩﺮﻟﻪﭖ ﺳﺎﻧﺎﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯚﺯﻩﻣﻨﯩﯔ ﺋﯚﮔﯩﻨﯩﺸﻜﻪ ﻛﻪﻟﮕﻪﻧﻠﯩﻜﻤﻨﻰ، ﺑﯘﻳﻪﺭﺩﻩ ﻣﻪﻥ ﺗﻮﻧﯘﻳﺪﯨﻐﺎﻥ ﺋﺎﺩﻩﻣﻨﯩﯔ ﻳﻮﻗﻠﯘﻗﯩﻨﻰ، ﺑﯩﺮ ﻫﻪﭘﺘﯩﺪﯨﻦ ﺑﯘﻳﺎﻥ ﺳﯩﺮﺗﺘﺎ ﺗﯘﻧﯩﮕﻪﻧﻠﯩﻜﯩﻤﻨﻰ ﺋﯧﻴﺘﯩﭗ، ﻫﯧﭻ ﺑﻮﻟﻤﯩﻐﺎﻧﺪﺍ 2000 ﻳﯜﻩﻧﻨﻰ ﺑﻮﻟﺴﯩﻤﯘ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﺩﯦﺪﯨﻢ. ﺑﯩﺮ ﺋﺎﺯ ﺋﻮﻳﻼﻧﻐﺎﻧﺪﯨﻦ ﻛﯧﻴﯩﻦ: ___ ﺑﻮﻟﯩﺪﯗ، ﺋﻪﻣﺴﻪ ﺳﺎﻗﭽﻰ ﻣﻪﻛﺘﯩﭙﯩﻨﯩﯔ ﺋﻪﺗﺮﺍﭘﯩﺪﺍ ﺑﯩﺮ ﺩﻭﺳﺘﯘﻡ ﺑﻮﻟﯩﺪﯨﻐﺎﻥ ﺷﯘ ﻧﯩﯖﺪﯨﻦ ﺋﯧﻠﯩﭗ ﺑﯧﺮﻩﻳﻠﻰ- ﺩﯦﺪﻯ، ﺋﺎﻧﺪﯨﻦ ﺋﯜﭼﻪﻳﻠﻪﻥ ﺑﯩﺮﻟﯩﻜﺘﻪ 16- ﻳﻮﻟﻨﯩﯔ ﺋﺎﭘﺘﻮﺑﯘﺳﯩﻐﺎ ﺋﻮﻟﺘﯘﺭﯗﭖ، ﺳﺎﻗﭽﻰ ﻣﻪﻛﺘﯩﭙﯩﻨﯩﯔ ﻳﯧﻨﯩﺪﯨﻜﻰ ﺋﺎﭼﺎ ﻳﻮﻟﺪﺍ ﭼﯜﺷﯜﭖ ﻗﺎﻟﺪﯗﻕ. ﺋﯘ ﻳﻪﺭﮔﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ400 ﻣﯧﺘﺮﺩﻩﻙ ﺋﯩﭽﻜﯩﺮﻟﻪﭖ ﻛﯩﺮﯨﭗ، ﺳﻮﻟﺪﯨﻜﻰ ﯞﻩﻳﺮﺍﻧﻪ ﺑﯩﺮ ﺋﺎﺋﯩﻠﯩﻠﯩﻜﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﻳﻪﺭﻧﻰ ﻛﯚﺭﺳﯩﺘﯩﭗ ﻣﻪﻥ ﻛﯩﺮﯨﭗ ﺑﺎﻗﺎﻱ، ﺋﯘ ﺩﻭﺳﺘﯘﻡ ﺑﻮﻟﺴﺎ ﭘﯘﻟﻨﻰ ﺋﯧﻠﯩﭗ ﭼﯩﻘﺎﻱ ﺩﻩﭖ، ﭘﻪﺳﻜﻪ ﻗﺎﺭﺍﭖ ﻣﺎﯕﺪﻯ.... ﺑﯩﺰ ﻳﻪﻧﻪ 20 ﻣﯩﻨﯘﺕ ﺋﻪﺗﺮﺍﭘﯩﺪﺍ ﺳﺎﻗﻼﭖ ﺗﯘﺭﺩﯗﻕ، ﺋﯘ ﻛﯩﺸﻰ ﺳﺎﻟﭙﺎﻳﻐﺎﻥ ﻫﺎﻟﺪﺍ ﻗﺎﻳﺘﯩﭗ ﻛﯧﻠﯩﭗ: ____ ﺋﯚﻳﯩﺪﻩ ﻳﻮﻗﯩﻜﻪﻥ، ﻗﯘﺷﻨﯩﻠﯩﺮﯨﺪﯨﻦ ﺳﯜﺭﯛﺷﺘﯘﺭﺳﻪﻡ ﻳﯘﺭﺗﻘﺎ ﻛﻪﺗﺘﻰ- ﺩﯦﺪﻯ. ﻣﻪﻥ ﺷﯘ ﭼﺎﻏﺪﺍ ﺋﯘﻧﯩﯔ ﻳﯧﻨﯩﺪﺍ 40 ﺳﺎﻧﺘﯧﻤﯧﺘﯩﺮ ﭼﻮﯕﻠﯘﻗﺘﯩﻜﻰ ﺑﯩﺮ ﭘﯩﭽﺎﻗﻨﯩﯔ ﺑﺎﺭﻟﯩﻘﯩﻨﻰ ﻛﯚﺭﺩﯛﻡ، ﺑﺎﺭﻏﺎﻧﺴﯧﺮﻯ ﻛﻪﭺ ﻛﯩﺮﺩﻯ. ﺑﺎﺭﺍ- ﺑﺎﺭﺍ ﭘﯩﯟﺍ ﺋﯚﺯﯨﻨﻰ ﻛﯚﺭﺳﻪﺗﺘﯩﻤﯘ، ﻏﯘﺟﻪﻙ ﺑﯩﺮﺩﻩﻡ ﻳﻪﺭﺩﯨﻜﻰ ﭘﯩﺸﺸﻖ ﺧﯩﺶ ﭘﺎﺭﭼﯩﺴﯩﻨﻰ ﺋﯧﻠﯩﭗ ﺋﯚﺯﯨﻨﻰ ﺋﯘﺭﯗﭖ، ﺳﺎﯕﺎ ﺋﯚﻟﯩﮕﻤﻨﻰ ﺳﺎﺗﯩﻤﻪﻥ ﺩﯦﺴﻪ، ﺑﯩﺮﺩﻩﻡ ﻳﻮﻟﺪﯨﻜﻰ ﺋﯩﺴﺘﻮﻟﺒﯩﻼﺭﻏﺎ ﺋﯘﺳﺴﯘﭖ ﺋﯚﻟﯜﭖ ﺑﯧﺮﯨﻤﻪﻥ ﺩﯦﮕﯩﻠﻰ ﺗﯘﺭﺩﻯ. ﺋﻪﻫﯟﺍﻟﻨﯩﯔ ﻣﺎﯕﺎ ﭘﺎﻳﺪﯨﺴﯩﺰﻟﯩﻘﯩﻨﻰ، ﺋﻪﮔﻪﺭ ﻗﺎﺭﺍﯕﻐﯘ ﭼﯜﺷﯜﭖ ﻛﻪﺗﺴﻪ ﺋﯩﻜﻜﯩﺴﻰ ﺑﯩﺮﻟﯩﺸﯩﭗ ﻣﺎﯕﺎ ﻫﯚﺟﯘﻡ ﻗﯩﻠﯩﭗ، ﺟﯧﻨﯩﻤﻨﻰ ﺋﺎﻟﻤﯩﺴﯘﻥ ﻳﻪﻧﻪ ﺩﯦﮕﻪﻧﻠﻪﺭﻧﻰ ﺋﻮﻳﻠﯩﺪﯨﻢ- ﺩﻩ، ﺋﯘﻻﺭﻏﺎ: ___ ﻣﻪﻥ ﺑﺎﻳﺎﻡ ﺳﯩﻠﻪ ﺩﯦﮕﻪﻧﺪﻩﻙ 800 ﻳﯜﻩﻧﻨﻰ ﺋﯧﻠﯩﭗ ﻗﺎﻳﺘﯩﭗ، ﺋﻪﺗﻪ ﺗﯧﻠﯧﻔﻮﻥ ﻗﯩﻼﻱ. ﻫﺎﺯﯨﺮ ﻳﺎﻧﻔﻮﻧﻠﯩﺮﯨﻨﻰ ﺑﯧﺮﯨﭗ ﺗﯘﺭﺳﯩﻼ ﺑﯩﺮ ﺩﻭﺳﺘﯘﻡ ﺑﻮﻟﯩﺪﯨﻐﺎﻥ ﺷﯘﻧﯩﯖﻐﺎ ﺗﯧﻠﯧﻔﻮﻥ ﻗﯩﻠﯩﯟﺍﻻﻱ ﻣﯧﻨﻰ ﺋﻪﻛﻪﺗﺴﯘﻥ ﺩﯦﺴﻪﻡ، ﻏﯘﺟﻪﻙ ﺗﯧﻠﯧﻔﻮﻧﯘﻣﻨﯩﯔ ﻣﯧﻲ ﺗﯜﮔﯩﮕﻪﻥ ﺩﯦﺪﻯ، ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﻫﯧﻠﯩﻘﻰ ﻛﯩﺸﻰ ﻳﺎﻧﻔﻮﻧﯩﻨﻰ ﺑﻪﺭﺩﻯ. ﻣﻪﻥ ﺩﻩﺭﻫﺎﻝ ﺋﻪﻧﯟﻩﺭﮔﻪ ﺗﯧﻠﯧﻔﻮﻥ ﻗﯩﻠﺴﺎﻡ ﺋﯘﻻﻧﺪﻯ: ___ ﻣﻪﻥ ﺋﻪﺧﻪﺕ، ﺗﯧﺰ ﻛﯧﻠﯩﭗ ﻣﯧﻨﻰ ﺋﻪﻛﻪﺗﻜﯩﻦ، ﺋﻪﻫﯟﺍﻟﯩﻢ ﭼﺎﺗﺎﻕ، ﻫﺎﺯﯨﺮ ﺳﺎﻗﭽﻰ ﻣﻪﻛﺘﻪﭘﻨﯩﯔ ﺋﺎﻟﺪﯨﺪﯨﻜﻰ ﺋﯜﭺ ﻳﻮﻝ ﺩﻭﻗﻤﯘﺷﯩﺪﺍ ﺩﯦﺪﯨﻢ، ﺋﯘﻣﯘ ﻣﻪﻗﺴﯩﺘﯩﻤﻨﻰ ﭼﯜﺷﻪﻧﮕﻪﻥ ﺑﻮﻟﺴﺎ ﻛﯧﺮﻩﻙ. ___ ﺷﯘ ﻳﻪﺭﺩﻩ ﺳﺎﻗﻼﭖ ﺗﯘﺭ، 10 ﻣﯩﻨﯘﺕ ﺋﯩﭽﯩﺪﻩ ﺑﯧﺮﯨﭗ ﺑﻮﻟﯩﻤﻪﻥ_ ﺩﯦﺪﻯ. ___ ﻣﻪﻥ ﭼﻮﻗﯘﻡ ﻛﻪﻟﻤﯩﺴﻪﯓ ﺑﻮﻟﻤﺎﻳﺪﯗ ﺩﯦﺪﯨﻢ- ﺩﻩ، ﺗﯧﻠﯧﻔﻮﻧﻨﻰ ﻗﻮﻳﯩﯟﻩﺗﺘﯩﻢ. ﺷﯘ ﺋﺎﺭﯨﻠﯩﻘﺘﺎ ﻳﻪﻧﻪ ﺩﻭﻗﻤﯘﺷﻘﺎ ﻛﯧﻠﯩﭗ ﻗﺎﻟﺪﯗﻕ، ﺋﯘﻻﺭ ﻗﺎﻧﺪﺍﻕ ﺷﯘﻣﻠﯘﻗﻨﻰ ﭘﯩﻼﻧﻠﯩﺪﯨﻜﯩﻦ، ﺩﻩﺭﻫﺎﻝ ﻛﻪﻳﻨﯩﻤﯩﺰﮔﻪ ﻳﯧﻨﯩﭗ ﺑﺎﺷﻘﺎ ﺑﯩﺮﻩﻳﻠﻪﻥ ﺑﯩﻠﻪﻥ ﻛﯚﺭﯛﺷﯘﭖ، ﺋﯘﻧﯩﯖﺪﯨﻦ ﭘﻮﻝ ﺳﻮﺭﺍﭖ، ﻣﺎﯕﺎ ﺑﯧﺮﯨﺪﯨﻐﺎﻥ ﭘﯘﻟﻨﻰ ﻛﯚﭘﻪﻳﺘﻤﻪﻛﭽﻰ ﺑﻮﻟﺪﻯ. ﻣﻪﻥ ﺳﻪﻝ ﺳﺎﻗﻠﯩﺴﺎﻕ ﺩﻭﺳﺘﯘﻣﻨﯩﯔ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﯩﺘﺴﺎﻣﻤﯘ ﺋﯘﻧﯩﻤﯩﺪﻯ، ﻳﻪﻧﻪ ﺋﯩﭽﻜﯩﺮﻟﻪﭖ ﻣﺎﯕﺪﯗﻕ، ﺋﺎﺭﯨﺪﯨﻦ 15 ﻣﯩﻨﯘﺕ ﺋﯚﺗﺘﻰ، ﺋﯘﻧﯩﯖﻤﯘ ﻳﻮﻗﻠﯩﻘﯩﻨﻰ ﺋﻪﻣﺪﻯ ﺗﺎﻛﺴﻰ ﺋﺎﺭﻗﯩﻠﯩﻖ ﻳﺎﺷﻼﺭ ﺑﺎﻏﭽﯩﺴﻰ ﺗﻪﺭﻩﭘﻜﻪ ﺑﯧﺮﯨﭗ، ﻫﯧﻠﯩﻘﻰ ﻛﯜﻧﺪﯨﻜﻰ ﺧﻪﻧﺰﯗﺩﯨﻦ ﺋﯧﻠﯩﭗ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺩﻩﭖ ﺗﺎﻛﺴﻰ ﺗﻮﺳﺘﻰ، ﺷﯘ ﭼﺎﻏﺪﺍ ﻏﯘﺟﻪﻛﻨﯩﯔ ﻫﻪﻣﺮﺍﻫﯩﻨﯩﯔ ﻳﺎﻧﻔﻮﻧﻰ ﺳﺎﻳﺮﯨﻐﺎﻥ ﺑﻮﻟﺴﯩﻤﯘ ﺋﺎﻟﻤﯩﺪﻯ. ﻣﻪﻥ ﺑﯘﻧﯩﯖﺪﯨﻦ ﺋﻪﻧﯟﻩﺭﻧﯩﯔ ﻛﻪﻟﮕﻪﻧﻠﯩﻜﯩﻨﻰ ﻫﯧﺲ ﻗﯩﻠﯩﭗ: ___ ﺩﻭﻗﻤﯘﺷﻘﺎ ﺑﯧﺮﯨﭗ ﺋﺎﻧﺪﯨﻦ ﻣﺎﯕﺎﻳﻠﻰ ﺩﯦﺴﻪﻡ، ﺋﯘﻻﺭ ﻛﻪﭼﻘﺎﺭﺍﯕﻐﯘ ﭼﯜﺷﻜﯩﻠﻰ ﺗﯘﺭﺩﻯ، ﺩﻭﺳﺘﯘﯕﻨﻰ ﺳﺎﻗﻠﯩﻐﯩﺪﻩﻙ ﯞﺍﻗﯩﺖ ﻳﻮﻕ، ﺑﻮﻟﻤﺴﺎ ﺳﻪﻥ ﻗﯧﻠﯩﭗ ﺳﺎﻗﻼ- ﺩﯦﺪﻯ. ﺋﺎﻣﺎﻟﺴﯩﺰ ﻫﺎﻟﺪﺍ ﺗﺎﻛﺴﯩﻐﺎ ﭼﯩﻘﺘﯩﻢ.

    ﺩﻭﻗﻤﯘﺷﻘﺎ ﺋﺎﺯ ﻗﺎﻟﻐﺎﻧﺪﺍ ﻗﺎﺭﺳﺎﻡ ﺋﻪﻧﯟﻩﺭ ﻳﻪﻧﯩﻼ ﺗﯧﻠﯧﻔﻮﻥ ﻗﯩﻠﻐﯩﻠﻰ ﺗﯘﺭﯗﭘﺘﯘ، ﻣﻪﻥ ﺩﻩﺭﻫﺎﻝ ﺷﻮﭘﯘﺭﻏﺎ: ___ ﻣﺎﺷﯩﻨﯩﻨﻰ ﺗﻮﺧﺘﺎﺗﺴﯩﻼ، ﺑﯘﻻﺭ ﺋﯩﻜﻜﯩﺴﻰ ﺋﺎﻟﺪﺍﻣﭽﻰ، ﻫﯧﻠﻰ ﻛﯩﺮﺍ ﭘﯘﻟﯩﻨﯩﻤﯘ ﺋﺎﻻﻟﻤﺎﻳﻼ ﺩﯦﻴﯩﺸﯩﻤﮕﻪ، ﺷﻮﭘﯘﺭﻣﯘ ﻣﺎﺷﯩﻨﯩﻨﻰ ﺩﻩﺭﻫﺎﻝ ﺗﻮﺧﺘﺎﺗﺘﻰ. ﻣﻪﻥ ﺳﯩﺮﺗﻘﺎ ﻗﺎﺭﺍﭖ: ___ ﺋﻪﻧﯟﻩﺭ ﻣﻪﻥ ﺑﯘ ﻳﻪﺭﺩﻩ - ﺩﯦﺪﯨﻢ. ﺋﯘﻣﯘ ﺷﯘﻧﻰ ﻛﯜﺗﻜﻪﻧﺪﻩﻙ ﺩﻩﺭﻫﺎﻝ ﻛﻪﻟﺪﻯ. ﻗﺎﺭﺍ ﺋﺎﺩﺍﺵ ﺑﯘ ﺋﯩﻜﻜﯩﺴﻰ ﺋﺎﻟﺪﺍﻣﭽﻰ ﺩﯦﻴﺸﯩﻤﮕﻪ، ﺋﻪﻧﯟﻩﺭ ﺋﯘﻻﺭﻏﺎ ﻗﺎﺭﺍﭖ: ___ ﻣﺎﺷﯩﻨﯩﺪﯨﻦ ﭼﯜﺷﯜﯕﻼﺭ! ﻣﻪﻧﻤﯘ ﻣﺎﺷﯩﻨﺎ ﺋﯧﻠﯩﭗ ﻛﻪﻟﺪﯨﻢ، ﻗﺎﻟﻐﺎﻥ ﮔﻪﭘﻨﻰ ﻣﺎﺷﯩﻨﯩﺪﺍ ﺩﯦﻴﺸﻪﻳﻠﻰ- ﺩﯦﺪﻯ. ﻣﺎﺷﯩﻨﯩﺪﯨﻦ ﭼﯜﺷﯜﯞﺍﺗﻘﺎﻧﺪﺍ: ___ ﻏﯘﺟﻪﻙ ﻛﯩﺮﺍ ﭘﯘﻟﯩﻨﻰ ﻛﯩﻢ ﺑﯧﺮﯨﺪﯗ- ﺩﯦﺪﻯ، ﻣﺎﯕﺎ ﺋﻪﻧﯟﻩﺭﻧﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ ﺳﻪﻝ ﺟﺎﻥ ﻛﯩﺮﮔﻪﻧﯩﺪﻯ، ﺷﯘﯕﺎ ﻫﻮﺩﯗﻗﻤﺎﻱ ﺗﯘﺭﯗﭖ: ___ ﺳﻪﻥ ﺑﻪﺭﻣﻪﻱ، ﻣﻪﻥ ﺑﯧﺮﻩﺗﺘﯩﻤﯘ ﺋﻪﻣﺴﻪ؟- ﺩﯦﺪﯨﻢ. ﺋﻪﻧﯟﻩﺭﻧﯩﯔ ﻣﺎﺷﯩﻨﯩﺴﯩﻐﺎ ﭼﯩﻘﻘﺎﻧﺪﯨﻦ ﻛﯧﻴﯩﻦ، ﺋﻪﻫﯟﺍﻟﻨﻰ ﺋﻪﻧﯟﻩﺭﮔﻪ ﻗﯩﺴﻘﯩﭽﻪ ﺳﯚﺯﻟﻪﭖ ﺑﻪﺭﺩﯨﻢ. ﺋﻪﻧﯟﻩﺭﻣﯘ: ___ ﻣﻪﻧﻤﯘ ﺗﯧﻠﯧﻔﻮﻧﺪﯨﻜﻰ ﺋﺎﯞﺍﺯﯨﯖﯩﺪﯨﻦ ﭘﻪﺭﺯ ﻗﯩﻠﻐﺎﻥ. ﺑﯘﻣﯘ ﻛﻪﻟﮕﻪﻥ ﻳﯧﺮﻯ ﺋﺎﺩﺍﺵ- ﺩﻩﭖ، ﺋﯘﻻﺭﻏﺎ ﻗﺎﺭﺍﭖ: ___ ﺋﻪﻣﺪﻯ ﭘﯘﻝ ﺑﺎﺭ ﻳﻪﺭﮔﻪ ﻫﻪﻳﺪﻩﻣﺪﯨﻤﻪﻥ ﻳﺎﻛﻰ ﺳﺎﻗﭽﯩﺨﺎﻧﯩﻐﯩﻤﯘ؟- ﺩﯦﺪﻯ. ﻏﯘﺟﻪﻙ ﻧﯧﻤﯩﻠﻪﺭﻧﯩﺪﯗﺭ ﺩﯦﻤﻪﻛﭽﻰ ﺑﻮﻟﯘﭖ ﺗﯘﺭﻏﺎﻧﺪﺍ، ﺋﻪﻧﯟﻩﺭ ﺋﯘﻻﭘﻼ: ___ ﺑﻪﻟﻜﯩﻢ ﻣﯧﻨﻰ ﺗﻮﻧﯘﻣﺎﺳﻠﯩﻘﯩﯖﻼﺭ ﻣﯘﻣﻜﯩﻦ، ﻣﻪﻥ ﺋﯜﺭﯛﻣﭽﯩﺪﻩ ﺗﻮﻏﯘﻟﯘﭖ ﭼﻮﯓ ﺑﻮﻟﻐﺎﻥ، ﻗﺎﻧﺪﺍﻕ ﻗﯩﻠﯩﺸﻨﻰ ﺋﻮﺑﺪﺍﻥ ﺑﯩﻠﯩﻤﻪﻥ، ﺋﻪﻣﯩﺴﻪ ﺳﯩﻠﻪﺭ ﺩﯦﮕﻪﻥ ﻳﺎﺷﻼﺭ ﺑﺎﻏﭽﯩﺴﻰ ﺳﺎﻗﭽﯩﺨﺎﻧﯩﺴﯩﺪﯨﻜﻰ ﺋﻪﻛﺒﻪﺭ ﺳﺎﻗﭽﯩﻐﺎ ﺗﯧﻠﯧﻔﻮﻥ ﻗﯩﻼﻳﻤﯘ ﻳﺎﻛﻰ ﭘﻮﻝ ﺑﺎﺭ ﻳﻪﺭﮔﻪ ﻫﻪﻳﺪﻩﻳﻤﯘ؟ ﮔﻪﭖ ﻗﯩﻠﯩﯖﻼﺭ- ﺩﯦﺪﻯ. ﺋﺎﺭﯨﺪﺍ ﻏﯘﺟﻪﻛﻨﯩﯔ ﺋﺎﻏﯩﻨﯩﺴﻰ ﺋﯧﻐﯩﺰ ﺋﯧﭽﯩﭗ: ___ ﺳﺎﻗﭽﯩﻐﯩﻤﯘ ﺩﻩﭖ ﻳﯜﺭﻣﻪﻳﻠﻰ، «ﭼﺎﯕﻠﯧﻴﯜﻩﻥ» ﺗﻪﺭﻩﭘﻜﻪ ﻫﻪﻳﺪﯨﺴﯩﻠﻪ، ﭘﯘﻟﻨﻰ ﺗﯧﭙﯩﭗ ﺑﯧﺮﻩﻳﻠﻰ- ﺩﯦﺪﻯ. ﻣﻪﻥ ﺋﻪﻧﯟﻩﺭﻧﯩﯔ ﺩﯦﮕﯩﻨﯩﻨﻰ ﺋﺎﯕﻼﭖ ﺋﻮﻟﺘﯘﺭﺩﯗﻡ، ﺋﯘﻳﻪﺭﮔﻪ ﺑﺎﺭﻏﺎﻧﺪﯨﻦ ﻛﯧﻴﯩﻦ ﻏﯘﺟﻪﻛﻨﯩﯔ ﺋﺎﻏﯩﻨﯩﺴﻰ ﻛﯩﺮﯨﭗ ﻛﯧﺘﯩﭗ، ﻫﺎﻳﺎﻝ ﺑﻮﻟﻤﺎﻳﻼ ﭼﯩﻘﯩﭗ: ___ ﻳﻪﻧﻪ ﺑﯩﺮ ﺋﺎﺯ ﻛﻪﻣﻠﻪﻳﺪﯗ، ﺋﻪﻣﺪﻯ ﻳﺎﺷﻼﺭ ﺑﺎﻏﭽﯩﺴﻰ ﺗﻪﺭﻩﭘﻜﻪ ﻫﻪﻳﺪﯨﺴﯩﻠﻪ ﺑﻮﭘﺘﯩﻜﻪﻥ- ﺩﯦﺪﻯ. ﺋﯘ ﻳﻪﺭﮔﯩﻤﯘ ﻛﻪﻟﺪﯗﻕ، ﻳﻪﻧﯩﻼ ﺷﯘ ﻛﯩﺸﻰ ﻛﯩﺮﯨﭗ ﻛﯧﺘﯩﭗ، ﺑﯘ ﻗﯧﺘﯩﻢ ﺧﯧﻠﻰ ﺳﺎﻗﻠﯩﻐﺎﻧﺪﯨﻦ ﻛﯧﻴﯩﻦ ﭼﯩﻘﯩﭗ: ___ ﻫﻪﻣﻤﯩﻨﻰ ﻗﻮﺷﺴﺎﻕ، ﻳﻪﻧﻪ 200 ﻳﯜﻩﻥ ﻛﻪﻣﻠﻪﻳﺪﯨﻜﻪﻥ ﺩﯦﻴﯩﺸﯩﮕﻪ، ﻏﯘﺟﻪﻙ: ___ ﺋﻪﺗﯩﮕﻪﻧﺪﯨﻦ ﺑﯧﺮﻯ 200 ﻳﯜﻩﻧﺪﯨﻦ ﻛﯚﭘﺮﻩﻙ ﭘﯘﻝ ﻳﯜﺭﯛﺷﻜﻪ ﻛﻪﺗﺘﻰ، ﺷﯘﯕﺎ ﺑﯘ ﭘﯘﻝ ﺑﯩﺰﻧﯩﯔ ﻛﯩﺮﺍﻳﯩﻤﯩﺰ ﺑﻮﻟﺴﯘﻥ- ﺩﯦﺪﻯ، ﺋﻪﺗﯩﮕﻪﻧﺪﻩ ﻏﯘﺟﻪﻙ ﺑﯩﻠﻪﻥ ﺩﯗﻛﺎﻧﻐﺎ ﻛﯩﺮﮔﻪﻧﺪﻩ، ﺋﯘﻧﯩﯖﺪﺍ 300 ﻳﯜﻩﻥ ﺑﺎﺭ ﺋﯩﺪﻯ. ﺑﯘ ﻳﺎﺩﯨﻤﻐﺎ ﻛﻪﻟﺪﻯ- ﺩﻩ، ﻏﯘﺟﻪﻛﻜﻪ ﻗﺎﺭﺍﭖ: ___ ﻳﺎﻧﭽﯘﻗﺘﯩﻜﯩﻨﻰ ﺋﺎﻟﺴﺎﯕﻼ ﭘﯜﺗﯩﺪﯨﻜﻪﻥ.

     ﺋﺎﯕﻼﭖ ﻗﻮﻱ ﻣﻪﻥ ﺳﺎﯕﺎ ﻗﺎﻧﭽﻪ ﺑﻪﺭﮔﻪﻥ ﺑﻮﻟﺴﺎﻡ، ﺷﯘﻧﭽﻪ ﺋﺎﻟﯩﻤﻪﻥ- ﺩﯦﺪﯨﻢ، ﺋﻪﻧﯟﻩﺭﻣﯘ ﻗﯘﯞﯞﻩﺗﻠﻪﭖ ﻗﻮﻳﺪﻯ.ﺋﯘ ﺋﯜﻥ-ﺗﯩﻨﺴﯩﺰ ﻫﺎﻟﺪﺍ ﻳﺎﻧﭽﯘﻗﯩﺪﯨﻦ ﭘﯘﻟﻨﻰ ﭼﯩﻘﯩﺮﯨﭗ ﺋﺎﻏﯩﻨﯩﺴﯩﮕﻪ ﺑﻪﺭﺩﻯ. ﺋﯘ ﻣﺎﯕﺎ ﭘﯘﻟﻨﻰ ﺗﻪﯕﻠﻪﭖ ﺗﯘﺭﯗﭖ: ___ ﺋﻪﻣﺪﻯ ﺳﺎﻧﯩﺴﯩﻼ ﺳﺎﻗﻤﯩﻜﻪﻥ- ﺩﯦﺪﻯ. ﻣﻪﻥ 2600 ﻳﯜﻩﻥ ﭘﯘﻟﻨﻰ ﺳﺎﻧﺎﭖ ﺑﻮﻟﯘﭖ، ﺋﻪﻧﯟﻩﺭﮔﻪ ﺋﯘﻻﺭﻧﻰ ﻗﺎﻧﺪﺍﻕ ﻗﯩﻠﯩﻤﯩﺰ ﺩﯦﮕﻪﻥ ﻧﯩﻴﻪﺗﺘﻪ ﻗﺎﺭﯨﺪﯨﻢ، ﺋﯘ ﻣﺎﯕﺎ: ___ ﺋﻮﺑﺪﺍﻧﺮﺍﻕ ﻗﺎﺭﺍ، ﻳﻪﻧﻪ ﺳﺎﺧﺘﺎ ﭘﯘﻟﻼﺭﻧﻰ ﻗﻮﺷﯘﭖ ﺑﻪﺭﻣﯩﺴﯘﻥ_ ﺩﯦﺪﻯ. ﻣﻪﻥ ﭘﯘﻟﻼﺭﻧﻰ ﻗﺎﻳﺘﯩﺪﯨﻦ ﺑﯩﺮ ﻗﯧﺘﯩﻢ ﻛﯚﺭﯛﭖ ﭼﯩﻘﯩﭗ: ___ ﺋﯘﻧﺪﺍﻕ ﺋﻪﻣﻪﺳﺘﻪﻙ ﺗﯘﺭﯨﺪﯗ- ﺩﯦﺪﯨﻢ. ﺋﻪﻧﯟﻩﺭ ﺋﯘ ﺋﯩﻜﻜﯩﺴﯩﮕﻪ: ___ ﺑﯘﻧﯩﯖﺪﯨﻦ ﻛﯧﻴﯩﻦ ﻛﯚﺗﯩﯖﻨﻰ ﻗﯩﺴﯩﺸﯩﭗ ﻳﯜﺭﯛﭖ، ﻫﺎﻻﻝ ﭘﯘﻝ ﺗﯧﭙﯩﺶ- ﺩﯦﺪﻯ. ﻏﯘﺟﻪﻙ ﻣﺎﺷﯩﻨﯩﺪﯨﻦ ﭼﯜﺷﻜﻪﭺ: ___ ﻫﯧﻠﯩﻘﻰ «ﻣﺎﻝ» ﻧﻰ ﻗﺎﻳﺘﯘﺭﯗﭖ ﺑﻪﺭﺳﯩﻠﻪ ﺑﻮﭘﺘﯩﻜﻪﻥ- ﺩﯦﺪﻯ. ﻣﻪﻥ ﺋﯘﻧﯩﯖﻐﺎ: ___ ﻳﻮﻕ، ﺋﯘﻧﻰ ﺗﺎﺷﻠﯩﯟﻩﺗﺘﯩﻢ- ﺩﯦﺪﯨﻢ. ___ ﺋﺎﻏﯩﻨﯩﺴﻰ «ﻣﺎﻝ» ﺑﯩﻠﻪﻥ ﻗﺎﻟﻤﺎﻱ، ﻣﺎﯕﺎ ﺑﯘﻳﺎﻗﻘﺎ ﺩﻩﭖ ﺋﯘﻧﻰ ﺗﺎﺭﺗﻘﯩﻨﯩﭽﻪ ﺋﯧﻠﯩﭗ ﻛﻪﺗﺘﻰ. ﺋﯘﻻﺭﻧﯩﯔ ﺋﺎﺭﻗﯩﺴﯩﺪﯨﻦ ﺧﯧﻠﻰ ﺋﯘﺯﺍﻗﻘﯩﭽﻪ ﻗﺎﺭﺍﭖ ﺗﯘﺭﻏﺎﻧﺪﯨﻦ ﻛﯧﻴﯩﻦ، ﺋﻪﻧﯟﻩﺭﮔﻪ: ___ ﻛﯚﭖ ﺭﻩﻫﻤﻪﺕ ﺳﺎﯕﺎ، ﺋﻪﻣﺪﻯ ﺋﻮﻧﺪﺍﻧﺮﺍﻕ ﺗﺎﻣﺎﻗﻠﯩﻨﺎﻳﻠﻰ-ﺩﯦﺪﯨﻢ. ﺋﻪﻧﯟﻩﺭ ﻛﯜﻟﯜﭖ: ___ ﻧﻪﭼﭽﻪ ﻛﯜﻧﺪﯨﻦ ﺑﯘﻳﺎﻥ ﻳﺎﺧﺸﯩﺮﺍﻕ ﺗﺎﻣﺎﻗﻤﯘ ﻳﯧﻤﯩﮕﻪﻥ ﺋﻮﺧﺸﯩﻤﺎﻣﺴﻪﻥ- ﺩﯦﺪﻯ. ___ ﭘﯘﻝ ﺑﻮﻟﻤﯩﺴﺎ ﻧﯧﻤﯩﮕﻪ ﻳﻪﻳﻤﻪﻥ، ﺷﯘﯕﺎ ﺑﯜﮔﯜﻥ ﺋﻮﺑﺪﺍﻧﺮﺍﻕ.... ﺩﯦﻴﯩﺸﯩﻤﮕﻪ ﻣﺎﺷﯩﻨﺎ ﺗﻮﺧﺘﯩﺪﻯ. ﻗﺎﺭﺳﺎﻡ «ﻗﺎﻳﻨﺎﻡ ﺭﯦﺴﺘﻮﺭﺍﻧﻰ» ﻧﯩﯔ ﺋﺎﻟﺪﯨﺪﺍ ﺗﯘﺭﯨﻤﻪﻥ، ﺑﯩﺮ ﻧﻪﭼﭽﻪ ﺳﺎﯞﺍﻗﺪﯨﺸﯩﻤﯩﺰﻏﺎ ﺗﯧﻠﯧﻔﻮﻥ ﻗﯩﻠﻐﺎﭺ ﺭﯦﺴﺘﻮﺭﺍﻧﻐﺎ ﻛﯩﺮﺩﯗﻕ. «ﮔﯚﻟﻨﯩﯔ ﻏﯧﻤﯩﻨﻰ ﺧﯘﺩﺍ ﻗﯩﻠﯩﺪﯗ» ﺩﯦﮕﻪﻥ ﮔﻪﭖ ﺭﺍﺳﺖ ﺋﻮﺧﺸﺎﻳﺪﯗ، ﻣﻪﻥ ﺗﯧﭙﯩﻠﯩﺸﯩﺪﯨﻦ ﭘﯜﺗﯜﻧﻠﻪﻱ ﺋﯜﻣﯩﺪ ﺋﯜﺯﯛﭖ ﻳﯘﺭﺗﻘﺎ ﺑﯧﺮﯨﭗ، ﺋﯚﻳﺪﯨﻜﯩﻠﻪﺭﮔﻪ ﻗﺎﻧﺪﺍﻕ ﭼﯜﺷﻪﻧﺪﯛﺭﯛﺷﻨﻰ ﺋﻮﻳﻼﭖ ﺗﯧﮕﯩﮕﻪ ﻳﯧﺘﻪﻟﻤﻪﻱ ﻳﯜﺭﯛﭖ ﺋﺎﺧﯩﺮﻯ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﭘﯘﻟﻨﯩﻤﯘ ﻗﺎﻳﺘﯘﺭﯛﺍﻟﺪﯨﻢ. ﺋﺎﻧﺪﯨﻦ ﺋﯚﮔﯩﻨﯩﺸﻜﯩﻤﯘ ﺗﻮﻟﯘﻕ ﻗﺎﺗﻨﯩﺸﯩﭗ، ﺳﺎﯞﺍﻗﺪﺍﺷﻠﯩﺮﯨﻢ ﯞﻩ ﺳﯩﻨﯩﭗ ﻣﯘﺩﯨﺮﯨﻤﯩﺰ ﺑﯩﻠﻪﻥ ﺑﯩﺮ ﻧﻪﭼﭽﻪ ﻗﯧﺘﯩﻢ ﺷﯘﻧﺪﺍﻕ ﺋﺎﺯﺍﺩﻩ ﺳﯚﺯﻟﯩﺸﯩﭗ، ﺋﯘﻻﺭﻧﯩﯔ ﺑﯘﻧﺪﯨﻦ ﻛﯧﻴﯩﻨﻜﻰ ﺧﯩﺰﻣﻪﺗﻠﯩﺮﯨﻢ ﺗﻮﻏﺮﯨﺴﯩﺪﺍ ﺑﻪﺭﮔﻪﻥ ﻗﯩﻤﻤﻪﺗﻠﯩﻚ ﭘﯩﻜﯩﺮﻟﯩﺮﯨﻨﻰ ﺋﺎﯕﻠﯩﺪﯨﻢ ﻫﻪﻡ ﺑﯘ ﻗﯧﺘﯩﻤﻘﻰ ﺋﯚﮔﯩﻨﯩﺸﻨﻰ ﻏﻪﻟﯩﺒﯩﻠﯩﻚ ﺗﺎﻣﺎﻣﻼﭖ، ﯞﺍﻗﺘﻰ ﻳﺎﺭ ﺑﯧﺮﯨﺪﯨﻐﺎﻥ ﺳﺎﯞﺍﻗﺪﺍﺷﻼﺭﻧﻰ ﻳﯘﺭﺗﻘﺎ ﺗﻪﻛﻠﯩﭗ ﻗﯩﻠﯩﭗ ، ﻳﯘﺭﺗﻘﺎ ﻗﺎﻳﺘﯩﭗ ﻛﻪﻟﺪﯨﻢ. ﺑﯘ ﺟﻪﺭﻳﺎﻧﺪﯨﻜﻰ ﺋﯩﺸﻼﺭﻧﻰ ﺋﻮﻳﻠﯩﺴﺎﻡ ﭼﯜﺷﺘﻪﻙ ﻳﺎﻛﻰ ﺗﯧﻠﯧﯟﯨﺰﻭﺭﺩﺍ ﺋﯩﺘﺘﻮﺕ ﻛﯚﺭﮔﻪﻧﺪﻩﻙ ﺑﻮﻟﯩﻤﻪﻥ. ﻟﯧﻜﯩﻦ ﻫﯧﻠﯩﻘﻰ ﻏﯘﺟﻪﻙ ﺋﺎﻟﺪﺍﻣﭽﯩﻨﻰ ﺝ ﺥ ﺋﻮﺭﯗﻧﻠﯩﺮﯨﻐﺎ ﺗﺎﭘﺸﯘﺭﯗﭖ ﺑﻪﺭﻣﯩﮕﯩﻨﯩﻤﯩﺰﮔﻪ ﻧﺎﻫﺎﻳﯩﺘﻰ ﺋﻪﭘﺴﯘﺳﻠﯩﻨﯩﻤﻪﻥ. ﻳﻪﻧﻪ ﻛﯩﻤﻠﻪﺭﻧﯩﯖﺪﯗﺭ ﻣﺎﯕﺎ ﺋﻮﺧﺸﺎﺵ ﺋﺎﻟﺪﯨﻨﯩﭗ، ﺯﺍﺭﻟﯩﻨﯩﯟﺍﺗﻘﺎﻥ ﻛﯚﺭﯛﻧﯜﺷﻠﯩﺮﻯ ﻛﯚﺯ ﺋﺎﻟﺪﯨﻤﯩﺪﯨﻦ ﻛﻪﺗﻤﻪﻳﺪﯗ..... ﻣﻪﻥ ﺑﯘ ﺟﻪﺭﻳﺎﻧﺪﺍ ﺩﻭﺳﺘﻠﯘﻕ، ﻣﯧﻬﺮﻯ- ﻣﯘﻫﻪﺑﺒﻪﺕ، ﻫﻪﻣﻜﺎﺭﻟﯩﻘﻨﯩﯔ ﻫﻪﻗﯩﻘﯩﻲ ﻗﯩﻤﻤﯩﺘﯩﻨﻰ ﭼﻮﯕﻘﯘﺭ ﻫﯧﺲ ﻗﯩﻠﺪﯨﻢ.

    (2) ﻳﻪﻧﻪ ﺧﯩﺰﻣﻪﺗﻜﻪ ﭼﯜﺷﯩﯟﺍﻟﺪﯨﻢ. ﺗﯘﻧﺠﻰ ﻛﯜﻧﻰ ﺋﯩﺪﺍﺭﻩ ﺭﻩﻫﺒﻪﺭﻟﯩﺮﯨﮕﻪ ﺩﻭﻛﻼﺕ ﻗﯩﻠﯩﭗ، ﺋﯘﻻﺭﻏﺎ ﻧﻪﺗﯩﺠﻪ ﯞﻩ «ﻣﯘﻧﻪﯞﯞﻩﺭ ﻛﯘﺭﺳﺎﻧﺖ» ﺑﻮﻟﯘﭖ ﺑﺎﻫﺎﻻﻧﻐﺎﻥ ﺗﻪﻗﺪﯨﺮﻧﺎﻣﯩﻨﻰ ﻛﯚﺭﺳﻪﺗﯩﻢ، ﻟﯧﻜﯩﻦ ﺋﺎﻧﭽﻪ ﻗﯩﺰﻏﯩﻨﻤﯘ ﺑﻮﻟﻤﯩﺪﻯ، ﺷﯘﻧﺪﺍﻗﺘﯩﻤﯘ ﺋﯩﺪﺍﺭﻩ ﺑﺎﺷﻠﯩﻘﯩﻤﯩﺰ: ___ ﻳﺎﺧﺸﻰ ﺋﯚﮔﯩﻨﯩﭗ ﻛﻪﭘﺴﯩﺰ ﺋﯘﻛﺎ، ﺋﻪﻣﺪﻯ ﺋﻪﻣﻪﻟﯩﻲ ﺧﯩﺰﻣﻪﺗﻠﻪﺭﮔﻪ ﺗﻪﺗﺒﯩﻘﻼﭖ ﺑﺎﺷﻘﯩﻼﺭﻧﯩﻤﯘ ﻳﯧﺘﻪﻛﻠﻪﯓ، ﺋﺎﻟﺪﯨﻤﯩﺰﺩﺍ ﺑﯩﺮ ﻧﻪﭼﭽﻪ ﭼﻮﯓ ﺋﯩﺸﻼﺭ ﺳﺎﻗﻼﭖ ﺗﯘﺭﯨﺪﯗ، ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﯨﻨﻰ ﺑﺎﻟﺪﯗﺭﺭﺍﻕ ﺋﻮﺭﯗﻧﻼﺷﺘﯘﺭﯗﭖ، ﺗﯘﻧﺠﻰ ﺋﯩﺸﺘﯩﻦ ﻣﻪﺳﯩﻠﻪ ﭼﯩﻘﯩﭗ ﻗﺎﻟﻤﯩﺴﯘﻥ- ﺩﯦﺪﻯ. ﻣﻪﻥ ﭼﻮﻗﯘﻡ ﺋﻮﺭﯗﻧﺪﺍﻳﺪﯨﻐﺎﻧﻠﯩﻘﯩﻤﻨﻰ ﺑﯩﻠﺪﯗﺭﯗﭖ ﻗﺎﻳﺘﯩﭗ ﭼﯩﻘﺘﯩﻢ. ﺋﯩﺶ ﺑﯧﺠﯩﺮﯨﺪﯨﻐﺎﻧﻼﺭ ﻣﯧﻨﻰ ﺳﺎﻗﻼﭖ ﺗﯘﺭﻏﺎﻧﺪﻩﻙ ﻛﻪﻟﮕﻪﻧﺪﯨﻦ ﺑﯧﺮﻯ ﺋﯩﺸﺨﺎﻧﯩﻐﺎ ﺋﯩﺰﺩﻩﭖ ﻛﯧﻠﯩﺪﯨﻐﺎﻧﻼﺭﻧﯩﯔ ﺋﺎﻳﻘﻰ ﺋﯜﺯﯛﻟﻤﯩﺪﻯ. ﺑﺎﺷﻠﯩﻖ ﺗﺎﭘﺸﯘﺭﻏﺎﻥ ﭼﻮﯓ ﺋﯩﺸﻼﺭﻧﻰ ﺭﻭﻳﺎﭘﻘﺎ ﭼﯩﻘﯩﺮﯨﺶ ﺋﯜﭼﯜﻥ ﻛﯧﭽﻪ- ﻛﯜﻧﺪﯛﺯ ﺋﯩﺸﻠﻪﭖ ﭼﺎﺭﭼﺎﭖ ﻛﯧﺘﯩﭙﺘﯩﻤﻪﻥ، ﺋﺎﺧﯩﺮﻯ ﺑﻮﻻﻟﻤﺎﻱ ﺷﯘ ﺋﻮﻗﯘﺗﻘﯘﭼﻠﯩﻘﻤﻤﯘ ﻳﺎﺧﺸﻰ ﺋﯩﻜﻪﻥ ﻳﺎﻛﻰ ﺑﻮﻟﻤﯩﺴﺎ ﻛﯘﺭﺳﻨﯩﯔ ﯞﺍﻗﺘﯩﻨﻰ ﻳﻪﻧﻪ 15 ﻛﯜﻥ ﺋﯘﺯﺍﺭﺗﻘﺎﻥ ﺑﻮﻟﺴﯩﻤﯘ ﺑﯘ ﺟﯩﺪﺩﯨﻴﭽﯩﻠﯩﻚ ﺗﯜﮔﻪﻳﺪﯨﻜﻪﻥ ﺩﻩﭖ ﺋﻮﻳﻠﯩﺪﯨﻢ. ﺑﯜﮔﯜﻥ ﺋﻪﺗﯩﮕﻪﻥ ﺋﯩﺸﻘﺎ ﭼﯩﻘﺴﺎﻡ ﻳﯘﺭﺗﺘﯩﻜﻰ ﺳﺎﯞﺍﻗﺪﯨﺸﯩﻤﺪﯨﻦ ﭘﻪﻳﺰﯗﻟﻼ ﺑﯩﻠﻪﻥ ﺋﻪﻣﻪﺕ ﺳﺎﻗﻼﭖ ﺗﯘﺭﯗﭘﺘﯘ، ﺋﯘﻻﺭ ﺑﯩﻠﻪﻥ ﺗﯩﻨﭽﻠﯩﻖ ﺳﻮﺭﯨﺸﯩﭗ، ﻛﯧﻠﯩﭗ ﻗﺎﭘﺴﯩﻠﻪﺭﻏﯘ- ﺩﯦﺴﻪﻡ، ﭘﻪﻳﺰﯗﻟﻼ ﻣﺎﯕﺎ ﻗﺎﺭﺍﭖ ﻗﻮﻳﯘﭖ: ___ ﺋﺎﺩﺍﺵ، «1- ﺋﯩﻴﯘﻥ» ﺑﺎﻳﺮﯨﻤﻰ ﻛﯧﻠﯩﺶ ﺋﺎﻟﺪﯨﺪﺍ ﺗﯘﺭﻣﺎﻗﺘﺎ، ﺋﻮﺭﯗﻧﻼﺷﺘﯘﺭﯗﺷﻨﯩﻐﯘ ﻗﯩﻠﯩﭗ ﺑﻮﻟﺪﯗﯕﻼﺭ، ﺋﻪﻣﻤﺎ «ﺭﺍﺳﺨﻮﺕ» ﻣﻪﺳﯩﻠﯩﺴﻰ ﺑﺎﺭ، ﺷﯘﻧﻰ ﺩﯦﻴﯩﺸﻜﻪﭺ ﺳﻪﻧﻤﯘ ﺋﯜﺭﯛﻣﭽﯩﮕﻪ ﺑﯧﺮﯨﭗ ﻛﻪﻟﺪﯨﯔ، ﻳﺎ ﻣﺎﯕﻐﺎﻧﺪﺍ ﺋﯘﺯﯨﺘﯩﭗ ﻗﻮﻳﺎﻟﻤﯩﺪﯗﻕ، ﺋﻪﻣﺪﻯ ﻗﺎﻳﺘﯩﭙﻤﯘ ﻛﯧﻠﯩﭗ ﺑﻮﻟﺪﯗﯓ، ﺷﯘﯕﺎ ﻣﯘﺷﯘ ﺋﯩﺸﻼﺭﻧﻰ ﺳﯚﺯﻟﻪﺷﻜﻪﭺ ﺋﯜﺭﯛﻣﭽﯩﺪﯨﻜﻰ ﻳﯧﯖﯩﻘﻼﺭﻧﻰ ﺋﺎﯕﻼﭖ ﻛﯧﻠﻪﻳﻠﻰ- ﺩﻩﭖ ﻛﯧﻠﯩﺸﯩﻤﯩﺰ، ﻗﺎﻧﺪﺍﻕ ﺩﯦﺪﯨﻢ ﺋﻪﻣﻪﺕ ﺩﻩﭖ ﺳﻮﺭﯨﺪﻯ. ___ ﻫﻪ..ﻫﻪ... ﺷﯘﻧﺪﺍﻕ- ﺩﯦﺪﻯ ﺋﻪﻣﻪﺕ. ﻣﻪﻥ ﺋﯚﺯﻩﻣﻨﯩﯔ ﺋﯩﺸﻠﻪﯞﺍﺗﻘﯩﻨﯩﻤﻨﻰ ﺋﯘﻧﺘﯘﭖ، ﺋﯘﻻﺭ ﺑﯩﻠﻪﻥ ﻗﯩﺰﻏﯩﻦ ﭘﺎﺭﺍﯕﻐﺎ ﭼﯜﺷﯜﭖ ﻛﯧﺘﯩﭙﺘﯩﻤﻪﻥ، ﺷﯘ ﺋﺎﺭﯨﺪﺍ ﺋﯩﺸﺨﺎﻧﯩﻨﯩﯔ ﺗﯧﻠﯧﻔﻮﻧﻰ ﺑﯩﺮ ﻧﻪﭼﭽﻪ ﻗﯧﺘﯩﻢ ﺟﯩﺮﯨﯖﻼﭖ ﺗﻮﺧﺘﯩﺪﻯ، ﺋﯧﻠﯩﺸﻘﺎ ﺗﻪﻣﺸﻪﻟﮕﻪﻥ ﺑﻮﻟﺴﺎﻣﻤﯘ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﻫﯧﻠﯩﻘﻰ ﻫﯧﻜﺎﻳﯩﻨﻰ ﺋﯘﻻﺭﻏﺎ ﺳﯚﺯﻟﻪﭖ ﺑﯧﺮﯨﯟﺍﺗﻘﺎﻥ ﺑﻮﻟﻐﺎﭼﻘﺎ، ﺋﯘﻻﺭﻧﯩﯔ: ___ ﺑﻮﻟﻪ- ﺋﺎﺩﺍﺵ ﺋﺎﺧﯩﺮﯨﻨﻰ ﺩﺍﯞﺍﻣﻼﺷﺘﯘﺭ ﺩﻩﭖ ﺯﻭﺭﻟﯩﺸﻰ ﺑﯩﻠﻪﻥ ﺗﯧﻠﯧﻔﻮﻧﻨﻰ ﺋﯧﻠﯩﺸﻘﺎ ﺗﺎﺯﺍ ﺩﯦﮕﻪﻧﺪﻩﻙ ﺋﻪﻫﻤﯩﻴﻪﺕ ﺑﻪﺭﻣﯩﺪﯨﻢ. ﺋﯘﻧﯩﯖﺪﯨﻦ ﻛﯧﻴﯩﻦ ﻳﺎﻧﻔﻮﻧﯩﻤﯘ (ﺋﯜﺭﯛﻣﭽﯩﺪﯨﻦ ﻗﺎﻳﺘﯩﺪﯨﻐﺎﻧﺪﺍﺳﯧﺘﯩﯟﺍﻟﻐﺎﻧﯩﺪﯨﻢ) ﺑﯩﺮ ﻗﺎﻧﭽﻪ ﻗﯧﺘﯩﻢ ﺳﺎﻳﺮﯨﻐﺎﻧﺪﻩﻙ ﻗﯩﻠﺪﯨﻴﯘ، ﺋﯘﻧﯩﯖﻐﯩﻤﯘ ﺋﯧﺘﯩﺒﺎﺭﺳﯩﺰ ﻗﺎﺭﯨﺪﯨﻢ، ﺩﯦﻤﯩﺴﯩﻤﯘ ﺑﯩﺮ ﻗﺎﻧﭽﻪ ﺩﻭﺳﺖ ﺑﯩﺮ ﻳﻪﺭﮔﻪ ﻛﻪﻟﺴﻪ ﻗﯩﻠﯩﺸﯩﺪﯨﻐﺎﻥ ﮔﻪﭖ- ﺳﯚﺯﻟﯩﺮﻯ ﺗﯜﮔﯩﻤﻪﻳﺪﯗ- ﺋﻪﻣﻪﺳﻤﯘ؟ ﺋﺎﺭﯨﺪﯨﻦ ﻫﯧﭽﻘﺎﻧﭽﻪ ﯞﺍﻗﯩﺖ ﺋﯚﺗﻤﻪﻱ، ﺋﯩﺪﺍﺭﻩ ﺑﺎﺷﻠﯩﻘﯩﻤﯩﺰ ﺋﯚﺯﻯ ﻛﯩﺮﯨﭗ ﻛﻪﻟﺪﻯ- ﺩﻩ، ﻣﺎﯕﺎ ﻗﺎﺭﺍﭖ: ___ ﻫﻪ، ﺋﻪﺧﻪﺗﺠﺎﻥ ﺋﻪﻣﺪﻯ ﺋﯜﺭﯛﻣﭽﯩﮕﻪ ﺑﯧﺮﯨﭗ ﻛﯧﻠﯩﭙﻼ، ﺑﯩﺰ ﺑﻪﺭﮔﻪﻥ ﺗﯧﻠﯧﻔﻮﻧﻨﯩﻤﯘ ﺋﺎﻟﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﭘﺴﯩﻠﻪﺭ_ ﺩﯦﺪﻯ. ﻣﻪﻥ ﺑﯘ ﺳﯚﺯﻧﻰ ﺋﺎﯕﻼﭖ ﺋﯚﺯﻩﻣﻨﻰ ﻗﻮﻳﯩﺪﯨﻐﺎﻥ ﻳﻪﺭ ﺗﺎﭘﺎﻟﻤﺎﻱ، ﻧﯧﻤﻪ ﺩﻩﭖ ﭼﯜﺷﻪﻧﺪﯛﺭﯛﺷﻨﯩﻤﯘ ﺑﯩﻠﻤﯩﺪﯨﻢ، ﺋﯩﻜﻜﻰ ﺳﺎﯞﺍﻗﺪﯨﺸﻤﻐﺎ ﻗﺎﺭﺳﺎﻡ ﺋﯘﻻﺭﻣﯘ ﻧﯧﻤﻪ ﺩﯦﻴﺸﯩﻨﻰ ﺑﯩﻠﻤﻪﻱ ﺗﯘﺭﺍﺗﺘﻰ.

     ﺋﺎﺭﯨﺪﯨﻜﻰ ﺟﯩﻤﺠﯩﺘﻠﯩﻘﻨﻰ ﺑﺎﺷﻠﯩﻘﻨﯩﯔ ﺋﺎﯞﺍﺯﻯ ﺑﯘﺯﺩﻯ: ___ ﻣﺎﯞﯗ ﺟﯩﺪﺩﯨﻲ ﺗﯧﻠﯧﮕﺮﺍﻣﻤﺎ، ﺟﺎﯞﺍﺑﯩﻨﻰ ﺑﯜﮔﯜﻥ ﭼﻮﻗﯘﻡ ﻳﻮﻟﻼﭖ ﺑﻮﻟﯘﺵ ﻛﯧﺮﻩﻛﻜﻪﻥ، ﺩﻩﺭﻫﺎﻝ ﺗﯘﺗﯘﺵ ﻗﯩﻠﯩﭗ، ﭘﯜﺗﺘﯜﺭﯛﭖ ﻣﺎﯕﺎ ﻛﯚﺭﺳﯩﺘﯩﯔ، ﺋﺎﻧﺪﯨﻦ ﻳﻮﻟﯩﯟﯦﺘﻪﻳﻠﻰ_ ﺩﻩﭘﻼ، ﺗﯧﻠﯧﮕﺮﺍﻣﻤﯩﻨﻰ ﺋﯜﺳﺘﻪﻟﻨﯩﯔ ﺋﯜﺳﺘﯩﮕﻪ ﺗﺎﺷﻼﭖ ﻗﻮﻳﯘﭖ ﭼﯩﻘﯩﭗ ﻛﻪﺗﺘﻰ. ﻣﻪﻥ ﺗﯧﻠﯧﮕﺮﺍﻣﻤﯩﻨﻰ ﺗﻪﭘﺴﯩﻠﯩﻲ ﻛﯚﺭﯛﭖ، ﻫﻪﻣﻤﯩﺴﻰ ﺗﻪﻳﻴﺎﺭ، ﺑﯩﺮ ﺋﺎﺯ ﺳﺎﻗﻼﭖ ﺗﯘﺭﯗﯕﻼﺭ ﻣﻪﻥ ﻫﺎﺯﯨﺮﻻ ﺗﻮﻟﺪﯗﺭﯗﭖ ﺋﯩﺸﺨﺎﻧﺎ ﻛﺎﺗﯩﭙﯩﻐﺎ ﺋﻪﻛﯩﺮﯨﭗ ﺑﯧﺮﻩﻱ- ﺩﻩﭖ، ﺑﯩﺮ ﺗﻪﺭﻩﭘﺘﯩﻦ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭﻧﻰ ﺋﯩﺰﺩﻩﭖ، ﺑﯩﺮ ﺗﻪﺭﻩﭘﺘﯩﻦ ﭘﺎﺭﯨﯖﯩﻤﯩﺰﻧﻰ ﺩﺍﯞﺍﻣﻼﺷﺘﯘﺭﻏﺎﭺ: ___ ﺳﯩﻠﻪﺭﻧﯩﯖﻤﯘ ﯞﺍﻗﯩﺖ ﭼﯩﻘﯩﺮﯨﭗ ﻛﻪﻟﻤﯩﮕﯩﯖﻼﺭ ﺋﺎﺳﺎﻥ ﺋﻪﻣﻪﺱ، ﭼﯜﺷﺘﻪ ﺑﯩﺮﮔﻪ ﻏﯩﺰﺍﻟﯩﻨﺎﻳﻠﻰ، ﻫﯧﻠﯩﻤﯘ ﺋﯘﺯﯗﻥ ﺑﻮﻟﯘﭖ ﻛﻪﺗﺘﻰ ﭘﺎﺭﺍﯕﻠﯩﺸﺎﻟﻤﯩﺪﯗﻕ-ﺩﯦﺪﯨﻢ. ___ ﺑﯘ ﺩﯦﮕﯩﻨﯩﯖﻤﯘ ﺗﻮﻏﺮﺍ، ﺑﯩﺰﻗﺎﻳﺘﺴﺎﻗﻤﯘ ﺷﯘ ﺋﻮﻗﯘﻏﯘﭼﯩﻼﺭﻧﻰ ﻳﯩﻐﯩﺶ، ﺋﺎﺗﺎ- ﺋﺎﻧﯩﻼﺭ ﺳﯚﻫﺒﯩﺘﻰ..... ﺩﻩﭖ ﻛﻪﻟﺴﻪﻙ ﻫﺎﺯﯨﺮ ﺳﻪﻥ ﺑﺎﺭ ﭼﺎﻏﺪﯨﻜﯩﺪﯨﻨﻤﯘ ﺋﺸﻼﺭ ﻛﯚﭘﯩﻴﯩﭗ ﻛﻪﺗﺘﻰ، ﺋﯘﻧﯩﯔ ﺋﯜﺳﺘﯩﮕﻪ ﻫﯧﻠﻰ ﺋﯘ ﺋﯩﻤﺘﯩﻬﺎﻥ، ﻫﯧﻠﻰ ﺑﯘ ﺋﯚﮔﯩﻨﯩﺶ ﺗﯜﮔﯩﻤﻪﻳﻼ ﻛﻪﺗﺘﯩﻐﯘ ﺩﯦﺴﻪ-ﺩﯦﺪﻯ، ﺋﻪﻣﻪﺕ ﺑﯩﺮ ﻣﺎﯕﺎ، ﺑﯩﺮ ﭘﻪﻳﺰﯗﻟﻼﻏﺎ ﻗﺎﺭﺍﭖ ﻗﻮﻳﯘﭖ، ﭘﻪﻳﺰﯗﻟﻼﻣﯘ ﺷﯘﻧﺪﺍﻕ ﺩﯦﮕﻪﻧﺪﻩﻙ ﺑﯧﺸﯩﻨﻰ ﻟﯧﯖﺸﯩﺘﯩﭗ ﻣﺎﻗﯘﻟﻠﯩﺪﻯ، ﺷﯘ ﺋﺎﺭﯨﺪﺍ ﭘﻪﻳﺰﯗﻟﻼ: ___ ﻫﻪ ﺭﺍﺳﺖ، ﺳﻪﻥ ﺋﯚﮔﯩﻨﯩﺸﺘﯩﻦ ﻗﺎﻳﺘﯩﺸﯩﯖﺪﺍ ﺋﺎﺯ_ ﺗﯘﻻ ﺳﻮﯞﻏﺎﺕ ﺋﯧﻠﯩﭗ ﻛﻪﻟﮕﻪﻧﺴﻪﻥ- ﺩﻩﭖ ﺳﻮﺭﯨﺪﻯ. ___ ﻣﻪﻥ ﺟﻪﺩﯞﻩﻝ ﺗﻮﻟﺪﯗﺭﻏﺎﭺ «ﺷﯘﻧﺪﺍﻕ» ﺩﻩﭖ ﺟﺎﯞﺍﺏ ﺑﻪﺭﺩﯨﻢ. ___ ﺳﯧﻨﯩﯖﻤﯘ ﺑﻮﺵ ﻛﻪﻟﻤﻪﻳﺪﯨﻐﺎﻧﻠﯩﻘﯩﯖﻨﻰ ﺑﯩﻠﻪﺗﺘﻢ، ﻗﺎﻧﺪﺍﻕ ﺳﻮﯞﻏﺎﺗﻼﺭﻧﻰ ﺋﻪﻛﻪﻟﺪﯨﯔ-ﺩﻩﭖ ﺳﻮﺭﯨﺪﻯ. ﻣﻪﻥ ﺗﯘﺯﯨﮕﯩﻼ: ___ ﺑﺎﻟﻤﻐﺎ ﺑﯩﺮﻳﯜﺭﯛﺵ ﻛﯩﻴﯩﻢ، ﺋﺎﻳﺎﻟﯩﻤﻐﺎ...... ___ ﻫﻪﻱ ﺑﻮﻟﺪﻯ ﻗﯩﻠﻪ، ﺑﯘﻧﻰ ﺩﯦﻤﯩﺪﯨﻢ ﻣﺎﯞﯗ ﺋﯩﺪﺍﺭﯨﻨﯩﯔ ﭼﻮﯕﺌﺎﻣﻠﯩﺮﯨﻐﺎ، ﺑﻮﻟﯘﭘﻤﯘ ﺑﺎﻳﺎﻣﻘﻰ ﺭﻩﻫﺒﻪﺭﮔﻪ ﺩﯦﻤﻪﻛﭽﻰ- ﺩﯦﺪﻯ. ﻣﻪﻥ ﺋﯘﻧﯩﯔ ﻧﯧﻤﻪ ﺩﯦﻤﻪﻛﭽﻰ ﺋﯩﻜﻪﻧﻠﯩﻜﯩﻨﻰ ﭼﯜﺷﻨﻪﻟﻤﻪﻱ، ﺑﯘ ﻧﯧﻤﻪ ﺩﯦﮕﯩﻨﯩﯔ ﺩﯦﮕﻪﻥ ﻧﻪﺯﻩﺭﺩﻩ ﻗﺎﺭﯨﺪﯨﻢ. ___ ﺋﯩﺪﺍﺭﯨﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺳﯩﺮﺗﻘﺎ ﭼﯩﻘﯩﭗ ﻛﻪﻟﮕﻪﻧﻠﻪﺭ ﺋﯩﺪﺍﺭﻩ ﺭﻩﻫﺒﻪﺭﻟﯩﺮﯨﮕﻪ ﺳﻮﯞﻏﺎﺕ ﺋﺎﻟﻐﺎﭺ ﻛﯧﻠﯩﺪﯨﻐﺎﻥ ﺋﯩﺶ ﺑﺎﺭ ﺋﯩﻜﻪﻥ ﺩﯦﮕﯩﻨﻪ، ﻣﻪﻧﻤﯘ ﺋﯚﺗﻜﻪﻧﺪﻩ ﻗﻪﺷﻘﻪﺭﮔﻪ ﺑﯩﺮ ﻫﻪﭘﺘﯩﻠﯩﻚ ﺋﯚﮔﯩﻨﯩﺸﻜﻪ ﺑﺎﺭﻏﺎﻧﺪﺍ ﻣﻪﻛﺘﻪﭖ ﻣﯘﺩﯨﺮﯨﻤﯩﺰ ﺑﯩﻠﻪﻥ ﺋﻮﻗﯘﺗﯘﺵ ﮔﯘﺭﯗﭘﭙﯩﻤﯩﺰﻧﯩﯔ ﺑﺎﺷﻠﯩﻘﯩﻐﺎ ﺳﯟﻏﺎﺕ ﺋﺎﻟﻐﺎﭺ ﻛﻪﻟﮕﻪﻥ، ﺑﯘﻧﻰ ﻣﺎﯕﺎ ﺋﯚﮔﯩﻨﯩﺶ ﺟﻪﺭﻳﺎﻧﯩﺪﺍ ﺑﯩﺮﺳﻰ ﺩﻩﭖ ﺑﻪﺭﮔﻪﻥ، ﺋﯘﻻﺭﻣﯘ ﺧﯧﻠﻰ ﺧﯘﺵ ﺑﻮﻟﺪﻯ ﺑﻮﻟﻐﺎﻱ ﺷﯘﻧﺪﯨﻦ ﺑﯩﺮﻯ ﻣﺎﯕﺎ ﺋﺎﻧﭽﻪ- ﻣﯘﻧﭽﻪ ﻣﯘﺷﯘﻧﺪﺍﻕ ﺷﺎﺭﺍﺋﯩﺘﻨﻰ ﻳﺎﺭﯨﺘﯩﭗ ﺑﯧﺮﯨﯟﺍﺗﯩﺪﯗ. ﻣﻪﻥ ﺗﯧﺨﻰ ﺳﯧﻨﻰ ﺑﯩﻠﮕﻪﻥ ﭼﯧﻐﻰ ﺩﻩﭘﺘﯩﻤﻪﻥ ﺋﻪﻣﻪﺳﻤﯘ!-ﺩﯦﺪﻯ. ___ ﻗﯘﻳﻪ ﺋﺎﺩﺍﺵ ﺑﯘﻧﺪﺍﻕ ﮔﻪﭘﻠﯩﺮﯨﯖﻨﻰ، ﻣﻪﻥ ﻳﻪ ﺋﯘﻧﺪﺍﻕ ﺋﯩﺸﻼﺭﻧﻰ ﺋﻪﺯﻩﻟﺪﯨﻦ ﻗﯩﻠﯩﭗ ﺑﺎﻗﻤﯩﺴﺎﻡ ﻫﻪﻡ ﻗﺎﻣﻼﺷﺘﯘﺭﺍﻟﻤﺎﺳﻠﯩﻘﯩﻢ ﻣﯘﻣﻜﯩﻦ، ﺋﯩﺸﯩﻤﻤﯘ ﺗﯜﮔﯩﺪﻯ، ﻳﯜﺭﯛﯕﻼﺭ ﺗﺎﻣﺎﻗﻘﺎ ﭼﯩﻘﻘﺎﻳﻠﻰ- ﺩﯦﺪﯨﻢ.

    ﺑﯩﺰ ﺋﺎﺷﺨﺎﻧﯩﻐﺎ ﻛﯩﺮﯨﭗ ﺗﺎﻣﺎﻗﻠﯩﻨﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻫﻪﺭﻗﺎﻳﺴﯩﻤﯩﺰ ﺋﯚﺯ ﺋﻮﺭﯗﻧﻠﯩﺮﯨﻤﯩﺰﻏﺎ ﻛﯧﺘﯩﺸﯩﭗ ﻗﺎﻟﻐﺎﻥ ﺑﻮﻟﺴﺎﻗﻤﯘ، ﭘﻪﻳﺰﯗﻟﻼﻧﯩﯔ «ﺳﻮﯞﻏﺎﺕ» ﻫﻪﻗﻘﯩﺪﯨﻜﻰ ﺳﯚﺯﻯ ﻛﺎﻟﻼﻣﺪﯨﻦ ﭘﻪﻗﻪﺗﻼ ﻛﻪﺗﻤﯩﺪﻯ. ﭼﯜﺷﺘﯩﻦ ﻛﯧﻴﯩﻦ ﺋﯩﺸﻘﺎ ﭼﯩﻘﯩﭙﻼ ﻫﯧﻠﯩﻘﻰ ﺗﯧﻠﯧﮕﺮﺍﻣﻤﯩﻨﻰ ﺳﯜﺭﯛﺷﺘﯘﺭﯗﭖ، ﺋﺎﻧﺪﯨﻦ ﺑﺎﺷﻠﯩﻘﻨﯩﯔ ﻛﯚﺭﯛﺷﯩﮕﻪ ﺑﻪﺭﺩﯨﻢ، ﻧﯧﻤﻪ ﺋﯜﭼﯜﻧﺪﯗﺭ ﭘﻪﻳﺰﯗﻟﻼ ﺩﯦﮕﻪﻧﺪﻩﻙ ﺑﺎﺷﻠﯩﻖ ﻣﻪﻧﺪﯨﻦ ﺑﯩﺮ ﻧﻪﺭﺳﻪ ﺗﻪﻟﻪﭖ ﻗﯩﻠﯩﯟﺍﺗﻘﺎﻧﺪﻩﻙ ﺗﯘﻳﯘﻟﺪﻯ. ﻛﻪﭼﺘﻪ ﺋﯚﻳﮕﻪ ﺑﯧﺮﯨﭗ ﺋﺎﻳﺎﻟﯩﻤﻐﺎ ﻣﯘﺷﯘﻧﺪﺍﻕ ﻗﺎﺋﯩﺪﯨﻨﯩﯔ ﺑﺎﺭﻟﯩﻘﯩﻨﻰ، ﻣﻪﻧﻤﯘ ﺋﺎﺯ-ﺗﯘﻻ ﺳﻮﯞﻏﺎﺕ ﺑﻪﺭﻣﻪﻛﭽﻰ ﺑﻮﻟﻐﺎﻧﻠﯩﻘﯩﻤﻨﻰ ﺩﯦﯟﯨﺪﯨﻢ، ﺋﺎﻳﺎﻟﯩﻢ ﻗﺎﻗﺎﻗﻼﭖ ﻛﯜﻟﯜﭖ ﻛﯧﺘﯩﭗ، ﺳﯩﺰ ﻗﺎﻣﻼﺷﺘﯘﺭﺍﻟﻤﺎﻳﺴﯩﺰ ﻫﻪﻡ ﺋﺎﺋﯩﻠﯩﻤﯩﺰﺩﻩ ﺋﯘﻧﭽﯩﻼ ﻛﯚﭖ ﺋﯩﻘﺘﯩﺴﺎﺩ ﻳﻮﻕ-ﺩﯦﺪﻯ. ﻣﻪﻥ ﺋﯘﻧﯩﯖﻐﺎ ﭼﯜﺷﻪﻧﺪﯛﺭﯛﭖ ﻛﯚﭖ ﺋﻪﻣﻪﺱ، ﭘﻪﻗﻪﺕ ﻗﺎﺋﯩﺪﯨﺴﯩﻨﻰ ﻗﯩﻠﯩﭗ ﻗﻮﻳﻤﺎﻗﭽﻰ ﺩﯦﺴﻪﻡ، ﻣﻪﻳﻠﯩﯖﯩﺰ، ﻟﯧﻜﯩﻦ ﻛﯜﻟﻜﯩﮕﻪ ﻗﺎﻟﻤﺎﯓ، ﺋﯚﺯﯨﯖﯩﺰ ﺑﯩﻠﯩﯔ ﺩﻩﭘﻼ ﻗﻮﻳﺪﻯ. ﻣﻪﻥ ﻛﯧﭽﯩﭽﻪ ﺋﻮﻳﻠﯩﻨﯩﭗ ﺋﺎﺧﯩﺮﻯ ﺳﯩﻨﺎﭖ ﺑﯧﻘﯩﺶ ﻧﯩﻴﺘﯩﮕﻪ ﻛﯧﻠﯩﭗ ﺋﯘﺧﻼﭖ ﻗﺎﭘﺘﯩﻤﻪﻥ. ﺋﻪﺗﯩﺴﻰ ﺋﻪﺗﯩﮕﻪﻥ ﺋﯩﺸﻘﺎ ﭼﯩﻘﯩﭗ ﻗﺎﻧﺪﺍﻕ ﻛﯩﺮﯨﺶ، ﻧﯧﻤﯩﻠﻪﺭﻧﻰ ﺋﻪﻛﯩﺮﯨﺶ ﺗﻮﻏﺮﯨﺴﯩﺪﺍ ﺋﻮﻳﻠﯩﻨﯩﭗ، ﺋﺎﺧﯩﺮﻯ «ﺋﺎﺭﻣﺎﻥ ﭼﻮﯕﻼﺭ ﻗﯘﯞﯞﻩﺕ ﺗﺎﻟﻘﯩﻨﻰ» ﺩﯨﻦ 20 ﻧﻰ، ﺗﺎﻣﺎﻛﺎ ﺋﻪﻛﯩﺮﻩﻱ ﺩﯦﺴﻪﻡ ﻳﺎ ﺗﺎﻣﺎﻛﺎ ﭼﻪﻛﻤﯩﺴﻪ، ﺷﯘﯕﺎ 3000 ﻳﯜﻩﻥ ﻧﻪﻗﭙﯘﻟﻨﻰ ﺋﻪﻛﯩﺮﯨﭗ ﺑﯧﺮﯨﺸﻨﻰ ﺗﻮﻏﺮﺍ ﺗﺎﭘﺘﯩﻢ، ﺑﯘ ﭘﯘﻟﻤﯘ ﺑﯩﺮ ﻗﯧﺘﯩﻢ ﻣﯧﻨﻰ ﺗﺎﺷﻼﭖ ﻛﯧﺘﯩﭗ، ﻳﻪﻧﻪ ﻛﻪﻟﮕﻪﻥ ﺑﻮﻟﻐﺎﻧﺪﯨﻜﯩﻦ، ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺋﯩﺸﻠﯩﺮﯨﻢ ﺋﯜﭼﯜﻥ ﭘﺎﻳﺪﯨﺴﻰ ﺑﻮﻟﯘﭖ ﻗﺎﻟﺴﺎ ﻫﯧﭻ ﮔﻪﭖ ﺋﻪﻣﻪﺱ، ﻫﯧﻠﯩﻘﻰ ﻏﯘﺟﻪﻛﻨﻰ ﺗﯧﭙﯩﯟﺍﻟﻤﯩﻐﺎﻥ ﺑﻮﻟﺴﺎﻡ ﺑﯘﭼﺎﻗﻘﯩﭽﻪ ﻗﻪﻧﺘﯩﻨﻰ ﭼﯧﻘﯩﭗ ﺑﻮﻻﺗﺘﻰ ﺩﯦﮕﻪﻧﻠﻪﺭﻧﻰ ﺋﻮﻳﻠﯩﺪﯨﻢ. ﺷﯘﻧﯩﯔ ﺑﯩﻠﻪﻥ ﺷﯘ ﻛﯜﻧﻰ ﺋﯩﺸﺘﯩﻦ ﭼﯜﺷﯜﭖ، ﺋﯘﺩﯗﻝ ﻳﯘﺭﺗﯩﻤﯩﺰﺩﯨﻜﻰ ﺋﻪﯓ ﭼﻮﯓ ﺗﺎﻟﻼ ﺑﺎﺯﯨﺮﯨﺪﯨﻦ «ﺋﺎﺭﻣﺎﻥ ﭼﻮﯕﻼﺭ ﻗﯘﯞﯞﻩﺕ ﺗﺎﻟﻘﯩﻨﻰ» ﺳﯧﺘﯩﯟﺍﻟﺪﯨﻢ، ﭘﯘﻟﻨﻰ ﭼﯜﺷﺘﯩﻦ ﺑﯘﺭﯗﻥ ﺑﺎﻧﻜﯩﺪﯨﻦ ﺋﺎﺟﺮﯨﺘﯩﭗ ﻗﻮﻳﻐﺎﻧﯩﺪﯨﻢ. ﺷﯘﻧﯩﯔ ﺑﯩﻠﻪﻥ ﺑﺎﺷﻠﯩﻘﻨﯩﯔ ﺋﯚﻳﯩﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﻢ، ﻳﻮﻟﺪﺍ ﻛﺎﻟﻼﻣﻨﻰ ﻫﻪﺭﺧﯩﻞ ﺧﯩﻴﺎﻟﻼﺭ ﭼﯩﺮﻣﯩﯟﺍﻟﻐﺎﻥ ﺑﻮﻟﺴﯩﻤﯘ، ﺋﯘﻻﺭﻧﻰ ﻳﯧﯖﯩﭗ ﺗﻪﯞﻩﻛﻜﯘﻝ ﻣﻪﻧﻤﯘ ﻗﯩﻠﯩﭗ ﺑﺎﻗﺎﻱ، ﺋﻪﭘﻠﻪﺷﻤﯩﺴﻪ ﺋﯘﻧﻰ ﻛﯚﺭﻩﺭﻣﻪﻥ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ، ﺑﺎﺷﻠﯩﻘﻨﯩﯔ ﺋﯚﻳﻨﯩﯔ ﺋﺎﻟﺪﯨﺪﯨﻦ ﺋﯚﺗﯜﭖ ﻛﻪﺗﻜﯩﻠﻰ ﺗﺎﺳﻼ ﻗﺎﭘﺘﯩﻤﻪﻥ. ﺑﯩﺮﺩﻩﻡ ﺗﯘﺭﯗﭖ ﺋﯚﺯﻩﻣﻨﻰ ﺗﻮﺧﺘﯩﺘﯩﯟﯦﻠﯩﭗ ﺋﯩﺸﻚ ﻗﻮﯕﻐﯘﺭﯨﻘﯩﻨﻰ ﺑﺎﺳﺘﯩﻢ، ﺑﯩﺮ ﺋﺎﺯﺩﯨﻦ ﻛﯧﻴﯩﻦ ﺑﺎﺷﻠﯩﻘﻨﯩﯔ ﻛﯩﭽﯩﻚ ﻗﯩﺰﻯ ﭼﯩﻘﯩﭗ ﺋﯩﺸﯩﻜﻨﻰ ﺋﺎﭼﺘﻰ، ﻣﻪﻥ ﮔﻪﭖ ﺑﺎﺷﻼﭖ ﺑﻮﻟﯩﻐﯩﭽﻪ: ___ ﺩﺍﺩﺍﻡ ﺋﯚﻳﺪﻩ ﻳﻮﻕ-ﺩﯦﺪﻯ. ﻣﻪﻧﻤﯘ ﺩﻩﺭﻫﺎﻝ ﭼﺎﻧﺪﯗﺭﻣﺎﻱ: ___ ﺑﯩﻠﯩﻤﻪﻥ، ﺑﯘﻧﻰ ﺋﯚﻳﮕﻪ ﺋﻪﻛﯩﺮﯨﭗ ﺑﯧﺮﯨﯔ ﺩﯦﮕﻪﻧﺘﻰ، ﺷﯘﯕﺎ ﺋﻪﻛﯩﻠﯩﺸﯩﻢ- ﺩﻩﭘﻼ ﻧﻪﺭﺳﯩﻠﻪﺭﻧﻰ ﺑﻪﺭﺩﯨﻢ-ﺩﻩ، ﺋﺎﺭﻗﺎﻣﻐﯩﻤﯘ ﻗﺎﺭﻣﺎﻱ ﻗﺎﻳﺘﯩﻢ. ﻫﯧﻠﻰ ﺑﯩﺮﺳﻰ ﭼﺎﻗﯩﺮﯨﭗ ﻗﺎﻟﯩﺪﯨﻐﺎﻧﺪﻩﻙ ﻳﯜﺭﻩﻛﻠﯩﺮﯨﻢ ﺩﯗﭘﯘﻟﺪﻩﭖ ﻛﻪﺗﺘﻰ. ﻫﯧﻠﯩﻤﯘ ﻳﺎﺧﺸﻰ ﭘﯘﻟﻨﻰ ﻟﯧﭙﺎﭘﻘﺎ ﺳﯧﻠﯩﭗ ﻳﯧﺸﯩﻚ ﺋﯩﭽﯩﮕﻪ ﺳﯧﻠﯩﭗ ﻗﻮﻳﯘﭘﺘﯩﻜﻪﻧﻤﻪﻥ. ﺋﯚﻳﮕﻪ ﻛﯩﺮﺳﻪﻡ ﺋﺎﻳﺎﻟﯩﻢ ﺗﺎﻣﺎﻗﻨﻰ ﺗﻪﻳﻴﺎﺭﻻﭖ ﻗﻮﻳﯘﭖ ﻣﯧﻨﻰ ﺳﺎﻗﻼﭖ ﺗﯘﺭﯗﭘﺘﯩﻜﻪﻥ، ﺗﺎﻣﺎﻗﺘﯩﻦ ﻛﯧﻴﯩﻦ ﺑﯘ ﺋﯩﺸﻼﺭﻧﻰ ﺋﺎﻳﺎﻟﯩﻤﻐﺎ ﺩﯦﮕﯩﻨﯩﻤﻨﻰ ﺑﯩﻠﯩﻤﻪﻥ، ﺋﯘ ﺳﯚﺯﻟﻪﭘﻼ ﻛﻪﺗﺘﻰ: ___ ﻣﻪﻥ ﺑﯩﺮ ﻗﯘﺭ ﻳﯧﯖﻰ ﻛﯩﻴﯩﻢ ﻛﯩﻴﻤﻪﻱ، ﺑﺎﺷﻘﯩﻼﺭﺩﻩﻙ ﺋﯘﻧﯩﯖﻐﺎ- ﺑﯘﻧﯩﯖﻐﺎ ﺋﯩﻨﺘﯩﻠﻤﻪﻱ ﻣﯩﯔ ﺑﯩﺮ ﺟﺎﭘﺎﺩﺍ ﻳﯩﻐﺴﺎﻡ، ﻻﻳﯩﻘﯩﺪﺍ ﺑﯩﺮ ﺋﯩﺶ ﻗﯩﻠﯩﯔ ﺩﯦﺴﻪﻡ، ﺑﯩﺰﻧﯩﯔ ﻫﻪﻣﻤﻪ ﺋﯩﺸﻠﯩﺮﯨﻤﯩﺰﻧﻰ ﻫﻪﻝ ﻗﯩﻠﯩﯟﯦﺘﯩﺪﯨﻐﺎﻧﺪﻩﻙ 3000 ﻳﯜﻩﻧﯩﻤﯘ ﺋﺎﭘﯩﺮﯨﭗ ﺑﯧﺮﻩﻣﺴﯩﺰ...... ___ ﺑﻮﻟﺪﻯ ﻗﯩﻠﯩﯖﻼﺭ ﺋﻪﻣﺪﻯ ﺑﯧﺮﯨﭗ ﺑﻮﻟﺪﯗﻡ، ﻳﺎﻧﺪﯗﺭﯗﭖ ﺋﻪﻛﻪﻟﮕﯩﻠﻰ ﺑﻮﻟﻤﺎﻳﺪﯗ، ﺑﯘﻧﯩﯖﺪﯨﻦ ﻛﯧﻴﯩﻦ ﺑﯘﻧﺪﺍﻕ ﺋﯩﺸﻼﺭﻧﯩﻤﯘ ﻗﯩﻠﻤﺎﺳﻤﻪﻥ.... ﺩﯦﮕﻪﻥ ﭼﯩﺮﺍﻳﻠﯩﻖ ﮔﻪﭘﻠﻪﺭ ﺑﯩﻠﻪﻥ ﺋﺎﺩﺍﭖ ﺋﺎﺧﯩﺮﻯ ﻗﺎﻳﯩﻞ ﻗﯩﻠﺪﯨﻢ. ﺋﻪﺗﯩﺴﻰ ﺋﯩﺸﻘﺎ ﭼﯩﻘﺴﺎﻡ ﺑﺎﺷﻠﯩﻖ ﻣﯧﻨﻰ ﻛﯚﺭﯛﭖ ﻣﯧﻴﻘﯩﺪﺍ ﻛﯜﻟﯜﭖ ﻗﻮﻳﯘﭖ ﺋﯩﺸﺨﺎﻧﯩﺴﯩﻐﺎ ﻛﯩﺮﯨﭗ ﻛﻪﺗﺘﻰ. ﺋﻪﻣﻤﺎ ﻣﻪﻥ ﺋﯧﻐﯩﺮ ﺟﯩﻨﺎﻳﻪﺕ ﺋﯚﺗﻜﯜﺯﮔﻪﻥ ﻛﯩﺸﯩﺪﻩﻙ ﻳﻪﺭﺩﯨﻦ ﺑﯧﺸﻤﻨﻰ ﻛﯚﺗﯜﺭﻩﻟﻤﯩﺪﯨﻢ، ﻫﻪﻡ ﺋﯚﺯﻩﻣﻨﯩﯔ ﻗﯩﻠﻤﯩﺸﺪﯨﻦ ﺑﻪﻛﻼ ﺳﻪﺳﻜﯩﻨﯩﭗ ﻛﻪﺗﺘﯩﻢ، ﺷﯘ ﭼﺎﻏﺪﺍ ﺋﺎﻟﯩﻲ ﻣﻪﻛﺘﻪﭘﺘﯩﻜﻰ ﺋﻮﻗﯘﺗﻘﯘﭼﯘﻣﻨﯩﯔ ﻣﯘﻧﺪﺍﻕ ﺑﯩﺮ ﻫﯧﻜﺎﻳﯩﻨﻰ ﺳﯚﺯﻟﻪﭖ ﺑﻪﺭﮔﻪﻧﻠﯩﻜﻰ ﻳﺎﺩﯨﻤﻐﺎ ﻛﻪﻟﮕﻪﻧﯩﺪﻯ: « ﺑﯘﺭﯗﻥ ﺑﯩﺮ ﻛﺎﺩﯨﺮ ﺑﻮﻟﯘﭖ، ﺑﺎﺷﻠﯩﻘﯩﻨﻰ ﺩﺍﯞﺍﻣﻠﯩﻖ ﻛﯩﺸﯩﻠﻪﺭ ﺋﺎﻟﺪﯨﺪﺍ ﭘﺎﺭﯨﺨﻮﺭ، ﺋﺎﭼﻜﯚﺯ ﺩﻩﭖ ﺳﯚﻛﯜﭖ، ﻳﺎﻣﺎﻥ ﮔﯧﭙﯩﻨﻰ ﻗﯩﻠﯩﭗ، ﺋﻪﮔﻪﺭ ﻣﻪﻥ ﺑﺎﺷﻠﯩﻖ ﺑﻮﻟﺴﺎﻡ ﻫﻪﺭﻗﺎﻧﺪﺍﻕ ﻛﯩﺸﯩﻨﯩﯔ ﻧﻪﺭﺳﯩﻠﯩﺮﯨﻨﻰ ﺋﺎﻟﻤﺎﻱ، ﭘﺎﻙ- ﺩﯨﻴﺎﻧﻪﺕ ﺑﯩﻠﻪﻥ ﺋﯚﺗﯩﻤﻪﻥ ﺩﻩﻳﺪﯨﻜﻪﻥ. <ﺋﻪﺭﮔﻪ ﺑﯩﺮ ﻧﯚﯞﻩﺕ، ﻳﻪﺭﮔﻪ ﺑﯩﺮ ﻧﯚﯞﻩﺕ> ﺩﯦﮕﻪﻧﺪﻩﻙ ﺑﯩﺮ ﻧﻪﭼﭽﻪ ﻳﯩﻠﻐﺎ ﺑﺎﺭﻣﺎﻳﻼ ﺋﯘﻧﯩﯖﻐﯩﻤﯘ ﺑﯘ ﺳﺎﻫﻪﺩﯨﻦ ﺋﻮﺭﯗﻥ ﺗﯧﮕﯩﭙﺘﯘ، ﻧﻪﺩﯨﻜﯩﻨﻰ ﺩﻩﻳﺴﯩﺰ ﺋﯘﻣﯘ ﺑﺎﺷﺘﺎ ﻟﻪﯞﺯﯨﮕﻪ ﺋﻪﻣﻪﻝ ﻗﯩﻠﯩﭗ، ﺑﺎﺷﻘﯩﻼﺭﻧﯩﯔ ﺳﻮﯞﻏﺎ- ﺳﺎﻻﻣﻠﯩﺮﯨﻨﻰ ﺭﻩﺕ ﻗﯩﭙﺘﯘ، ﯞﺍﻗﯩﺘﻨﯩﯔ ﺋﯚﺗﯩﺸﯩﮕﻪ ﺋﻪﮔﯩﺸﯩﭗ، ﻛﯩﺸﯩﻠﻪﺭ ﺋﯘﻧﯩﻤﯘ ﻛﯚﻧﺪﯗﺭﯗﭖ ﻗﻮﻳﯘﭘﺘﯘ، ﺷﯘﻧﯩﯔ ﺑﯩﻠﻪﻥ ﺋﯘﻣﯘ ﺭﻩﺕ ﻗﯩﻠﻤﺎﻳﺪﯨﻐﺎﻥ ﻫﺎﻟﻪﺗﻜﻪ ﻛﯧﻠﯩﭗ، ﺋﺎﻟﻐﺎﻧﺪﯨﻤﯘ ﺋﺎﺷﯘﺭﯗﭖ ﺋﺎﻟﺪﯨﻐﺎﻥ ﺑﻮﭘﺘﯘ، ﻛﯧﻴﯩﻦ ﭘﯧﻨﺴﯩﻴﯩﮕﻪ ﭼﯜﺷﯜﭖ ﻗﺎﺭﺳﺎ ﻛﯧﻠﯩﺪﯨﻐﺎﻥ ﺳﻮﯞﻏﺎ- ﺳﺎﻻﻣﻼﺭ ﻛﻪﻟﻤﻪﭘﺘﯘ، ﺑﯘ ﺋﺎﺯﺍﭖ ﺋﯩﭽﯩﺪﻩ ﻳﯜﺭﻩﻙ ﻛﯧﺴﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ﺋﺎﻟﻪﻣﺪﯨﻦ ﺋﯚﺗﯜﭘﺘﯘ.... ﺑﯩﺰ ﺋﺎﻟﺪﻯ ﺑﯩﻠﻪﻥ ﺳﻮﯞﻏﺎﺕ ﺑﻪﺭﻣﻪﺳﻠﯩﻜﻨﻰ ﺋﯚﺯﯨﻤﯩﺰﺩﯨﻦ ﺑﺎﺷﻠﯩﺸﯩﻤﯩﺰ، ﺑﯩﺰ ﺭﻩﺕ ﻗﯩﻠﺴﯩﻤﯘ ﺩﺍﯞﺍﻣﻠﯩﻖ ﺋﻪﻛﯩﺮﺳﻪﻙ ﺋﺎﻟﻤﺎﻳﺪﯨﻐﺎﻥ ﺋﻪﻫﯟﺍﻟﻼﺭﺩﯨﻦ ﺧﺎﻟﻰ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ، ﺑﯘ ﺋﺎﺭﻗﯩﻠﯩﻖ ﺋﯘﻻﺭﻧﻰ ﺋﯚﺯﯨﻤﯩﺰ ﻛﯚﻧﺪﯗﺭﯗﭖ ﻗﻮﻳﯩﻤﯩﺰ....» ﻧﯧﻤﯩﺸﻘﺎ ﺑﯘ ﺳﯚﺯﻟﻪﺭ ﺑﯘﺭﯗﻧﺮﺍﻕ ﺋﯧﺴﯩﻤﮕﻪ ﻛﻪﻟﻤﯩﮕﻪﻧﺪﯗ، ﻣﯘﺷﯘ ﭘﻪﻳﺰﯗﻟﻼﻧﻰ- ﺯﻩ، ﺋﺎﻳﺎﻟﯩﻤﻤﯘ ﺳﻪﻝ ﭼﯩﯖﺮﺍﻕ ﺗﯘﺭﯗﭖ ﻗﺎﺭﺷﻰ ﭼﯩﻘﻘﺎﻥ ﺑﻮﻟﺴﺎ ﺑﻪﻟﻜﯩﻢ ﻧﯩﻴﺘﯩﻤﺪﯨﻦ ﻳﯧﻨﯩﭙﻤﯘ ﻗﺎﻻﺗﺘﯩﻢ.

    ﻣﻪﻥ ﺭﺍﺳﺘﯩﻨﻼﻡ ﯞﯨﮋﺩﺍﻧﯩﻤﻐﺎ ﺧﯩﻼﭖ ﺋﯩﺸﺘﯩﻦ ﺑﯩﺮﻧﻰ ﻗﯩﻠﯩﭗ ﻗﻮﻳﺪﯗﻡ ﺩﻩﭖ ﻧﻪﭼﭽﻪ ﻛﯜﻧﮕﯩﭽﻪ ﺋﺎﺯﺍﭘﻠﯩﻨﯩﭗ ﻛﻪﺗﺘﯩﻢ. ﺑﯘ ﺋﯩﺸﻼﺭﻧﯩﻤﯘ ﺑﺎﺭﺍ- ﺑﺎﺭﺍ ﺧﯩﺰﻣﻪﺕ ﺋﺎﻟﺪﯨﺮﺍﺷﻠﯩﻘﻰ ﺑﯩﻠﻪﻥ ﺋﯘﻧﺘﯘﭖ ﻛﻪﺗﻜﻪﻧﯩﺪﯨﻢ. ﺑﯩﺮ ﻫﻪﭘﺘﯩﺪﯨﻦ ﻛﯧﻴﯩﻦ «1- ﺋﯩﻴﯘﻥ» ﺧﻪﻟﻘﺌﺎﺭﺍ ﺑﺎﻟﯩﻼﺭ ﺑﺎﻳﺮﯨﻤﻰ ﻳﯧﺘﯩﭗ ﻛﻪﻟﺪﻯ. ﺋﯩﺸﺨﺎﻧﯩﺪﺍ ﮔﯧﺰﯨﺖ ﻛﯚﺭﯛﭖ ﺋﻮﻟﺘﯘﺭﺳﺎﻡ، ﺋﯩﺸﺨﺎﻧﺎ ﻛﺎﺗﯩﭙﻰ: ___ ﺑﺎﺷﻠﯩﻖ ﺳﯩﺰﻧﻰ ﺗﻪﻳﻴﺎﺭﻟﯩﻖ ﻗﯩﻠﺴﯘﻥ، ﻳﯧﺰﺍ ﻣﻪﻛﺘﻪﭘﻠﯩﺮﯨﮕﻪ ﺑﯧﺮﯨﭗ ﻫﺎﻝ ﺳﻮﺭﺍﭖ ﻛﯧﻠﯩﻤﯩﺰ- ﺩﯦﺪﻯ، ﺩﻩﭖ ﭼﯩﻘﯩﭗ ﻛﻪﺗﺘﻰ. ﻣﻪﻥ ﻛﯚﯕﻠﯜﻣﺪﻩ ﻫﯧﻠﯩﻘﻰ ﺳﻮﯞﻏﺎﺗﻼﺭ ﻛﺎﺭﺍﻣﯩﺘﯩﻨﻰ ﻛﯚﺭﺳﻪﺗﻜﻪﻥ ﺋﻮﺧﺸﺎﻳﺪﯗ، ﺑﯩﺮ ﻳﻪﺭﮔﻪ ﭼﯩﻘﺴﺎ ﺋﯧﻠﯩﯟﺍﻱ ﺩﯦﮕﯩﻨﯩﮕﻪ ﻗﺎﺭﯨﻐﺎﻧﺪﺍ ﺩﻩﭖ ﺋﻮﻳﻼﭖ، ﺋﺎﺯ- ﺗﯘﻻ ﺋﯩﺪﯨﻴﻪ ﺗﻪﻳﻴﺎﺭﻟﯩﻘﻰ ﻗﯩﻠﯩﭗ ﻗﻮﻳﺪﯗﻡ. ﻳﻪﻧﻪ ﺗﯘﺭﯗﭖ ﺑﯘ ﺗﻮﻏﺮﯨﺴﯩﺪﺍ ﮔﻪﭖ- ﺳﯚﺯﻟﻪﺭ ﺑﻮﻟﯘﭖ ﻗﺎﻟﺴﺎ ﻗﺎﻧﺪﺍﻕ ﭼﯜﺷﻪﻧﺪﯛﺭﻩﺭﻣﻪﻥ، ﭼﯘﻧﻜﻰ ﺑﺎﺷﻠﯩﻘﻨﯔ ﻣﺎﺷﯩﻨﯩﺴﯩﺪﺍ ﻣﻪﻧﺪﯨﻦ ﺑﺎﺷﻘﺎ ﺷﻮﭘﯘﺭ، ﺑﻪﻟﻜﯩﻢ ﺗﻪﺷﯟﯨﻘﺎﺕ ﺗﺎﺭﻣﺎﻗﻠﯩﺮﯨﺪﯨﻦ ﻣﯘﻧﺎﺳﯩﯟﻩﺗﻠﯩﻚ ﺧﺎﺩﯨﻤﻼﺭﻣﯘ ........ ﺩﯦﮕﻪﻧﻠﻪﺭﻧﻰ ﺋﻮﻳﻼﭖ ﺗﯘﺭﺍﺗﺘﯩﻢ، ﺗﯧﻠﯧﻔﻮﻥ ﺟﯩﺮﯨﯖﻠﯩﺪﻯ. ﺋﯘﻻﺭ ﺋﯩﺪﺍﺭﻩ ﺧﯩﺰﻣﻪﺕ ﺑﯩﻨﺎﺳﯩﻨﯩﯔ ﺋﺎﻟﺪﯨﺪﺍ ﻣﯧﻨﻰ ﺳﺎﻗﻼﭖ ﺗﯘﺭﻏﺎﻧﯩﻜﻪﻥ. ﻣﺎﺷﯩﻨﯩﻐﺎ ﭼﯩﻘﯩﺸﯩﻤﻐﺎ ﻣﺎﺷﯩﻨﺎ ﻗﻮﺯﻏﺎﻟﺪﻯ، ﺑﯩﺰ ﺑﯩﺮﺩﻩﻡ ﺟﯩﻤﺠﯩﺖ ﻣﺎﯕﻐﺎﻧﺪﯨﻦ ﺑﺎﺷﻠﯩﻖ ﺑﯘ ﻫﺎﻟﻪﺗﻨﻰ ﺋﯚﺯﮔﻪﺭﺗﯩﭗ: ___ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﻮﺭﯗﻧﻼﺷﺘﯘﺭﯗﺷﻨﻰ ﭘﯜﺗﯜﻧﻠﻪﻱ ﺋﻪﺧﻪﺗﺠﺎﻥ ﺋﯚﺯﻯ ﻗﯩﻠﺪﻯ، ﺋﺎﻟﺪﯨﻨﯩﻘﻰ ﻳﯩﻠﻼﺭﻏﺎ ﻗﺎﺭﯨﻐﺎﻧﺪﺍ ﻛﯚﭖ ﻳﺎﺧﺸﻰ ﺑﻮﻟﺪﻯ. ﻣﻪﻥ ﺑﯘ ﮔﻪﭘﻠﻪﺭﺩﯨﻦ ﻫﯧﻠﯩﻘﻰ ﺳﻮﯞﻏﺎﺗﻨﻰ ﺑﯘﺭﯗﻧﺮﺍﻕ ﺑﯧﺮﯨﺪﯨﻐﺎﻥ ﮔﻪﭘﻜﻪﻧﺪﻩ ﺩﻩﭖ ﺋﻮﻳﻠﯩﺪﯨﻢ. ﺷﯘ ﭼﺎﻏﺪﺍ ﺑﺎﺷﻠﯩﻖ ﺷﻮﭘﯘﺭﺩﯨﻦ: ___ ﺋﯚﻳﺪﯨﻦ ﺋﯧﻠﯩﯟﺍﻟﯩﺪﯨﻐﺎﻥ ﻧﻪﺭﺳﯩﻠﻪﺭﻧﻰ ﺋﺎﻟﺪﯨﯖﻤﯘ ﺩﻩﭖ ﺳﻮﺭﯨﺪﻯ. ﺷﻮﭘﯘﺭﻣﯘ ﺩﻩﺭﻫﺎﻝ «ﺷﯘﻧﺪﺍﻕ» ﺩﻩﭘﻼ ﺟﺎﯞﺍﭖ ﺑﻪﺭﺩﻯ. ﻣﺎﺷﯩﻨﺎ ﭼﺎﺭﺑﺎﻍ ﻳﯧﺰﯨﻠﯩﻖ ﻣﻪﺭﻛﯩﺰﯨﻲ ﺑﺎﺷﻼﻧﻐﯘﭺ ﻣﻪﻛﺘﻪﭘﻨﯩﯔ ﺋﺎﻟﺪﯨﺪﺍ ﺗﻮﺧﺘﯩﺪﻯ. ﻣﻪﻛﺘﻪﭖ ﺭﻩﻫﺒﻪﺭﻟﯩﺮﻯ ﺑﯩﺰﻧﻰ ﺳﺎﻗﻼﭖ ﺗﯘﺭﻏﺎﻧﯩﻜﻪﻥ. ﻣﺎﺷﯩﻨﯩﺪﯨﻦ ﭼﯜﺷﯜﭖ ﺋﯘﻻﺭ ﺑﯩﻠﻪﻥ ﻛﯚﺭﯛﺷﻜﻪﻧﺪﯨﻦ ﻛﯧﻴﯩﻦ، ﺋﺎﻟﺪﯨﻦ ﺗﻪﻳﻴﺎﺭﻻﻧﻐﺎﻥ ﺭﻩﺋﯩﺲ ﺳﻪﻫﻨﯩﺴﯩﺪﯨﻦ ﺋﻮﺭﯗﻥ ﺋﺎﻟﻐﺎﻧﺪﯗﻕ، ﺑﺎﺷﻠﯩﻖ ﺳﯚﺯ ﻗﯩﻠﺪﻯ، ﺋﺎﻧﺪﯨﻦ ﺋﯩﺪﺍﺭﻩ ﯞﻩ ﻣﻪﻟﯘﻡ ﺑﯩﺮﻩﻳﻠﻪﻧﻨﯩﯔ ﻧﺎﻣﯩﺪﯨﻦ ﺑﯘ ﻣﻪﻛﺘﻪﭘﻜﻪ 1000 ﻳﯜﻩﻥ ﻧﻪﻗﭙﯘﻝ، 150 ﻳﯜﺭﯛﺵ ﺋﻮﻗﯘﻏﯘﭼﯩﻼﺭ ﻛﯩﻴﯩﻤﻰ ﯞﻩ ﺋﻮﻗﯘﺗﯘﺵ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺋﯩﺌﺎﻧﻪ ﻗﯩﻠﯩﭗ ﻣﻪﻛﺘﻪﭘﺘﯩﻦ ﺋﺎﻳﺮﯨﻠﺪﯗﻕ. ﻳﻮﻝ ﺑﯘﻳﻰ ﺑﺎﺷﻘﺎ ﭘﺎﺭﺍﯕﻼﺭﻧﻰ ﻗﯩﻠﯩﺸﺘﯘﻕ. ﺋﯩﻜﻜﯩﻨﭽﻰ ﻣﻪﻛﺘﻪﭘﻜﻪ ﻛﻪﻟﮕﻪﻧﺪﻩ، ﺋﯘﻻﺭ ﺗﻪﺑﺮﯨﻜﻠﻪﺵ ﻳﯩﻐﯩﻨﯩﻨﻰ ﺗﯜﮔﯩﺘﯩﭗ، ﺳﻪﻧﺌﻪﺕ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯨﯟﺍﺗﻘﺎﻧﯩﻜﻪﻥ. ﺑﯘ ﻳﻪﺭﺩﯨﻤﯘ ﺑﺎﺷﻠﯩﻖ ﺑﺎﻟﯩﻼﺭﻧﯩﯔ ﻛﻪﻟﮕﯜﺳﻰ ﯞﻩ ﺗﻪﺭﺑﯩﻴﯩﻠﯩﻨﯩﺸﻰ ﺗﻮﻏﺮﯨﺴﯩﺪﺍ ﺳﯚﺯ ﻗﯩﻠﯩﭗ، ﺋﺎﻟﺪﯨﻨﻘﻰ ﻗﯧﺘﯩﻤﻐﺎ ﺋﻮﺧﺸﺎﺵ ﺋﯩﺪﺍﺭﻩ ﯞﻩ ﻣﻪﻟﯘﻡ ﺑﯩﺮﻩﻳﻠﻪﻧﻨﯩﯔ ﻧﺎﻣﯩﺪﯨﻦ 1000 ﻳﯜﻩﻥ ﻧﻪﻗﭙﯘﻝ، 100 ﻳﯜﺭﯛﺵ ﺋﻮﻗﯘﻏﯘﭼﯩﻼﺭ ﻛﯩﻴﯩﻤﻰ ﯞﻩ ﺋﻮﻗﯘﺗﯘﺵ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺋﯩﺌﺎﻧﻪ ﻗﯩﻠﯩﭗ، ﺑﯘ ﻣﻪﻛﺘﻪﭘﺘﯩﻨﻤﯘ ﺋﺎﻳﺮﯨﻠﺪﯗﻕ. ﻳﻮﻟﺪﺍ ﻛﯧﺘﯩﯟﺍﺗﻘﺎﭺ ﺑﺎﺷﻠﯩﻖ ﺋﯧﻐﯩﺰ ﺋﺎﭼﺘﻰ: ___ ﺑﯘ ﻣﻪﻛﺘﻪﭖ ﻳﯧﺰﯨﻤﯩﺰﺩﯨﻦ ﻳﯩﺮﺍﻗﺮﺍﻕ، ﺷﯘﻧﺪﺍﻗﺘﯩﻤﯘ ﺑﯧﺮﯨﭗ ﻛﻪﻟﻤﯩﺴﻪﻙ ﺑﻮﻟﻤﺎﻳﺪﯗ، ﺷﯘﯕﺎ ﻛﻪﭼﻠﯩﻚ ﺗﺎﻣﺎﻗﻨﻰ ﺷﯘ ﻳﻪﺭﮔﻪ ﺋﻮﺭﯗﻧﻼﺷﺘﯘﺭﯗﯓ، ﺩﻩﭖ ﻣﺎﯕﺎ ﻗﺎﺭﺩﻯ.

    ﻣﻪﻥ ﻳﺎﻧﻔﻮﻧﯩﻤﻨﻰ ﻗﻮﻟﯘﻣﻐﺎ ﺋﯧﻠﯩﭗ، ﺋﻪﻣﻪﺗﻨﯩﯔ ﺷﯘ ﻣﻪﻛﺘﻪﭘﺘﻪ ﺋﯩﺸﻠﻪﻳﺪﯨﻐﺎﻧﻠﯩﻘﻨﻰ ﺋﯧﺴﯩﻤﮕﻪ ﺋﺎﻟﺪﯨﻢ-ﺩﻩ، ﺋﯘﻧﯩﯖﻐﺎ ﺑﺎﺷﻠﯩﻖ ﺑﯩﻠﻪﻥ ﺑﺎﺭﯨﺪﯨﻐﺎﻧﻠﯩﻘﯩﻤﯩﺰﻧﻰ، ﻛﻪﭼﻠﯩﻚ ﺗﺎﻣﺎﻗﻨﻰ ﺋﻮﺭﯗﻧﻼﺷﺘﯘﺭﯗﭖ ﻗﻮﻳﯘﺷﻨﻰ ﺗﺎﭘﯩﻠﯩﺪﯨﻢ. ﺑﯩﺮﺳﺎﺋﻪﺕ ﻳﻮﻝ ﻳﯜﺭﮔﻪﻧﺪﯨﻦ ﻛﯧﻴﯩﻦ ﺑﯘ ﻣﻪﻛﺘﻪﭘﻜﻪ ﻳﯧﺘﯩﭗ ﻛﻪﻟﺪﯗﻕ، ﺋﺎﻟﺪﯨﻦ ﺧﻪﯞﻩﺭﺩﺍﺭ ﻗﯩﻠﯩﭗ ﻗﻮﻳﻐﺎﭼﻘﯩﻤﯘ، ﺋﯘﻻﺭ ﻛﯜﻧﺪﯛﺯﻯ ﺋﯚﺗﻜﯜﺯﯨﺪﯨﻐﺎﻥ ﭘﺎﺋﺎﻟﯩﻴﻪﺗﻨﻰ ﻛﻪﭼﻜﻪ ﺋﻮﺭﯗﻧﻼﺷﺘﯘﺭﻏﺎﻧﯩﺪﻯ. ﺑﯩﺰﻣﯘ ﺩﻩﻝ ﭘﺎﺋﺎﻟﯩﻴﻪﺕ ﺑﺎﺷﻠﯩﻨﯩﺸﻐﺎ ﺋﯘﻟﮕﯘﺭﯗﭖ ﻛﻪﭘﺘﯘﻕ، ﻣﻪﻛﺘﻪﭖ ﺭﻩﻫﺒﻪﺭﻟﯩﺮﻯ ﺋﺎﻟﺪﯨﻤﯩﺰﻏﺎ ﭼﯩﻘﯩﭗ ﻛﯜﺗﯩﯟﯦﻠﯩﺶ ﺑﯩﻠﻪﻥ ﺑﯩﺮﮔﻪ، ﺗﺎﻣﺎﻗﻨﯩﯔ ﺗﻪﻳﻴﺎﺭ ﺑﻮﻟﻐﺎﻧﻠﯩﻘﯩﻨﻰ ﺋﺎﻟﺪﻯ ﺑﯩﻠﻪﻥ ﺗﺎﻣﺎﻗﻠﯩﻨﯩﭗ، ﺋﺎﻧﺪﯨﻦ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺸﯩﻤﯩﺰﻧﻰ ﺋﯧﻴﯩﺘﺘﻰ. ﺑﺎﺷﻠﯩﻘﻤﯘ ﺧﯧﻠﻰ ﭼﺎﺭﭼﺎﭖ ﻗﺎﻟﻐﺎﻧﯩﺪﻯ، ﺑﯩﺮ ﻛﯜﻥ ﻳﻮﻝ ﻳﯜﺭﻣﻪﻙ ﺋﺎﺳﺎﻥ ﺋﻪﻣﻪﺳﺘﻪ. ﻟﯧﻜﯩﻦ ﺑﺎﺷﻠﯩﻖ: ___ ﺋﺎﻟﺪﻯ ﺑﯩﻠﻪﻥ ﻛﯩﭽﯩﻚ ﺩﻭﺳﺘﻼﺭﻧﯩﯔ ﺑﺎﻳﺮﯨﻤﯩﻨﻰ ﺗﻪﺑﺮﯨﻜﻠﻪﭖ ( ﺷﯘ ﺋﺎﺭﯨﺪﺍ ﻣﻪﻛﺘﻪﭖ ﻣﯘﺩﯨﺮﯨﻨﻰ ﭼﺎﻗﯩﺮﯨﭗ، ﺑﯩﺮ ﻧﯧﻤﯩﻠﻪﺭﻧﻰ ﺩﯦﺪﻯ ﺑﻮﻟﻐﺎﻱ، ﻣﻪﻛﺘﻪﭖ ﻣﯘﺩﯨﺮﻯ ﺋﻪﻣﻪﺕ ﻗﺎﺭﺍﭖ ﺑﯩﺮ ﻧﻪﭼﭽﻪ ﺋﯧﻐﯩﺰ ﮔﻪﭖ ﻗﯩﻠﺪﻯ، ﺋﻪﻣﻪﺕ ﺩﻩﺭﻫﺎﻝ ﻣﻪﻛﺘﻪﭖ ﺳﯩﺮﺗﯩﻐﺎ ﻗﺎﺭﺍﭖ ﻳﻮﻝ ﺋﺎﻟﺪﻯ) ﺑﻮﻟﯘﭖ، ﺋﺎﻧﺪﯨﻦ ﻏﯩﺰﺍﻻﻧﺴﺎﻗﻤﯘ ﺑﻮﻟﯩﺪﯗ- ﺩﯦﺪﻯ. ﻫﻪﻣﻤﯩﻤﯩﺰ ﺑﯩﺮﻟﯩﻜﺘﻪ ﺑﯧﺮﯨﭗ، ﺑﺎﻟﯩﻼﺭﻧﯩﯔ ﺳﻪﻧﺌﻪﺕ ﻧﻮﻣﯘﺭﻟﯩﺮﯨﻨﻰ ﻛﯚﺭﺩﯗﻕ، ﺑﯩﺮ ﺋﺎﺯ ﯞﺍﻗﯩﺖ ﺋﯚﺗﻜﻪﻧﺪﻩ، ﺋﺎﺭﯨﺪﯨﻜﻰ ﺑﻮﺵ ﯞﺍﻗﯩﺘﺘﺎ ﻣﻪﻛﺘﻪﭖ ﻣﯘﺩﯨﺮﻯ ﺳﻪﻫﻨﯩﮕﻪ ﭼﯩﻘﯩﭗ: ___ ﻧﺎﻫﯩﻴﯩﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﻨﯩﯔ ﺑﺎﺷﻠﯩﻘﻰ ﺳﻪﻳﺠﯘﺟﺎﯓ ﯞﺍﻗﯩﺖ ﭼﯩﻘﯩﺮﯨﭗ، ﻣﻪﻛﺘﯩﭙﯩﻤﯩﺰﻧﯩﯔ ﺧﯩﺰﻣﻪﺗﻠﯩﺮﯨﻨﻰ ﺗﻪﻛﺸﯜﺭﯛﺵ ﺑﯩﻠﻪﻥ ﺑﯩﺮﮔﻪ، ﺑﺎﻟﯩﻼﺭ ﺑﺎﻳﺮﯨﻤﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻮﻗﻮﺗﻘﯘﭼﻰ- ﺋﻮﻗﯘﻏﯘﭼﯩﻼﺭﺩﯨﻦ ﻫﺎﻝ ﺳﻮﺭﺍﭖ ﻛﻪﭘﺘﯘ، ﻗﯩﺰﻏﯩﻦ ﺋﺎﻟﻘﯩﺸﻼﺭ ﺑﯩﻠﻪﻥ ﺳﻪﻳﺠﯘﺟﺎﯕﻨﻰ ﺳﯚﺯﮔﻪ ﺗﻪﻛﻠﯩﭗ ﻗﯩﻠﯩﻤﯩﺰ- ﺩﯦﺪﻯ. ﺑﺎﺷﻠﯩﻖ ﺳﻪﻫﻨﯩﮕﻪ ﭼﯩﻘﯩﭗ: ___ ﺋﺎﻟﺪﻯ ﺑﯩﻠﻪﻥ ﺋﯘﻗﯘﻏﯘﭼﯩﻼﺭﻧﯩﯔ ﺑﺎﻳﺮﯨﻤﯩﻨﻰ ﻗﯩﺰﻏﯩﻦ ﺗﻪﺑﺮﯨﻜﻠﻪﻳﻤﻪﻥ، ﺳﯩﻠﻪﺭ ﻙـــﻩﻟﮕﯜﺳﯩﻨﯩﯔ ﺋﯩﮕﯩﺴﻰ، ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﻳﯘﺭﺗﯩﻤﯩﺰﻧﯩﯔ ﺗﻪﺭﻩﻗﻘﯩﻴﺎﺗﻰ ﺳﯩﻠﻪﺭﺩﻩ، ﺷﯘﯕﺎ ﺳﯩﻠﻪﺭ ﺗﯩﺮﯨﺸﯩﭗ ﺋﯚﮔﯩﻨﯩﭗ، ﺧﻪﻟﻘﻨﯩﯔ ﺳﯩﻠﻪﺭﺩﯨﻦ ﻛﯜﺗﻜﻪﻥ ﺋﯜﻣﯩﺪ ﺋﺎﻗﻠﯩﺸﯩﯖﻼﺭ ....... ﺳﯚﺯﯨﻨﻰ ﺗﯜﮔﯩﺘﯩﭗ، ﻳﻪﻧﻪ ﻫﯧﻠﯩﻘﻰ ﻧﺎﻣﻪﻟﯘﻡ ﺋﺎﺩﻩﻡ ﯞﻩ ﺋﯩﺪﺍﺭﻩ ﻧﺎﻣﯩﺪﯨﻦ 1000 ﻳﯜﻩﻥ ﻧﻪﻗﭙﯘﻝ، 180 ﻳﯜﺭﯛﺵ ﺋﻮﻗﯘﻏﯘﭼﯩﻼﺭ ﻛﯩﻴﯩﻤﻰ ﯞﻩ ﺋﻮﻗﯘﺗﯘﺵ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺋﯩﺌﺎﻧﻪ ﻗﯩﻠﺪﻯ. ﺑﺎﺷﻠﯩﻖ ﺳﻪﻫﻨﯩﺪﯨﻦ ﭼﯜﺷﯜﭖ ﻣﻪﻛﺘﻪﭖ ﻣﯘﺩﯨﺮﯨﻐﺎ، ﻣﻪﻥ ﺩﯦﮕﻪﻥ ﺋﯩﺸﻼﺭ ﭘﯜﺗﺘﯩﻤﯘ ﺩﯦﮕﻪﻥ ﻧﻪﺯﻩﺭﺩﻩ ﻗﺎﺭﯨﺪﻯ، ﺋﻪﻣﻪﺗﻤﯘ ﻛﯧﻠﯩﭗ ﺑﻮﻟﻐﺎﻧﯩﺪﻯ. ﻣﻪﻛﺘﻪﭖ ﻣﯘﺩﯨﺮﻯ ﭘﺎﺋﺎﻟﯩﻴﻪﺗﻨﯩﯔ ﻛﯧﻴﯩﻨﻜﻰ ﺋﯩﺸﻠﯩﺮﯨﻨﻰ ﺋﯩﻠﻤﯩﻲ ﻣﯘﺩﯨﺮ ﯞﻩ ﮔﯘﺭﯗﭘﭙﺎ ﺑﺎﺷﻠﯩﻘﻠﯩﺮﯨﻐﺎ ﺋﻮﺭﯗﻧﻼﺷﺘﯘﺭﯗﭖ، ﺋﻪﻣﻪﺗﻨﻰ ﺑﯩﺮﮔﻪ ﺋﯧﻠﯩﭗ ﺑﯩﺰ ﺑﯩﻠﻪﻥ ﻣﺎﯕﺪﻯ. ﻣﻪﻛﺘﻪﭖ ﺩﻩﺭﯞﺍﺯﯨﺴﻰ ﺋﺎﻟﺪﯨﺪﺍ ﺷﻮﭘﯘﺭ ﺑﯩﻠﻪﻥ ﭘﯧﺸﻘﻪﺩﻩﻡ ﺋﻮﻗﯘﺗﻘﯘﭼﯩﻤﯩﺰ ﺗﯩﻠﯩﯟﺍﻟﺪﻯ ﺳﻪﻣﻪﺕ ﺑﯩﺰﻧﻰ ﺳﺎﻗﻼﭖ ﺗﯘﺭﻏﺎﻧﯩﻜﻪﻥ، ﺑﯩﺰ ﺋﯘﻧﯩﯔ ﺑﯩﻠﻪﻥ ﺑﯩﺮ- ﺑﯩﺮﻟﻪﭖ ﻛﯚﺭﯛﺷﯜﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺑﺎﺷﻠﯩﻖ: ___ ﻫـــﻩ، ﺗﯩﻠﯩﯟﺍﻟﺪﻯ ﻣﯘﺋﻪﻟﻠﯩﻢ ﻗﺎﻧﺪﺍﻕ ﺋﻪﻫﯟﺍﻟﯩﯖﯩﺰ، ﺳﺎﻻﻣﻪﺗﻠﯩﻜﯩﺰ ﻗﺎﻧﺪﺍﻗﺮﺍﻕ، ﺋﺎﺭﺍﻡ ﺋﺎﻟﺴﺎ ﻳﺎﺧﺸﯩﻤﯩﻜﻪﻥ.......ﺩﻩﭖ ﭼﺎﻗﭽﺎﻕ ﺋﺎﺭﯨﻼﺵ ﺳﻪﻣﯩﻤﯩﻲ ﺳﯚﺯﻟﯩﺮﯨﻨﻰ ﺋﯧﻴﯩﺘﯩﭗ، ﺷﻮﭘﯘﺭﻏﺎ ﻛﯚﺯ ﺋﯩﺸﺎﺭﯨﺘﻰ ﻗﯩﻠﺪﻯ، ﺷﻮﭘﯘﺭ ﺩﻩﺭﻫﺎﻝ ﻣﺎﺷﯩﻨﯩﻨﯩﯔ ﻛﻪﻳﻨﻰ ﺋﯩﺸﯩﻜﯩﻨﻰ ﺋﯧﭽﯩﭗ، ﺑﯩﺮ ﻳﯧﺸﯩﻜﻨﻰ ﺋﺎﻟﺪﻯ. ﺑﯘﻧﻰ ﻛﯚﺭﯛﭖ ﻳﯜﺭﯨﻜﯩﻢ ﻗﺎﺭﺕ ﻗﯩﻠﯩﭗ ﻛﻪﺗﺘﻰ، ﭼﯘﻧﻜﻰ ﻣﻪﻥ ﺑﺎﺷﻠﯩﻘﻘﺎ ﺳﻮﯞﻏﺎﺕ ﻗﯩﻠﻐﺎﻥ ﻧﻪﺭﺳﯩﻠﻪﺭﻧﻰ ﺋﻪﻛﯩﺮﯨﭗ ﺑﻪﺭﮔﻪﻥ ﻳﯧﺸﯩﻚ ﺋﯩﺪﻯ.

     ﺋﯚﺯﻩﻣﻨﻰ ﺗﯘﺗﯩﯟﺍﻟﺪﯨﻢ، ﻟﯧﻜﯩﻦ ﻛﯚﯕﻠﯜﻣﺪﻩ ﺋﻪﻣﺪﻯ ﺗﺎﺯﺍ ﺑﯩﺮ ﻛﯜﻟﻜﯩﮕﻪ ﻗﺎﻟﯩﺪﯨﻐﺎﻥ ﺑﻮﻟﺪﯗﻡ ﺩﻩﭖ ﺋﻮﻳﻠﯩﺪﯨﻢ، ﺑﯘ ﭼﺎﻏﺪﺍ ﺑﺎﺷﻠﯩﻖ ﻣﺎﯕﺎ ﻗﺎﺭﺍﭖ ﻗﻮﻳﯘﭖ ﭼﺎﻧﺪﯗﺭﻣﺎﻱ: ___ ﻣﯘﺋﻪﻟﻠﯩﻢ ﺋﯘﺯﯗﻧﺪﯨﻦ ﺑﯩﺮﻯ ﻳﻮﻗﻼﭖ ﻛﯧﻠﻪﻟﻤﯩﺪﯨﻢ، ﺷﯘﯕﺎ ﺑﯘ ﻗﯧﺘﯩﻢ ﻣﻪﻥ ﺳﯩﺰﻧﻰ ﺋﺎﻻﻫﯩﺪﻩ ﻳﻮﻗﻼﭖ ﻛﯧﻠﯩﺸﯩﻢ، ﺋﻪﺗﯩﮕﻪﻧﺪﻩ- ﻛﻪﭼﺘﻪ ﺋﯩﺴﺘﯧﻤﺎﻝ ﻗﯩﻼﺭﺳﯩﺰ ﺩﻩﭖ ﺑﯘ ﺗﺎﻟﻘﺎﻧﻼﺭﻧﻰ ﺋﺎﻟﻐﺎﭺ ﻛﻪﻟﮕﻪﻥ- ﺩﻩﭖ ﺷﻮﭘﯘﺭﺩﯨﻦ ﻳﯧﺸﯩﻜﻨﻰ ﺋﯧﻠﯩﭗ ﻣﯘﺋﻪﻟﻠﯩﻤﮕﻪ ﺳﯜﻧﺪﻯ. ___ ﺭﻩﻫﻤﻪﺕ، ﺋﻪﻣﺪﻯ ﺑﯩﺰﻧﯩﯔ ﺋﯚﻳﮕﻪ ﻛﯩﺮﯨﭗ ﻏﯩﺰﺍﻻﻧﻐﺎﭺ ﺑﯩﺮﺩﻩﻡ ﻣﯘﯕﺪﯨﺸﯩﭗ، ﺑﯜﮔﯜﻥ ﻗﻮﻧﯘﭖ ﻗﯧﻠﯩﯖﻼﺭ، ﺋﻪﺗﻪ ﻣﺎﯕﺴﺎﯕﻼﺭﻣﯘ ﺑﻮﻻﺭ_ ﺩﯦﺪﻯ. ﺑﺎﺷﻠﯩﻖ ﭼﯩﺮﺍﻳﻠﯩﻖ ﮔﻪﭘﻠﻪﺭ ﺑﯩﻠﻪﻥ ﻫﯚﺯﯨﺮﻩ ﺋﯧﻴﺘﯩﭗ، ﻣﻪﻛﺘﻪﭖ ﻣﯘﺩﯨﺮﯨﻐﺎ: ___ ﺷﻮﺟﺎﯓ ، ﺑﺎﺷﻠﯩﺴﯩﻼ ﺑﯩﺰﻣﯘ ﺗﺎﻣﺎﻗﻨﻰ ﻳﯩﯟﯦﻠﯩﭗ ﻗﺎﻳﺘﻤﯩﺴﺎﻕ ﺑﻮﻟﻤﺎﻳﺪﯗ- ﺩﯦﺪﻯ.... ﻣﻪﻥ ﺷﯘﻧﺪﯨﻼ ﻫﯧﻠﯩﻘﻰ ﻧﺎﻣﻪﻟﯘﻡ ﻛﯩﺸﯩﻨﯩﯔ ﺋﯚﺯﻩﻡ ﺋﯩﻜﻪﻧﻠﯩﻜﯩﻤﻨﻰ ﭼﯜﺷﯩﻨﯩﭗ ﻳﻪﺗﺘﯩﻢ، ﺋﻪﻣﻤﺎ ﺑﯘ ﻗﯧﺘﯩﻤﻘﻰ ﺋﯚﮔﯩﻨﯩﺶ ﯞﻩ ﻛﯧﻴﯩﻨﻜﻰ ﺑﯘ ﻗﯩﺰﯨﻘﺎﺭﻟﯩﻖ ﻛﯚﺭﯛﻧﯜﺷﻠﻪﺭ ﻛﯚﺯ ﺋﺎﻟﺪﯨﻤﺪﯨﻦ ﻛﻪﺗﻤﻪﻱ، ﺑﯩﺮﺩﻩﻡ ﺑﯩﺮﺳﻰ ﻣﯧﻨﻰ ﻣﺎﺯﺍﻕ ﻗﯩﻠﯩﯟﺍﺗﻘﺎﻧﺪﻩﻙ ﺗﯘﻳﯘﻟﺴﺎ، ﺑﯩﺮﺩﻩﻡ ﺑﯩﺮﯨﺴﻰ «ﻛﯜﻟﻪﻟﻤﯩﮕﻪﻥ ﻧﯧﻤﻪﯕﮕﻪ ﻫﯧﺠﺎﻳﻤﺎ» ﺩﯦﮕﻪﻧﺪﻩﻙ ﺳﻮﺭﺍﻗﻼﺭ ﺋﺎﻟﺪﯨﺪﺍ ﺗﯧﯖﯩﺮﯨﻘﺎﭘﻼ ﻗﺎﻟﺪﯨﻢ، ﻫﻪﻡ ﺗﺎﻣﺎﻗﯩﻨﻰ ﻗﺎﻧﺪﺍﻕ ﻳﯩﮕﯩﻨﯩﻤﻨﻰ، ﻫﻪﻡ ﻣﺎﺷﯩﻨﯩﺪﺍ ﻗﺎﻧﺪﺍﻕ ﻗﺎﻳﺘﻘﯩﻨﯩﻤﻨﻰ ﺑﯩﻠﻤﻪﻳﻤﻪﻥ. ﺷﯘﻧﺪﺍﻗﺘﯩﻤﯘ ﻳﯩﻐﻼﺵ ﻳﺎﻛﻰ ﻛﯜﻟﯜﺵ ﻣﻪﯞﺟﯘﺕ ﺋﻪﻣﻪﺱ، ﺑﺎﺷﻠﯩﻘﻤﯘ ﺑﯘ ﭘﯘﻟﻼﺭ ﺋﺎﺭﻗﯩﻠﯩﻖ ﻣﻪﻥ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻼﻟﻤﺎﻳﺪﯨﻐﺎﻥ ﺋﯩﺸﻨﻰ ﻗﯩﻠﯩﭗ ﻣﺎﯕﺎ ﺋﯜﻟﮕﻪ ﺑﻮﻟﻐﺎﻧﯩﺪﻯ.