111. بىئولوگىيە مۇئەللىمى، كىچىك ئابدۇلغا ئادەم ئىسكىلىتىنى كۆرسىتىپ تۇرۇپ، بۇ نېمە دەپ سوراپتۇ.
كىچىك ئابدۇل: بۇ ئۆلگەن ئادەمنىڭ قىلتىرىقى دېگۈدەك.

112. مۇئەللىم ئابدۇلدىن ، داداڭ نېمە ئىش قىلىدۇ؟
ئابدۇل: ئاپام نېمە ئىش قىل دېسە شۇنى قىلىدۇ.

113.مۇئەللىم ئابدۇلدىن: ئۆينى نېمە ئۈچۈن پاكىز تۇتىمىز؟
ئابدۇل: ئاپامنىڭ مېھمانلىرى كەلگەچكە.

114.غۇلجىنىڭ قىش كۈنلىرىنىڭ بىرىدە ، كىچىك ئابدۇلدىن دادىسى مۇنداق سوراپتۇ:
بالام مەكتىپىڭ قانداقراق؟
ئابدۇل: ياخشى دادا، مەشنىڭ يېنىدا ئولتۇرىمەن.

115. تىل مۇئەللىمى "مۆجىزە" دېگەن سۆزنى چۈشەندۈرۈش ئۈچۈن مۇنداق مىسال ئاپتۇ:
بىرسى 10 قەۋەتلىك بىنادىن چۈشۈپ كېتىپ، ئۆلمىسە، بۇنى نېمە دەيمىز.؟
سەيدۇل: تەسادىپىيلىق.
مۇئەللىمنى مىسالنى تېخىمۇ چۈشىنىشلىك قىلىپ: بىر ئادەم 20 قەۋەتتىن چۈشۈپ كېتىپ ساق قالسا، بۇنى نېمە دەيمىز؟
پەيزۇل: تەلەي.
مۇئەللىمى بۇلار نېمانداق چۈشەنمەيدىغاندۇ دەپ ئويلاپ ، ئەگەر بىرسى 30 قەۋەتتىن چۈشۈپ كېتىپ ھېچنېمە بولمىسا، بۇنى نېمە دەيمىز؟
ئابدۇل: ئادەتلىنىپ قېلىش دەيمىز.

116. ئابدۇل دادىسىدىن سوراپتۇ: دادا مۇئەلىملار ئايلىق ئالامدۇ؟
دادىسى: ئالىدۇ
ئابدۇل: بۇ ھەقسىزلىق.
دادىسى: نېمىشكە ئەمدى؟
ئابدۇل: بىز جاپا تارتىپ ئوقۇساق ، پۇلنى ئۇلار ئالامدا!!.

117. ئابدۇل: دادا! سەن نەدە تۇغۇلغان؟
دادىسى: چاپچالدا.
ئاپامچۇ: ئاپامچۇ؟
دادىسى: غۇلجىدا
ئابدۇل: مەنچۇ؟
دادىسى موخۇركىسىنى بىر تارتىۋېتىپ،..جاۋاب بىرەي دەپ تۇرۇشىغا
ئابدۇل: ئەلۋەتتە مەن ئىلى دەريا كۆۋرۈكىدە تۇغۇلىمەن-دە--دېگۈدەك.

118.مۇئەللىم ئابدۇلدىن سوراپتۇ:
6 يەردە 6 تە قانچە بولىدۇ.؟
ئابدۇل: 39
مۇئەللىم: ئولتۇر نۆل ئالدىڭ.
يېنىدا ئولتۇرغان دوستى، نېمىگە بىلىپ تۇرۇپ 39 دەيسەن؟
ئابدۇل: ئاداش، مۇئەللىمگە بىر چاقچاق قىلىپ قوياي دېگەن...

119. مۇئەللىم ئابدۇلدىن: ئەڭ ياراملىق ئۆي ھايۋانلىرى قايسى؟
ئابدۇل: توخۇ.
مۇئەلىم: نېمە ئۈچۈن؟
ئابدۇل: تۇغۇلماستىن بۇرۇنمۇ يېگىلى بولىدۇ، تۇغۇلغاندىن كېيىنمۇ يېگىلى بولىدۇ.

120. خىمىيە دەرسىدە مۇئەللىم ئىككى تۆمۈر پۇلنى قولىغا ئېلىپ، تەركىبى ناھايىتى قويۇق بولغان كىسلاتاغا ئاتماقچى بولۇپ، ئابدۇلدىن --ئېرەمدۇ- ئېرىمەمدۇ؟ دەپ سوراپتۇ.
ئابدۇل: ئېرىمەيدۇ.
مۇئەلىم: نېمە ئۈچۈن؟
ئابدۇل: ئەگەر ئېرىيدىغان بولسا ، ساراڭمۇ سىز ئۇنى كىسلاتاغا ئېتىپ-دېگۈدەك.