ھېكمەتلەر 
ئېھتىياجلىرى ئۈچۈن پەس كەلمىگەن ئىنسان بۈيۈكدۇر. 
   
 فىرەۋسىي ھېكمەتلىرىدىن     
 
نادانلىقتىن يامانلىق كېلىدۇ پەقەت ،   
نادانغا يانداشما ، باسمىسۇن غەفلەت .

٭ ٭ ٭

شانۇ - شەۋكەت يۈكسەك مەقسەد تامان  ئىنتىلگەننىڭ مۈلكىدۇر.

٭ ٭ ٭

دانالار سۆزىگە قۇلاق سالمىساڭ ،
ئەڭ نادان سەندۇرسەن ، بىلگىن بىلمىسەڭ.

٭ ٭ ٭

پەندۇ - نەسىھەتدىن كىم ئۆرىدى يۈز ،
زەھمەتى مىڭ بولۇر ، پۇشايمانى يۈز .

٭ ٭ ٭

تەجرىبىلىك ئىت يولۋاس تۇتۇپ يەر ،
قاچار تۈلكىدىن جەڭ كۆرمىگەن شەر.
٭ ٭ ٭
 
كىمكىتىغ كۆتۈرەر بىراۋ جانىغا ،
زامان تەشنا بولار ئانىڭ قانىغا.

٭ ٭ ٭

بىراۋغا سېغىنسا ھەركىم يامانلىق ،
نىھايەت ئۇ ئۆزى تاپماس ئەمىنلىك.

٭ ٭ ٭

توغرىلىقدىن كەلمىشتۇر ھەممە ئىزگۈ ئات ،
ئەگرىلىكتىن پايدا كۆرمىدى ھېچقانداق بىر زات.

٭ ٭ ٭

قايدا روشەن بولسا توغرىلىق نۇرى،
ئەگرىلىك سۇنىدۇ ، قۇرۇيدۇ شورى.

٭ ٭ ٭

سۆزلىمە سۆزلىرىڭ ئىچىڭدە نىھان،
ھەر تامان يېيىلار ئېيتقىنىڭ زامان.

٭ ٭ ٭

ئۆزىنىڭ ئەيبىنى بىلگەندە ئادەم،
بوشقىلار ئەيبىنى سۆزلىمەستى ھەم.

٭ ٭ ٭

ئۆزگىگە قىلغان ياخشىلىقىڭدىن دوستۇڭغا ھەم، دۈشمىنىڭگە ھەم ماختانما.